Tag: پی ٹی آئی کی خبریں

کراچی: پاکستان تحریک انصاف کی موجودہ حکومت کو پانچ سال کے دوران 37 ارب 63 کروڑ ڈالرز کی غیر ملکی ادائیگیاں کرنا ہوں گی۔

تفصیلات کے مطابق سرکاری دستاویز میں کہا گیا ہے کہ اگلے 5 سال میں پی ٹی آئی حکومت کو 31 ارب ڈالرز قرض جب کہ 6 ارب 60 کروڑ سود ادا کرنا ہوگا۔

رواں مالی سال کی ادائیگیاں 7 ارب ڈالرز سے زائد کی ہیں، حکومت نے رواں سال کے دوران ایک ارب 48 کروڑ ڈالرز سود کی مد میں ادا کرنے ہیں۔

آئندہ مالی سال 8 ارب اور سال 2020 – 2021 میں 7 ارب 45 کروڑ ڈالرز سے زائد قرض ادا کرنا ہے، جب کہ مالی سال 2021-22 میں 6 ارب 45 کروڑ ڈالرز قرض ادا کرنا ہوگا، اسی طرح مالی سال 2022-23 میں 6 ارب 49 کروڑ ڈالرز کی ادائیگی کرنا ہوگی۔

ذرایع کے مطابق اس حوالے سے وزیر اعظم عمران خان کو بھی تفصیلی رپورٹ پیش کر دی گئی ہے۔ واضح رہے کہ پاکستان تحریک انصاف کی حکومت نے ستمبر تا دسمبر 2018 کے درمیانی عرصے میں 746 ارب روپے کا اندرونی قرضہ حاصل کیا۔

یہ بھی پڑھیں:  رواں مالی سال کے پہلے 6 ماہ میں حکومت نے 2 ارب 31 کروڑ ڈالر کا قرضہ لیا

موجودہ حکومت نے ان تین ماہ کے دوران 1313 ملین ڈالرز کا بیرونی قرضہ بھی لیا۔

خیال رہے کہ حکومت نے رواں مالی سال کے پہلے چھ ماہ میں دو ارب اکتیس کروڑ ڈالر بیرونی قرضوں کی مد میں حاصل کیے، یہ حجم گزشتہ مالی سال سے ساٹھ فی صد کم ہے، گزشتہ سال 1 ارب 16 کروڑ ڈالر قرضہ لیا گیا تھا۔

اسلام آباد: وزیرِ خارجہ شاہ محمود قریشی نے سماجی رابطے کی ویب سائٹ ٹویٹر پر کہا ہے کہ پاکستان افغان امن عمل کے لیے اپنا کردار ادا کرتا رہے گا۔

تفصیلات کے مطابق وزیر خارجہ شاہ محمود قریشی نے ٹویٹ کرتے ہوئے کہا کہ افغان امن عمل کے لیے پاکستان سہولت فراہم کرتا رہے گا۔

انھوں نے امریکی نمائندہ خصوصی برائے افغانستان زلمے خلیل زاد کے ٹویٹ کے جواب میں کہا کہ ہمارا یقین ہے کہ افغانیوں پر مشتمل مفاہمتی عمل ہی سے پائیدار امن کا حصول ممکن ہے۔

Pakistan will continue to play it’s role and facilitate the peace process. We firmly believe that a lasting peace can only be achieved if it is Afghan led and Afghan owned. https://t.co/HgBW7p19C2

— Shah Mahmood Qureshi (@SMQureshiPTI) April 6, 2019

خیال رہے کہ امریکی نمائندہ خصوصی زلمے خلیل زاد نے کہا ہے کہ پاکستان کی جانب سے طالبان رہنماﺅں کو سفری سہولیات دینے پر شکر گزار ہیں، امید ہے پاکستان اپنا مثبت کردار جاری رکھے گا۔

یہ بھی پڑھیں:  افغان امن عمل میں حالیہ اقدامات پر پاکستان کے شکر گزار ہیں: زلمے خلیل زاد

زلمے خلیل زاد نے دورۂ پاکستان کے حوالے سے ٹویٹ کرتے ہوئے پاکستان کا شکریہ ادا کیا، کہا افغان امن عمل میں حالیہ اقدامات پر پاکستان کے شکر گزار ہیں۔

