Tag: پی ٹی آئی کی خبریں

کوہاٹ: خیبر پختون خوا کے شہر کوہاٹ کے مرکزی اسپتال میں ایک انوکھا اقدام کیا گیا ہے، دن کا آغاز تلاوت کلامِ پاک سے کرنے کے لیے اسپتال میں ساؤنڈ سسٹم لگا دیا گیا۔

تفصیلات کے مطابق کے پی کے ضلع کوہاٹ کے ایک اسپتال میں انتظامیہ نے دن کا آغاز اللہ تعالیٰ کے بابرکت کلام سے کرنے کے لیے خصوصی ساؤنڈ سسٹم نصب کر دیا ہے۔

[bs-quote quote=”ساؤنڈ سسٹم کی تنصیب کا افتتاح مشیرِ تعلیم کے پی نے کیا۔” style=”style-7″ align=”left” color=”#dd3333″][/bs-quote]

اس موقع پر مشیرِ تعلیم خیبر پختون خوا ضیا اللہ خان بنگش نے کے ڈی اے اسپتال کوہاٹ کا دورہ کیا۔

ضیا اللہ بنگش نے اسپتال میں تلاوتِ کلام سے دن کا آغاز کرنے کے لیے پورے اسپتال بہ شمول تمام وارڈز میں ساؤنڈ سسٹم نصب کیے جانے کے منصوبے کا افتتاح کیا۔

مشیر تعلیم کے پی نے اسپتال میں صحت کی سہولیات کا جائزہ بھی لیا اور مریضوں کی عیادت کی۔

ضیا اللہ خان بنگش نے مریضوں سے اسپتال میں فراہم کی جانے والی سہولیات اور اسٹاف کے رویے سے متعلق بھی پوچھ گچھ کی۔

یہ بھی پڑھیں:  خیبر پختون خوا میں گرلزاسکولز کے پروگرامز میں مردوں کی شرکت پرپابندی

یاد رہے کہ 31 جنوری کو صوبہ خیبر پختون خواہ کی کابینہ کا اجلاس پہلی بار قبائلی ضلع میں منعقد ہوا تھا جس میں صوبے کی پہلی ہیلتھ پالیسی سال 2025-2018 کی منظوری دی گئی۔

صحت پالیسی کے تحت قبائلیوں کو صحت کارڈ، تعلیم اور ترقیاتی منصوبے دیے جائیں گے، اور اسپتالوں میں ہیلتھ کیئر سسٹم مضبوط کیا جائے گا۔

اسلام آباد: وزیرِ اعظم عمران خان کے معاون خصوصی ذوالفقار بخاری نے برطانیہ میں پاکستان بناؤ سرٹیفکیٹ کے لیے مہم شروع کر دی۔

تفصیلات کے مطابق پاکستان بناؤ سرٹیفکیٹ کے سلسلے میں زلفی بخاری نے برطانیہ میں مہم کا آغاز کر دیا، اس سلسلے میں بریڈ فورڈ میں وارثی فاؤنڈیشن کی طرف سے فنڈ ریزنگ تقریب منعقد کی گئی۔

[bs-quote quote=”پاکستان بناؤ سرٹیفکیٹ مہم میں برطانوی پاکستانیوں کو اہم کردار ادا کرنا پڑے گا۔” style=”style-7″ align=”left” color=”#dd3333″ author_name=”زلفی بخاری” author_job=”معاون خصوصی برائے وزیر اعظم”][/bs-quote]

تقریب سے خطاب کرتے ہوئے زلفی بخاری نے کہا کہ اوورسیز پاکستانی پاکستان کا سب سے قیمتی اثاثہ ہیں، پی ٹی آئی حکومت پاکستان کو اقتصادی طاقت بنانے کے لیے پُرعزم ہے۔

وزیرِ اعظم کے معاونِ خصوصی کا کہنا تھا کہ پاکستان بناؤ سرٹیفکیٹ مہم میں برطانوی پاکستانیوں کو اہم کردار ادا کرنا پڑے گا، وزیرِ اعظم نے دنیا میں پاکستانی کمیونٹی کو متحرک کرنے کا کہا ہے۔

