Tag: پی ٹی آئی کی خبریں

اسلام آباد: وفاقی وزیرِ اطلاعات فواد چوہدری نے کہا ہے کہ کابینہ نے قومی سلامتی پر تمام جماعتوں کو ساتھ لے کر چلنے کاعزم کیا ہے، جو بھی بڑے فیصلے ہوں گے ان پر پارلیمانی سربراہوں سے مشاورت کی جائے گی۔

تفصیلات کے مطابق میڈیا سے گفتگو کرتے ہوئے فواد چوہدری نے کہا کہ ہمارے لیے اچھا موقع ہے کہ ملک کے اندر اتفاق رائے کو قائم رکھیں، حالیہ صورتِ حال میں حکومت اور اپوزیشن نے یک جہتی کا مظاہرہ کیا۔

[bs-quote quote=”نواز شریف بیرون ملک سے ڈاکٹر بلانا چاہتے ہیں تو ضرور بلائیں، ان کے پاس وسائل ہیں بیرون ملک سے ڈاکٹر بلا سکتے ہیں۔” style=”style-8″ align=”left” author_name=”فواد چوہدری”][/bs-quote]

فواد چوہدری کا کہنا تھا کہ ہم نہیں چاہتے کہ چھوٹی چھوٹی باتوں پر یک جہتی کے مظاہرے کو نقصان پہنچے، نیشنل ایکشن پلان پر تمام سیاسی جماعتوں نے دستخط کیے تھے، ہم چاہتے ہیں یک جہتی کے اظہار کو ایسے ہی آگے بڑھایا جائے۔

انھوں نے کہا کہ کابینہ نے فیصلہ کیا ہے کہ قومی سلامتی کے معاملات پر اپوزیشن کو ساتھ لے کر چلیں گے، مدارس سے متعلق اقدامات پہلے سے طے شدہ ہیں، اقدامات پچھلی حکومت نے کرنا تھے مگر کسی وجہ سے رک گئے، مذہبی جماعتوں اور دیگر تنظیموں کے تعاون کے شکر گزار ہیں۔

فواد چوہدری کا کہنا تھا کہ عالمی اخبارات آج پاکستان کے مؤقف کو درست قرار دے رہے ہیں، یہ اخبارات بھارت اور مودی کے بیانیے کو غلط قرار دے رہے ہیں، آج دنیا بھر میں نریندر مودی کے اقدامات کا مذاق بھی اڑایا جا رہا ہے۔

یہ بھی پڑھیں:  نواز شریف کوبہترین طبی سہولتیں دی جائیں ،وزیراعظم عمران خان کا اعلان

انھوں نے بتایا کہ آج کابینہ کی توجہ غریبوں کی حالت بہتر کرنے پر تھی، کابینہ اجلاس میں غربت کے خاتمے کے لیے پروگرام پر بات چیت ہوئی۔ کابینہ اجلاس میں ایئر بلو کا لائسنس بھی منظور کیا گیا۔

فواد چوہدری نے کہا کہ نوازشریف بیرون ملک علاج کی خواہش کریں گے تو کلینک یہاں بلالیں گے، انھوں نے اتنا پیسا کمایا ہے کس کام آئے گا، وہ بیرون ملک سے ڈاکٹر بلانا چاہتے ہیں تو ضرور بلائیں، ان کے پاس وسائل ہیں بیرون ملک سے ڈاکٹر بلا سکتے ہیں۔

اسلام آباد: وزیرِ خارجہ شاہ محمود قریشی نے کہا ہے کہ حکومت نیشنل ایکشن پلان پر اس کی روح کے مطابق عمل کر کے دکھائے گی، پاکستان پر یلغار ہو رہی تھی تو پیپلز پارٹی اور ن لیگ کی حکومتیں کیا کر رہی تھیں۔

شاہ محمود قومی اسمبلی کے اجلاس میں اظہارِ خیال کر رہے تھے، انھوں نے کہا کہ پاکستان کو جب بلیک لسٹ میں ڈالا گیا تو اس وقت کس کی حکومت تھی، ہم نے بائیکاٹ کیا لیکن او آئی سی اجلاس میں کسی کو پاکستان مخالف بات نہیں کرنے دی گئی، پاکستان امن اور استحکام کی جانب گام زن ہے۔

[bs-quote quote=”بھارت کے طیارے حسن صدیقی اور نعمان علی خان نے مار گرائے، بھارتی جارحیت کا پاکستان نے فوری منہ توڑ جواب دیا، دونوں پائلٹس ہمارے قومی ہیروز ہیں۔” style=”style-8″ align=”left” author_name=”شاہ محمود قریشی”][/bs-quote]

وزیرِ خارجہ شاہ محمود قریشی کا کہنا تھا کہ پاکستان کے مفاد کے لیے سب متحد ہیں، بلاول بھٹو کے اظہارِ یک جہتی کو ہم سراہتے ہیں، پاکستان کے دفاع کے لیے قوم متحد ہے، بھارتی طیارے گرانے والے پائلٹس کو خراج تحسین پیش کرتے ہیں۔

شاہ محمود نے کہا کہ بھارت کے طیارے حسن صدیقی اور نعمان علی خان نے مار گرائے، بھارتی جارحیت کا پاکستان نے فوری منہ توڑ جواب دیا، دونوں پائلٹس ہمارے قومی ہیروز ہیں۔

وزیرِ خارجہ کا کہنا تھا کہ حکومت کے حالیہ اقدامات ملک کے بہترین مفاد میں ہیں، اپوزیشن رہنماؤں نے بھی او آئی سی اجلاس کے بائیکاٹ کی حمایت کی، بھارتی پائلٹ کو قومی مفاد میں رہا کیا۔

یہ بھی پڑھیں:  کشمیر پر اقوام متحدہ کی قراردادوں پر دھول جم چکی ہے: بلاول بھٹو زرداری

انھوں نے کہا کہ سوال اٹھتے ہیں نیشنل ایکشن پلان پر حقیقی معنوں میں عمل کیوں نہ ہوا، ہماری حکومت اس کی روح کے مطابق عمل کر کے دکھائے گی۔

شاہ محمود نے اپوزیشن کی تنقید کے جواب میں کہا کہ جن معاشی مسائل کی نشان دہی کی گئی وہ 6 ماہ کی پیداوار تو نہیں، معیشت کی بد حالی کی ذمہ دار پچھلی حکومتیں ہیں ہم نہیں۔