Tag: پی اے ٹی کے سربراہ

لاہور:انسداد دہشت گردی نے عدم پیشی پر عوامی تحریک کے سربراہ ڈاکٹر طاہر القادری سمیت چار افراد کےلیے اخبار اشتہار جاری کرنے کا حکم دے دیا۔

عدالت میں کیس کی سماعت شروع ہوئی تو ڈاکٹر طاہر القادری ، خرم نواز گنڈا پور ،حسین محی الدین اور رحیق عباسی عدالتی نوٹسز کے باوجود پیش نہ ہوئے جس پر عدالت نے حکم دیا کہ چاروں افراد کے لیے اخبار میں اشتہار جاری کیا جائے ۔

 چاروں افراد کے خلاف اشتعال انگیز تقاریر کے ذریعے عوام کو ریاست کےخلاف اکسانے کے الزام میں مقدمہ انسداد دہشت گردی عدالت میں زیر سماعت ہے ۔

 عدالت نے اخبار اشتہار کا حکم دیتے ہوئے کیس کی مزید سماعت چھ فروری تک ملتوی کر دی ۔

لاہور: ڈاکٹر طاہر القادری نے کہا ہے کہ قوم کو دہشتگردی کےخلاف یکجا کرنے کے مرحلہ پر بجلی، گیس ، پٹرول کے بحران میں الجھا دیا گیا، قوم انقلاب کیلئے نکلتی تو آج پٹرول کیلئے لائنوں میں نہ لگتی۔

میڈیا کو جاری بیان میں پاکستان عوامی تحریک کے سربراہ علامہ ڈاکٹر طاہر القادری کا کہنا تھا کہ پٹرول کی قلت کے باعث طالبعلم سکول نہیں جا سکتے،ایمبولینسزتک رک گئی ہیں۔

انہوں نے کہا کہ  بدانتظامی اور نااہلی کا اعتراف کرنے والے اپنی سزا بھی تجویز کریں صرف سیکرٹری پٹرولیم کو قربانی کا بکرا بنایا گیا جبکہ اس بحران کے پیچھے بڑے مگر مچھ ہیں۔

انہوں نے کہا کہ پٹرول کے حالیہ بحران کے ذمہ دار وزیراعظم، وزیرخزانہ اور وزیرپٹرولیم ہیں۔

ڈاکٹر طاہر القادری نے کہا کہ جس مرحلہ پر قوم کو دہشتگردی کے خلاف یکجا کرنے کی ضرورت تھی عین اس موقع پر قوم کو بجلی، گیس ، پٹرول کے بحران میں الجھا دیا گیا۔

 طاہرالقادری کا کہنا تھا کہ پاکستان کو ایشیاءکا ٹائیگر بنانے کا دعوی کرنے والوں نے اسے پتھر کے زمانے کی طرف دھکیل دیا۔

لاہور: پاکستان عوامی تحریک کے قائد ڈاکٹر طاہر القادری نے دہشت گردی کے حوالے سے پارلیمانی کمیٹی کے قائم کر نے کے فیصلے پر شدید تنقید کی۔

پاکستان عوامی تحریک کے قائد ڈاکٹر طاہرالقادری نے سانحہ پشاور پر وزیراعظم میاں محمد نواز شریف کی جا نب سے کمیٹی بنا نے کے اعلان پر تنقید کر تے ہو ئے کہا کہ دہشت گردی کی آگ میں جلنے والی قوم کو کمیٹی کے سپرد کرنا شرمناک حرکت ہے۔

، ان کا یہ بھی کہنا تھا کہ دہشت گردی خلاف پالیسی بنانا تو دور کی بات یہ ڈرپوک قیادت تو دو ٹوک انداز میں دہشت گردوں کی مذمت بھی نہ کر سکی انہوں نے کہا کہ پارلیمانی پارٹیوں کے اجلاس کی قرارداد سے ثابت ہو گیا کہ حکومت کے پاس دہشت گردی کے خاتمے کا کوئی پلان مو جود نہیں انہوں نے مطا لبہ کیا کہ آپریشن ضرب عضب میں تاخیر کا سبب بننے والے وزیراعظم اور ماضی میں مذاکرات کی حامی جماعتیں قوم سے معافی مانگیں۔

بھکر: ڈاکٹر طاہرالقادری کی طبیعت ناساز ہوگئی، ماہر امراض قلب نے ان کا معائنہ اور ای سی جی بھی کیا۔

پاکستان عوامی تحریک کے سربراہ طاہرالقادری کے لئے دورہ بکھر اچھا ثابت نہ ہوا، ڈاکٹر طاہرلقادری نے بھکر میں شہدا کے گھروں پر لواحقین سے ملاقات کی، واپسی پر طاہر القادری کی گاڑی پنکچر ہو گئی، پھر ان کی طبیعت مزید بگڑ گئی، ڈاکٹرز نے طاہر القادری کا تفصیلی معائنہ کیا اور ای سی جی بھی ہوا۔

اس سے پہلے ڈاکٹر طاہرالقادری سے چلا بھی نہ جا رہا تھا، وہ کارکنان کا ہاتھ تھامے گاڑی تک پہنچے اور مشکل سے گاڑی میں بیٹھے، بجھے بجھے طاہر لقادری کہتے ہیں کہ انیس سو بیاسی سے دل کی تکلیف میں مبتلا ہوں۔

ڈاکٹر طاہرالقاری کاکہنا تھا کہ امریکا میں ڈاکٹرز نے وطن واپس آنے سے منع کیا تھااگر پاکستان نہ آتا تو ،لوگ دل کی تکلیف کو، نہ آنے کا بہانہ قرار دیتے، بھکر میں جامعہ مسجد نورسلطان القادری کے افتتاح کے موقع پر ڈاکٹر طاہرالقادری بہت بیمار دکھائی دیئے، ڈاکٹر طاہرالقادری کی طبیعت ناساز ہونے کے سبب ان کے صاحبزادے ڈاکٹر حسن شیڈول کے بقیہ پروگرامز میں شرکت کریں گے۔