انھوں نے کہا کہ مسئلہ افغانستان کے حل کے لیے پاکستان کا عزم سراہتے ہیں، افغان امن عمل کے لیے مزید کام کرنے کی ضرورت ہے۔

امریکی نمائندے زلمے خلیل زاد نے 5 اور 6 اپریل کو پاکستان کا دورہ کیا تھا، اس دوران انھوں نے اعلیٰ سول اور عسکری قیادت سے ملاقاتیں کیں۔

اسلام آباد: وزیرِ اعظم عمران خان کے معاونِ خصوصی برائے سمندر پار پاکستانی زلفی بخاری نے کہا ہے کہ سرمایہ کاری کے سلسلے میں مائیکرو سافٹ کے ساتھ بات چیت چل رہی ہے۔

تفصیلات کے مطابق ذوالفقار بخاری نے کہا ہے کہ بہت جلد ٹیکنالوجی میں بڑی سرمایہ کاری پاکستان آ رہی ہے، اس سلسلے میں مائیکرو سافٹ کے ساتھ بھی بات چیت چل رہی ہے۔

زلفی بخاری کا کہنا تھا کہ پاکستان ایسی جگہ ہے جہاں بے روزگاری ایک بڑا مسئلہ ہے، سابق دور میں انفرا اسٹرکچر پر توجہ دی گئی لیکن بے روزگاری ختم نہ ہوئی۔

وزیرِ اعظم کے معاونِ خصوصی نے کہا کہ وہ انفرا اسٹرکچر کے خلاف نہیں ہیں تاہم صرف پل بنانے سے بہتر ہے کہ ہیومن ڈویلپمنٹ پر بھرپور توجہ مرکوز کی جائے۔

یہ بھی پڑھیں:  بل گیٹس کا وزیر اعظم کو خط، پاکستان میں سرمایہ کاری کی خواہش کا اظہار

انھوں نے کہا کہ پی ٹی آئی حکومت میں بہت سے ممالک کے اہم سربراہان نے پاکستان کا دورہ کیا ہے، پاکستان سیاحت کے لحاظ سے مالا مال ملک ہے، یہاں سیاحت کے بہترین مواقع فراہم ہو سکتے ہیں۔

زلفی بخاری کا کہنا تھا کہ ایسے ممالک بھی ہیں جو جی ڈی پی کا 10 فی صد سیاحت سے کماتے ہیں، یہ ایک اہم شعبہ ہے، ہم نے بھی سیاحت کو فروغ دینا ہے، ہم سول سروس ریفارم پر بھی کام کر رہے ہیں۔

یاد رہے کہ رواں سال کے شروع میں دنیا کے امیر ترین شخص تصور کیے جانے والے مائیکرو سافٹ کمپنی کے بانی بل گیٹس نے وزیر اعظم پاکستان عمران خان کو خط لکھ کر پاکستان میں سرمایہ کاری کا ارادہ ظاہر کیا تھا۔

اسلام آباد: وفاقی وزیر اطلاعات فواد چوہدری نے کہا ہے کہ تحریک انصاف اگر حکومت میں ہے تو اس میں ایک بڑا کردار جہانگیر ترین کا ہے۔

وزیرِ اطلاعات نے کہا کہ جہانگیر ترین انتخاب سے باہر ہوئے ہیں پی ٹی آئی ورکرز کے دلوں سے نہیں، پی ٹی آئی اگر حکومت میں ہے تو اس کی ایک بڑی وجہ جہانگیر ترین ہے۔

سماجی رابطوں کی ویب سائٹ ٹویٹر پر اپنے پیغام میں فواد چوہدری نے کہا کہ کابینہ اجلاس میں ان کی شرکت وزیرِ اعظم عمران خان کی خواہش پر ہوتی ہے۔

انھوں نے کہا کہ اکابرین کو وزیر اعظم کی خواہش کا احترام کرنا چاہیے، جہانگیر ترین کے خلاف عدالتی فیصلہ بد قسمتی تھی، وہ انتخابات سے باہر ہوئے لیکن پی ٹی آئی کے ورکرز کے دلوں سے نہیں۔

