Tag: پی اے ٹی

  • ڈاکٹر طاہرالقادری کی امریکی ہسپتال میں انجیو گرافی کی رپورٹ آگئی

    ڈاکٹر طاہرالقادری کی امریکی ہسپتال میں انجیو گرافی کی رپورٹ آگئی

    ہاسٹن: ڈاکٹر طاہر القادری کی امریکی ہسپتال میں انجیو گرافی مکمل کر لی گئی، ڈاکٹر طاہر القادری کے دو والوز جزوی طور پر بند پائے گئے۔

    ڈاکٹر طاہر القادری کے ذاتی معالج ایم ایم منصور نے اے آر وائی نیوز سے گفتگو کرتے ہوئے بتایا کہ ہیوسٹن امریکہ میں معروف کارڈیالوجسٹ ڈاکٹر نیل سکک نے طاہرالقادری کی انجیو گرافی مکمل کی جس میں دو والوز جزوی طور پر بند پائے گئے ہیں ۔

    ڈاکٹر منصور کے مطابق ڈاکٹر طاہرالقادری کو مکمل آرام کا مشورہ دیا گیا ہے اور فی الحال دوائیاں دی جارہی ہیں تاہم ابھی مزید ٹیسٹ کیے جائیں گے، ایم ایم منصور کا کہنا ہے کہ ڈاکٹر طاہرالقادری جلد صحت یاب ہو کر پاکستان آئیں گے اور انقلاب کی قیادت کریں گے، انھوں نے اے آر وائی نیوز کے ذریعے تمام قوم سے ڈاکٹر طاہر القادری کے لیے دعائے صحت کی اپیل بھی کی ۔

  • طاہرالقادری کی انجیوگرافی ہوسٹن کے اسپتال میں مکمل

    طاہرالقادری کی انجیوگرافی ہوسٹن کے اسپتال میں مکمل

    ہوسٹن: پاکستان عوامی تحریک کے سربراہ علامہ ڈاکٹر طاہرالقادری کی انجیوگرافی امریکی شہر ہوسٹن کے اسپتال میں مکمل کر لی گئی ہے۔

    ترجمان عوامی تحریک کے مطابق ڈاکٹر طاہر القادری کا اجیکشن فریکشن کا مسئلہ بدستور جاری ہے۔ انہیں انیس سو بیاسی میں بھی یہ مرض لاحق ہواتھا اور انہیں صحتیابی میں دو سال کا عرصہ لگا تھا۔

    ترجمان کا کہنا تھا کہ ڈاکٹرطاہر القادری کا مزید علاج جاری رہے گا۔ اس سلسلے میں ڈاکٹرز کا نیا پینل بھی تشکیل دے دیا گیا ہے۔ ڈاکٹرز نے معمول کی مصروفیات شروع کرنیکی اجازت نہیں دی ہے۔

    ترجمان عوامی تحریک کا مزید کہنا تھا کہ ڈاکٹر طاہر القادری کو مکمل آرام کا مشورہ دیا گیا ہے جبکہ ان کی ادویات میں تبدیلی کی جائے گی۔

  • آخری سانس تک غریب کی جنگ لڑوں گے، علامہ طاہرالقادری

    آخری سانس تک غریب کی جنگ لڑوں گے، علامہ طاہرالقادری

    بھکر: علامہ طاہر القادری کا کہنا ہےخرابی صحت کےباوجود عوام کا ساتھ نہیں چھوڑوں گا۔زندگی کی آخری سانس تک غریب کی جنگ لڑتارہوں گا۔

    بھکر میں میڈیا سے بات کرتے ہوئے انہوں نے کہا ان کی حالت ایسی ہو گئی ہے جیسے موت کو چھو کر آئے ہوں ۔ ڈاکٹر طاہر القادری نے کہا مزار قائد کے 25 دسمبر تک پروگراموں کا ناغہ نہیں کرنا چاہتا ، مارچ اپریل میں سرائیکی وسیب کو کور کروں گا ۔ ڈاکٹر طاہر القادری نے کہا ڈاکٹروں نے دل کی مرض کی تشخیض کر دی تھی لیکن علاج نہیں کرایا ۔ علاج کراتا تو 4 ماہ انتظار کرنا پڑتا۔ طاہر القادری نے کہا پی ٹی آئی نے 30نومبر کے جلسے کی دعوت دی ہے ، شرکت کا حتمی فیصلہ مشاورت سے کریں گے۔

