ARYNews.tv | Urdu – Har Lamha Bakhabar

Tag: پی ٹی آئی کی خبریں

  • حکومت کے 100 روز مکمل ہونے میں 12 دن رہ گئے

    حکومت کے 100 روز مکمل ہونے میں 12 دن رہ گئے

    اسلام آباد: پاکستان تحریکِ انصاف کی حکومت کے 100 روز مکمل ہونے میں 12 دن رہ گئے، مختلف وزارتوں کی 100 روزہ کارکردگی رپورٹس وزیرِ اعظم کو ملنا شروع ہو گئیں۔

    تفصیلات کے مطابق پی ٹی آئی حکومت کے سو روز 12 دن بعد مکمل ہو جائیں گے، اس سلسلے میں مختلف وزارتوں کی جانب سے کارکردگی سے متعلق رپورٹس وزیرِ اعظم عمران خان کو موصول ہونا شروع ہوگئیں۔

    [bs-quote quote=”وزیرِ مملکت برائے مواصلات مراد سعید نے کارکردگی میں سب کو پیچھے چھوڑ دیا۔” style=”style-7″ align=”left” color=”#dd3333″][/bs-quote]

    وزیرِ مملکت برائے مواصلات مراد سعید نے کارکردگی میں سب کو پیچھے چھوڑ دیا، مراد سعید کی کارکردگی سب سے اعلیٰ قرار پائی، وزیرِ اعظم نے انھیں شاباش دے دی۔

    وفاقی وزیرِ ریلوے کی کارکردگی بھی قابلِ ذکر رہی، شیخ رشید احمد نے 10 نئی ٹرینیں چلا کر آمدن میں 2 ارب کا ریکارڈ اضافہ کیا۔

    کارکردگی کے سلسلے میں ٹاپ 10 وزرا کی دوڑ میں وزیرِ خزانہ اسد عمر، وزیرِ ریلوے شیخ رشید، وزیرِ مواصلات مراد سعید، اور وزیرِ اطلاعات فواد چوہدری میں سخت مقابلہ ہے۔

    خیال رہے کہ حکومت نے 100 دن پورے ہونے پر کارکردگی رپورٹ شائع کرنے کا فیصلہ کیا ہے، 100 دن مکمل ہونے پر پشاور میں خصوصی تقریب منعقد ہوگی، جس میں وزیرِ اعظم عمران خان شرکت کریں گے۔

    یہ بھی پڑھیں:  حکومت کا 100دن پورے ہونے پر کارکردگی رپورٹ شائع کرنے کا فیصلہ

    کارکردگی رپورٹ میں حکومت کے آئندہ 5 سال کے لائحۂ عمل سے بھی آگاہ کیا جائے گا، وزیرِ اعظم کی ہدایت کے مطابق وزرا کو رپورٹ میں بتانا ہوگا کہ قومی خزانے کو کتنا فائدہ پہنچایا گیا، کفایت شعاری اور سادگی پر کہاں تک عمل ہوا؟

    وزرا کو یہ بھی بتانا ہوگا کہ عوام کے ریلیف کے لیے کیا اقدامات کیے گئے اور حکومتی منشور پر عمل در آمد، نئی اسکیموں اور کرپشن کے سدِ باب کے لیے کیا اقدامات کیے گئے۔

  • اسلام آباد کا ماسٹر پلان تبدیل کرنے کا بڑا حکومتی فیصلہ

    اسلام آباد کا ماسٹر پلان تبدیل کرنے کا بڑا حکومتی فیصلہ

    اسلام آباد: تحریکِ انصاف کی حکومت نے ملک کے دار الحکومت اسلام آباد کا ماسٹر پلان تبدیل کرنے کا بڑا فیصلہ کر لیا۔

    تفصیلات کے مطابق وزیرِ اعظم عمران خان کی زیرِ صدارت اجلاس میں اسلام آباد سے متعلق بڑا فیصلہ کیا گیا، وزیرِ اعظم نے شہر کا ماسٹر پلان تبدیل کرنے کی منظوری دے دی۔

    [bs-quote quote=”شہر کا ماسٹر پلان 20 سال کے بعد تبدیل ہونا تھا۔” style=”style-7″ align=”left” color=”#dd3333″ author_job=”ذرائع”][/bs-quote]