زلفی بخاری نے مزید کہا کہ پاکستان میں سرمایہ کاری کے لیے پاکستان بناؤ سرٹیفکیٹ اہم ہیں، سمندر پار پاکستانیوں کی مدد سے ملک کی معیشت بہتر ہوگی۔

یہ بھی پڑھیں:  یقین دلاتا ہوں، پاکستان کے سبز پاسپورٹ کی دنیا بھر میں عزت ہوگی: عمران خان

خیال رہے کہ ’پاکستان بناؤ سرٹیفکیٹ‘ کی صورت میں جاری ہونے والے بانڈز کے ذریعے سمندر پار رہنے والے بھی پاکستان میں سرمایہ کاری کر سکیں گے، بانڈز کی مدت تین اور پانچ سال ہوگی، تین سالہ بانڈز پر شرح منافع چھ اعشاریہ دو پانچ فی صد جب کہ پانچ سالہ بانڈز پر شرح منافع چھ اعشاریہ سات پانچ فی صد ہوگی۔

لاہور: پنجاب میں پی ٹی آئی کی اتحادی جماعت ق لیگ کو مزید ایک وزارت دینے پر اتفاق رائے ہو گیا ہے، حکومت ق لیگ کو ایک اور وزارت دینے پر راضی ہو گئی۔

تفصیلات کے مطابق گورنر پنجاب چوہدری سرور سے ق لیگ کے رہنما مونس الہٰی نے ملاقات کی، پنجاب میں ق لیگ کو مزید ایک وزارت دینے پر اتفاق ہوا۔

[bs-quote quote=”محمد رضوان کو وزارت ملنے کے بعد پنجاب میں ق لیگ کے وزرا کی تعداد 3 ہو گئی۔” style=”style-7″ align=”left” color=”#dd3333″][/bs-quote]

مسلم لیگ (ق) کے ایم پی اے محمد رضوان صوبائی وزیر پنجاب نامزد ہو گئے ہیں، وہ کل گورنر ہاؤس میں حلف اٹھائیں گے۔

محمد رضوان کو وزارت ملنے کے بعد پنجاب میں ق لیگ کے وزرا کی تعداد 3 ہو  گئی ہے، ملاقات میں ق لیگ کے ناراض وزیر حافظ عمار کا بھی استعفیٰ واپس لینے کا فیصلہ ہوا ہے۔

یاد رہے کہ تین ماہ قبل اسپیکر پنجاب اسمبلی چوہدری پرویز الہیٰ سے ان کی رہائش گاہ پر پی ٹی آئی کے مرکزی رہنما جہانگیر ترین، وفاقی وزیر طارق بشیر چیمہ اور پنجاب کے وزیر معدنیات حافظ عمار نے ملاقات کی تھی۔

یہ بھی پڑھیں:  وزیراعظم نے چوہدری سرور، پرویزالٰہی اورعثمان بزدار کو طلب کرلیا

اس ملاقات میں سینیٹ انتخابات سے متعلق بات چیت کی گئی، جس کی ایک ویڈیو منظر عام پر آئی، جس میں‌ گورنر پنجاب پر تحفظات کا اظہار کیا گیا تھا۔

اس ملاقات کی ویڈیو لیک ہونے کے بعد میڈیا پر اس کی تشہیر ہوئی، اور دونوں پارٹیوں کے درمیان اختلافات کی گونج میڈیا میں بھی واضح طور پر سنی گئی۔

لاہور: وزیرِ اعلیٰ پنجاب عثمان بزدار نے کہا ہے کہ انھیں صوبے کے عوام کی خوش حالی اور ترقی سے بڑھ کر کوئی چیز عزیز نہیں ہے۔

تفصیلات کے مطابق میڈیا سے گفتگو کرتے ہوئے عثمان بزدار نے کہا کہ پی ٹی آئی حکومت عوام کی فلا ح و بہبود کے لیے ٹھوس اقدامات کر رہی ہے۔