  • ڈاکٹر طاہرالقادری کی بھکر میں طبیعت ناساز ہوگئی

    ڈاکٹر طاہرالقادری کی بھکر میں طبیعت ناساز ہوگئی

    بھکر: ڈاکٹر طاہرالقادری کی طبیعت ناساز ہوگئی، ماہر امراض قلب نے ان کا معائنہ اور ای سی جی بھی کیا۔

    پاکستان عوامی تحریک کے سربراہ طاہرالقادری کے لئے دورہ بکھر اچھا ثابت نہ ہوا، ڈاکٹر طاہرلقادری نے بھکر میں شہدا کے گھروں پر لواحقین سے ملاقات کی، واپسی پر طاہر القادری کی گاڑی پنکچر ہو گئی، پھر ان کی طبیعت مزید بگڑ گئی، ڈاکٹرز نے طاہر القادری کا تفصیلی معائنہ کیا اور ای سی جی بھی ہوا۔

    اس سے پہلے ڈاکٹر طاہرالقادری سے چلا بھی نہ جا رہا تھا، وہ کارکنان کا ہاتھ تھامے گاڑی تک پہنچے اور مشکل سے گاڑی میں بیٹھے، بجھے بجھے طاہر لقادری کہتے ہیں کہ انیس سو بیاسی سے دل کی تکلیف میں مبتلا ہوں۔

    ڈاکٹر طاہرالقاری کاکہنا تھا کہ امریکا میں ڈاکٹرز نے وطن واپس آنے سے منع کیا تھااگر پاکستان نہ آتا تو ،لوگ دل کی تکلیف کو، نہ آنے کا بہانہ قرار دیتے، بھکر میں جامعہ مسجد نورسلطان القادری کے افتتاح کے موقع پر ڈاکٹر طاہرالقادری بہت بیمار دکھائی دیئے، ڈاکٹر طاہرالقادری کی طبیعت ناساز ہونے کے سبب ان کے صاحبزادے ڈاکٹر حسن شیڈول کے بقیہ پروگرامز میں شرکت کریں گے۔

  • اسلام آباد: 30نومبرکاجلسہ،حکومت نےریڈزون میں مزید کینٹینرز منگوالیے

    اسلام آباد: 30نومبرکاجلسہ،حکومت نےریڈزون میں مزید کینٹینرز منگوالیے

    اسلام آباد: حکومت نے تیس نومبر کو اسلام آباد میں تحریک انصاف کے جلسے کے اعلان کے بعد ریڈ زون میں مزید کینٹینرز منگوا لیے۔

    عمران خان کی جانب سے تیس نومبر کو اسلام آباد میں ہر حال میں جلسہ کرنے کے اعلان کے بعد حکومت نے ریڈ زون کو مکمل طور پر سیل کرنے کا فیصلہ کر لیا۔ اس سلسلے میں سرینہ چوک سے نادرا آفس کیجانب جانے والے راستوں کو بند کرنے کے لیے مزید کینٹینرز منگوا لیے گئے۔ اس کے علاوہ ریڈ زون میں پولیس کی بھاری نفری بھی تعینات کی جا رہی ہے۔

  • وعدہ پورے کرنے آیا ہوں ورنہ دل کی تکلیف کے باعث چل بھی نہیں سکتا، طاہرالقادری

    وعدہ پورے کرنے آیا ہوں ورنہ دل کی تکلیف کے باعث چل بھی نہیں سکتا، طاہرالقادری

    بھکر: ڈاکٹر طاہرالقادری کہتے ہیں کہ دل کی تکلیف کے باعث چلا بھی نہیں جا رہا بھکر صرف وعدہ پورا کرنے کیلئے شہدا کے گھر آیا ہوں۔

