Tag: پی ٹٰی آئی

اسلام آباد: حکومت کی جانب سے آن ارائیول ویزے کے اعلان کے باوجود غیر ملکی شہری کو اسلام آباد ایئر پورٹ سے ڈی پورٹ کر دیا گیا۔

تفصیلات کے مطابق اسلام آباد ایئر پورٹ سے ملائیشین شہری کو ایف آئی اے نے ڈی پورٹ کر دیا، حکومت کی جانب سے آن ارائیول ویزے کا اعلان بھی کیا جا چکا ہے۔

چن چینگ پرواز ای وائی 233 پر ابوظبی سے اسلام آباد پہنچا تھا، امیگریشن کاؤنٹر پر ملائیشین شہری اور ایف آئی اے حکام میں بحث و تکرار ہوئی۔

چن چینگ کا کہنا تھا کہ حکومتی ویب سائٹ پر ویزا آن ارائیول ملائیشین شہریوں کو دینے کا اعلان کیا گیا ہے، اسی وجہ سے ویزا حاصل نہیں کیا۔ تاہم ایف آئی اے نے ملائیشین شہری کو پرواز ای وائی 234 سے واپس روانہ کر دیا۔

یہ بھی پڑھیں:  پاکستان آنے کے خواہش مند سیاحوں نے آن لائن ویزا کا استعمال شروع کردیا

دوسری طرف ایف آئی اے حکام کا کہنا ہے کہ آن ارائیول ویزے کے لیے اسپانسر یا چیمبرز آف کامرس سے منظوری لازمی ہے۔

خیال رہے کہ پاکستان آنے کے خواہش مند سیاحوں نے آن لائن ویزے کا استعمال شروع کر دیا ہے، 2249 سیاحوں نے ویزے کے لیے درخواستیں دے دی ہیں، درخواست گزاروں میں جرمنی، اٹلی، نیوزی لینڈ، فن لینڈ کے سیاح شامل ہیں۔

اس سلسلے میں 175 ممالک سے درخواستیں نادرا کو موصول ہو چکی ہیں۔

اسلام آباد: وزیر دفاع پرویز خٹک نے کہا ہے کہ ملک اس وقت مشکل حالات سے گزر رہا ہے، لیکن امید ہے ملک اندھیرے کی طرف نہیں روشنی کی طرف جا رہا ہے۔

ان خیالات کا اظہار انھوں نے اسلام آباد میں ایک تقریب سے خطاب کرتے ہوئے کیا، پرویز خٹک نے کہا کہ ہمیں اپنی افواج پر فخر ہے، ملک اس وقت مشکل حالات سے گزر رہا ہے۔

وزیر دفاع کا کہنا تھا کہ حکومت مستقبل میں حالات بہتر کرنے کے لیے مشکل فیصلے کرتی ہے، موجودہ وقت مشکل ہے، 2 سال بعد مثبت نتائج سامنے آئیں گے۔

پرویز خٹک نے کہا کہ وہ وزارت چھوڑ کر پی ٹی آئی میں ملک کی بہتری کے لیے شامل ہوئے تھے۔

یہ بھی پڑھیں:  بجٹ 2020 -2019: تحریک انصاف نے 70 کھرب 22 ارب کا بجٹ پیش کردیا

خیال رہے کہ پاکستان تحریک انصاف نے دو روز قبل اپنا پہلا سالانہ بجٹ پیش کر دیا ہے، جس کا کُل تخمینہ 7022 ارب روپے ہے جو پچھلے سال سے 30 فی صد زیادہ ہے۔

بجٹ کے مطابق وفاقی محصولات مجموعی طور پر 6717 ارب روپے ہوں گے جو پچھلے سال سے 19 فی صد زیادہ ہیں، ایف بی آر نے اس سال ٹیکس وصولی کا ہدف 5550 ارب روپے رکھا ہے، بجٹ خسارہ 3560 بلین روپے ہوگا، مجموعی مالیاتی خسارہ تقریباً 3137 بلین روپے ہوگا۔

بجٹ میں وفاقی وزراؤں کی تنخواؤں میں 10 فیصد کمی کا فیصلہ کیا گیا ہے جبکہ گریڈ 21 اور 22 کے سرکاری افسران کی  تنخواہوں میں اضافہ نہیں کیا جائے گا۔ چارلاکھ سالانہ آمدن والوں کو انکم ٹیکس دینا ہوگا۔

