Tag: پی ٹی آئی کی خبریں

ریاض: وزیر اطلاعات فواد چوہدری کے سعودی وزیر ثقافت سے بات چیت کے دوسرے دور میں دونوں ممالک کے درمیان فلم اور ڈراما پروڈکشنز میں تعاون بڑھانے کے لیے ورکنگ گروپ پر اتفاق ہو گیا ہے۔

ملاقات میں اس امر پر بھی اتفاق ہوا ہے کہ پرفارمنگ آرٹ، فیشن ڈیزائننگ اور فن کاروں کی تربیت میں تعاون کیا جائے گا، پاک سعودی ثقافتی تعاون میں مفاہمتی یادداشت کی تفصیلات کو بھی حتمی شکل دی گئی۔

سعودی وزیر ثقافت شہزادہ بدر بن عبداللہ بن محمد بن فرحان نے پاکستانی تجربے اور ماہرین سے استفادے کی اہمیت پر زور دیا، فواد چوہدری نے سعودی وزیر ثقافت کا ثقافتی شعبے میں تعاون بڑھانے پر شکریہ ادا کیا اور انھیں پاکستان آنے کی دعوت دی۔

بعد ازاں وفاقی وزیر اطلاعات فواد چوہدری نے میڈیا سے گفتگو کرتے ہوئے کہا کہ پاکستانی ڈراموں کے فروغ کے لیے سعودی حکام سے بات ہوئی ہے، پاک سعودی کلچر کے فروغ میں تعاون کریں گے۔

یہ بھی پڑھیں:  حکومت نے سیاحتی و ثقافتی پلان طے کر لیا، خطے کا تین ہزار سالہ تاریخی ورثہ اجاگر کرنے کا فیصلہ

انھوں نے کہا کہ پاکستانی سعودی عرب کی ترقی میں اہم کردار ادا کر رہے ہیں، ولی عہد کے دورہ پاکستان کے بعد تعاون میں جدت آئی، پاکستان میں سعودی شہریوں کے لیے آن ارائیول ویزے کی سہولت دی گئی ہے، عرب ممالک کے سیاح پاکستانی معیشت میں کردار ادا کریں گے۔

خیال رہے کہ وفاقی وزیر اطلاعات و نشریات چوہدری فواد حسین گزشتہ روز سعودی عرب کے دورے پر ریاض پہنچے تھے جہاں ان کا استقبال ایئر پورٹ پر پاکستان کے سفیر اعجاز راجا اور سعودی کلچرل وزارت کے حکام نے کیا تھا۔

پشاور: خیبر پختون خوا اسمبلی نے صوبہ پنجاب میں قوانین کی آڑ میں پختون مزدوروں کو بے جا تنگ کرنے کے خلاف قرارداد منظور کر لی۔

تفصیلات کے مطابق کے پی اسمبلی نے پنجاب میں پختون مزدوروں کو بے جا تنگ کرنے کے خلاف قرارداد منظور کر لی، قرارداد میں کہا گیا ہے کہ پنجاب میں رہایش ایکٹ کی آڑ میں پختون مزدوروں کو تنگ کیا جا رہا ہے۔

قرارداد کے متن میں مطالبہ کیا گیا کہ یہ ظالمانہ رویہ تعصب کو فروغ دے رہا ہے اسے روکا جائے، اور ایک پارلیمانی کمیٹی قائم کر کے پنجاب حکومت سے رابطہ کیا جائے۔

دریں اثنا، کے پی اسمبلی نے شہری تعلیم کے سلسلے میں بھی ایک اہم قرارداد منظور کی، قرارداد کے مطابق اسکولوں میں سوک ایجوکیشن سمیت مثبت سرگرمیوں کو فروغ دیا جائے گا۔

یہ بھی پڑھیں:  کے پی اسمبلی میں یوم خواتین پر عورت مارچ کے خلاف مذمتی قرارداد منظور

یہ قرارداد تحریک انصاف کی سمیرا شمس نے پیش کی، قرارداد میں کہا گیا کہ تعلیمی اداروں میں سیکنڈری سطح پر سوک ایجوکیشن کو رائج کیا جائے۔

اسمبلی اجلاس میں چارسدہ پیپر ملز کی زمین سے متعلق بھی بحث کی گئی، تحریک انصاف کے فضل شکور نے کہا کہ ہاؤسنگ اسکیم کے لیے پیپر ملز کی زمین فروخت کی جا رہی ہے، شوگر مل کی مشینری نکال کر فروخت کر دی گئی ہے۔