    تفصیلات کے مطابق پاکستان عوامی تحریک کے سربراہ ڈاکٹر طاہرالقادری کی طبیعت ناساز ہوگئی ہے۔ اپنے جوش خطابت سے ہزاروں کے مجمے میں جان ڈالنے والے ڈاکٹر طاہرالقادری دل کی تکلیف میں مبتلا ہو گئے ہیں۔ بھکر میں جامعِ مسجد نورسلطان القادری کے افتتاح کے موقع پر ڈاکٹر طاہرالقادری بہت بیمار دکھائی دے رہے تھے۔

    اس موقع پر ڈاکٹر طاہرالقادری نے میڈیا سے گفتگو کرتے ہوئے کہا کہ مجھے دل کی تکلیف ہے جس کے باعث چل بھی نہیں پا رہا ہوں۔انھوں نے بتایا کہ انھیں دل کی تکلیف انیس سو بیاسی سے ہے اور ڈاکٹرز نے دل کے عارضے کی ادویات تبدیل کی ہیں۔ انھوں نے مزید کہا کہ صحت زیادہ اچھی نہیں ہے، اللہ کرم کرے گا۔
    بھکر میں ڈاکٹر طاہرالقادری کے ساتھ موجود اُن کے ڈاکٹر زبیر اے خان نے اے آروائی نیوز سے خصوصی بات کرتےہوئے کہا کہ ڈاکٹر طاہرالقادری کی طبیعت ناساز ہے اور وہ دل کی تکلیف میں مبتلا ہوگئے ہیں۔ طاہر القادری کا کہنا تھا کہ انھیں آرام کی سخت ضرورت ہے۔

    بعد ازاں عوامی تحریک کےسربراہ علامہ طاہرالقادری نے آج بھکر میں مصروف ترین دن گزارا ہے انھوں نے سینےمیں شدید تکلیف کےباوجود جامعہ مسجد نورسلطان القادری کاافتتاح کیا اور وعدے کے مطابق شہداء کےلواحقین سے تعزیت کےلئے ان کے گھر پہنچےاور ان کی دلجوئی کی۔ طاہر القادری چار جوڑوں کی اجتماعی شادی میں شریک ہوئے جبکہ علاقہ معززین کی جانب سےان کی اعزاز میں دیئے گئے ظہرانے میں بھی شرکت کی۔

  • طاہر القادری کی پاکستان آمد، کارکنوں کا والہانہ استقبال

    طاہر القادری کی پاکستان آمد، کارکنوں کا والہانہ استقبال

    لاہور: پاکستان عوامی تحریک کے رہنما ڈاکٹر طاہر القادری وطن واپس پہنطے تو کاکنوں نے ان کا والہانہ استقبال کیا، اس موقع پر لاہور ائیر پورٹ پر سیکیورٹی کے سخت ترین انتظامات کئے گئے تھے۔ طاہر القادری لاہور ائیر پورٹ سے قافلے کی شکل میں داتا دربار کی جانب سے روانہ ہو گئے ہیں۔

    اٹھائیس اکتوبر کو کینیڈا اور مختلف ممالک کے دورے کے بعد ڈاکٹر طاہر القادری آج وطن واپس پہنچ گئے ہیں۔ ناقدین کی جانب سے عوامی تحریک کے رہنما  پر پاکستان آمد کے حوالے سے دی جانے والی آرا کو انھوں نے غلط ثابت کردیا ہے جبکہ طاہر القادری کی پاکستان آمد کے سلسلے میں بھی مختلف اداروں نے سیکیورٹی خدشات کا اظہار کیا تھا تاہم وہ ان سب کے باوجود پاکستان پہنچ گئئے ہیں۔

    طاہر القادری جب لاہور ائیر پورٹ پر اُترے تو عوامی تحریک کے راہنماوں نے ان کا پر تپاک استقبال کیا جبکہ طاہر القادری کی پاکستان آمد پر عوامی تحریک کے کارکنوں کی خوشی دیدنی تھی۔ طاہر القاردری جب ائیر پورٹ سے باہر آئے تو کارکنوں نے ان کا شاندار استقبال کیا اور ان کے حق میں نعرے بھی لگائے، نعروں کے جواب میں عوامی تحریک کے رہنما نے ہاتھ ہلا کر جواب دیا۔ طاہر القادری کے استقبال کیلئے کارکنوں کی بڑی تعداد ائیر پورٹ پر موجود تھی جس میں بڑی تعداد میں عورتیں اوربچے بھی شامل تھے۔

