ARYNews.tv | Urdu – Har Lamha Bakhabar

Tag: پی ٹی آئی

  • ن لیگ نے اپنی حکمرانی کے لئے جنوبی پنجاب کو محکوم بنا کر رکھا: خسرو بختیار

    ن لیگ نے اپنی حکمرانی کے لئے جنوبی پنجاب کو محکوم بنا کر رکھا: خسرو بختیار

    لاہور: پی ٹی آئی میں‌ شامل ہونے والے جنوبی پنجاب صوبہ محاذ کے رہنما خسرو بختیار نے کہا ہے کہ ن لیگ نے اپنی حکمرانی کے لئے جنوبی پنجاب کو محکوم بنا کر رکھا.

    ان خیالات کا اظہار انھوں نے اے آر وائی کے پروگرام پاور پلے میں‌ گفتگو کرتے ہوئے کیا. ان کا کہنا تھا کہ اگر پی ٹی آئی حکومت میں نہ آئی، تب بھی 100 دن میں عملی اقدامات کرے گی.

    انھوں نے کہا کہ ملک کی اکائیوں میں توازن کے لیے وزیراعظم کے پاس وقت نہیں، ان کے پاس جنوبی پنجاب محاذ تحریک پربات کے لئے وقت نہیں، البتہ احتساب کے قانون کو تبدیل کرنے کا وقت ہے.

    خسرو بختیار کا کہنا تھا کہ ن لیگ سندھ سے27 سال میں نظریاتی ووٹ نہیں لے سکی، پی پی قیادت کو جنوبی پنجاب کےعوام نے پذیرائی دی تھی، اس سے پہلے صرف پیپلزپارٹی کے منشور میں جنوبی پنجاب صوبہ شامل تھا، مگر ایسا عملی طور پر نہیں‌ ہوا۔

    انھوں نے کہ لسانی بنیاد پرکوئی بھی صوبہ بنا تو اس کی مخالفت کریں گے، جنوبی پنجاب میں آٹھ سوسال سے ہمارے بزرگ رہتے آئے ہیں، جنوبی پنجاب کے لئے جوائنٹ ایکشن کمیٹی معاملے کو آگے بڑھائے گی، پی ٹی آئی اپوزیشن میں‌ ہوئی، تب بھی عملی اقدامات کرے گی.

    یاد رہے کہ آج تحریک انصاف اور صوبہ جنوبی پنجاب محاذ کے درمیان معاہدہ طے پایا ہے، جس کے بعد جنوبی پنجاب صوبہ محاذ پی ٹی آئی میں‌ ضم ہوگئی.

    تحریک انصاف اور صوبہ جنوبی پنجاب محاذ کے درمیان صوبے کے لیے معاہدہ طے

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بلاول بھٹو نے 12 مئی کے جلسے کا مقام تبدیل کردیا، پی ٹی آئی بھی موقف سے پیچھے ہٹ گئی

    بلاول بھٹو نے 12 مئی کے جلسے کا مقام تبدیل کردیا، پی ٹی آئی بھی موقف سے پیچھے ہٹ گئی

    کراچی: پاکستان پیپلزپارٹی کے چیئرمین نے کہا ہے کہ گذشتہ رات پی ٹی آئی کا رویہ ہولناک رہا، مگر کراچی کا امن قائم رکھنے کے لیے میں‌ اپنی پارٹی سے درخواست کرتا ہوں‌ کہ جلسے کے لیے کوئی اور جگہ تلاش کی جائے.

    [bs-quote quote=”کراچی ہمارا شہر ہے، ہم کہیں‌ بھی جلسہ کرسکتے ہیں” style=”style-2″ align=”left” author_name=”بلاول بھٹو”][/bs-quote]

    تفصیلات کے مطابق بلاول بھٹو زرداری نے اپنے نو ٹویٹس میں‌ پارٹی کو حکیم سعید گراؤنڈ کی جگہ کوئی اور جگہ تلاش کرنے کی ہدایت کرتے ہوئے عمران خان کو جلسہ کرنے کی پیش کش کی ہے.

    انھوں نے کہا کہ کراچی ہمارا شہر ہے، ہم کہیں‌ بھی جلسہ کرسکتے ہیں.

    انھوں نے کہا کہ پی ٹی آئی کا رویہ ہولناک رہا، اس کے باوجود امن کے لئے پیش کش کررہا ہوں، کراچی میں ہم نے بڑی مشکل سے امن قائم کیا ہے، کراچی کا امن کسی صورت خراب ہونے نہیں دیں گے.

    انھوں نے سوال کیا کہ پی ٹی آئی کے پاس 12 مئی منانے کے لئے کیا ہے، 12مئی کو پیپلزپارٹی کے 14 کارکن شہید ہوئے تھے، شہدا کوخراج عقیدت پیش کرنےحکیم سعید گراؤنڈ میں جلسے کا فیصلہ کیا، کیوں کہ بیش ترکارکنوں کا تعلق ایسٹ سے تھا.