[bs-quote quote=”سابق ادوار میں نمائشی منصوبوں پر قومی وسائل ضائع کیے گئے۔” style=”style-7″ align=”left” color=”#dd3333″ author_job=”وزیرِ اعلیٰ پنجاب”][/bs-quote]

وزیرِ اعلیٰ پنجاب کا کہنا تھا کہ ماضی کی حکومتوں نے عوام کے اصل مسائل سے چشم پوشی کی۔

عثمان بزدار نے کہا کہ سابق ادوار میں نمائشی منصوبوں پر قومی وسائل ضائع کیے گئے، اصل عوامی مسائل کی طرف توجہ نہیں دی گئی۔

وزیرِ اعلیٰ پنجاب عثمان بزدار کا کہنا تھا کہ ملکی معیشت کی جو خراب حالت ہے اس کی ذمہ داری سابقہ حکومتیں پر ہے، انھوں نے قومی وسائل بے دردی سے ضائع کیے۔

یہ بھی پڑھین:  جوش اور محنت کے چینی سال پر عثمان بزدار کا پیغام

انھوں نے کہا کہ وزیرِ اعظم عمران خان اور ان کی ٹیم معیشت کو درست کرنے کے لیے اقدامات کر رہے ہیں، ہمیں عوام کی خوش حالی سے بڑھ کر کوئی شے عزیز نہیں۔

واضح رہے کہ آج عثمان بزدار نے چین کے نئے روایتی سال پر اپنے پیغام میں کہا تھا کہ حکومت پاکستان ترقی کے چینی ماڈل سے سیکھ کر آگے بڑ ھ رہی ہے، دونوں ملکوں کے درمیان معاشی و اقتصادی تعاون کی نئی تاریخ رقم ہوئی ہے۔

اسلام آباد: وفاقی وزیرِ اطلاعات فواد چوہدری نے کہا ہے کہ پی ٹی آئی حکومت نے ایک کروڑ نوکریاں دینے کا وعدہ کیا ہے لیکن اس سے زیادہ نوکریاں دے کر جائیں گے۔

تفصیلات کے مطابق سماجی رابطوں کی ویب سائٹ ٹویٹر پر فواد چوہدری نے کہا کہ ایک کروڑ نوکریاں دینے کا وعدہ کیا تھا لیکن زیادہ دے کر جائیں گے۔

[bs-quote quote=”حکومت کا کام لوگوں کے لیے مثبت معاشی حالات پیدا کرنا ہے۔” style=”style-7″ align=”left” color=”#dd3333″ author_name=”فواد چوہدری”][/bs-quote]

وزیرِ اطلاعات نے لکھا کہ معیشت کے پھیلاؤ اور ترقی سے نوکریاں پیدا ہوتی ہیں، جب معیشت ترقی کرے گی تو نوکریاں بھی ملیں گی۔

فواد چوہدری نے ٹویٹ کیا کہ حکومت کا کام لوگوں کے لیے مثبت معاشی حالات پیدا کرنا ہے، مثبت معاشی حالات سے نوکریاں پیدا ہوں گی۔

وزیرِ اطلاعات کا یہ بھی کہنا تھا کہ حکومتی اداروں کو سیاسی طور پر سفارشیوں سے بھرنا ایک تباہ کن عمل ہے۔

نوکری معشیت کے پھیلاؤ اور ترقی سے ملے گی، حکومت کا کام pro People معاشی حالات پیدا کرنا ہے نوکریاں تب پیدا ہوں گی،حکومتی اداروں کو سیاسی طور پر سفارشیو ں سے بھرنا تباہ کن ہے۔ ایک کروڑ نوکریاں دینے کا وعدہ ہے اس سے زیادہ دے کے جائیں گے۔ https://t.co/CiCVKdDBEh

