اسلام آباد : انسداد دہشت گردی عدالت نے26 نومبر کے احتجاج کیس میں گرفتار مزید چالیس پی ٹی آئی کارکنوں کی ضمانتیں منظور کرتے ہوئے ان کی رہائی کے احکامات جاری کردیئے۔
تفصیلات کے مطابق اسلام آباد کی انسداد دہشت گردی عدالت میں 26 نومبر کے احتجاج میں گرفتار پی ٹی آئی کارکنوں کی درخواست ضمانت پر سماعت ہوئی۔
پی ٹی آئی وکلا سردار مصروف، انصر کیانی، آمنہ علی، مرزا عاصم بیگ اور مرتضیٰ طوری پیش ہوئے، عدالت نے مزید 40 گرفتارپی ٹی آئی کارکنان کی ضمانتیں منظور کرتے ہوئے رہا کرنےکا حکم دے دیا۔
انسداددہشت گردی عدالت کےجج ابوالحسنات محمدذوالقرنین نےضمانتیں منظور کیں اور عدالت کی جانب سےگذشتہ روزمنظورکی گئیں ضمانتوں کاتحریری فیصلہ جاری کردیا گیا۔
عدالت نے پانچ پانچ ہزار روپے مچلکوں کےعوض ملزمان کی ضمانتیں منظورکیں۔
مزید پڑھیں : پی ٹی آئی کا 26 نومبر کا احتجاج ، 250 ملزمان کی ضمانتیں منظور
گذشتہ روز انسداد دہشت گردی عدالت نے پی ٹی آئی 26 نومبر احتجاج کے تیرہ مقدمات میں 250 ملزمان کی ضمانتیں منظور جبکہ 150 کی درخواستیں خارج کردی تھیں۔
تھانہ بنی گالا کے مقدمے میں 18 ملزمان کی ضمانت منظور کی گئی، تھانہ کوہسار کے مقدمہ نمبر ایک ہزار تینتیس میں ملزمان کی درخواست ضمانتیں خارج جبکہ مقدمہ نمبر ایک ہزاربتیس میں 43 کی ضمانتیں منظور اور ایک کی درخواست خارج ہوئی۔
تھانہ شہزاد ٹاؤن کے مقدمہ میں 9 ملزمان کی ضمانتیں منظور، تھانہ نون میں دائر مقدمہ کے17 ملزمان کی ضمانتیں منظور ایک کی درخواست خارج کی گئی۔
تھانہ آبپارہ کےمقدمہ نمبر 123 میں 70 ملزمان کی ضمانتیں منظور اور 25 کی خارج کی گئیں۔
اس کے علاوہ تھانہ آئی بائن کے مقدمہ میں 30 جبکہ تھانہ مارگلہ میں درج مقدمہ میں 13 ملزمان کی درخواستیں منظور اور 2 کی خارج کردی گئیں۔
عدالت نے تھانہ سیکریٹریٹ کے دو مقدمات میں 120 ملزمان کی ضمانتیں خارج اور 10 کو ضمانت مل گئی جبکہ تھانہ سہالہ کے 25 اور تھانہ شمس کالونی کے30 ملزمان کی ضمانتیں منظور کی