    ترجمان پی اے ٹی کے مطابق ڈاکٹر طاہر لقادری کو لاہور ایئر پورٹ سے جلوس کی شکل میں رنگ روڈ، ہربنس پورہ، مغل پورہ، صدر گول چکر، دھرم پورہ، مال روڈ، ناصر باغ سے ہوتے ہوئے داتا دربار لایا جائیگا پھر وہ داتا دربار سے منہاج القرآن سیکریٹریٹ ماڈل ٹاؤن پہنچیں گے۔ڈاکٹر طاہر لقادری کی آمد پر منہاج القرآن اور پی اے ٹی کے کارکنان ایئر پورٹ، درتا دربار اور ماڈل ٹاؤن پہنچنا شروع ہوگئے ہیں۔

    ڈاکٹرطاہرالقادری نے پاکستان پہنچنےکےبعداےآروائی نیوزسےخصوصی گفتگومیں کہا کہ وہ حکومت کی بنائی گئی جے آئی ٹی کو مسترد کرتے ہیں۔ انھوں نے کہا کہ جے آئی ٹی محض قاتلوں کو تحفظ دینےکےلئے بنائی گئی۔ انھوں نے کہا کہ شہیدوں کےخون کا قانون کےمطابق بدلہ لیاجائیگا۔ علامہ طاہرالقادری نے مزید کہا کہ جس جےآئی ٹی میں پنجاب پولیس کاافسرشامل ہووہ قبول نہیں کریں گے۔ سانحہ ماڈل ٹاؤن پر ٹریبونل رپورٹ کو چھپایا جانا ظاہر کرتا ہے کہ دال میں کچھ کالا ہے۔ ڈاکٹر طاہر القادری کا کہنا تھا کہ جس رپورٹ میں ورثا اور گواہان کو ہی شامل نہ کیاجائے اس کی اہمیت کیا ہوگی؟ طاہر القادری نے حکومت کو مخاطب کر کے کہاکہ وہ ان سے خوف زدہ نہ ہوں۔

    بعد ازاں عوامی تحریک کے سربراہ طاہر القادری اپنے کارکنوں کے ساتھ جلوس کی شکل میں داتا دربار کیلئے روانہ ہو گئے۔ طاہر القادری کی آمد پر پنجاب حکومت کی جانب سے سخت سیکیورٹی انتظامات کئے گئے ہیں۔

  • نئے صوبوں کے قیام کے لیےاعلان ایبٹ آباد معاہدہ طے پا گیا

    نئے صوبوں کے قیام کے لیےاعلان ایبٹ آباد معاہدہ طے پا گیا

    ایبٹ آباد: ملک میں نئے صوبوں کی تشکیل کے سلسلے میں ایم کیو ایم اور تحریک صوبہ ہزارہ سمیت دیگر جماعتوں کے درمیان اعلان ایبٹ آباد معائدہ طے پا گیا۔

    اعلان ایبٹ آباد معائدے کے تحت کمیٹی ممبران دیگر سیاسی جماعتوں اور اکابرین سے ملاقاتیں کریں گے ،ملک میں نئے انتظامی یونٹس لسانی نہیں بلکہ انتظامی بنیادوں پر بنیں گے ،مختلف سیاسی جماعتوں پر مشتمل بین الصوبائی رابطہ کمیٹی قائم کر دی گئی ،کمیٹی میں ایم کیو ایم کے رشید گوڈیل،بیرسٹر سیف ،تحریک صوبہ ہزارہ کے سلطان العارفین ،پی اے ٹی کے نصیر خان جدون ،بہاولپورسرائیکی صوبہ کے عبدالرزاق عباسی ایڈوکیٹ اور جے یو آئی ف سے محمد مصطفیٰ شامل ،بابا حیدرزمان کمیٹی چیئرمین ہوں گے۔