اسلام آباد: آئندہ بجٹ میں سیلز ٹیکس کی مد میں سخت فیصلے کیے جانے کا امکان ہے، ذرایع کا کہنا ہے کہ مختلف اشیا پر 70 ارب کی چھوٹ ختم اور 40 ارب کے نئے ٹیکس لگائے جانے کی تجویز دی گئی ہے۔

تفصیلات کے مطابق آئندہ سال کے بجٹ میں ٹیکس چھوٹ ختم کرنے اور نئے ٹیکس لگائے جانے کی تیاریاں ہو رہی ہیں، چینی، خوردنی تیل، ٹریکٹر، اور اسٹیل مصنوعات پر سیلز ٹیکس بڑھانے کی تجویز دی گئی ہے۔

جنرل سیلز ٹیکس 17 سے بڑھا کر 18 فی صد کیے جانے کا امکان ہے، ذرایع کا کہنا ہے کہ ایک فی صد جی ایس ٹی سے 40 ارب روپے کی اضافی آمدن متوقع ہے۔

ذرایع نے بتایا کہ چینی پر سیلز ٹیکس 7 سے بڑھا کر 18 فی صد، خوردنی تیل پر سیلز ٹیکس 5 سے بڑھا کر 18 فی صد، ٹریکٹر پر سیلز ٹیکس 5 سے بڑھا کر 18 فی صد کیا جائے گا۔

یہ بھی پڑھیں:  مشیر خزانہ کے خلاف اسلام آباد ہائی کورٹ میں دائر درخواست خارج

اسٹیل مصنوعات پر 5600 روپے ڈیوٹی بڑھانے کی تجویز ہے، بجٹ کے لیے ٹیکس تجاویز جب کہ تنخواہ دار طبقے کے لیے ٹیکس چھوٹ میں کمی کی تجویز ہے۔

ٹیکس استثنیٰ کی حد 6 لاکھ تک کیے جانے کا امکان ہے، جب کہ نئے بجٹ میں کاٹن کی درآمد پر دوبارہ ڈیوٹیز لگانے کی تجویز بھی دی گئی ہے، کپاس کی درآمد پر 3 فی صد کسٹمز ڈیوٹی جب کہ 2 فی صد ایڈیشنل ڈیوٹی لگائے جانے کا امکان ہے۔

ایف بی آر کا کہنا ہے کہ موجودہ مالی سال درآمدی کپاس پر ڈیوٹی صفرکی گئی تھی۔

اسلام آباد: وزیر خارجہ شاہ محمود قریشی نے کہا ہے کہ بھٹو کا روٹی، کپڑا اور مکان کا نعرہ بھٹو کے ساتھ ہی دفن ہو گیا ہے، سابقہ حکومتوں نے محنت کشوں کو نظر انداز کیا۔

ان خیالات کا اظہار وزیر خارجہ شاہ محمود قریشی نے یوم مئی کے موقع پر پیغام میں کیا، انھوں نے کہا کہ وہ آج کے دن محنت کشوں کو خراج تحسین پیش کرتے ہیں۔

وزیر خارجہ نے کہا کہ سابقہ حکومتوں نے محنت کشوں کو نظر انداز کیا، بھٹو کا روٹی، کپڑا اور مکان کا نعرہ بھٹو کے ساتھ ہی دفن ہو گیا۔

شاہ محمود قریشی کا کہنا تھا کہ پی ٹی آئی حکومت محنت کشوں اور مزدوروں کی جدوجہد کو تسلیم کرتی ہے، محنت کش طبقہ تبدیلی لانے میں ہر اوّل سپاہی کا کردار ادا کرتے ہیں۔

یہ بھی پڑھیں:  ہیں تلخ بہت بندہ مزدور کے اوقات، دنیا بھرمیں آج مزدوروں کا عالمی دن منایا جا رہا ہے

وزیر خارجہ نے مزید کہا کہ دنیا بھر کا مزدور آج اپنی روزی کے حصول کے لیے محنت کر رہا ہے، تحریک انصاف کی حکومت محنت کشوں کو ان کا حق دے گی۔

خیال رہے کہ آج پاکستان سمیت دنیا بھر میں مزدوروں کے حقوق کا عالمی دن منایا جا رہا ہے، یہ دن شکاگو میں مزدوروں کی جانب سے کیے جانے والے احتجاج پر امریکی حکومت کی جانب سے تشدد کے نتیجے میں جاں بحق اور زخمی ہونے والے مزدوروں کی یاد میں منایا جاتا ہے۔

