ARYNews.tv | Urdu – Har Lamha Bakhabar

Tag: پی ٹی آئی لانگ مارچ

  • پی ٹی آئی لانگ مارچ : کراچی اور حیدرآباد میں لاک ڈاؤن کرنے کا امکان

    پی ٹی آئی لانگ مارچ : کراچی اور حیدرآباد میں لاک ڈاؤن کرنے کا امکان

    کراچی : پاکستان تحریک انصاف کا کراچی اور حیدرآباد میں لاک ڈاؤن کرنے کا امکان ہے، مکمل پہیہ جام ہڑتال پر غور کیا جارہا ہے۔

    تفصیلات کے مطابق لانگ مارچ کے لئے پاکستان تحریک انصاف کراچی کی حکمت عملی پر مشاورت جاری ہے۔

    ذرائع کا کہنا ہے کہ پی ٹی آئی کا کراچی اور حیدرآباد میں لاک ڈاؤن کرنے کا امکان ہے کیونکہ کہ رہنماؤں کی اکثریت کراچی اور حیدرآباد میں لاک ڈاؤن کے حق میں ہے۔

    ذرائع نے بتایا کہ پی ٹی آئی قیادت مشاورت میں کراچی اور حیدرآبادمیں مکمل پہیہ جام ہڑتال پربھی غور کررہی ہے۔

    ذرائع کا کہنا ہے کہ کراچی میں کارکنوں کو کہاں جمع ہونا ہوگا، مختلف مقامات سمیت لانگ مارچ میں کراچی سے کارکنوں کی شرکت کی حکمت عملی پربھی غور ہورہا ہے۔

    واضح رہے کہ عمران خان نے گزشتہ روز لاہور میں نیوز کانفرنس میں جمعے سے لانگ مارچ شروع کرنے کا اعلان کیا تھا۔

    ان کا کہنا تھا کہ لانگ مارچ کا آغاز لبرٹی چوک لاہور سے ہوگا، صبح 11 بجے ہم جمع ہونگے اور لانگ مارچ کی قیادت میں خود کرونگ

  • پی ٹی آئی لانگ مارچ :شہباز حکومت کی اسلام آباد کو کینٹینر لگا کر ‘نوگو ایریا’ بنانے کی تیاری

    پی ٹی آئی لانگ مارچ :شہباز حکومت کی اسلام آباد کو کینٹینر لگا کر ‘نوگو ایریا’ بنانے کی تیاری

    اسلام آباد : عمران خان کے لانگ مارچ کے اعلان سے پہلے حکومتی صفوں میں کھلبلی مچ گئی اور شہباز حکومت کی اسلام آباد کو کنٹینر سٹی بنانے کی تیاری کرلی۔

    تفصیلات کے مطابق پی ٹی آئی لانگ مارچ کےاعلان سے پہلے ہی حکومت نے اسلام آباد کو کینٹینڑ لگا کر نوگو ایریا بنانے کی تیاری کرلی۔

    پی ڈی ایم اور اتحادیوں کے اجلاس میں وزیرداخلہ کی جانب سے اسلام آباد کو کنٹینر سٹی بنانے کی یقین دہانی کے بعد اسلام آباد کے داخلی راستوں پر کنٹینرز کے کنٹینرز کھڑے کردیے گئے۔

    خیبرپختونخوا ، ہزارہ اور مری روڈ سے آنے والے راستوں کو بند کیا جانے لگا، فیض آباد پر کنٹینروں کے پہاڑ کھڑے کردیئے گئے ہیں اور خندقیں بھی کھودی جانے لگیں۔

    وزیرداخلہ رانا ثنا کی ہدایت پر رینجرزبھی الرٹ ہوگئی ہے جبکہ اسلام آباد پولیس اور ایف سی نے مشقیں شروع کردیں۔3

    اضافی آنسو گیس کےشیل کے ساتھ ساتھ پہلی بار آنسو گیس پھینکنے والےڈرونزبھی منگوالیے گئے ہیں۔

    وزارت داخلہ نے دھرنےکےدوران جڑواں شہروں کی موبائل سروس بند رکھنے کا فیصلہ کیا ہے جبکہ اسلام آباد میں داخلےکیلئےشہریوں کے شناختی دستاویزات چیک ہوں گے۔

