Tag: پی ٹی آئی کی خبریں

اسلام آباد: ترجمان وزیرِ اعظم آفس افتخار درانی نے کہا ہے کہ انسانی ہم دردی کے طور پر دیکھ بھال نواز شریف کا حق ہے، جیل میں ڈاکٹرز موجود ہیں تاہم مسلسل اسپتال منتقلی کا کہا جا رہا ہے۔

تفصیلات کے مطابق عارضہ قلب کے باعث میاں نواز شریف کی جیل سے اسپتال منتقلی اور اپوزیشن کے لیے این آر او کی خبروں پر وفاقی حکومت نے اپنا ردِ عمل دیتے ہوئے واضح کیا ہے کہ عمران خان کبھی بھی این آر او نہیں دیں گے۔

[bs-quote quote=”اپوزیشن اسمبلی میں اداروں کو بلیک میل کرنے آتی ہے۔” style=”style-7″ align=”left” color=”#dd3333″ author_job=”افتخار درانی”][/bs-quote]

اس سلسلے میں وزیرِ اعظم عمران خان کے ترجمان افتخار درانی نے کہا کہ عمران خان نے قوم سے جو وعدہ کیا تھا آج بھی اس پر قائم ہیں، عوام سے وعدہ ہے کہ لوٹی ہوئی دولت پاکستان واپس آئے گی۔

نواز شریف کی علالت سے متعلق انھوں نے کہا کہ ڈاکٹرز کے کہنے پر ان کو اسپتال منتقل کیا جا رہا ہے، سسٹم کو آگے چلانے کے لیے حکومت کو ایسے فیصلے بھی کرنے پڑتے ہیں۔

افتخار درانی کا کہنا تھا کہ اپوزیشن اسمبلی میں اداروں کو بلیک میل کرنے آتی ہے۔

یہ بھی پڑھیں:  نوازشریف کو کوٹ لکھپت جیل سے سروسز اسپتال پہنچا دیاگیا

معاون خصوصی افتخار درانی نے کہا پی ٹی آئی حکومت کا معاشی اصلاحات پیکج غریب لوگوں کے لیے تھا، مشکل وقت ضرور ہے تاہم گزر جائے گا، شیخ رشید سینئر سیاست دان ہیں، اس لیے پی اے سی کا ممبر بنایا، سعد رفیق کو پی اے سی کا ممبر بنانے کا فیصلہ اسپیکر ہی کریں گے۔

اسلام آباد: آج قومی اسمبلی میں وزیرِ خزانہ نے منی بجٹ پیش کیا، جس میں 9 ارب کا ٹیکس ریلیف دیا گیا ہے جب کہ 2 ارب کے نئے ٹیکس لگا دیے گئے ہیں۔

تفصیلات کے مطابق فنانس بل پر ٹیکسوں کے نفاذ سے متعلق ایف بی آر نے پریس بریفنگ میں کہا ہے کہ پچھلے 10 سالوں میں معاشی ترقی کی رفتار رک گئی تھی، منی بجٹ سے ترقی کا پہیا تیزی سے چلے گا۔

درآمدی موبائل پر ٹیکس

ایف بی آر حکام نے کہا ہے کہ موبائل کی درآمد پر مختلف ٹیکس یک جا کر دیے گئے ہیں، اب درآمدی موبائل فون پر کمبائن ٹیکس لاگو ہوگا، 10 ہزار کے فون پر 400 روپے، 28 ہزار کے فون پر 4 ہزار ٹیکس ہوگا، 60 ہزار روپے مالیت کے فون پر 6 ہزار روپے ٹیکس ہوگا۔

ایک لاکھ 5 ہزار روپے مالیت کے فون پر 8 ہزار روپے ٹیکس، ڈیڑھ لاکھ روپے کے فون پر 23 ہزار روپے ٹیکس، ڈیڑھ لاکھ سے زیادہ مالیت کے فون پر 41 ہزار روپے ٹیکس ہوگا.