— Ch Fawad Hussain (@fawadchaudhry) February 5, 2019

یہ بھی پڑھیں:  صحت کارڈ کا اجرا، پی ٹی آئی حکومت کا بڑا قدم

واضح رہے کہ پی ٹی آئی حکومت نے صحت کارڈ کا اجرا کر دیا ہے، فواد چوہدری کا کہنا تھا کہ صحت کارڈ پروگرام سے غریبوں کو تحفظ فراہم کیا جائے گا، صحت کارڈ سے 7 لاکھ 20 ہزار روپے تک کا علاج بالکل مفت ہوگا، 20 فروری سے پنجاب کے 4 اضلاع میں صحت کارڈ پروگرام شروع ہوگا۔

دوسری طرف وزیرِ صحت کا کہنا تھا کہ بڑھتی غربت کی وجوہ میں سے ایک صحت پر غیر معمولی اخراجا ت آتے ہیں، ہیلتھ اسکیم پر عمل درآمد سے 8 کروڑ افراد کا اندراج ہوگا۔

اسلام آباد: وزیرِ مملکت برائے داخلہ شہریار آفریدی نے کہا ہے کہ مجھے یہ دیکھ کر خوشی ہوئی ہے کہ بین الاقوامی میڈیا پاکستان کا مثبت رخ دکھانے لگا ہے۔

تفصیلات کے مطابق سماجی رابطوں کی ویب سائٹ ٹویٹر پر اپنے پیغام میں شہریار آفریدی نے کہا کہ بین الاقوامی میڈیا پاکستان کے مثبت اقدامات کو توجہ دینے لگا ہے۔

[bs-quote quote=”ہم ایک ترقی پذیر قوم ہیں، یہ قوم اب تبدیل ہو رہی ہے۔” style=”style-7″ align=”left” color=”#dd3333″ author_name=”شہریار آفریدی” author_job=”وزیرِ مملکت”][/bs-quote]

وزیرِ مملکت نے کہا کہ سماجی اور معاشی دونوں شعبہ جات میں بین الاقوامی میڈیا پاکستان کے مثبت اقدامات کا نوٹس لے رہا ہے۔

شہریار آفریدی کا کہنا تھا کہ ہم ایک ترقی پذیر قوم ہیں، یہ قوم اب تبدیل ہو رہی ہے اور تبدیلی کی یہ لہر بہت واضح ہے، جسے لوگ دیکھ سکتے ہیں۔

خیال رہے کہ گزشتہ روز ایک خلیجی اخبار نے 10 بلین ٹری سونامی پروجیکٹ میں حکومت کی جانب سے ڈرون جیسی جدید ٹیکنالوجی کے استعمال کی خبر چھاپی تھی۔

Great to see international media @gulf_news taking note of #Pakistan’s positive steps in both social & economic areas. We are a progressive nation that is changing and making visible waves!

— Shehryar Afridi (@ShehryarAfridi1) February 3, 2019

وزیرِ مملکت شہریار آفریدی نے اپنے ٹویٹر اکاؤنٹ سے 29 جنوری کو یہ خبر دی تھی کہ وزیرِ اعظم عمران خان نے پر تعیش کلبوں میں گھریلو ملازمین کے داخلے پر پابندی ختم کر دی ہے۔

اس خبر کو بھی خلیجی اخبار کی ویب سائٹ نے نمایاں جگہ دی، اخبار نے شہریار آفریدی کے ٹویٹ کا لنک بھی شامل کیا۔

Symbols of Elitism & colonial mindset will be removed. PMIK has ordered to remove the ban on entry of maids/servants in elite clubs i.e.starting from Isb club. Rather we should hv been thankful to them for carrying our weights. Abolish boundaries made in name of wealth, color etc pic.twitter.com/IgalVbyRvg

— Shehryar Afridi (@ShehryarAfridi1) January 30, 2019

شہریار آفریدی نے کہا کہ اشرافیہ کی علامتیں اور نو آبادیاتی ذہنیت ختم کی جائے گی، شروعات اسلام آباد کلب سے کی جا رہی ہے، ہمیں ان ملازمین کا شکر گزار ہونا چاہیے جو ہمارا بوجھ اٹھائے پھرتے ہیں۔

