Tag: پی ٹی آئی احتجاج

کراچی: 24 نومبر کو پی ٹی آئی کے احتجاج کے پیش نظر وفاق نے ایک بار پھر سندھ حکومت سے مدد طلب کرلی ہے۔

اے آر وائی نیوز کے مطابق وفاقی حکومت نے سندھ پولیس کی نفری فوری اسلام آباد طلب کی ہے جس کے بعد آئی جی سندھ نے جوانوں کو فوری اسلام آباد روانہ ہونے کا حکم دے دیا ہے۔

سندھ کے ٹریننگ سینٹرز سے 1350 سے زائد جوان کچھ دیر میں اسلام آباد روانہ ہوں گے۔

ہر ٹیم کے ہمراہ اینٹی رائٹس کٹس، ایک ہزار لانگ، ایک ہزار شارٹ شیل لانے کی ہدایت کی گئی ہے جبکہ عبدالحق عمرانی اسلام آباد کنٹرول روم کے کانٹیکٹ افسر ہوں گے۔

ڈی آئی جی آر آر ایف کو ایک دستہ سٹی اسٹیشن پر سیکیورٹی کے لیے بھیجنے کا حکم دیا گیا ہے، ڈی آئی جی ایسٹ اور ساؤتھ زون دستوں کو فول پروف سیکیورٹی فراہم کریں گے۔

ایس ایس پی حیدرآباد اور خیرپور کو دستوں کی فول پروف سیکیورٹی کی ہدایت کی گئی ہے جبکہ کراچی کے تمام زونل ڈی آئی جیز کو دستوں کی سیکیورٹی اور انتظامات بہتر رکھنے کا کہا گیا ہے۔

اے آئی جی آپریشن اسلام آباد کو تمام جوانوں کی لسٹ فراہم کی جائے گی، وہ براہ راست اے آئی جی پی آپریشن اسلام آباد سے رابطہ رکھیں گے، تمام نفری کو اصل دستاویزات اور اضافی یونیفارم ساتھ رکھنے کی ہدایت کی گئی ہے۔

اسلام آباد : ن لیگی رہنما لیفٹیننٹ جنرل(ر) عبد القیوم کا کہنا ہے کہ پی ٹی آئی احتجاج نہیں بلکہ نظام سے بغاوت کرنے جارہی ہے۔

تفصیلات کے مطابق ن لیگی رہنما لیفٹیننٹ جنرل(ر)عبدالقیوم نے اے آر وائی نیوز کے پروگرام باخبر سویرا میں بانی پی ٹی آئی کی جانب سے احتجاج کی کال پر گفتگو کرتے ہوئے کہا کہ دنیا بھر میں جہاں بھی جمہوریت ہے وہاں احتجاج ہوتے ہیں، سیاسی بلوغت کا تقاضا ہے ایسا اقدام نہ کیا جائے، جس سے قومی سلامتی پرحرف آئے۔

ن لیگی رہنما کا کہنا تھا کہ مرنے مارنے کی بات احتجاج نہیں بلکہ بغاوت ہے، پُرامن جگہ پردھرنا کسی جگہ دینا ہے تو دیں مگرمعیشت کو نقصان نہ پہنچائیں۔

عبدالقیوم نے کہا کہ گوانتاناموبے میں بے گناہ لوگوں کو رکھنے والے ہمیں انسانی حقوق کا بتائیں گے؟ پی ٹی آئی احتجاج نہیں بلکہ نظام سے بغاوت کرنے جارہی ہے۔

ان کا کہنا تھا کہ سب کچھ توڑتے ہوئے اسلام آباد آنے کی بات کا مطلب حملہ کرنا چاہتے ہیں، پی ٹی آئی کے دوست سمجھداری کا مظاہرہ کریں اور بیٹھ کر بات کریں۔

ن لیگی رہنما نے مزید کہا کہ پی ٹی آئی ن لیگ حکومت سے بیٹھ کر بات کرے، یقین ہے مسائل حل کیے جاسکتے ہیں۔

اسلام آباد : جمیعت علما اسلام ف کے سربراہ مولانا فضل الرحمان نے پی ٹی آئی سے احتجاج موخر کرنے کی اپیل کردی۔

تفصیلات کے مطابق پاکستان تحریک انصاف (پی ٹی آئی ) رہنما اسد قیصر نے اپنے پیغام میں کہا ہے کہ مولانا فضل الرحمان سے ٹیلی فونک رابطہ ہوا، مولانا نے ایس سی او کانفرنس کے تناظر میں احتجاج مؤخر کرنے کی اپیل کی۔