موبائل فون پری پیڈ کارڈ پر کوئی ٹیکس نہیں، 100 پر 100 ملے گا، ٹیکس حکام کا کہنا ہے کہ حکومت اس سلسلے میں سپریم کورٹ کے احکامات کی منتظر ہے۔

نان فائلرز کی گاڑی خریداری پر ٹیکس

ایف بی آر حکام کی بریفنگ کے مطابق نان فائلرز کی گاڑی خریداری پر ٹیکس بڑھا دیا گیا ہے، مختلف سی سی کی گاڑیوں پر ٹیکس کی شرح مختلف ہے، مجموعی طور پر ٹیکس 15 ہزار سے ساڑھے 4 لاکھ کر دیا گیا ہے۔

نان فائلرز کے لیے 1300 سی سی تک کی گاڑی خریدنے کی اجازت ہوگی، نان فائلرز کے لیے ود ہولڈنگ ٹیکس میں 50 فی صد ٹیکس بڑھا دیا گیا ہے۔

دیگر ٹیکسز

نیوز پرنٹ کی درآمد پر 5 فی صد ڈیوٹی ختم کر دی گئی، سیلز ٹیکس میں ری فنڈ بانڈز جاری کیے جائیں گے، بانڈ پر 10 فی صد شرح منافع 3 سال تک دیا جائے گا، اسلام آباد میں فکسڈ ٹیکس لگا کر نان فائلرز کو ٹیکس کے دائرے میں لایا جائے گا، فکسڈ ٹیکس کی شرح تاجروں کے ساتھ مشاورت کے بعد عائد ہوگی۔

ایف بی آر حکام نے کہا کہ سستے گھر، چھوٹے کاروبار، زراعت پر قرضے دینے والے بینکوں کو ریلیف دی جائے گی، فائلرز کے لیے بینکوں سے رقم نکلوانے پر ٹیکس ریلیف دیں گے، اس اقدام سے 2 ارب روپے کا ٹیکس ریلیف دیا جائے گا۔

بریفنگ کے مطابق بیرون ملک سے بینک اکاؤنٹ میں رقم بھیجنے پر ود ہولڈنگ ٹیکس ختم کر دیا گیا ہے، اوورسیز نائیکاپ شناختی کارڈ نہ ہو تو انٹرنیشنل پاسپورٹ پر گھر، گاڑی لے سکتے ہیں، نان بینکنگ سیکٹر کے لیے سپر ٹیکس ختم، بینکنگ سیکٹر پر سپر ٹیکس لاگو رہے گا۔

مصنوعی کڈنیز اور ڈائلیسز سمیت متعدد طبی آلات و مصنوعات پر ڈیوٹی میں کمی، فٹ ویئر، لیدر سیکٹر، گلوز، ہوم اپلائنسز کے خام مال پر ڈیوٹی میں کمی کر دی گئی ہے، سیونگز پر ٹیکس ختم کر دیا گیا ہے، فرنیچر، سرامکس، ڈائپرز اور سینیٹری مصنوعات کے خام مال پر ٹیکس میں کمی کر دی گئی ہے۔

بریفنگ میں کہا گیا کہ پاکستان کی تاریخ کا سب سے اچھا کسان دوست بجٹ پیش کیا گیا ہے۔

قطر: وزیرِ اعظم عمران خان 2 روزہ سرکاری دورے پر قطر پہنچ گئے، قطر کے نائب وزیرِ خارجہ نے ان کا استقبال کیا۔

تفصیلات کے مطابق وزیرِ اعظم عمران خان اپنے 2 روزہ سرکاری دورے پر قطر پہنچ گئے ہیں، وزیرِ اعظم کا استقبال قطر کے نائب وزیرِ خارجہ سلطان بن سعد نے کیا۔

[bs-quote quote=”پاکستان 4 ارب ڈالر ادھار ایل این جی کی درآمد پر بات کرے گا۔” style=”style-7″ align=”left” color=”#dd3333″ author_name=”ذرائع”][/bs-quote]

پاکستان کے سفیر اور دیگر حکام نے بھی قطر میں وزیرِ اعظم عمران خان کا استقبال کیا۔

دو روزہ دورے میں وزیرِ اعظم عمران خان قطر کے امیر سے ملاقات کریں گے۔ ذرائع کا کہنا ہے کہ پاکستان 4 ارب ڈالر ادھار ایل این جی کی درآمد پر بات کرے گا۔