  • اتحادیوں جماعتوں کے رہنماؤں کا حکومت کو پی ٹی آئی لانگ مارچ پر تحمل کا مشورہ

    اتحادیوں جماعتوں کے رہنماؤں کا حکومت کو پی ٹی آئی لانگ مارچ پر تحمل کا مشورہ

    اسلام آباد : اتحادی جماعتوں کے رہنماوں کی اکثریت نے حکومت کو تحریک انصاف کے ممکنہ لانگ مارچ پر تحمل کا مشورہ دے دیا۔

    تفصیلات کے مطابق وزیراعظم شہباز شریف کی زیرصدارت اتحادی جماعتوں کے اجلاس کی اندرونی کہانی سامنے آگئی۔

    ذرائع کا کہنا ہے کہ اتحادیوں کی اکثریت نے رائے دی ہے کہ حکومت کو لانگ مارچ کے حوالے سے تحمل سے کام لینا چاہیے اور طاقت کا استعمال آخری آپشن ہونا چاہیے۔

    اتحادیوں جماعتوں کے رہنماؤں کی اکثریت نے پی ٹی آئی لانگ مارچ پر تحمل کا مشورہ دیا اور کہا ریڈ زون سے باہر تک احتجاج پر امن رہے تو کارروائی نہیں کرنی چاہیے۔

    حکومتی اتحادیوں کا کہنا تھا کہ اگر تحریک انصاف کا احتجاج پر امن رہے اور ریڈ زون سے باہر ہی ہو تو کسی قسم کی کاروائی کی ضرورت نہیں اور اگر معاملات خراب ہوں تو پھر ایکشن ہونا چاہیے۔

    اجلاس کےشرکاء نے یہ تجویز بھی دی کہ حکومت کی جانب سے پی ٹی آئی سے مذاکرات کیے جائیں اور احتجاج کےلیے اسلام اباد ہی میں کوئی مخصوص جگہ کا تعین کیا جائے۔

    گذشتہ روز وزیراعظم شہباز شریف کی زیرصدارت پی ڈی ایم اور اتحادی جماعتوں کا مشاورتی اجلاس ہوا تھا ، جس میں فیصلہ کیا گیا تھا کہ کسی کو بھی اسلام آباد پر حملہ کرنے کی اجازت نہیں دی جائے گی اور اسلام آباد پر حملے سے آہنی ہاتھوں سے نمٹا جائےگا۔

    اجلاس میں پنجاب اور خیبرپختونخوا حکومتوں کو وارننگ دیتے ہوئے کہا گیا تھا کہ وہ افراتفری پھیلانے سے باز رہیں، ریڈ لائن عبور کرنے والوں کیخلاف متعلق قوانین کے تحت کارروائی ہوگی، انہیں نہ صرف قانون کی طاقت بلکہ بائیس کروڑ عوام کی مزاحمت کا سامنا کرنا پڑے گا۔

  • پی ٹی آئی لانگ مارچ میں توڑ پھوڑ کیس: عمران خان کی 10 مقدمات میں عبوری ضمانت منظور

    پی ٹی آئی لانگ مارچ میں توڑ پھوڑ کیس: عمران خان کی 10 مقدمات میں عبوری ضمانت منظور

    اسلام آباد : سیشن عدالت نے لانگ مارچ کے دوران توڑ پھوڑ کیس میں عمران خان کی دس مقدمات میں عبوری ضمانت منظور کرلی۔

    تفصیلات کے مطابق اسلام آباد ڈسٹرکٹ سیشن عدالت میں پی ٹی آئی لانگ مارچ کے دوران توڑ پھوڑ کے معاملے پر عمران خان کی عبوری درخواست ضمانتوں پر سماعت ہوئی۔

    سیشن جج کامران بشارت مفتی نے سماعت کی، عمران خان عدالت میں پیش نہ ہوئے اور نہ حاضری سے استثنی کی درخواست پر فیصلہ ہو سکا۔

    عمران خان کے خلاف درج مقدمات کا ریکارڈ عدالت میں پیش کیا گیا ، تفتیشی افسران نے تمام ریکارڈ عدالت میں پیش کیا۔

    جج نے تفتیشی افسران کو ہدایت کی کہ آپ نے مقدمات کا ریکارڈ جمع کروا دیا ہے اب آپ جا سکتے ہیں۔

    10 مقدمات میں درخواست ضمانتوں کے لیے عمران خان عدالت میں پیش ہوئے، ڈاکٹر بابر اعوان نے کہا کہ عمران خان کے خلاف ایک ہی نوعیت کے 15مقدمات درج ہیں، استدعا ہے کہ عمران خان کی ضمانت منظور کی جائے۔