وزیر قانون سلطان محمد خان نے کہا کہ اس معاملے پر ہائی کورٹ کا فیصلہ آ چکا ہے، 2016 سے سپریم کورٹ میں کیس زیر التوا ہے۔

اسلام آباد: کابینہ کمیٹی نے بجلی چوروں کے خلاف بھرپور کارروائی کی ہدایت کر دی ہے، وزیرِ خزانہ اسد عمر نے کہا ہے کہ بجلی چوروں کے کنکشن منقطع کر دیے جائیں۔

تفصیلات کے مطابق وزیرِ خزانہ اسد عمر کی زیرِ صدارت کابینہ کی توانائی کمیٹی کا اجلاس منعقد ہوا، جس میں کمیٹی نے بجلی چوروں کے خلاف بھرپور کارروائی کی ہدایت کی۔

کمیٹی نے وزارت پٹرولیم سے گیس چوری پر رپورٹ بھی طلب کر لی، وزیر خزانہ نے ہدایت کی کہ گیس کمپنیاں اپنے نقصانات کی ماہانہ رپورٹ پیش کریں۔

اسد عمر نے اجلاس کی صدارت کرتے ہوئے کہا کہ بجلی چوروں کے کنکشن منقطع کر دیے جائیں، بجلی چوری کے قانون پر مکمل عمل درآمد کیا جائے۔

وزیرِ خزانہ نے کہا کہ گیس نقصانات پورا کرنے کے لیے دونوں کمپنیاں حکمت عملی تیار کریں، دونوں کمپنیاں مشترکہ حکمت عملی قائم کردہ ٹاسک فورس کو پیش کریں۔

یہ بھی پڑھیں:  ن لیگ دورمیں بجلی چوری روکنے کے لیے موثرپالیسی مرتب نہیں کی گئی‘ عمرایوب

دریں اثنا، اجلاس میں آئی پی پیز کی تجزیاتی رپورٹ بھی پیش کی گئی، وزیرِ خزانہ کو بریفنگ میں کہا گیا کہ 7 میں سے 5 آئی پی پیز کی تجزیاتی رپورٹ تیار کر لی گئی ہے اور اس رپورٹ کا جائزہ لیا جا رہا ہے۔

واضح رہے کہ اس سے قبل وزیرِ توانائی عمر ایوب نے کہا تھا کہ ن لیگ کے دور میں پاور سیکٹر کے لیے غلط فیصلے لیے گئے جس سے بہت نقصان پہنچا، یکم جون 2013 کو گردشی قرضوں کا حجم 884 ارب روپے تھا، مئی 2018 تک گردشی قرضوں کا حجم 1190 ارب روپے ہو گیا۔

پشاور: خیبر پختون خوا حکومت کے ترجمان اجمل خان وزیر نے اپوزیشن کی جانب سے اعتراضات پر کہا ہے کہ پشاور بس ریپد ٹرانزٹ منصوبے میں مبینہ کرپشن کی تحقیقات کا خیر مقدم کیا جائے گا۔

تفصیلات کے مطابق ترجمان وزیرِ اعلیٰ خیبر پختون خوا اجمل وزیر نے پشاور میں سستے سفر کے بس منصوبے پر اپوزیشن کے الزامات پر جواب دیتے ہوئے کہا ہے کہ بی آر ٹی میں اگر کہیں کرپشن ہوئی ہے تو تحقیقات کا خیر مقدم کریں گے۔

انھوں نے کہا کہ بی آر ٹی کے افتتاح کی جو تاریخ دی گئی تھی اس پر تعمیر مکمل نہیں ہو سکی، اس لیے وزیرِ اعلیٰ محمود خان نے نا مکمل منصوبے کا افتتاح نہ کرنے کا فیصلہ کیا۔

اجمل وزیر کا کہنا تھا کہ منصوبہ مکمل ہونے کے بعد ہی افتتاح کیا جائے گا، وزیر اعلیٰ نے تاخیر کے ذمہ داروں کے خلاف کاروائی کا فیصلہ کیا ہے۔

یہ بھی پڑھیں:  پشاور بی آر ٹی منصوبہ: صوبائی انسپکشن ٹیم کو تاخیر کی انکوائری کا حکم

