اسلام آباد : آئی جی اسلام آباد علی ناصر رضوی کا پی ٹی آئی ارکان اسمبلی کی گرفتاریوں کے حوالے سے اہم بیان آگیا۔
تفصیلات کے مطابق اسلام آبادہائیکورٹ میں سماعت کے بعد آئی جی علی ناصررضوی نے گفتگو کرتے ہوئے کہا کہ پولیس اپناکام احسن طریقےسےکررہی ہے ، ہماراکام شہریوں کےجان ومال کی حفاظت ہے،آئی جی اسلام آبادعلی ناصررضوی
علی ناصر رضوی کا کہنا تھا کہ اسلام آبادشہرمحفوظ اورسیف سٹی ہے، فیضان عثمان کیس پرکوئی بات نہیں کروں گامعاملہ زیرسماعت ہے، کوئی بھی شخص جوکسی جرم میں ملوث ہوتاہےگرفتارکیاجاتا ہے۔
پی ٹی آئی ارکان کی گرفتاری کے حوالے سے انھوں نے کہا کہ گزشتہ روزایف آئی آرزمیں درج دفعات کےتحت گرفتاریاں کی گئی، تمام گرفتارافرادکوعدالت میں پیش کردیاگیاہے، عدالت نےکل ایک ملزم کا8روزکاجسمانی ریمانڈ بھی دے دیا ہے۔
آئی جی کا مزید کہنا تھا کہ گرفتاریوں سےمتعلق قومی اسمبلی کےتمام رولزاورپروسیجرزکوفالوکیاگیا،ا گرفتاریوں کیلئےقومی اسمبلی رولزکو فالوکیاگیا، ایف آئی آرز میں درج دفعات کےتحت گرفتاریاں کی گئیں۔