ان کا کہنا تھا کہ دولت اور رنگ کے نام پر جو دیواریں اٹھائی جاتی ہیں، انھیں منہدم کریں گے۔

اسلام آباد: وفاقی وزیرِ اطلاعات فواد چوہدری نے کہا ہے کہ نواز شریف اور آصف علی زرداری زندگی کے آخری دن جیل یا بیرون ملک گزاریں گے۔

تفصیلات کے مطابق میڈیا سے گفتگو کرتے ہوئے فواد چوہدری نے کہا کہ جب کوئی بڑا آدمی جیل جاتا ہے تو فوراً بیمار ہو جاتا ہے، نواز شریف کی صحت سے متعلق فیصلہ ڈاکٹرز نے کرنا ہے۔

[bs-quote quote=”وزیرِ پیٹرولیم گیس قیمتوں میں اضافے کی انکوائری کر کے وزیرِ اعظم کو آگاہ کریں گے۔” style=”style-7″ align=”left” color=”#dd3333″ author_name=”فواد چوہدری”][/bs-quote]

وزیرِ اطلاعات کا یہ بھی کہنا تھا کہ نواز شریف کی قسمت کا فیصلہ عدالتوں کے ہاتھ میں ہے۔

گیس کی قیمتوں میں اضافے کے معاملے پر انھوں نے وضاحت کی کہ حکومت کی طرف سے گیس کی قیمتوں میں اضافہ 10 فی صد تھا، لیکن اب اتنا زیادہ بل کیوں آ رہے ہیں، وزیرِ پیٹرولیم اس سلسلے میں انکوائری کر کے وزیرِ اعظم کو آگاہ کریں گے۔

خیال رہے کہ وزیرِ اعظم عمران خان نے بھی گھریلو صارفین کے لیے گیس کے اضافی بلوں کا نوٹس لے لیا ہے۔

پریس کانفرنس کے دوران فواد چوہدری نے اطلاع دی کہ صحت کارڈ کے پہلے مرحلے کا افتتاح کل کیا جا رہا ہے، صحت کارڈ سے 7 سے 9 لاکھ روپے تک کا علاج ہو سکے گا۔

یہ بھی پڑھیں:  گھریلو صارفین کے لیے گیس کی قیمت میں 10 سے 143 فیصد تک ہوش ربا اضافہ

مسلم لیگ (ق) کے ساتھ اختلافات کے حوالے سے انھوں نے بتایا کہ وہ ہماری اتحادی جماعت ہے، اس کے ساتھ اختلافات کی نوعیت اتنی شدید نہیں ہے۔

سانحہ ساہیوال کے تناظر میں فواد چوہدری کا کہنا تھا کہ پنجاب میں گورننس کے نظام پر تفصیلی غور کیا گیا ہے، اس سلسلے میں بڑی تبدیلیاں اور محکمہ پولیس میں بڑی اصلاحات لائی جا رہی ہیں۔

اسلام آباد: 4 دن سے سخت سردی میں ٹھٹھرتی لاوارث خاتون اور اس کی بچی کو مدد مل گئی، ضلعی انتظامیہ نے پناہ گاہ منتقل کر دیا۔

تفصیلات کے مطابق اسلام آباد میں ایک شہری کی درخواست پر حکومت اور ضلعی انتظامیہ نے ایکشن لیتے ہوئے لاوارث ماں بیٹی کو پناہ گاہ منتقل کر دیا۔

خاتون اپنی بیٹی کے ساتھ ایک پارک میں کھلے آسمان تلے کئی دنوں سے بھوکی پیاسی سو رہی تھی۔

