Tag: پی ٹی آئی کی خبریں

اسلام آباد: وزیرِ اعظم عمران خان نے قانون سازی کے عمل میں مزید تاخیر برداشت نہ کرنے کا فیصلہ کر لیا، حکومت نے قانون سازی کے لیے کمر کس لی۔

تفصیلات کے مطابق حکومت نے قانون سازی کے عمل میں مزید تاخیر نہ کرنے کا فیصلہ کرتے ہوئے کمر کس لی، قائمہ کمیٹیوں کی تشکیل میں پیش رفت کا عمل شروع ہو گیا۔

[bs-quote quote=”حکومت مسلم لیگ ن کے بغیر قائمہ کمیٹیوں کی تشکیل کا جائزہ لے گی۔” style=”style-7″ align=”left” color=”#dd3333″ author_name=”ذرائع”][/bs-quote]

وزیرِ اعظم عمران خان نے کمیٹیوں کی تشکیل پر اجلاس طلب کر لیا، یہ اجلاس پیر کو وزیرِ اعظم کی صدارت میں ہو گا۔

ذرائع کے مطابق اجلاس میں اپوزیشن سے متعلق حکمتِ عملی کو بھی حتمی شکل دی جائے گی، اپوزیشن نے پی اے سی (پبلک اکاؤنٹس کمیٹی) کے معاملے پر کمیٹیوں کا حصہ بننے سے انکار کر رکھا ہے۔

ذرائع کا کہنا ہے کہ حکومت مسلم لیگ ن کے بغیر قائمہ کمیٹیوں کی تشکیل کا جائزہ لے گی، اس سلسلے میں شاہ محمود قریشی، اسد عمر اور چیف وہپ عامر ڈوگر نے ہوم ورک مکمل کر لیا۔

ذرائع کا یہ بھی کہنا ہے کہ قومی اسمبلی میں پی ٹی آئی کے چیف وہپ عامر ڈوگر بریفنگ دیں گے، چیئرمین پی اے سی سے متعلق اپوزیشن سے مذاکرات سے آگاہ کیا جائے گا۔

یہ بھی پڑھیں:  منی لانڈرنگ کی روک تھام کے لئے ایک ہفتے میں قانون سازی کی جائے: وزیراعظم

ذرائع کے مطابق اجلاس میں چیئرمین پی اے سی سے متعلق اہم فیصلہ متوقع ہے، خیال رہے کہ قائمہ کمیٹیاں نہ بننے سے 100 دن میں کوئی قانون سازی نہ ہو سکی۔

گزشتہ روز وزیرِ اعظم عمران خان نے منی لانڈرنگ کی روک تھام کے لیے ایک ہفتے میں قانون سازی مکمل کرنے کی ہدایت کی تھی، وزیرِ اعظم نے کہا کہ قانون سازی اس قدر مؤثر ہو کہ حوالہ ہنڈی کے کاروبار کو پکڑا جا سکے۔

اسلام آباد: وفاقی وزیرِ خزانہ اسد عمر نے کہا ہے کہ پانچ سال میں ایک کروڑ نوکریاں ضرور دیں گے، روزگار کی فراہمی آئینی ذمہ داری سمجھ کر پوری کریں گے۔

جناح کنونشن سینٹر اسلام آباد میں پی ٹی آئی حکومت کے ابتدائی سو دن پورے ہونے کی تقریب سے خطاب کرتے ہوئے وزیرِ خزانہ نے کہا کہ ہم نے پہلے 100 دن میں معیشت کی سمت کا تعین کر دیا ہے۔

اسد عمر کا کہنا تھا کہ بیرونی خسارہ تین ماہ میں آدھا رہ گیا، ہم آئی ایم ایف کے پیچھے نہیں چھپیں گے، آئی ایم ایف سے وہ معاہدہ کریں گے جو عوام کی بہتری کے لیے ہو، عوام کی بہتری دیکھیں گے پھر آئی ایم ایف سے معاہدہ کریں گے۔

انھوں نے کہا کہ پہلے 100 دنوں میں ماہانہ بیرونی خسارے کو نصف کر دیا، پاکستان میں 6 ہزار ارب روپے کی سرمایہ کاری کی گنجائش پیدا کی جا رہی ہے، کسان پاکستان کی معیشت کی ریڑھ کی ہڈی ہے، نئے پاکستان میں ریاستی ادارے بھی کام کر کے دکھائیں گے۔

اسد عمر کا کہنا تھا کہ وزیرِ اعظم مجھ سے ہمیشہ یہی پوچھتے ہیں، اسد بتاؤ! غریبوں کے لیے کیا کیا، غریب کو سر پر چھت اور نوجوان کے لیے روزگار چاہیے، غریب کو چھت اور روزگار کے لیے پروگرام ترتیب دیے جا چکے ہیں، جلد شروع ہوں گے۔

انھوں نے مزید کہا کہ وسیلہ تعلیم اور صحت کارڈ کا دائرہ پورے پاکستان پر پھیلائیں گے، پاکستان کے کمزور طبقے کو اوپر لے کر آنا ہے، کم زور طبقے کو پیچھے چھوڑ کر معاشرہ ترقی نہیں کر سکتا۔

وزیرِ خزانہ نے کہا کہ حکومت سنبھالی تو قرض بڑھ رہے تھے، زرمبادلہ کے ذخائر گر رہے تھے، عمران خان نے ٹاس جیت کر مجھے بیٹنگ کے لیے بھیج دیا، ہم نے مشکل وکٹ پر بیٹنگ کرنے کا آپشن چنا ہے، لیکن نیت ٹھیک ہو تو اللہ کام یابی دیتا ہے۔