رہنما پی ٹی آئی کا کہنا تھا کہ مولانا نے بانی کو طبی سہولتوں کی فراہمی اور ذاتی معالج تک رسائی کا مطالبہ کیا۔

انھوں نے مزید بتایا کہ مولانا سے آئینی مسودے پر بھی تفصیلی گفتگو ہوئی، جے یو آئی مسودے کے اکثر نکات پر دونوں جماعتوں میں ہم آہنگی ہے، مسودے پر مزید غور و فکر کیلئے 17 اکتوبر کو دونوں جماعتوں کا اجلاس ہوگا، جس میں اپوزیشن جماعتوں کے مسودے کو حتمی شکل دی جائے گی۔

اسد قیصر کا کہنا تھا کہ میں نے مولانا کو ان کی تجاویز پارٹی کے سامنے پیش کرنے کا یقین دلایا، مشاورت کے بعد مولانافضل الرحمان کو پارٹی فیصلے سے آگاہ کیا جائے گا۔

فیصل آباد: پی ٹی آئی احتجاج کے دوران حکومت، پولیس افسران کےخلاف ویڈیو بناکر وائرل کرنے والے اہلکار کو برطرف کردیا گیا ہے۔

تفصیلات کے مطابق پولیس کا کہنا ہے کہ کانسٹيبل عمران کو انکوائری کے بعد ملازمت سے برخاست کردیا گیا ہے، مذکورہ اہلکار کے برطرفی کے احکامات ایس ایس پی آپریشنز عبدالوہاب نے جاری کیے ہیں۔

پولیس نے مزید بتایا کہ اہلکار نے پی ٹی آئی احتجاج کے دوران ویڈیو بناکر وائرل کی تھی، ویڈیو میں حکومت اور افسران کےخلاف ناروا الفاظ استعمال کیے گئےتھے۔

پاکستان تحریک انصاف کی اسلام آباد میں آج احتجاج کی کال کے پیش نظر نہ صرف اسلام آباد کو سیل کیا گیا تھا بلکہ موٹروے اور جی ٹی روڈ بھی بند کردیا گیا تھا تاکہ پنجاب کے شہروں سے لوگ نہ آسکیں جس کی بنا پر کارکنان نے اپنے شہروں میں بھی احتجاج کیا تھا۔

پی ٹی آئی کے مظاہرین کو روکنے کے لیے دارالحکومت میں دفعہ 144 کے نفاذ کے ساتھ اسلام آباد اور راولپنڈی کو ملانے والے راستوں پر کنٹینررکھ دیے گئے تھے جبکہ موٹر وے کو بھی کئی پوائنٹس سے سیل کیا گیا تھا۔

اس سے قبل وفاقی وزیر داخلہ محسن نقوی نے انکشاف کیا تھا کہ پاکستان تحریک انصاف کے مظاہرین میں سے خیبر پختونخوا پولیس کے 11 اہلکار کے ساتھ 120 افغان شہری بھی گرفتار کیے گئے تھے۔

راولپنڈی : راولپنڈی پولیس نے پی ٹی آئی احتجاج کےدوران جی ایچ کیو گیٹ پرہنگامہ آرائی کی تحقیقات کے لئے خصوصی ٹیم تشکیل دے دی۔

تفصیلات کے مطابق پی ٹی آئی احتجاج کےدوران جی ایچ کیو گیٹ پرہنگامہ آرائی کے معاملے پر راولپنڈی پولیس نے خصوصی انویسٹی گیشن ٹیم تشکیل دےدی۔

پولیس نے بتایا کہ انویسٹی گیشن ٹیم کی سربراہی ایس ایس پی انویسٹی گیشن زنیرہ اظفر کریں گے جبکہ ٹیم میں ایس ڈی پی او کینٹ،ایس ڈی پی او سٹی اور 3 ایس ایچ او شامل ہیں۔

حکام کا کہنا تھا کہ انویسٹی گیشن ٹیم مقدمات کی روشنی میں تفتیش آگے بڑھائے گی اور رپورٹ پیش کرے گی۔

جی ایچ کیوگیٹ پرمظاہرین کی ہنگامہ آرائی کامقدمہ تھانہ آراےبازارمیں درج کیا گیا ہے، مقدمےمیں سابق صوبائی وزیرراجہ بشارت سمیت 15 افراد کو نامزد کیا گیا ہے۔