Tag: پی ٹی آئی کی خبریں

اسلام آباد: وفاقی وزیرِ اطلاعات فواد چوہدری نے ولی عہد ابوظبی محمد بن زید النہیان کی اچانک روانگی کی خبروں کی تردید کر دی ہے۔

تفصیلات کے مطابق ابوظبی کے ولیٔ عہد محمد بن زید النہیان وزیرِ اعظم عمران خان کی دعوت پر پاکستان آئے تھے، کام یاب دورے کے بعد وہ واپس وطن روانہ ہوئے۔

[bs-quote quote=”جس نے زندگی میں فارن آفس نہیں دیکھا وہ بھی خارجہ پالیسی کا ماہر رپورٹر ہے۔” style=”style-7″ align=”left” color=”#dd3333″ author_name=”فواد چوہدری”][/bs-quote]

وزیرِ اطلاعات نے سماجی رابطوں کی ویب سائٹ ٹویٹر پر لکھا کہ ولیٔ عہد کی اچانک روانگی کی خبر ایک ایسے صحافی نے دی ہے جو دفترِ خارجہ تک گیا ہی نہیں۔

انھوں نے لکھا کہ جس نے زندگی میں فارن آفس نہیں دیکھا وہ بھی خارجہ پالیسی کا ماہر رپورٹر ہے، ولی عہد تین دن سے پاکستان میں ہیں آج واپسی اسلام آباد سے ہوئی۔

ابوظہبی نے افغانستان میں مذاکرات کیلئے جو کردار ادا کیا، بیلنس آف پیمنٹ کیلئے جو ساتھ دیا اور اب عرب دینا میں پاکستان جہاں کھڑا ہے خبر سے پہلے کچھ تحقیق ہی کر لینی چاہئے روزانہ ایک جعلی خبر کی اختراع ہوتی ہے میڈیا کی آزادی کو اصل خطرہ عطائ صحافیوں سے ہے https://t.co/ye4ixMKFQe

— Ch Fawad Hussain (@fawadchaudhry) January 6, 2019

فواد چوہدری نے کہا کہ ولیٔ عہد کی ابوظبی سے 2 گھنٹے کے لیے پاکستان آنے کی اطلاع بھی درست نہیں، دورے کی تفصیل پہلے سے طے ہوتی ہیں، آج کا دورہ تسلسل میں ہے۔

یہ بھی پڑھیں:  ولی عہد محمد بن زید النہیان کے دورہ پاکستان پر وفاقی حکومت کا اعلامیہ جاری

وزیرِ اطلاعات نے کہا کہ خبر سے پہلے کچھ تحقیق ہی کر لینی چاہیے، روزانہ ایک جعلی خبر کی اختراع ہوتی ہے، میڈیا کی آزادی کو اصل خطرہ ان عطائی صحافیوں سے ہے۔

وفاقی وزیرِ اطلاعات فواد چوہدری نے کہا کہ ابوظبی نے افغان مذاکرات کے لیے کردار ادا کیا ہے، ابوظبی نے بیلنس آف پیمنٹ کے لیے ہمارا ساتھ دیا۔

اسلام آباد: وزیرِ مملکت ریونیو محمد حماد اظہر نے کہا ہے کہ شریف خاندان اور آصف زرداری کا منی لانڈرنگ نیٹ ورک بے نقاب ہو چکا، اگر ہماری صفوں میں چور نکلے گا تو خود قانون کے حوالے کریں گے۔

تفصیلات کے مطابق اسلام آباد میں نیوز کانفرنس سے خطاب کرتے ہوئے حماد اظہر نے کہا کہ دنیا کا سب سے بڑا منی لانڈرنگ کا نیٹ ورک پاکستان میں چل رہا تھا، دونوں خاندانوں کا منی لانڈرنگ نیٹ ورک بے نقاب ہو چکا ہے۔

[bs-quote quote=”پاکستان میں دنیا کا سب سے بڑا منی لانڈرنگ کا نیٹ ورک چل رہا تھا۔” style=”style-7″ align=”left” color=”#dd3333″ author_name=”وزیرِ مملکت”][/bs-quote]

وزیرِ مملکت نے کہا کہ چوروں کے خلاف کارروائی سے جمہوریت خطرے میں نہیں پڑے گی، ہم کسی کے لیے جمہوریت کو خطرے میں نہیں ڈالیں گے، چوروں کو نیب کے حوالے کریں گے۔

