پی ٹی آئی کے رہنما تیمور سلیم جھگڑا نے کہا ہے کہ بجلی سستی کرنے کا حل ہے لیکن پہلے ن لیگ سے جان چھڑانی پڑے گی۔
اے آر وائی نیوز کے پروگرام میں گفتگو کرتے ہوئے تحریک انصاف کے رہنما تیمور سلیم جھگڑا کا کہنا تھا کہ ن لیگ کے لگائے گئے بجلی کے منصوبوں کی وجہ سے اس وقت مہنگائی ہے، معاہدہ کیا گیا کہ بجلی پیدا کریں نہ کریں گے منافع کے ساتھ پیسے دیں گے۔
تیمورسلیم نے کہا کہ پاکستان مسلم لیگ ن نے ٹرانسمیشن اورنہ گرڈ ٹھیک کرنے پر کام کیا، ٹرانسمیشن اورڈسٹری بیوشن میں انویسٹمنٹ کرنی پڑے گی۔
رہنما پی ٹی آئی نے کہا کہ بجلی چوری کے خلاف کارروائی تب کامیاب ہوگی جب قیمت کم ہوگی، لور مڈل کلاس لوگ شام کو کنڈا لگاتے ہیں کیونکہ قیمت دے نہیں سکتے۔
انھوں نے کہا کہ حکومت عوام کے ساتھ رابطہ کھو رہی ہے، ان کو احساس ہی نہیں ہے، جوحالات ہیں خیبرپختونخوا کے لوگ صوبائی اور وفاقی حکومت پرسوال اٹھائیں گے۔
تیمور سلیم جھگڑا نے کہا کہ فاٹا کے لوگوں کو گزشتہ 75 سال سے نظرانداز کیا گیا ہے جو نظر بھی آتا ہے، حکومت کو سمجھ نہیں آرہی کہ کس طرح اپنی سیاست بچائیں، ہماری نشستیں چھینی گئیں، ہمارے لیڈر کو جیل میں ڈالا گیا۔
انھوں نے کہا کہ ن لیگ نے پی ٹی آئی سے تاریخ کا بدترین سیاسی انتقام لیا ہے، پی ٹی آئی کے ووٹ توڑنے کے لیے 2 پارٹیاں بھی بنائی گئیں، آخر میں ن لیگ نے 17 نشستوں پر حکومت بھی بنا لی۔
تیمور سلیم نے کہا کہ انھوں نے مخصوص نشستیں بھی ہڑپ کرنے کی کوشش کی، ہمارے ایم این ایز کہیں نہیں جائیں گے ساتھ کھڑے رہیں گے، ن لیگ کلیئر کرے کہ خواتین سے متعلق ان کی کیا پالیسی ہے۔