  • پاکستان عوامی تحریک کے اثاثوں کی تفصیلات الیکشن کمیشن کو پیش

    پاکستان عوامی تحریک کے اثاثوں کی تفصیلات الیکشن کمیشن کو پیش

    اسلام آباد: پاکستان عوامی تحریک کی جانب سے پارٹی کے اثاثوں کی تفصیلات الیکشن کمیشن آف پاکستان میں جمع کروادی ہے۔ انتخابی نشان کے حصول کیلئے بھی درخواست دیدی گئی ہے۔

    تفصیلات کے مطابق پاکستان عوامی تحریک کی جانب سے آج پارٹی اثاثوں کی تفصیلات الیکشن کمیشن میں جمع کرادی گئیں ہے۔ جمع کروائی گئی تفصیلا ت کے مطابق عوامی تحریک کے کل اثاثوں کی مالیت چودہ لاکھ روپے بتائی گئی ہے۔ عوامی تحریک کے اثاثوں میں دولاکھ سے زائد کا دفتری فرنیچر موجود ہے جبکہ دفتر کے دیگر سامان کی مالیت ایک لاکھ سے زیادہ بتائی گئی ہے۔

    عوامی تحریک کی جانب سے الیکشن کمیشن میں جمع کروائی گی تفصیلا ت کے مطابق پارٹی کے استعمال میں ہو نے والی گاڑیوں کی مالیت آٹھ لاکھ ہے۔ پاکستان عوامی تحریک کے بینک اکاونٹ میں سینتیس ہزار سے کچھ زائد کی رقم موجود ہے۔

    پاکستان عوامی تحریک نے الیکشن کمیشن میں ایک اور درخواست بھی جمع کر وائی ہے جس میں انتخابات میں حصہ لینے کے لئے عوامی تحریک کو انتخابی نشان الاٹ کرنے کی درخواست کی گئی ہے تاہم بعد ازاں الیکشن کمیشن کی جانب سے یہ درخواست مسترد کر دی گئی۔

    الیکشن کمیشن کا کہنا ہے کہ پی اے ٹی کی جانب سے مطلوب شدہ نشانات ٹریکٹر، چاند ستارہ اور ہاکی پہلے ہی دیگر جماعتوں کو الاٹ کئے جاچکے ہیں تاہم کمیشن کی جانب سےعوامی تحریک کو انتخا بی نشان الماری الاٹ کرنے کی پیش کش کردگئی۔ ترجمان الیکشن کمیشن کا کہنا ہےکہ عوامی تحریک ماضی میں بھی الماری کے انتخابی نشان سےالیکشن لڑتی رہی ہے۔
    ۔

  • موجودہ حالات پر فوری طو ر پراے پی سی طلب کی جائے، رحمان ملک

    موجودہ حالات پر فوری طو ر پراے پی سی طلب کی جائے، رحمان ملک

    اسلام آباد: رحمان ملک نے کہا ہے کہ وہ ضرورت پڑنے پر ایم کیو ایم پی پی مذاکرات میں کردار اداکریں گے،تصادم کےبعد وسط مدتی انتخابات ہوتے ہیں یا نہیں کچھ نہیں کہا جا سکتا۔

    اے آر وائی سے خصوصی گفتگو میں رحمان ملک کا کہنا تھا کہ سیاسی جرگے کا اجلاس کل ہوگا، تحریک انصاف کچھ دھرنے ایل او سی پر بھی جاکر دے، رحمان ملک کا کہنا تھا کہ اسلام آباد میں چھائے ہوئے بادل ابھی نہیں ٹلے،حالات جمہوریت کیلئے ٹھیک نہیں ہیں، حکومت اور عمران خان نے اپنے مسئلے کا حل نہ نکالا تو پھر تصادم ہوگا، جس کے بعد مڈٹرم ہوتے ہیں یا نہیں کچھ نہیں کہا جاسکتا۔

    انہوں نے کہا کہ موجودہ حالات پر فوری طو ر پر اے پی سی طلب کی جائے، خارجہ پالیسی پر نظرِثانی اورمسئلہ کشمیر پر سیاست نہ کی جائے، رحمان ملک کا کہنا تھا کہ فی الحال پیپلزپارٹی سندھ کی قیادت مذاکرات کرے۔