حماد اظہر نے کہا ’جے آئی ٹی رپورٹ میں منی لانڈرنگ کا کچا چٹھا کھول دیا گیا ہے، نیب اور جے آئی ٹی نے جتنی پیچیدہ ٹرانزکیشنز پر کام کیا ہے وہ قابلِ تحسین ہے۔‘

انھوں نے کہا کہ اوورسیز پاکستانی محنت کر کے پیسے ملک بھیجتے تھے، یہ کمیشن کے چکر میں پیسا واپس باہر لے جاتے، 2 خاندانوں کی کرپشن چھپانے کے لیے جو لوگ سامنے آ رہے ہیں ان کو شرم آنی چاہیے، ان کو سمجھنا چاہیے کہ ان کی وفاداری پاکستان کے لیے ہونی چاہیے چوروں کے لیے نہیں۔

یہ بھی پڑھیں:  نواز شریف اور زرداری کا طریقہ واردات ایک جیسا ہے، فواد چوہدری

وزیرِ مملکت برائے ریونیو نے کہا کہ ماضی میں کاروباری لوگوں پر بلا وجہ ٹیکس لگائے گئے، ہم کسی غریب آدمی پر ڈائریکٹ ٹیکس نہیں لگائیں گے، پاکستان کی برآمدات میں اضافہ اور درآمدات میں کمی ہوئی، پاکستان کی معیشت آہستہ آہستہ سنبھل رہی ہے۔

لاہور: گورنر پنجاب چوہدری محمد سرور نے کہا ہے کہ نئے پاکستان میں ہمیں انصاف کے تقاضے پورے کرنا ہیں، قانون کی حکمرانی لے کر آنی ہے۔

ان خیالات کا اظہار وہ ایک تقریب سے خطاب کرتے ہوئے کر رہے تھے، گورنر پنجاب نے کہا کہ آج کا دن بہت اہم ہے، آج قائدِ اعظم کا یومِ پیدائش ہے۔ ہمیں عہد کرنا ہوگا پاکستان کو قائدِ اعظم کے وژن کے مطابق بنائیں گے۔

[bs-quote quote=”پاکستان نے نئے تعلقات کی بنیاد رکھ دی ہے، اب بھارت کی باری ہے۔” style=”style-7″ align=”left” color=”#dd3333″ author_name=”چوہدری سرور”][/bs-quote]

گورنر پنجاب چوہدری سرور نے کہا ’ہم نیا پاکستان بنانے کی کوشش کر رہے ہیں، وزیرِ اعظم عمران خان کی لیڈر شپ میں وہ پاکستان بنانے کی کوشش کریں گے جس میں انصاف کی حکمرانی ہوگی۔‘

چوہدری سرور نے کہا کہ وزیرِ اعظم نے کرتارپور بارڈر کھولنے کا تاریخی اعلان کیا، اس فیصلے سے پاکستان کو دنیا میں بہت عزت ملی ہے، ایک کروڑ 12 لاکھ سے زائد سکھوں کے دل ہم نے جیت لیے ہیں۔

یہ بھی پڑھیں:  بابائےقوم قائداعظم کے یوم ولادت پرصدرمملکت اوروزیراعظم کا پیغام

گورنر پنجاب نے کہا کہ پاکستان نے نئے تعلقات کی بنیاد رکھ دی ہے، اب بھارت کی باری ہے۔

خیال رہے کہ آج قائدِ اعظم محمد علی جناح کے یومِ ولادت پر صدرِ مملکت ڈاکٹرعارف علوی اور وزیرِ اعظم عمران خان نے اپنے پیغام میں کہا کہ ہمیں بابائے قوم کے بتائے ہوئے اصولوں اتحاد، یقین اور تنظیم پر عمل کرنے کی ضرورت ہے۔

لاہور: وفاقی وزیرِ اطلاعات فواد چوہدری نے کہا ہے کہ اس وقت سب کی نظریں عدالت پر لگی ہوئی ہیں، فیصلے ہونے میں 15 ماہ لگے ہیں۔

تفصیلات کے مطابق وزیرِ اطلاعات فواد چوہدری نے لاہور میں میڈیا سے گفتگو کرتے ہوئے کہا کہ سیاست کا پرانا نظام دفن ہوگا تو ملک میں بہتری آئے گی۔

[bs-quote quote=”نواز شریف، زردرای اتحاد کا نام ٹی او پی یعنی ٹھگز آف پاکستان ہے۔ ٹھگز آف پاکستان اتحاد بری طرح فلاپ ہوگا۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیر اطلاعات”][/bs-quote]