    جج نے پراسیکیوٹر سے استفسار کیا کہ کیا آپ کو کوئی اعتراض ہے ، کیا اس کیس میں کوئی ادارہ مدعی ہے۔

    عدالت نے سابق وزیراعظم عمران خان کی دس مقدمات میں عبوری ضمانت منظور کرتے ہوئے پانچ ہزار کے مچلکے جمع کرانے کا حکم دے دیا۔

    تھانہ کوہسار میں درج مقدمےمیں عمران خان کی ستمبر کے پہلے ہفتہ تک عبوری ضمانت منظور کی گئی اور درج مقدمہ نمبر 425 میں آئندہ سماعت پر پولیس کو ریکارڈ سمیت طلب کرلیا۔

  • پی ٹی آئی لانگ مارچ کے دوران توڑپھوڑ:عمران خان کی 15 مقدمات میں ضمانت منظور

    پی ٹی آئی لانگ مارچ کے دوران توڑپھوڑ:عمران خان کی 15 مقدمات میں ضمانت منظور

    اسلام آباد : سیشن عدالت نے پی ٹی آئی مارچ کے دوران توڑپھوڑ کے15مختلف مقدمات میں سابق وزیر اعظم عمران خان کی عبوری ضمانت منظور کرلی۔

    تفصیلات کے مطابق پی ٹی آئی لانگ مارچ کے دوران توڑپھوڑ کے مقدمات کے معاملے پر سابق وزیراعظم عمران خان نے ضمانت قبل ازگرفتاری کیلئے درخواست دائر کردی ، عمران خان نے 10 مقدمات میں ضمانت کیلئےعدالت سے رجوع کیا۔

    چیئرمین پی ٹی آئی عمران خان ڈسٹرکٹ سیشن عدالت پہنچے، اس موقع پر اسد عمر، علی نواز اعوان،شہباز گل اور دیگر پارٹی رہنماء بھی ضلع کچہری آئے، عمران خان کی اسلام آباد کچہری آمد کے پیش نظر سیکیورٹی کےسخت اقدامات کئے گئے تھے۔

    سیشن جج کامران بشارت مفتی نے عمران خان کی درخواست ضمانت پرسماعت کی ، عمران خان اپنے وکیل بابر اعوان کے ہمراہ عدالت پیش ہوئے۔

    دوران سماعت وکلاء کے دلائل سننے کے بعد عدالت نے پانچ پانچ ہزار روپے مالیتی مچلکوں کے عوض تھانہ آبپارہ، آئی نائن،کوہسار، کراچی کمپنی ،گولڑہ،ترنول اور تھانہ سیکریٹریٹ میں درج10مختلف مقدمات میں ضمانت منظور کرتے ہوئے پولیس کو گرفتاری سے روک دیا۔

    عدالت نے مقدمات کا ریکارڈ طلب کرتے ہوئے سماعت6 جولائی تک کےلیے ملتوی کردی۔

    دوسری جانب ایڈیشنل ڈسٹرکٹ اینڈ سیشن جج عبدالغفور کاکڑ کی عدالت نے تھانہ بہارہ کہو، سہالہ،کورال اور تھانہ لوہی بھیر میں درج5 مختلف مقدمات میں بھی سابق وزیر اعظم عمران خان کی پانچ پانچ ہزار روپے مالیتی مچلکوں کے عوض عبوری ضمانت منظور  کرلی۔

    یاد رہے رواں ماہ کے آغاز میں پشاور ہائی کورٹ نے لانگ مارچ کے معاملے اسلام آباد کے تھانوں میں درج مقدمات پر چیئرمین پی ٹی آئی عمران خان کی ضمانت منظور کی تھی۔

    خیال رہے عمران خان پر 25 مئی کےلانگ مارچ پراسلام آباد کے تھانوں میں مقدمات درج ہیں ، مقدمات میں عمران خان کے علاوہ اسد عمر،شیریں مزاری، زرتاج گل ، خرم نواز، شاہ محمودقریشی ،علی امین گنڈا پور کا نام بھی نامزد کیا گیا تھا۔

    مقدمات میں راستوں کی بندش، کارسررکار مداخلت ،پولیس اہلکاروں پرحملہ ،املاک کو نقصان پہنچانے کی دفعات شامل کی گئی تھیں۔