    ذرائع کا کہنا ہے کہ ماسٹر پلان میں تبدیلی کے لیے بڑی آرکیٹیکٹ فرم کی خدمات لی جائیں گی، ذرائع نے یہ بھی بتایا کہ شہر کا ماسٹر پلان 20 سال کے بعد تبدیل ہونا تھا۔

    وزیرِ اعظم عمران خان نے اجلاس میں کہا کہ اسلام آباد کو ماڈل شہر بنایا جائے گا، من پسند تبدیلیوں نے شہر کا نقشہ بگاڑ دیا ہے، ماسٹر پلان میں تبدیلی شہریوں کے مفاد میں کی جا رہی ہے۔

    ذرائع کے مطابق وزیرِ اعظم نے کہا کہ اسلام آباد کا ماسٹر پلان تبدیل کرنے سے مقامی لوگوں کے مسائل میں کمی آئے گی۔ اجلاس میں قبضہ مافیا کے خلاف آپریشن کا بھی فیصلہ کیا گیا۔

    یہ بھی پڑھیں:  سپریم کورٹ کا وزیراعظم عمران خان سمیت 65 افراد کی تعمیرات ریگولرائز کرنے کا حکم

    پی ٹی آئی سندھ کے ایم این ایز کے اجلاس سے اظہارِ خیال کرتے ہوئے عمران خان نے کہا کہ ہم نے مشکل حالات میں حکومت سنبھالی، آئندہ چند ماہ میں واضح تبدیلی آئے گی۔

  • ہمارے اتحادی ایسا کام نہیں کریں گے جس سے ہمیں نقصان ہو، علی محمد خان

    ہمارے اتحادی ایسا کام نہیں کریں گے جس سے ہمیں نقصان ہو، علی محمد خان

    لاہور: وزیرِ مملکت برائے پارلیمانی امور علی محمد خان نے کہا ہے کہ احتساب بلا تفریق سب کا ہونا چاہیے، ہمارے اتحادی ایسا کام نہیں کریں گے جس سے ہمیں نقصان ہو۔

    پروگرام اعتراض ہے میں گفتگو کرتے ہوئے علی محمد خان نے کہا کہ جہانگیر ترین پارٹی کے اہم رہنما ہیں اور رہیں گے، ان کا پارٹی میں اہم کردار ہے۔

    [bs-quote quote=”جہانگیر ترین پارٹی کے اہم رہنما ہیں اور رہیں گے: علی محمد خان” style=”style-7″ align=”left” color=”#dd3333″][/bs-quote]

    پاکستان تحریکِ انصاف کے مرکزی رہنما نے کہا کہ اسپیکر قومی اسمبلی اسد قیصرعمران خان کے رشتہ دار نہیں، پرانے کارکن ہیں، اسی طرح ڈپٹی اسپیکر قومی اسمبلی قاسم سوری بھی عمران خان کے رشتہ دار نہیں ہیں۔

    علی محمد خان کا کہنا تھا کہ پی ٹی آئی بڑی مثالیں بنا رہی ہے، میں بھی عمران خان کا رشتہ دار نہیں ہوں، نہ ہی عثمان بزدار ان کے رشتہ دار ہیں، دیکھتے ہیں کہ مخالفین کب مثال بنائیں گے۔

    یہ بھی پڑھیں:  پرویز الہیٰ اور چوہدری سرور میں رابطہ، ساتھ چلنے پر اتفاق

    انھوں نے کہا کہ پاکستان تحریکِ انصاف کی حکومت اور عمران خان سے لوگوں کو اتنی توقعات ہیں کہ معمولی سی کم زوری بھی نہیں دیکھنا چاہتے۔ کیوں کہ ماضی کے سب رہنما ناکام ہوچکے ہیں، اب قوم کے پاس ایک ہی آپشن ہے، عمران خان ہی اب آخری امید ہیں۔

    پی ٹی آئی رہنما نے کہا کہ ہر جماعت میں چھوٹے چھوٹے مسائل آتے رہتے ہیں جو حل ہو جاتے ہیں، ہمارے اتحادی ایسا کام نہیں کریں گے جس سے ہمیں نقصان ہو۔