گزشتہ حکومت بیواؤں کا پیسا روک کر بیٹھی تھی، کابینہ نے آج بیواؤں کے لیے ایک ارب روپے جاری کرنے کی منظوری دی، عمل درآمد کمیٹیاں بنا رہے ہیں، ڈیڈ لائن سیٹ کر رہے ہیں۔

انھوں نے کہا کہ وزیرِ اعظم کو بیرونی دوروں کے لیے میں نے قائل کیا، اپوزیشن لیڈر کہتے ہیں فلاں کا پیٹ پھاڑ کر پیسا نکالوں گا، سڑکوں پر گھسیٹوں گا، آج یہ اپوزیشن لیڈر کہتے ہیں کہ وہ میرے بھائی ہیں۔

لاہور: وفاقی وزیرِ بحری امور علی زیدی کا کہنا ہے کہ 70 سال کا ملبہ 100 دن میں صاف نہیں کر سکتے، پہلے ملک کو بحرانوں سے نکالیں، پھر سب کا احتساب ہوگا۔

تفصیلات کے مطابق اے آر وائی نیوز کے پروگرام الیونتھ آور میں گفتگو کرتے ہوئے انھوں نے کہا کہ پہلے ملک کو بحرانوں سے نکالنا ہے اس کے بعد سب کا احتساب کریں گے۔

علی زیدی نے کہا کہ 29 تاریخ کو تمام اہداف کا بتائیں گے، کچھ چیزوں کے اہداف حاصل کر لیے گئے ہیں، کچھ ابھی باقی ہیں۔

انھوں نے کہا کہ جب حکومت میں آئے تھے تو معیشت کی حالت ٹھیک نہیں تھی، وزیرِ اعظم کو باہر جا کر جو کام کرنا پڑ رہا ہے وہ آسان نہیں ہے، ملک سے باہر جانے سے پہلے میں نے ہوم ورک کیا تھا۔

علی زیدی نے کہا کہ دو ایم اوز میرے پاس یو اے ای سے بھی آئے ہیں، جب چیزیں کھلیں گی تو سب سامنے آ جائے گا۔

یہ بھی پڑھیں:  فواد چوہدری نے 100روز میں پاکستان میڈیا یونیورسٹی قائم کرنے کے منصوبے کو بڑا کارنامہ قرار دے دیا

وفاقی وزیر کا کہنا تھا کہ ن لیگ اور پی پی کے میثاقِ جمہوریت کے تحت پی اے سی کا چیئرمین دیا گیا تھا، کے پی میں کوئی کرپشن کا کیس نہیں تھا تو کیوں اپوزیشن کا چیئرمین پی اے سی لگاتے۔

علی زیدی نے ن لیگ پر تنقید کرتے ہوئے کہا کہ پوری ن لیگ قطری خط کا سہارا لے رہی تھی، آج اس سے مکر گئے، کلبھوشن رنگے ہاتھوں پکڑا گیا لیکن ن لیگ نے آج تک اس کا نام نہیں لیا۔

لاہور: وفاقی وزیرِ بحری امور علی زیدی کا کہنا ہے کہ ماضی کی حکومتیں ملک کو کنگال کر کے گئی ہیں، ہماری حکومت مجبوری میں آئی ایم ایف جا رہی ہے۔

ان خیالات کا اظہار وہ اے آر وائی نیوز کے پروگرام پاور پلے میں کر رہے تھے، انھوں نے پروگرام میں سوال اٹھایا کہ 70 سال میں ملک میں جو خرابیاں کی گئیں کیا اس کے ذمہ دار عمران خان تھے؟

[bs-quote quote=”ملکی معیشت کی گاڑی میں نہ انجن ہے نہ پٹرول، نواز شریف نے اسمبلی کے فورم پر جھوٹ بولا ہے۔” style=”style-7″ align=”left” color=”#dd3333″ author_job=”علی زیدی”][/bs-quote]

پاکستان تحریکِ انصاف کے رہنما کا کہنا تھا کہ اگر حکمت عملی میں تبدیلی کو یو ٹرن کہا جاتا ہے تو ٹھیک ہے۔

علی زیدی نے کہا کہ عمران خان وزیرِ اعظم بننے سے پہلے جو باتیں کر رہے تھے وہ اب بھی کہہ رہے ہیں۔

پی ٹی آئی رہنما کا کہنا تھا کہ عمران خان دنیا میں اپنا گھر بنانے کے لیے پیسے نہیں مانگ رہے، ملکی معیشت کی گاڑی میں نہ انجن ہے نہ پٹرول، نواز شریف نے اسمبلی کے فورم پر جھوٹ بولا ہے۔

یہ بھی پڑھیں:  سعودی عرب سے ایک ارب ڈالر موصول، اسٹیٹ بینک کی تصدیق

علی زیدی نے مزید کہا کہ سابق وزیرِ اعظم نواز شریف اب قطری خط سے بھی مکر گئے ہیں، جب کہ پی پی چیئرمین بلاول بھٹو نے عوام سے روٹی، کپڑا اور مکان چھینا۔

خیال رہے کہ پاکستانی معیشت کو سنبھالا دینے کے لیے آج برادر اسلامی ملک سعودی عرب سے پاکستان کے اکاؤنٹ میں ایک ارب ڈالر منتقل ہو گئے ہیں جو کہ پاک سعودی معاہدے کے تحت 12 ارب ڈالر کے امدادی پیکج کا حصہ ہے۔