فواد چوہدری نے کہا ’شریف فیملی کو معلوم ہی نہیں کہ ان کے پاس پیسا کہاں سے آیا، کل احتساب عدالت سے العزیزیہ اور فلیگ شپ ریفرنس کا فیصلہ آنا ہے، سب کی نظریں عدالت پر لگی ہیں، ملک میں قانون سازی مسئلہ نہیں بلکہ عمل کرانا اصل مسئلہ ہے۔‘

وزیرِ اطلاعات نے کہا ’یہاں سب معصوم ہیں تو بد معاش کون ہیں، زرداری، نواز شریف، شہباز شریف، سعد رفیق کہتے ہیں کہ وہ معصوم ہیں، ان سب سے ملک لوٹ لیا اور پھر بھی معصوم ہیں، اس اتحاد کا نام ٹی او پی رکھ لیں، یعنی ٹھگز آف پاکستان۔ ٹھگز آف پاکستان اتحاد بری طرح فلاپ ہوگا۔‘

فواد چوہدری نے مزید کہا ’جس عمر میں پاکستان میں بچوں کے شناختی کارڈ نہیں بنتے، نواز شریف کے بچوں کے اکاؤنٹ میں پیسے آ جاتے ہیں، وہ ارب پتی بن گئے، مان رہے ہیں جائیدادیں ان کی ہیں، لیکن یہ نہیں بتا رہے کہ پیسے کہاں سے آئے۔‘

[bs-quote quote=”جیسے جیسے ہم آگے جائیں گے پرانا نظام ٹوٹے گا اور چیخیں اس کی مثال ہیں۔” style=”style-7″ align=”right” color=”#dd3333″ author_name=”وزیرِ اطلاعات”][/bs-quote]

انھوں نے کہا کہ نواز شریف، زرداری کی سیاست ختم ہو چکی ہے، عمران خان کے دل میں لوگوں کے لیے ہم دردی ہے اس لیے یہاں موجود ہیں، یہ وقت پاکستان کی معیشت میں بہتری کا ہے، معیشت کی بہتری کے لیے ڈیڑھ ہفتے میں مزید اعلانات ہوں گے، جیسے جیسے ہم آگے جائیں گے پرانا نظام ٹوٹے گا اور چیخیں اس کی مثال ہیں۔

فواد چوہدری نے کہا ’کیا وقت آ گیا ہے کہ زرداری صاحب سندھ کے لوگوں کو کہہ رہے ہیں مہم چلائیں، نواز شریف بھی جائیدادیں بچانے کے لیے لوگوں سے کہہ رہے ہیں باہر نکلیں، عوام بے وقوف نہیں کہ ان کی جائیدادیں بچانے کے لیے باہر نکلیں۔‘

یہ بھی پڑھیں:  نواز شریف کے خلاف نیب ریفرنسز کے فیصلے سے قبل جڑواں شہروں کا سیکیورٹی پلان ترتیب

انھوں نے کہا ’یہ کیا منطق ہے کہ بڑے بھائی کا آڈٹ چھوٹا بھائی، باپ کا آڈٹ بیٹا کرے گا، پارلیمنٹ میں مہنگائی میں کمی اور معیشت کی بہتری جیسے عوامی مسائل پر بات نہیں ہو رہی، اپوزیشن چاہتی ہے پارلیمنٹ میں صرف ان کے کیسز پر بات کریں، یہ بلیک میلرز کا گروپ ہے۔‘

فواد چوہدری نے کہا کہ سانحہ ماڈل ٹاؤن پر نئی جے آئی ٹی فوری بننی چاہیے، عمل درآمد ہونا چاہئے، جہاں جہاں قانون پر عمل درآمد ہو رہا ہے وہاں چیخیں نکل رہی ہیں، سانحہ ماڈل ٹاؤن کے مرکزی کردار سوٹ ٹائی لگا کر اسمبلیوں میں بیٹھےہیں، ہم حکومت میں ہیں، بادشاہ نہیں، ضابطوں کے پابند ہیں۔

وزیرِ اطلاعات کا کہنا تھا کہ سرمایہ کاروں کے لیے ویزہ پالیسی میں نظرِ ثانی کا سوچ رہے ہیں، یواے ای کی جانب سے اعلان پر مخالفین کی سانس اکھڑ گئی۔