  • اقتدار کے عادی ن لیگیوں کو اپوزیشن میں رہ کر مشکل پیش آ رہی ہے: ندیم افضل چن

    اقتدار کے عادی ن لیگیوں کو اپوزیشن میں رہ کر مشکل پیش آ رہی ہے: ندیم افضل چن

    لاہور: پاکستان تحریکِ انصاف کے رہنما ندیم افضل چن نے کہا ہے کہ ن لیگی اقتدار کے عادی تھے، انھیں اپوزیشن میں بیٹھ کر مشکل پیش آ رہی ہے۔

    تفصیلات کے مطابق اے آر وائی نیوز کے پروگرام پاور پلے میں گفتگو کرتے ہوئے ندیم افضل چن نے کہا کہ ن لیگ کو ماضی میں اپنے دور کی کارکردگی کا جواب دینا ہے۔

    [bs-quote quote=”احتساب کا عمل نہیں رکے گا، ادارے اپنا کام کرتے رہیں گے۔” style=”style-7″ align=”left” color=”#dd3333″ author_name=”ندیم افضل چن” author_job=”رہنما پی ٹی آئی”][/bs-quote]

    پی ٹی آئی رہنما کا کہنا تھا کہ ن لیگ والے حکومتی اور اپنی پالیسیوں پر بات کریں مگر ذاتیات پر حملے نہ کریں، سسٹم ڈی ریل کرنے کے ذمہ دار ایسے ہی لوگ ہوں گے، ن لیگ بتائے کوئی ایسا کام جو زراعت کے لیے انھوں نے کیا ہو۔

    افضل چن نے کہا کہ گنے کی صورتِ حال بہت خراب ہے، کسان پریشان ہیں، ایری گیشن اور ایگری کلچر کا جو حال ن لیگ نے کیا وہ سب کے سامنے ہے، ن لیگ کے قبضے سے حکومت کی زمینیں واگزار کرائی جا رہی ہیں۔

    انھوں نے کہا کہ حکومت ابھی تک ان کی پالیسیوں کے نقصانات دور کر رہی ہے، ن لیگ دور میں کوئی ڈیم نہیں بنا، کوئی ٹرانسمیشن لائن نہیں لگی، جو کول پلانٹ لگا اس کی وجہ سے بھی مسائل کا سامنا ہے۔

    یہ بھی پڑھیں:  مضبوط معیشت اور روزگار کی فراہمی ترجیح ہے، چھ ماہ میں مزید بہتری آئے گی، عمران خان

    تحریکِ انصاف کے رہنما کا کہنا تھا کہ پارلیمنٹ میں جو لفظ بولا جائے گا وہ تاریخ کا حصہ بنتا جائے گا، پارلیمنٹ کی کارکردگی دنیا دیکھ رہی ہے، آئندہ نسلیں بھی دیکھیں گی کہ کس نے کیا کہا تھا، موجودہ صورتِ حال ملک کی سیاسی قیادت کا بہت بڑا امتحان ہے۔

    انھوں نے کہا کہ احتساب کا عمل نہیں رکے گا، ادارے اپنا کام کرتے رہیں گے، اس صورتِ حال میں ایک دوسرے پر الزامات کے سلسلے میں حکومت اور اپوزیشن دونوں کو ایک حد مقرر کرنا ہوگی۔

  • عوام کے پیسے کو کرپشن سے بچانے کے لیے ٹھوس اقدامات کرنے ہوں گے، افتخار درانی

    عوام کے پیسے کو کرپشن سے بچانے کے لیے ٹھوس اقدامات کرنے ہوں گے، افتخار درانی

    لاہور: پاکستان تحریکِ انصاف کے سینئر رہنما افتخار درّانی نے کہا ہے کہ عوام کے پیسے کو کرپشن سے بچانے کے لیے ٹھوس اقدامات کرنے ہوں گے۔

    اے آر وائی نیوز کے پروگرام میں گفتگو کرتے ہوئے افتخار درّانی نے کہا کہ حکومت کی جانب سے کسی نے یہ نہیں کہا کہ وزیرِ اعظم کو آج خطاب کرنا تھا۔