ذرائع نے بتایا کہ پاکستان ایل این جی کی قیمت پر نظرِ ثانی کی تجویز بھی دے گا، دوسری طرف فیفا ورلڈ کپ 2022 کے لیے ایک لاکھ نوکریوں کے کوٹے کا مطالبہ کیا جائے گا۔

وزیرِ اعظم نے صحافیوں سے گفتگو کرتے ہوئے کہا کہ دورہ قطر انتہائی اہمیت کا حامل ہے، قطر اور پاکستان کے دیرینہ برادرانہ تعلقات ہیں، پاکستان برادر مسلم ممالک کے درمیان مثالی تعلقات کا خواہاں ہے۔

خیال رہے کہ قطر روانگی سے قبل وزیرِ اعظم عمران خان نے کہا تھا کہ قطر سے واپس آ کر نہ صرف ساہیوال واقعے کے قصور واروں کو عبرت ناک سزا دی جائے گی بلکہ پنجاب پولیس کے ڈھانچے پر بھی نظرِ ثانی اور اصلاحات کا عمل شروع کیا جائے گا۔

یہ بھی پڑھیں:  وزیرِ اعظم قطر حکام سے مزید پاکستانی افرادی قوت بھجوانے پر بات کریں گے: وزیرِ خارجہ

وزیرِ خارجہ شاہ محمود نے کہا تھا ’قطر میں پاکستانیوں کی بڑی تعداد برسرِ روزگار ہے، وزیرِ اعظم مزید پاکستانی افرادی قوت بھجوانے پر بات کریں گے۔‘

ساہیوال: وزیرِ اعلیٰ پنجاب عثمان بزدار نے واقعۂ ساہیوال پر کہا ہے پی ٹی آئی حکومت آنے کے بعد یہ پہلا واقعہ ہے، ملزمان کو سزا دے کر مثال قائم کریں گے۔

تفصیلات کے مطابق ساہیوال میں وزیرِ اعلیٰ پنجاب عثمان بزدار نے میڈیا سے گفتگو کرتے ہوئے کہا کہ واقعے کا نوٹس لیتے ہوئے میانوالی سے یہاں پہنچا ہوں۔

[bs-quote quote=”شفاف اور منصفانہ تحقیقات کی جائے گی، انکوائری کی خود نگرانی کروں گا۔” style=”style-7″ align=”left” color=”#dd3333″ author_name=”وزیرِ اعلیٰ پنجاب”][/bs-quote]

وزیرِ اعلیٰ پنجاب کا کہنا تھا کہ واقعے کی تحقیقات کے لیے جے آئی ٹی تشکیل دے دی ہے، ملوث اہل کاروں کو قرار واقعی سزا دیں گے۔

عثمان بزدار نے کہا ’جے آئی ٹی 72 گھنٹے میں واقعے کی رپورٹ مکمل کرے گی، اور شفاف اور منصفانہ تحقیقات کی جائے گی، انکوائری کی خود نگرانی کروں گا۔‘

پنجاب کے وزیرِ اعلیٰ کا کہنا تھا کہ کیس میں انصاف ملے گا کسی کے ساتھ زیادتی نہیں ہوگی، گرفتار اہل کار سی ٹی ڈی کی تحویل میں ہیں، حقائق قوم کے سامنے لے کر آئیں گے۔

عثمان بزدار نے کہا ’میرا وعدہ ہے انصاف ہوتا ہوا نظر آئے گا، ساہیوال واقعے کا مقدمہ درج ہو گیا ہے، بچوں کی کفالت ریاست کی ذمہ داری ہوگی۔‘‘

یہ بھی پڑھیں:  سی ٹی ڈی اہل کاروں کا مؤقف درست نہ ہوا تو نشانِ عبرت بنا دیں گے: فواد چوہدری

خیال رہے کہ وفاقی وزیرِ اطلاعات فواد چوہدری نے بھی کہا ہے کہ اگر سی ٹی ڈی اہل کاروں کا مؤقف درست نہ ہوا تو انھیں نشانِ عبرت بنائیں گے۔

دوسری طرف ترجمان وزیرِ اعظم آفس افتخار درانی نے کہا ہے کہ ساہیوال کے افسوس ناک واقعے کے نتیجے میں بے آسرا ہونے والے بچوں کی دیکھ بھال حکومت کرے گی۔