ایک عورت 4 دن سے اپنی معصوم بچی کے ساتھ شدید سردی کے موسم میں کھلے آسمان تلے اپنی زندگی گزار رہی ہے اور اس کے ساتھ ایک معصوم بچی بھی ہے جیسا کہ تصور میں نظر آ رہا ، سیکٹر جی 9 تھری گلی 6 بنظیر پارک ۔ @dcislamabad @AliAwanPTI @comm pic.twitter.com/tUNFYannqu

— Chaudhry Zulqarnain (@ChzulqarnainISF) February 1, 2019

چوہدری ذو القرنین نامی ایک شہری نے ٹویٹر پر خاتون کی تصاویر شیئر کرتے ہوئے لکھا کہ بے آسرا ماں اپنی بچی کے ساتھ بے نظیر پارک میں گزشتہ چار دن سے رہ رہی ہے۔

شہری نے یہ ٹویٹ ڈپٹی کمشنر اسلام آباد اور پی ٹی آئی رکن قومی اسمبلی علی اعوان کو ٹیگ کی، بعد ازاں علی اعوان کی ہدایت پر خاتون کو پارک سے پناہ گاہ میں منتقل کر دیا گیا۔

Alhamdulilah she’s being shifted to I-11 Islamabad Panagah recently established by PTI Govt on the instructions of PM @ImranKhanPti . No society can strive without showing humanity and empathy.
Job well done @dcislamabad pic.twitter.com/qx9spDqtCc

— Ali Awan (@AliAwanPTI) February 1, 2019

علی اعوان نے ٹویٹ کرتے ہوئے اطلاع دی کہ خاتون اور بچے کو اسلام آباد پناہ گاہ منتقل کر دیا گیا ہے، کوئی بھی معاشرہ انسانیت اور ہم دردی کے بغیر آگے نہیں بڑھ سکتا۔

دریں اثنا خاتون اور اس کی بچی کو  پناہ گاہ میں الگ کمرہ، گرم بستر اور کھانا فراہم کر دیا گیا ہے، ان کی مکمل دیکھ بھال، طبی معائنہ اور رہائش کا بندو بست ہوگا۔

علی اعوان کا کہنا تھا کہ مذکورہ خاتون کو اس کے شوہر نے طلاق دے دی تھی، اور خاندان نے بھی ذمہ داری اٹھانے سے انکار کر دیا تھا۔

سرگودھا: این اے 91 کے 20 پولنگ اسٹیشنز میں دوبارہ پولنگ کے غیر سرکاری نتائج کے مطابق پاکستان تحریک انصاف کے امیدوار کام یاب قرار پائے۔

تفصیلات کے مطابق سرگودھا میں این اے 91 کے 20 پولنگ اسٹیشنز میں ری پولنگ کے غیر سرکاری نتائج آ گئے، نتائج کے مطابق پی ٹی آئی نے میدان مار لیا۔

پاکستان تحریکِ انصاف کے امیدوار عامر سلطان چیمہ نے 12028 ووٹ لے کر ن لیگی امیدوار کو شکست دے دی۔

غیر سرکاری نتائج کے مطابق مسلم لیگ ن کے امیدوار ڈاکٹر ذوالفقار بھٹی 3134 ووٹ لے کر دوسرے نمبر پر رہے۔

Alhamdulillah won NA-91 ✌️
Result of 20/20 Polling Stations:
PTI: 12,028
PMLN: 3134#NA91 pic.twitter.com/TOTufTE9hw

— Amir Sultan Cheema (@AmirCheemaPTI) February 2, 2019

خیال رہے کہ عام انتخابات میں ن لیگ کے ذوالفقار بھٹی 87 ووٹوں سے کام یاب ہوئے تھے، لیکن ری پولنگ میں انھیں بڑے مارجن سے شکست کا سامنا کرنا پڑا ہے۔

شاہینوں کے شہر سرگودھا سے تحریک انصاف کے لئے ایک اور قومی نشست کا تحفہ وزیر اعظم کی قیادت پر قومی اعتماد کا مظہر ہے، عامر چیمہ اور تحریک انصاف کی قیادت کو بہت مبارک آج انور چیمہ کی روح بھی مطمن ہو گی کہ ان کے بیٹے کو ان کے حلقے سے نمائندگی کا اعزاز حاصل ہو رہا ہے