    [bs-quote quote=”ن لیگ اور پی پی مقدمات ماضی کے دورِ حکومت کے ہیں۔” style=”style-7″ align=”left” color=”#dd3333″ author_name=”افتخار درّانی”][/bs-quote]

    ان کا کہنا تھا کہ وزیرِ اعظم کو اگر کوئی کام کرنا ہوتا ہے تو اس کے لیے ایک طریقۂ کار کے تحت چلنا پڑتا ہے، وزیرِ اعظم کے خطاب کا تاثر دیا گیا۔

    افتخار درّانی نے کہا کہ  پراسیکیوشن کو مضبوط کرنا ہے اور دیکھنا ہے کہ عوام کے پیسے ضائع نہ ہوں۔

    پی ٹی آئی رہنما کا کہنا تھا کہ ن لیگ اور پی پی مقدمات ماضی کے دورِ حکومت کے ہیں، آصف زرداری کے مقدمات کی تحقیقات ایف آئی اے کر رہا ہے، اور ایف آئی اے اپنی رپورٹ سپریم کورٹ میں جمع کراتی ہے۔

    یہ بھی پڑھیں:  ملک فوری بحران سے نکل چکا ہے: وزیرِ خزانہ

    انھوں نے کہا کہ اپوزیشن رہنماؤں پر مقدمات حکومت نے نہیں بنائے، بلکہ حکومت جب مقدمات بنائے گی تو سب کے سامنے ہوگا۔

    ان کا یہ بھی کہنا تھا کہ ملک میں وائٹ کالر کرائم کی نشان دہی کے لیے ماہرین موجود نہیں ہیں، آج ایک اجلاس میں اپوزیشن کی جانب سے تجاویز آئی ہیں، دیکھنا ہے کہ عوام کے پیسے کو کیسے بچایا جائے۔

  • دھرنوں کے دوران جلاؤ گھیراؤ: 2 روز میں ایک ہزار سے زائد افراد گرفتار

    دھرنوں کے دوران جلاؤ گھیراؤ: 2 روز میں ایک ہزار سے زائد افراد گرفتار

    اسلام آباد: شر پسندوں کے خلاف ملک بھر میں کریک ڈاؤن، تصاویر اور فوٹیج کی مدد سے گزشتہ 2 روزمیں ملک بھر سے ایک ہزار سے زائد افراد گرفتار کر لیے گئے۔

    تفصیلات کے مطابق دھرنوں کے دوران جلاؤ گھیراؤ اور توڑ پھوڑ کرنے پر ملک بھر میں گرفتاریاں جاری ہیں، گرفتاریاں وزارتِ داخلہ کی ہدایت پر کی جا رہی ہیں۔

    [bs-quote quote=”گرفتاریاں سوشل میڈیا وڈیوز، تصاویر اور شکایتی سیل کی تفصیلات پر کی جا رہی ہیں” style=”style-7″ align=”left” color=”#dd3333″ author_name=”ذرائع وزارتِ داخلہ”][/bs-quote]

    ذرائع وزارتِ داخلہ کے مطابق اب تک ایک ہزار سے زائد افراد کو حراست میں لیا گیا ہے جو دھرنوں کے دوران شر پسندانہ کارروائیوں میں ملوث تھے۔

    ذرائع کا کہنا ہے کہ گرفتار ہونے والے افراد کو پنجاب، کراچی، اسلام آباد اور خیبر پختونخوا کے مختلف علاقوں سے گرفتار کیا گیا ہے۔

    گرفتار تمام افراد پر جلاؤ گھیراؤ اور نجی و سرکاری املاک کو نقصان پہنچانے کے مقدمات درج ہیں، جب کہ پولیس پر حملہ آور اور فائرنگ کرنے والے افراد پر اے ٹی سی کے تحت مقدمات ہیں۔

    تین ہزار سے زائد افراد کے خلاف پرچے کٹ گئے، اسلام آباد سے گرفتار 10 ملزمان کا تین روزہ ریمانڈ دیا گیا جب کہ 16 کوجیل بھیج دیا گیا۔ ذرائع کا کہنا ہے کہ ملک بھر میں گرفتاریاں سوشل میڈیا وڈیوز، تصاویر اور شکایتی سیل کی تفصیلات پر کی جا رہی ہیں۔