یاد رہے کہ کے پی وزیر اعلیٰ نے کہا تھا کہ 23 مارچ کو بی آر ٹی منصوبے کا افتتاح کیا جائے گا، تاہم منصوبہ مقررہ تاریخ تک مکمل نہیں ہو سکا، اس سے قبل اس کے افتتاح کی تاریخ 6 بار تبدیل کی جا چکی ہے، منصوبہ لاہور میٹرو سے سستا اور معیاری منصوبہ قرار دیا گیا ہے۔

واضح رہے کہ دوسری طرف ملتان میٹرو منصوبے میں مبینہ 17 کروڑ روپے سے زائد کے گھپلوں کے کیس میں عدالت میں عدم پیشی پر سابق کمشنر ملتان، سابق اے ڈی جی ایم ڈی اے کے وارنٹ جاری کیے گئے ہیں۔

اسلام آباد: وزیرِ اعظم عمران خان کی زیرِ صدارت اہم اجلاس منعقد ہوا، جس میں آرمی چیف جنرل قمرجاوید باجوہ اور ڈی جی آئی ایس آئی نے بھی شرکت کی۔

ترجمان وزیرِ اعظم آفس کے مطابق وزیرِ اعظم کی زیرِ صدارت ایک اہم اجلاس ہوا جس میں پاک فوج کے سربراہ جنرل قمر جاوید باجوہ اور آئی ایس آئی کے ڈائریکٹر جنرل بھی شریک ہوئے۔

اجلاس میں وزیرِ خزانہ اسد عمر، وزیرِ قانون فروغ نسیم، وزیرِ تعلیم شفقت محمود، وزیرِ مملکت برائے داخلہ شہریار آفریدی اور دیگر حکام بھی موجود تھے۔

وزیرِ اعظم کے ترجمان کا کہنا ہے کہ اجلاس میں قومی سلامتی کی صورتِ حال اور دیگر اہم امور پر تبادلہ خیال کیا گیا۔

یہ بھی پڑھیں:  سرزمین پاکستان میں دہشت گردوں کے لیے کوئی جگہ نہیں: عمران خان

واضح رہے کہ آج وزیرِ اعظم عمران خان نے ایک برطانوی اخبار کو انٹرویو دیتے ہوئے پاکستان کے سلامتی امور سے متعلق بہت واضح مؤقف اختیار کیا، کہا نئے پاکستان میں دہشت گردوں کے لیے کوئی جگہ نہیں۔

انھوں نے کہا کہ دہشت گردوں کے خلاف کریک ڈاؤن جاری ہے۔ وزیر اعظم نے بتایا کہ دہشت گرد تنظیموں کے خلاف اس سے پہلے کبھی ایسا نہیں ہوا۔

بھارت کے حوالے سے عمران خان نے کہا نریندر مودی میزائل حملے سے دونوں ملکوں کو جنگ کے دہانے پر لے آئے، پلوامہ واقعہ مودی حکومت نے جنگی جنون پیدا کرنے کے لیے استعمال کیا۔

لاہور: گورنر پنجاب چوہدری سرور نے سماجی رابطوں کی ویب سائٹ ٹویٹر پر اپنے پیغام میں کہا ہے کہ جبری مذہبی تبدیلی کی حمایت نہیں کی جا سکتی۔

تفصیلات کے مطابق چوہدری سرور نے ٹویٹ کرتے ہوئے کہا کہ ہم جبری مذہبی تبدیلی کے خلاف ہیں، ایسے واقعات کی روک تھام کے لیے حکومت کوشش کر رہی ہے۔

گورنر پنجاب نے دو ہندو لڑکیوں کی جبری مذہبی تبدیلی کے واقعے پر پڑوسی ملک کے پروپیگنڈے پر متنبہ کیا کہ بھارت ہمارے اندرونی معاملات میں مداخلت سے باز رہے۔

ہم جبری مذہبی تبدیلی کیخلاف ہیں. ہماری حکومت بھرپور کاوشیں کر رہی ہے کہ ان واقعات کو روکا جائے لیکن ہندوستان ہمارے اندرونی ایشوز میں مداخلت سے باز رہے. یہ ہمارے شہریوں اور حکومت کا اندرونی معاملہ ہے.