— Ch Fawad Hussain (@fawadchaudhry) February 2, 2019

پی ٹی آئی امیدوار کی فتح پر وفاقی وزیرِ اطلاعات فواد چوہدری نے ٹویٹ کرتے ہوئے کہا کہ شاہینوں کے شہر سرگودھا سے پی ٹی آئی کے لیے ایک اور قومی نشست کا تحفہ مل گیا ہے۔

فواد چوہدری نے ٹویٹ میں کہا کہ سرگودھا سے پی ٹی آئی کی جیت وزیرِ اعظم عمران خان کی قیادت پر اعتماد کا مظہر ہے۔

وزیرِ اطلاعات نے لکھا ’عامر چیمہ اور تحریکِ انصاف کی قیادت کو مبارک ہو، انور چیمہ کی روح مطمئن ہوگی کہ بیٹے کو حلقے سے نمائندگی کا اعزاز ملا۔‘

اسلام آباد: وزیرِ اعظم عمران خان نے ملک کے بالائی علاقوں میں بارشوں اور برف باری کے سلسلے کو پاکستان کے لیے خدا کا انعام قرار دے  دیا۔

وزیرِ اعظم عمران خان نے سماجی رابطوں کی ویب سائٹ ٹویٹر پر اپنے پیغام میں کہا کہ پاکستان میں برف باری اور بارشیں اللہ کی رحمت بن کر برسی ہیں۔

[bs-quote quote=”بارانی فصلوں کے لیے یہ بارشیں بر وقت ہیں۔” style=”style-7″ align=”left” color=”#dd3333″ author_name=”عمران خان کا ٹویٹ”][/bs-quote]

وزیرِ اعظم نے ٹویٹ میں لکھا ’پاکستان میں ہونے والی بارشیں اور برف باری حقیقتاً اللہ ربّ العزت کا انعام ہیں۔‘

عمران خان نے بارشوں کو فصلوں کے لیے مفید قرار دیتے ہوئے مزید لکھا کہ ہماری پیداوار خصوصاً بارانی فصلوں کے لیے یہ بارشیں بالکل بر وقت ہیں۔

The rains & snowfall we have received in Pakistan are truly a blessing from God. The rains have been most timely for our crops esp the Barani crops. Also, the rainfall will raise the water table while the snow will melt into our rivers.

— Imran Khan (@ImranKhanPTI) February 2, 2019

وزیرِ اعظم کا کہنا تھا کہ بارشوں کے باعث پانی کے ذخائر میں بھی اضافہ ہوگا، انھوں نے لکھا ’ان بارشوں سے زیرِ زمین پانی کی سطح ہی بلند نہیں ہو گی بلکہ برف پگھل کر دریاؤں کا حصہ بھی بنے گی۔‘

خیال رہے کہ چند روز قبل وزیرِ اعظم عمران خان نے ٹویٹ میں لکھا تھا کہ وہ اپنی دھرتی کی دل فریب شان و شوکت کے بہت گرویدہ ہیں۔

میں اپنی دھرتی کی اس دلفریب شان و شوکت ہی کا تو گرویدہ ہوں۔ جبھی تو اسکے حصار میں خوش رہتا ہوں اور یہاں رہ کراپنے لوگوں کی خدمت کرنا مجھے بے حد مرغوب ہے۔3/3 https://t.co/YQAW3QpBye

— Imran Khan (@ImranKhanPTI) January 19, 2019

وزیرِ اعظم کا کہنا تھا کہ وہ پاکستان کے دل فریب حصار میں خوش رہتے ہیں، اور یہاں رہ کر اپنے لوگوں کی خدمت انھیں بے حد مرغوب ہے۔

انھوں نے ٹویٹ کے سلسلے میں یہ بھی لکھا کہ ارضِ پاک کا مسحور کن حسن اور اس میں ملنے والا تنوع بے مثال ہے۔