    پنجاب: مختلف شہروں سے ہنگامہ آرائی اور جلاؤ گھیراؤ میں ملوث 201 افراد گرفتار

    واضح رہے کہ ملک کے مختلف شہروں میں ہونے والے دھرنوں اور مظاہروں میں مشتعل افراد کی جانب سے جلاؤ گھیراؤ اور ہنگامہ آرائی کی گئی، جس کے باعث شہریوں کو بھاری نقصان کا سامنا کرنا پڑا۔

    ان ہنگاموں میں درجنوں گاڑیاں اور دکانیں جلا کر خوف و ہراس پھیلایا گیا، بعد ازاں مظاہرین کے قائدین سے مذاکرات اور حکومت کی واضح ہدایات کے بعد پولیس نے فوری کارروائی کا آغاز کر دیا۔

  • صلح پسندی پُر امن احتجاج کا نظریہ متاثر کر سکتی ہے، شیریں مزاری

    صلح پسندی پُر امن احتجاج کا نظریہ متاثر کر سکتی ہے، شیریں مزاری

    سلام آباد: وفاقی وزیر انسانی حقوق شیریں مزاری کا کہنا ہے کہ خون خرابے سے بچنے کے لیے صلح پسندی پُر امن احتجاج کے نظریے کو متاثر کر سکتی ہے۔

    تفصیلات کے مطابق سماجی رابطوں کی ویب سائٹ ٹویٹر پر شیریں مزاری نے کہا ہے کہ صلح پسندی سے پُر امن احتجاج کا نظریہ متاثر ہو سکتا ہے۔

    [bs-quote quote=”صلح پسندی کی پالیسی سے غیر ریاستی عناصر کے لیے خطرناک پیغام پہنچا” style=”style-7″ align=”left” color=”#dd3333″ author_name=”شیریں مزاری”][/bs-quote]

    انسانی حقوق کی وزیر شیریں مزاری کہتی ہیں کہ خون خرابے سے بچنے اور صلح پسندی کی پالیسی سے غیر ریاستی عناصر کے لیے خطرناک پیغام پہنچا۔

    ان کا کہنا تھا کہ ریاست کو قانون کی عمل داری قائم کرنی چاہیے، یقین ہے وزیرِ اعظم قانون کی حکمرانی کا عزم پورا کریں گے اور ریاستی اداروں کے ساتھ کھڑے ہوں گے۔

    وفاقی وزیر شیریں مزاری نے یورپ کی تاریخ سے مثال دیتے ہوئے کہا کہ نازیوں کے ساتھ صلح کی بات سے کوئی فائدہ نہیں ہوا تھا، جنگ سے خوف زدہ یورپ نے خون خرابے سے بچنے کے لیے صلح پسندی اختیار کی لیکن اس کا نتیجہ دوسری جنگِ عظیم کی تباہی کی صورت میں نکلا۔

    یہ بھی پڑھیں:  ریاستی طاقت استعمال کرتے تو نقصان کا اندیشہ تھا، فواد چوہدری

    خیال رہے کہ پیپلز پارٹی کے صوبائی وزیرِ بلدیات سندھ سعید غنی نے بھی حکومت پر تنقید کرتے ہوئے کہا ہے کہ اداروں کو گالیاں دینے والوں کے سامنے حکومت نے ہتھیار ڈال دیے۔

    دوسری طرف وفاقی وزیرِ اطلاعات فواد چوہدری نے کہا ہے کہ دھرنے میں حالات سب کے سامنے تھے، حکومت کے پاس 2 آپشن تھے، ریاستی طاقت استعمال کرتے تو نقصان کا اندیشہ تھا۔

    وزیرِ اطلاعات نے کہا کہ ہم نے جو قدام کیا وہ آگ بجھانے کے مترادف ہے، طاقت استعمال کرنے سے نقصان ہوتا تو بھی تنقید ہوتی، لیکن کسی کو غلط فہمی نہیں ہونی چاہیے کہ ریاست اُسے معاف کر دے گی۔

