پاکستان تحریک انصاف نے 5 ارکان قومی اسمبلی کو پارٹی سے برطرف کردیا ہے، 26ویں آئینی ترمیم کا ساتھ دینے پر ان کیخلاف ایکشن لیا گیا۔
تفصیلات کے مطابق پی ٹی آئی نے 26ویں آئینی ترمیم کےحق میں ووٹ ڈالنے والے ارکان کیخلاف کارروائی کرتے ہوئے انھیں پارٹی سے نکال دیا، چیئرمین پی ٹی آئی بیرسٹر گوہر نے بتایا کہ قومی اسمبلی کے 5 ارکان کو پارٹی سے برطرف کردیا گیا ہے۔
پی ٹی آئی نے جاری نوٹیفکیشن میں بتایا کہ اورنگزیب کھچی، مبارک زیب خان عثمان علی، ظہور قریشی اور الیاس چوہدری کو بھی پارٹی سے نکال دیا گیا ہے۔
پاکستان تحریک انصاف کے چیئرمین بیرسٹر گوہر کا مزید کہنا تھا کہ پانچوں ارکان اب قومی اسمبلی سے بھی نااہل ہوگئے ہیں۔
کچھ روز قبل پاکستان تحریک انصاف کے چیئرمین بیرسٹر گوہر کا یہ بھی کہنا تھا کہ 26 نومبر سے قبل بانی کی رہائی سے متعلق پیش رفت کے قریب تھے۔
بیرسٹر گوہر نے راولپنڈی میں میڈیا سے گفتگو میں دعویٰ کیا تھا کہ 26 نومبر سے قبل بانی پی ٹی آئی کی رہائی سے متعلق پیش رفت کےقریب تھے۔ ابتدائی مذاکرات میں پیش رفت ہو جاتی تو بڑا بریک تھرو ہوتا۔
تاہم افسوس معاملات آگے نہ چل سکے لیکن بات چیت کا دروازہ کھلا رکھنا چاہیے، اگر بانی پی ٹی آئی سے ملاقات ہو گئی تو ان سے حکومت کی مذاکراتی پیشکش پر بات کروں گا۔
https://urdu.arynews.tv/imran-khan-patron-in-chief-pti-barrister-gohar/
