Tag: پی سی بی

پاکستان کرکٹ بورڈ نے قومی ٹیم کے کوچ کے انتخاب کے لئے چار رکنی کوچ سلیکشن کمیٹی کا اعلان کر دیا ہے۔

ڈیو واٹمور کے دو سال کا عرصہ پورا ہونے کے بعد قومی کرکٹ ٹیم کے لئے نیا کوچ لانے کی تیاریاں کی جارہی ہے, جس کے لئے پی سی بی نے سابق کرکٹر پر مشتمل چار رکنی کمیٹی بنادی ہے۔

کوچ سلیکشن کمیٹی میں جاوید میانداد، انتخاب عالم، وسیم اکرم اور پی سی بی کے چیف آپریٹنگ آفیسر سبحان احمد شامل ہیں۔

پی سی بی کی جانب سے قومی کرکٹ ٹیم کی کوچنگ کے امیدواروں کو درخواستیں جمع کرانے کے لئے چھ فروری تک کا وقت دیا گیا ہے، جس کے بعد کوچ سلیکشن کمیٹی قومی ٹیم کے کوچ کا انتخاب کرے گی۔

پاکستان کرکٹ بورڈ نے قطر انٹرنیشنل ویمنزکرکٹ چیمپئین شپ کے لئے چودہ رکنی قومی خواتین کرکٹ ٹیم کا اعلان کردیا ہے۔ پاکستان، جنوبی افریقہ اور آئرلینڈ پر مشتممل چیمپئین شپ آٹھ سے پچیس جنوری پر دوہا میں ہو گی۔

ثنا میر کو قومی ٹیم کا کپتان اور بسما معروف کو نائب کپتان برقرار رکھا گیا ہے۔ دیگر کھلاڑیوں میں سیدہ نین فاطمہ عابدی، ندا راشد، جویریہ ودود، ناہیدہ بی بی، سدرہ امین، سیدہ بطول فاطمہ نقوی، اسماویہ اقبال، کانیتا جلیل، سمعیہ صدیقی، سعدیہ یوسف، مرینہ اقبال اور ثانیہ اقبال شامل ہیں۔

عائشہ عشرمینیجر، مہتشم رشید کوچ، ابرار احمد ٹرینر، نمرہ ڈوالفقار فزیو اور ساجد یاسین ہاشمی ویڈیو اینالسٹ ہوں گے۔

اسلام آبا د ہائی کورٹ نےچیئر مین پی سی بی کی تقرری کے لئے انٹرا کورٹ اپیل پر فیصلہ محفوظ کرلیا، وفاقی عدالت عالیہ میں مقدے کی سماعت جسٹس نو رالحق قریشی اور جسٹس ریا ض احمد خان پر مشتمل دو رکنی بینچ نے کی، پی سی بی کی وکیل عاصمہ جہانگیر کا کہنا تھا کہ ٹرانسپورٹ کی مد میں سا لا نہ چھ ملین خرچ کرنےکاالزا م ہے،پی سی بی اپنے آئین کے تحت فیصلے کر نے میں آزاد ہے،تمام فیصلوں کی منظوری بو رڈ آف گورنر دیتا ہے، عدالت نے فریقین کے دلائل سننے کے بعد فیصلہ محفو ظ کرلیا۔