  • حکومت نے پٹرولیم مصنوعات کی قیمتوں میں اضافہ کر دیا

    حکومت نے پٹرولیم مصنوعات کی قیمتوں میں اضافہ کر دیا

    اسلام آباد: حکومت نے پٹرولیم مصنوعات کی قیمتوں میں اضافے کا اعلان کر دیا، پٹرول کی قیمت میں 5 روپے فی لیٹر اضافہ کر دیا گیا۔

    تفصیلات کے مطابق وزارتِ خزانہ نے پٹرولیم مصنوعات کی قیمتوں میں اضافے کی منظوری دے دی، پٹرول کی قیمت میں 5 روپے فی لیٹر جب کہ ہائی اسپیڈ ڈیزل کی قیمت میں 6 روپے 37 پیسے فی لیٹر کا اضافہ کر دیا گیا۔

    [bs-quote quote=”پٹرول کی نئی قیمت 97 روپے 83 پیسے ہو گئی” style=”style-7″ align=”left” color=”#dd3333″][/bs-quote]

    لائٹ ڈیزل کی قیمت میں 6 روپے 48 پیسے فی لیٹرکا اضافہ، اور مٹی کے تیل کی قیمت میں 3 روپے فی لیٹر اضافہ کیا گیا۔

    پٹرول کی قیمت میں پانچ روپے فی لیٹر اضافے کے بعد پٹرول کی نئی قیمت 97 روپے 83 پیسے ہو گئی، جب کہ ہائی اسپیڈ ڈیزل کی قیمت میں 6 روپے 37 پیسے فی لیٹر اضافے سے نئی قیمت 112 روپے 94 پیسے ہو گئی۔

    یہ بھی پڑھیں:  پیٹرولیم مصنوعات کی قیمتوں میں 13 روپے فی لیٹر تک اضافے کی سفارش

    لائٹ ڈیزل کی قیمت میں 6 روپے 48 پیسے فی لیٹر اضافے کے بعد لائٹ ڈیزل کی نئی قیمت 82 روپے 44 پیسے ہو گئی، جب کہ مٹی کے تیل کی قیمت میں 3 روپے فی لیٹر اضافے کےبعد نئی قیمت 86 روپے 50 پیسے ہو گئی۔

    وزارتِ خزانہ کے نوٹیفکیشن کے مطابق پٹرولیم مصنوعات کی نئی قیمتوں کا اطلاق آج رات 12 بجے سے ہوگا۔

    خیال رہے کہ اوگرا نے پیٹرولیم مصنوعات میں 13 روپے فی لیٹر تک اضافے کی سمری وزارتِ پٹرولیم کو ارسال کی تھی۔

  • حکومت کا پبلک اکاونٹس کمیٹی سے متعلق لچک دکھانے کا فیصلہ

    حکومت کا پبلک اکاونٹس کمیٹی سے متعلق لچک دکھانے کا فیصلہ

    اسلام آباد: حکومت نے پبلک اکاؤنٹس کمیٹی سے متعلق لچک دکھاتے ہوئے پی اے سی کے چیئر مین کے لیے اپوزیشن سے رابطہ کرنے کا فیصلہ کر لیا۔

    تفصیلات کے مطابق وزیرِ اعظم عمران خان کی زیرِ صدارت پی ٹی آئی پارلیمانی پارٹی اجلاس منعقد ہوا، جس میں وزیرِاعظم نے اپوزیشن سے رابطے کی منظوری دے دی۔

    [bs-quote quote=”پی اے سی کے چیئرمین کے عہدے کے لیے شہباز شریف کا نام متنازعہ ہے: فواد چوہدری” style=”style-7″ align=”left” color=”#dd3333″][/bs-quote]

    اجلاس کے اختتام پر وفاقی وزیرِ اطلاعات فواد چوہدری نے اے آر وائی نیوز سے خصوصی گفتگو کرتے ہوئے کہا کہ پی اے سی کے چیئرمین کے عہدے کے لیے شہباز شریف کا نام متنازعہ ہے۔

    ان کا کہنا تھا کہ اپوزیشن مناسب نام تجویز کرے تو ہم اپنا نام واپس لینے کو تیارہیں، فواد چوہدری نے کہا کہ ہم نے پبلک اکاؤنٹس کمیٹی کے لیے فخر امام کا نام تجویز کیا ہے۔

