اسلام آباد : اکبر ایس بابر نے پی ٹی آئی انٹرا پارٹی انتخابات دوبارہ الیکشن کمیشن میں چیلنج کردیئے اور استدعا کی پی ٹی آئی انٹراپارٹی انتخابات کالعدم قرار دیئے جائیں۔
تفصیلات کے مطابق پی ٹی آئی انٹرا پارٹی انتخابات دوبارہ الیکشن کمیشن میں چیلنج کردیئے گئے، اکبر ایس بابر نے الیکشن کمیشن میں پٹیشن دائر کر دی، جس میں استدعا کی کہ پی ٹی آئی انٹراپارٹی انتخابات کالعدم قرار دیئےجائیں۔
اس موقع پر اکبرایس بابر نے میڈیا سے گفتگو کرتے ہوئے کہا کہ افسوس ہے تحریک انصاف نے جو تازہ الیکشن کرایااسکےخلاف درخواست دینےآئےہیں، ہمیں امید تھی کہ یہ پارٹی اپنے ورکروں کو انکا حق دے گی۔
ان کا کہنا تھا کہ جو پارٹی الیکشن میں دھاندلی کا رونا روتی ہے وہ اپنے ورکرز کا منڈیٹ تسلیم کرتی ہے، مجھے کہا جاتا ہے آپ نے کیوں پارٹی الیکشن میں نہیں حصہ لیا ، مجھے اس انٹرا پارٹی الیکشن سے دور رکھا گیا ہے 2فروری کو پی ٹی آئی والوں نے پریس ریلیزجاری کی کہ اکبر ایس بابر پارٹی چھوڑ چکا ہے۔