وزیر اعظم نے بھی اپنے پیغام میں کہا کہ موجودہ حکومت مزدور کی عظمت پر یقین رکھتی ہے، یہ طبقہ ملکی ترقی میں ہمارا شراکت دار ہے، آج حکومت پاکستان نے’’مزدور کا احساس‘‘ پروگرام شروع کر دیا ہے جو غربت میں کمی میں اہم سنگ میل ثابت ہوگا۔

تونسہ شریف: وزیرِ اعلیٰ پنجاب سردار عثمان بزدار نے تونسہ شریف کا دورہ کیا جس میں انھوں نے 8 نئے ترقیاتی منصوبوں کا سنگِ بنیاد رکھا۔

تفصیلات کے مطابق وزیر اعلیٰ پنجاب عثمان بزدار نے تونسہ شریف میں آٹھ نئے ترقیاتی منصوبوں کا سنگ بنیاد رکھ دیا، ان ترقیاتی منصوبوں کی کُل لاگت 1 ارب 64 کروڑ 82 لاکھ روپے سے زائد ہے۔

ترقیاتی منصوبوں میں 135 ملین روپے کی لاگت سے سٹی تونسہ شریف پولیس اسٹیشن کی تعمیر بھی شامل ہے۔

وزیر اعلیٰ عثمان بزدار نے 106 ملین روپے کے تحصیل کمپلیکس کی تعمیر اور 200 ملین روپے سے بننے والی 8.4 کلو میٹر طویل سڑک کی تعمیر کا سنگ بنیاد بھی رکھا۔

نئے ترقیاتی منصوبوں میں این 55 منگروتھا چوک تونسہ سے بستی بزدار 14.5 کلو میٹر طویل سڑک کا منصوبہ بھی شامل ہے۔

قبل ازیں، عثمان بزدار نے ڈیرہ غازی خان میں انسٹی ٹیوٹ آف کارڈیالوجی اسپتال کے قیام کا اعلان کیا جو 200 بستروں پر مشتمل ہوگا، آئندہ سال میڈیکل کالجوں میں 100 نشستیں بھی بڑھائی جائیں گی۔

ڈیرہ غازی خان کے اسپتال کے لیے 4 ارب روپے مختص کیے گئے ہیں، ڈی جی خان میں آئی ٹی ٹاور بھی بنانے کا منصوبہ ہے، راجن پور، لیہ میں بھی 200 بستروں پر مشتمل مدر اینڈ چائلڈ کیئر اسپتال بنایا جائے گا۔

کراچی : وفاقی وزیر بحری امور علی حیدر زیدی نے پی ٹی آئی کے بدلنے کے اعتراضات کو مسترد کرتے ہوئے کہا ہے کہ ہم نہیں بدلے، دیگر پارٹیوں سے لوگ بدل کر پی ٹی آئی میں آئے۔

تفصیلات کے مطابق علی زیدی نے اے آر وائی نیوز کے پروگرام پاور پلے میں گفتگو کرتے ہوئے کہا کہ انھوں نے 2000 میں پاکستان تحریک انصاف میں شمولیت اختیار کی، جب کہ پارٹی میں شمولیت سے پہلے ہی عمران خان کو اسٹیٹس کو کے خلاف بات کرتے دیکھا۔

علی زیدی کا کہنا تھا کہ عمران خان کی نظام تبدیلی کی باتیں سن کر ایسا لگتا تھا کہ یہ بس خواب ہے، آج وہ اسی کی کوشش کر ر ہے ہیں، ہم 4 سال نہیں مزید 9 سال تک کہیں نہیں جا رہے۔

یہ بھی پڑھیں:  میاں صاحب کی بیماری کے ڈرامے کا کلائمکس آن پہنچا: فردوس عاشق اعوان

مختلف ارکان کی پارٹی چھوڑ کر پی ٹی آئی میں شمولیت کے حوالے سے انھوں نے کہا کہ نواز شریف خود تحریک استقلال سے مسلم لیگ میں آئے، جب کہ حاکم زرداری بھٹو کو گالیاں نکالتے تھے، نثار کھوڑو نے بھٹو کی پھانسی پر لاڑکانہ میں مٹھائیاں بانٹی تھیں۔

پی ٹی آئی رہنما نے کہا کہ پارٹی میں کوئی اگر ہمارے منشور میں آتا ہے تو کوئی پابندی نہیں، ہم نہیں بدلے، دیگر پارٹیوں سے لوگ بدل کر پی ٹی آئی میں آئے، بہتر ہے پی پی نظریات کی بات ہی نہ کرے۔