  • پی ٹی آئی لانگ مارچ : بڑی پیش گوئی سامنے آگئی

    پی ٹی آئی لانگ مارچ : بڑی پیش گوئی سامنے آگئی

    کراچی : پیپلز پارٹی کے رہنما منظوروسان کا کہنا ہے کہ حالات بتا رہے ہیں حکومت مدت پوری کرے گی لیکن صورتحال میں خسارہ عمران خان کا ہوگا۔

    تفصیلات کے مطابق پیپلز پارٹی کے رہنما منظور وسان نے پیشی کے موقع پر سندھ ہائی کورٹ کےباہرمیڈیا سے گفتگو کرتے ہوئے کہا کہ پی ٹی آئی رہنما جیل کے ڈر سے لانگ مارچ میں نہیں جائیں گے اور گھر میں رہ کرپکڑدھکڑ کی ویڈیو وائرل کرتے رہیں گے۔

    شیخ رشید کے حوالے سے منظوروسان کا کہنا تھا کہ شیخ رشید کہتے تھے جیل ان کا سسرال ہے، جب جیل آپ کا سسرال ہے تو پھر کیوں ڈرتے ہو، میں شیخ رشید سے زیادہ جیل میں رہا ہوں۔

    پی پی رہنما نے کہا کہ سندھ حکومت کسی کے خلاف کارروائی نہیں کر رہی، نمائش چورنگی اس لئے بند ہے کہ یہ لوگ گڑ بڑ کریں گے،منظوروسان

    ان کا کہنا تھا کہ موجوہ صورتحال میں لگتا ہے حکومت ہل گئی ہے ، پہلے کہا تھا انتخابات فروری تک ہو جائیں گے، اب حالات بتا رہے ہیں حکومت مدت پوری کرے گی، اس ساری صورتحال میں خسارہ عمران خان کا ہوگا۔

  • پی ٹی آئی کے گرفتار کارکنان کو کن جیلوں میں رکھا جا رہا ہے؟

    پی ٹی آئی کے گرفتار کارکنان کو کن جیلوں میں رکھا جا رہا ہے؟

    ساہیوال: مختلف شہروں سے پاکستان تحریک انصاف کے گرفتار کارکنان کو دیگر شہروں میں قائم جیلوں میں رکھا جا رہا ہے۔

    ذرائع کے مطابق پی ٹی آئی کے حقیقی آزادی مارچ میں شرکت سے روکنے کے لیے اب تک سیکڑوں کارکنان کو گرفتار کیا جا چکا ہے، ساہیوال کے سینٹرل جیل میں مختلف شہروں سے پی ٹی آئی کے گرفتار کارکنان کو منتقل کیا گیا ہے۔

    ذرائع کا کہنا ہے کہ خاتون سمیت پی ٹی آئی کے 121 کارکنان ساہیوال سینٹرل جیل منتقل کیے گئے ہیں، جب کہ فیصل آباد سے خاتون سمیت 48 کارکنان کو ڈی جی خان سینٹرل جیل منتقل کیا گیا ہے۔

    اعجاز چوہدری، محمود الرشید سمیت 250 سے زائد گرفتار

    چنیوٹ سے 37، اوکاڑہ سے 25 کارکنان کو سینٹرل جیل منتقل کیا گیا، جب کہ پنجاب کے شہر ساہیوال سے گرفتار ہونے والے 32 کارکنوں کو اوکاڑہ جیل منتقل کر دیا گیا ہے۔

    ادھر اسلام آباد ہائی کورٹ نے ڈپٹی کمشنر کو گرفتار پی ٹی آئی کارکنان کو رہا کرنے کا حکم دے دیا ہے اور کہا ہے کہ اگر کسی کے خلاف کوئی مصدقہ رپورٹ ہے تو آگاہ کیا جائے۔

    تحریک انصاف کے حقیقی آزادی مارچ پر پولیس کی شیلنگ، کارکنان رکاوٹیں توڑ کر آگے بڑھنے لگے

    واضح رہے کہ پی ٹی آئی کے لانگ مارچ کا مختلف شہروں سے آغاز ہو چکا ہے، لاہور کے بتی چوک ، مینار پاکستان پر پولیس کی جانب سے پُرامن پی ٹی آئی کارکنان پر شیلنگ کی گئی جس کے باعث حالات کشیدہ ہوگئے، اسی دوران ایوان عدل میں بھی پولیس اور پی ٹی آئی کارکنان کے درمیان تصادم ہوا ہے۔