— Mohammad Sarwar (@ChMSarwar) March 24, 2019

خیال رہے کہ ہندو برادری کے ہولی کے مذہبی تہوار پر گھوٹکی سے دو ہندو لڑکیوں رینہ اور روینہ کو اغوا کر کے زبردستی مسلمان کرایا گیا، وزیرِ اطلاعات کا کہنا ہے کہ لڑکیوں کو سندھ سے رحیم یار خان منتقل کیا گیا ہے۔

یہ بھی پڑھیں:  وزیراعظم عمران خان نے سندھ سے 2 ہندو لڑکیوں کے اغوا کا نوٹس لے لیا

دوسری جانب بچیوں کے اہل خانہ نے واقعے کے خلاف احتجاج کرتے ہوئے پولیس پر عدم تعاون کا الزام بھی لگایا ہے، تاہم پولیس کا کہنا ہے کہ مقدمہ درج کیا جا چکا ہے اور اس سلسلے میں ایک خاتون سمیت 7 افراد گرفتار ہیں۔

ادھر پاکستان ہندو کونسل کے پیٹرن انچیف اور رکن قومی اسمبلی ڈاکٹر رمیش کمار وانکوانی نے واقعے کو افسوس ناک قرار دیتے ہوئے مطالبہ کیا ہے کہ لڑکیوں کو جلد از جلد بازیاب کرایا جائے اور ملو ث افراد کو گرفتار کر کے کیفر کردار تک پہنچایا جائے۔

واضح رہے کہ کم عمر ہندو لڑکیوں کے قبول اسلام کے حوالے سے ایک ویڈیو بھی منظر عام پر آ چکی ہے، جس میں انھیں کلمہ پڑھتے ہوئے دیکھا جا سکتا ہے۔

اسلام آباد: وزیر انسانی حقوق شیریں مزاری کا کہنا ہے کہ وہ پی پی چیئرمین بلاول بھٹو کے بیان پر حیران ہیں جن میں انھوں نے بھارتی مؤقف کو دہرایا۔

تفصیلات کے مطابق شیرین مزاری نے بلاول بھٹو کی اسلام آباد میں تقریر پر تنقید کرتے ہوئے کہا ہے کہ پیپلز پارٹی نے کیوں نیشنل ایکشن پلان پر عمل نہیں کیا، بلاول بھٹو نے بھارتی مؤقف بیان کر دیا ہے۔

وفاقی وزیر کا اے آر وائی نیوز کے پروگرام پاور پلےمیں کہنا تھا کہ بلاول بھٹو عدالتوں میں پیشیوں پر غصے میں ہیں، وہ سمجھتے تھے کہ جعلی اکاؤنٹس غلط ہیں تو کیوں پیچھے نہیں ہٹے، جعلی اکاؤنٹس کا پیسا کیوں استعمال کرتے رہے انھوں نے کمپنی کے دستاویز پر دستخط کیے۔

شیریں مزاری نے کہا کہ پی ٹی آئی حکومت نیشنل ایکشن پلان کے تحت جتنا ایکشن لے رہی ہے ماضی میں نہیں لیا گیا۔

پی ٹی آئی رہنما کا کہنا تھا کہ ماضی میں معاشی حالات تباہ کیے گئے اور ملک کو قرضوں کے دل دل میں پھنسایا گیا، احتساب ہم نہیں کر رہے، یہ مقدمات بہت پہلے سے چلتے آ رہے ہیں، پی ٹی آئی حکومت نے ن لیگ اور پی پی کے خلاف مقدمات نہیں بنائے۔

یہ بھی پڑھیں:  کیا حکومت نے کالعدم تنظیموں سے منسلک وفاقی وزرا کو ہٹا دیا؟ نہیں: بلاول بھٹو

شیریں مزاری نے بھارت کے حوالے سے کہا کہ بھارت میں سکھوں اور مسلمانوں پر مظالم ہو رہے ہیں، پلوامہ کا بہانہ بنا کر بھارت میں طالب علموں پر تشدد کیا جا رہا ہے، بھارتی عدالتوں نے مجرموں کو کھلی چھٹی دے رکھی ہے

انھوں نے کہا کہ گجرات میں مسلمانوں کے قتل عام کرنے والوں کو رہا کیا گیا، اعتراف کے باجود بابو بجرانی نامی بڑا ملزم ضمانت پر باہر ہے، مقبوضہ کشمیر مظالم پر بھارت کے خلاف یوگوسلاویا طرز کے ٹریبونل بنوائے جا سکتے ہیں۔