    وزیرِ اطلاعات نے یہ بھی کہا کہ اگر اپوزیشن کو یہ نام پسند نہیں تو وہ نیا نام سامنے لا سکتی ہے، تاہم انھوں نے اپوزیشن لیڈر شہباز شریف کو متنازعہ قرار دے دیا۔

    پاکستان تحریکِ انصاف کے سینئر رہنما افتخار درّانی نے کہا کہ حکومت کی طرف سے شاہ محمود قریشی کو رابطوں کا ٹاسک سونپ دیا گیا ہے۔

    یہ بھی پڑھیں:  فواد چوہدری کا پھر شہباز شریف کو پبلک اکاؤنٹس کمیٹی کا چیئرمین بنانے پر اعتراض

    اس موقع پر فواد چوہدری نے اپوزیشن کی جانب سے بلائے جانے والے آل پارٹیز کانفرنس کے متعلق تبصرہ کرتے ہوئے کہا کہ یہ آل پارٹیز کرپٹ کانفرنس ہے۔

    خیال رہے کہ پاکستان تحریکِ انصاف اور اپوزیشن کے درمیان پبلک اکاؤنٹس کمیٹی کے چیئرمین کے عہدے پر اختلاف چلتا آ رہا ہے، وزیرِ اطلاعات نے پی اے سی کی سربراہی حکومت کا حق قرار دیا جبکہ اپوزیشن کا مؤقف ہے کہ یہ حق اپوزیشن کو حاصل ہے۔

  • مولانا فضل الرحمان کا کردار صرف بی جمالو کا رہ گیا، علیم خان

    مولانا فضل الرحمان کا کردار صرف بی جمالو کا رہ گیا، علیم خان

    لاہور: سینئر وزیر پنجاب عبد العلیم خان نے داتا دربار آمد اور انتظامات کا جائزہ لینے کے موقع پر گفتگو کرتے ہوئے کہا کہ مولانا فضل الرحمان کا کردار صرف بی جمالو کا رہ گیا ہے۔

    صوبائی وزیرِ بلدیات نے کہا کہ چور پہلے نواز شریف اور اب آصف زرداری کی قیادت میں متحد ہو رہے ہیں، پنجاب اسمبلی میں اپوزیشن منفی کردار ادا کر رہی ہے۔

    [bs-quote quote=”داتا دربار کے قریب اپنی جیب سے مسافر خانہ تعمیر کراؤں گا: علیم خان” style=”style-7″ align=”left” color=”#dd3333″][/bs-quote]

    علیم خان کا کہنا تھا کہ احتجاج کے لیے اپوزیشن کوکھانا، پانی، کنٹینر دینے کی پیش کش کی تھی، ہمارے احتجاج کے دوران ہم پر پانی تک بند کر دیا گیا تھا۔

    انھوں نے کہا کہ وزیرِ اعظم کی ہدایت پر داتا دربار کے قریب مسافر خانہ تعمیر کریں گے جسے میں اپنی جیب سے تعمیر کراؤں گا، لاہور میں تقریباً 5 مسافر خانے تعمیر کیے جائیں گے۔

    سینئر وزیر نے مزید کہا کہ عمران خان لاہور کی تعمیر و ترقی میں خصوصی دل چسپی رکھتے ہیں، داتا دربار کے قریب سہولت کے لیے نیا پارکنگ سسٹم بنائیں گے۔

    یہ بھی پڑھیں:  فضل الرحمان کو بڑا دھچکا، نوازشریف کا آل پارٹیز کانفرنس میں شرکت سے انکار

    دریں اثنا پی ٹی آئی رہنماؤں نے اپوزیشن کو نشانے پر رکھ لیا۔ سینئر وزیر علیم خان کی تنقید کے علاوہ وزیرِ خارجہ شاہ محمود قریشی نے بھی اپوزیشن کو آئینہ دکھایا۔

    وزیرِ خارجہ نے کہا کہ اپوزیشن کی اے پی سی کا کوئی ایجنڈا ہے نہ مقصد، آصف زرداری کی گرفتاری کا فیصلہ متعلقہ اداروں نے کرنا ہے، سندھ میں گورنر راج کی باتیں من گھڑ ت ہیں۔