  • بینک ملازمین کو اے ٹی ایم میں کم سے کم کیش رکھنے کی ہدایت

    بینک ملازمین کو اے ٹی ایم میں کم سے کم کیش رکھنے کی ہدایت

    لاہور: پاکستان تحریک انصاف کے حقیقی آزادی مارچ سے حکومت کی پریشانی کا یہ عالم ہے کہ بینک ملازمین کو اے ٹی ایم میں کم سے کم کیش رکھنے کی ہدایت جاری کر دی ہے۔

    تفصیلات کے مطابق حکومتی دباؤ پر سرکاری اور پرائیویٹ بینک ملازمین کو انتباہ جاری کر دیا گیا ہے، جس میں کہا گیا ہے کہ بینک ملازمین سوشل میڈیا پر سیاسی طرف داری کی تشہیر نہ کریں۔

    انتباہ کے مطابق کوئی بھی بینک ملازم دھرنے یا لانگ مارچ میں شرکت نہ کرے، آئندہ 2،3 دن کسی بینک ملازم کو کوئی چھٹی نہیں ملے گی، بینک ملازم کو چھٹی چاہیے تو دستاویز کی صورت میں ثبوت جمع کرائے۔

    بینک ملازمین کو اے ٹی ایم میں کم سے کم کیش رکھنے کی ہدایت بھی جاری کر دی گئی ہے۔

    پنجاب سے اسلام آباد جانے والے تمام راستے بند، خیبر پختون خوا سے بھی رابطہ منقطع

    واضح رہے کہ آج اسلام آباد میں سری نگر ہائی وے پر پی ٹی آئی کا حقیقی آزادی مارچ ہونے والا ہے، جس میں عمران خان سہ پہر تین بجے خیبر پختون خوا سے پہنچیں گے۔

    تاہم حکومت کی جانب سے پنجاب اور خیبر پختون خوا سے اسلام آباد کی طرف جانے والے تمام راستے کنٹینر لگا کر بند کر دیے گئے ہیں، ہر جگہ کنٹینرز کی بھرمار ہے، جگہ جگہ سڑکوں پر رکاوٹیں کھڑی کی گئی ہیں۔

    صوابی سے آنے والے راستے پر سڑک پر تارکول ڈال کر اس پر کانچ کے ٹکڑے پھینکے گئے ہیں، تاکہ قافلے اسلام آباد نہ پہنچ سکیں۔

  • پنجاب سے اسلام آباد جانے والے تمام راستے بند، خیبر پختون خوا سے بھی رابطہ منقطع

    پنجاب سے اسلام آباد جانے والے تمام راستے بند، خیبر پختون خوا سے بھی رابطہ منقطع

    لاہور: حکومت نے پی ٹی آئی کے حقیقی آزادی مارچ کو روکنے کے لیے پنجاب سے اسلام آباد جانے والے تمام راستے بند کر دیے ہیں، لاہور شہر کے داخلی و خارجی راستوں کو کنٹینر لگا کر بند کر دیا گیا ہے، جب کہ خیبر پختون خوا سے بھی رابطہ منقطع ہو گیا ہے۔

    تفصیلات کے مطابق حکومت کی جانب سے حقیقی آزادی مارچ روکنے کا اعلان کیا گیا تھا، جس پر عمل درآمد کرتے ہوئے اسلام آباد جانے والے تمام راستے بند کر دیے گئے ہیں، راولپنڈی اسلام آباد میٹرو بس سروس بھی بند کر دی گئی ہے۔

    جگہ جگہ کنٹینرز کی بھرمار ہے، موٹر وے پر بھی رکاوٹیں کھڑی کی گئی ہیں، اسلام آباد میں ریڈ زون اور ڈی چوک کنٹینر لگا کر سیل کر دیے گئے ہیں، لاہور میں کنٹینرز کی وجہ سے مختلف مقامات پر ٹریفک جام ہے، راوی اور سگیاں پل بند ہونے سے شہریوں کو شدید دشواری کا سامنا ہے۔

