اسلام آباد: وزیراعظم عمران خان نےپی ٹی آئی کور گروپ کا اجلاس طلب کر لیا ، جس میں پارٹی کی تنظیم سازی اور عہدوں سے متعلق اہم فیصلے بھی متوقع ہیں۔
تفصیلات کے مطابق وزیراعظم عمران خان کی زیر صدارت پی ٹی آئی کور گروپ کا اجلاس آج 2 بجے وزیراعظم آفس میں ہو گا، کور گروپ میں شامل پارٹی اراکین کو شرکت یقینی بنانے کی ہدایت کی ہے ۔
اجلاس میں ملک کی سیاسی صورت حال اورمسئلہ کشمیر کاجائزہ لیا جائے گا جبکہ پارٹی کی تنظیم سازی اور عہدوں سے متعلق اہم فیصلے بھی متوقع ہے۔
یاد رہے گذشتہ روز وزیر اعظم کی زیر صدارت 10 نکاتی ایجنڈے پر کابینہ اجلاس ہوا تھا ، عمران خان نے حکومتی سطح پر مقبوضہ کشمیر پر کیے جانے والے اقدامات پر کابینہ کو اعتماد میں لیا، کابینہ نے کشمیریوں سے اظہار یک جہتی کے لیے ان اقدامات کی توثیق کی۔
بعد ازاں معاون خصوصی نے کہا تھا کہ کشمیر کی صورت حال پر فوکل گروپ قایم کیا جا چکا ہے، اس میں اپوزیشن کے مشاہد اللہ اور نوید قمر شامل ہیں، وزیر اعظم کشمیریوں کی آواز بن چکے ہیں، کشمیریوں کے لیے پوری قوم کا نکلنا دنیا کے لیے پیغام ہے۔
فردوس عاشق اعوان کا کہنا تھا کہ ہفتےمیں ایک بارپاکستان کاہرشہری مظلوم کشمیریوں سےاظہاریکجہتی کرےگا، مقبوضہ کشمیرپردنیاپاکستان کےساتھ کھڑی ہویانہ عوام کھڑی ہے۔
خیال رہے وزیراعظم عمران خان نے بھارت کے لیے فضائی حدود بند کرنے پر غور شروع کردیا ہے، بھارت، افغانستان میں تجارت کے لیے استعمال زمینی راستے بند کرنے کی بھی تجویز ہے، فیصلہ کرنے سے پہلے تمام قانونی پہلوؤں پر غور کیا جارہا ہے۔