یہ بھی پڑھیں:  شاہ محمود قریشی کی ایک بار پھر جہانگیر ترین پر تنقید

دریں اثنا، وفاقی وزیر پیٹرولیم غلام سرور خان نے کہا کہ شاہ محمود قریشی سمیت ہم سب کے دلوں میں جہانگیر خان ترین کی بہت قدر ہے۔

غلام سرور خان کا کہنا تھا کہ پارٹی کے لیے جہانگیر ترین کی خدمات قابل تحسین ہیں، نا اہلی کے فیصلے کے باوجود جہانگیر ترین اپنا زیادہ وقت پارٹی کو دیتے ہیں، ان کی پارٹی سے وفاداری قابل تحسین ہے۔

یہ بھی پڑھیں:  صرف ایک شخص ہے جسے لیڈر مانتا ، وہ عمران خان ہیں ، جہانگیر ترین

خیال رہے کہ آج وزیر خارجہ شاہ محمود قریشی نے ایک بار پھر پی ٹی آئی کے سینئر رہنما جہانگیر ترین پر تنقید کی، کہا حکومتی اجلاس میں ان کی شرکت سے چیف جسٹس کے فیصلے کی تضحیک ہوتی ہے، نا اہل نواز شریف کے لیے علیحدہ اور جہانگیر ترین کے لیے علیحدہ قانون نہیں ہو سکتا۔

اس کے جواب میں جہانگیر ترین نے کہا ’صرف ایک شخص ہے جسے لیڈر مانتا اور اس کے سامنے جواب دہ ہوں، جہاں بھی جاتا ہوں وزیر اعظم کی خواہش پر جاتا ہوں۔‘

اسلام آباد: وفاقی وزیر اطلاعات فواد چوہدری نے رجسٹرار سپریم کورٹ کو خط لکھ کر درخواست کی ہے کہ الیکٹرانک اور جدید ذرائع سے شکایات کے لیے قانون میں ترمیم کی جائے۔

تفصیلات کے مطابق وزیر اطلاعات فواد چوہدری نے رجسٹرار سپریم کورٹ کو خط لکھ دیا ہے، جس میں انھوں نے کہا کہ وہ ایک عوامی معاملے پر چیف جسٹس کی توجہ چاہتے ہیں۔

فواد چوہدری نے خط میں لکھا کہ پرنٹ، الیکٹرانک اور ڈیجیٹل میڈیا میں بے پناہ اضافہ ہوا ہے، میڈیا معاشرے میں گہری رسائی کے ساتھ طبقات پر اثر انداز ہو رہا ہے۔

انھوں نے لکھا کہ ہتک عزت اور توہین آمیز اشاعت کے خلاف قوانین کا نفاذ مؤثر نہیں ہے، درخواست ہے جوڈیشل کمیٹی آئندہ اجلاس میں اس پر غور کرے۔

وزیرِ اطلاعات نے لکھا ’غیر مؤثر قانون سے انصاف اور احتساب کے عمل میں رکاوٹ آئی ہے، ہر شہر اور ضلع میں ججز کو تعینات کرنے کی تجویز ہے، 50 لاکھ یا اس سے زائد آبادی کے اضلاع میں 4 ججز تعیناتی کیے جائیں۔‘

یہ بھی پڑھیں:  ہمارے نوجوان ریسرچرز ہیروں کی مانند ہیں، صرف تراشنے کی ضرورت ہے: ڈاکٹر عبد القدیر خان

انھوں نے سپریم کورٹ کو خط میں تجویز دی کہ 25 لاکھ یا اس سے زائد آبادی کے اضلاع میں 2 ججز، 25 لاکھ سے کم آبادی کے اضلاع میں ایک جج تعینات کیا جائے۔

فواد چوہدری نے خط میں درخواست کی کہ ثبوت، شہادت اور شکایت کے عمل کو سہل بنایا جائے، شہادت کی ویڈیو ریکارڈنگ قانون کو بھی نافذ کیا جائے۔

انھوں نے کہا کہ چیف جسٹس ہائی کورٹس ویڈیو ریکارڈنگ قانون کا نفاذ یقینی بنائیں، اس اقدام سے بد نیتی پر مبنی الزامات اور جعلی خبروں کی حوصلہ شکنی ہوگی۔