    اسلام آباد جانے والے جہلم پل، چناب برج سمیت تمام راستے بھی بند ہیں، ملتان، سرائے عالمگیر مظفر گڑھ سمیت تمام ہائی ویز اور خارجی روڈ بلاک ہیں، خیبر پختون خوا سے بھی رابطہ منقطع کر دیا گیا ہے، پنجاب اور خیبر پختون خوا کو ملانے والا اٹک پل سیل کر دیا گیا ہے، کرینوں کی مدد سے ریت سے بھرے کنٹینر اور سڑک پر تارکول ڈال کر شیشے کے ٹکڑے بچھا دیے گئے۔

    صوابی سے اسلام آباد جانے والی موٹر وے مکمل طور پر بند ہے، پنجاب میں داخل ہونے والے راستوں پر کنٹینرز لگا دیے گئے، پشاور موٹر وے کی چھوٹی بڑی انٹر چینج بھی بلاک کر دی گئی۔

    اسلام آباد سے پشاور جانے والوں کو چیکنگ کے بعد جانے کی اجازت دی جا رہی ہے، ڈی آئی خان سے اسلام آباد آنے والے سی پیک روٹ پر بھی کنٹینر لگا دیے گئے ہیں، اسلام آباد سری نگر ہائی وے کے داخلی راستے پر بھی رکاوٹیں کھڑی کر دی گئیں۔

    ادھر کراچی میں نمائش چورنگی کی طرف جانے والے راستے سیل کر دیے گئے ہیں۔

  • وفاقی کابینہ کا ‘پی ٹی آئی لانگ مارچ’ کو روکنے کا فیصلہ

    وفاقی کابینہ کا ‘پی ٹی آئی لانگ مارچ’ کو روکنے کا فیصلہ

    اسلام آباد : وزیراعظم شہباز شریف کی زیرصدارت وفاقی کابینہ کے اجلاس میں پی ٹی آئی لانگ مارچ کو روکنے کا فیصلہ کرلیا گیا، وزیرداخلہ کابینہ فیصلوں سے میڈیا کو آگاہ کریں گے۔

    تفصیلات کے مطابق وزیراعظم شہباز شریف کی زیرصدارت وفاقی کابینہ کا اجلاس ہوا ، جس میں پی ٹی آئی لانگ مارچ اور اثرات پر بریفنگ دی گئی۔

    ذرائع کا کہنا ہے کہ وفاقی کابینہ نے پی ٹی آئی لانگ مارچ کوروکنے کا فیصلہ کرلیا ہے ، وزیرداخلہ کابینہ فیصلوں سے میڈیا کو آگاہ کریں گے۔

    گذشتہ روز وفاقی حکومت نے پی ٹی آئی کے ” حقیقی آزادی لانگ مارچ کو ناکام بنانے کا فیصلہ کیا تھا ، ذرائع کا کہنا تھا کہ لانگ مارچ کو اسلام آباد میں داخل ہونے سے روکا جائے گااور اسلام آباد کے داخلی ،خارجی راستے سیل کئےجائیں گے۔

    بعد ازاں پاکستان تحریک انصاف کے اسلام آباد آنے والے حقیقی آزادی لانگ مارچ سے نمٹنے کے لیے حکومت کا منصوبہ سامنے آیا تھا۔

    ذرائع نے اے آر وائی نیوز کو بتایا تھا کہ پی ٹی آئی کے حقیقی آزادی لانگ مارچ سے نمٹنے کے لیے 22 ہزار اہلکار تعینات کیے جائیں گے اور سیکیورٹی اہلکاروں کی اتنی بڑی تعداد کو پورا کرنے کیلیے حکومت نے دیگر صوبوں سے بھی نفری طلب کرلی ہے۔

    ذرائع کے مطابق پی ٹی آئی کے مظاہرین سے نمٹنے کے لیے انتظامیہ نے 2 ہزار سے زائد فرنٹیئر کانسٹیبلری اہلکار طلب کیے ہیں اس کے علاوہ 8 ہزار پنجاب کانسٹیبلری، 2 ہزار اینٹی رائٹ اہلکار، سندھ سے 2 ہزارپولیس اہلکارطلب کیے گئے ہیں۔

    دھرنے کے شرکا سے نمٹنے کےلیے 4 ہزار رینجرز اہلکاروں سمیت 500 خواتین اہلکاروں کو بھی طلب کیا گیا ہے جب کہ مختلف صوبوں سے 100 قیدی وینز بھی منگوائی گئی ہیں جبکہ مظاہرین کو منتشر کرنے کیلئے آنسو گیس کے 15 ہزار شیل بھی منگوائے گئے ہیں۔