    بلاول بھٹو نے کہا کہ ہم نے جلسے کی اجازت کے لئے قانونی تقاضے پورے کیے، تحریک انصاف نے 12 مئی کو مزار قائد پر جلسہ کرنے کا کہا تھا، پھر انھوں نے اپنا فیصلہ بدل دیا.

    انھوں نے الزام عاید کیا کہ تحریک انصاف کے کیمپ سے پی پی کارکنوں پر پتھراؤ کیا گیا، البتہ ساتھ ہی شہر کا امن قائم رکھنے کے لیے پی ٹی آئی کو حکیم سعید گرائونڈ میں جلسے کی پیش کش کر دی.

    اب پیپلزپارٹی اور پی ٹی آئی کہاں جلسہ کریں گی؟

    بلاول بھٹو زرداری کی اس پیش کش کے بعد سیاسی صورتحال میں بڑی تبدیلی آئی۔ پی ٹی آئی بھی اپنے موقف سے پیچھے ہٹ گئی۔

    اب پیپلزپارٹی 12مئی کو باغ جناح گرؤانڈ میں جلسہ کرے گی، مزارقائد کے سامنے بلاول بھٹوخطاب کریں گے۔

    ادھر تحریک انصاف نے بلاول بھٹو کے بیان کا خیر مقدم کرتے ہوئے 12 مئی کو الہٰ دین پارک کے گراؤنڈ میں جلسے کا اعلان کیا ہے، جس میں عمران خان، شاہ محمود قریشی، جہانگیر ترین سمیت سینئر رہنما خطاب کریں گے۔

    عمران خان دراصل میاں صاحب کا تسلسل ہیں: بلاول بھٹو

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ٹی آئی نے کراچی میں فسادات کا خدشہ ظاہر کردیا، رینجرز سے مدد مانگ لی

    پی ٹی آئی نے کراچی میں فسادات کا خدشہ ظاہر کردیا، رینجرز سے مدد مانگ لی

    کراچی: پاکستان تحریک انصاف نے کراچی میں فسادات کا خطرہ ظاہر کرتے ہوئے رینجرز سے مدد کی درخواست کر دی.

    تفصیلات کے مطابق پی ٹی آئی کے رہنماؤں نے کراچی میں پریس کانفرنس کرتے ہوئے 12 مئی کو جلسے کے موقع پر شہر میں فسادات کا خطرہ ظاہر کر دیا۔

    یاد رہے کہ پیپلزپارٹی اور پی ٹی آئی نے 12 مئی کو ایک ہی مقام (حکیم سعید گراؤنڈ) پر جلسے کرنے کا اعلان کیا ہے، جس کے باعث دونوں جماعتوں کے قائدین اور کارکنوں میں تناؤ میں نظر آرہا ہے۔

    پریس کانفرنس میں عارف علوی نے کہا کہ کراچی کے شہری پرامن ہیں اور رہیں گے، کراچی کا امن برقراررکھنے کے لئے رینجرز سے درخواست کریں گے، حکیم سعید گراؤنڈ میں جلسہ نہیں کرسکے، توسڑک پر جلسہ ہوگا۔

    عارف علوی نے کہا کہ انتظامیہ فیصلہ کرے، کون پہلےآیا تھا، کس نے پہلے درخواست کی، پیپلزپارٹی کےرہنما سعید غنی سے بھی فون پر رابطہ ہوا تھا، البتہ کسی کی غنڈہ گردی برداشت نہیں کی جائےگی۔ کسی کارکن کوکچھ ہوا، تو ذمہ دار وزیراعلیٰ سندھ ہوں گے، کراچی والوں کو فیملیزکے ساتھ جلسے کی دعوت دیتا ہوں۔

    اس موقع پر علی زیدی نے کہا کہ پاکستان تحریک انصاف پرامن جماعت ہے، پی ٹی آئی میں نہ تو کوئی صولت مرزا ہے، نہ ہی کوئی عزیر بلوچ، ہم 12 مئی کوامن کی بات کرنےآرہےہیں۔

    انھوں نے کہا کہ کسی سے محاذ آرائی نہیں چاہتے، مگر کوئی دھکے دے کر ہمیں باہرنہیں نکال سکتا، پیپلزپارٹی کے پی میں آتی ہے، تو ان کے ساتھ تعاون کیا جاتا ہے۔

    پی ٹی آئی رہنما حلیم عادل شیخ کا اس موقع پر کہنا تھا کہ انتظامیہ بتائے، جلسےکی درخواست لےکر پہلے کون آیا ہے، کراچی شہر میں بہت ظلم ہوچکا، پی ٹی آئی پرامن جماعت ہے، جلسہ کون کرے گا فیصلہ میرٹ پر ہونا چاہیے۔

    پی ٹی آئی نے 11 مئی کو وزیرستان اور 12 مئی کو کراچی میں جلسے کا اعلان کردیا

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • چوہدری نثار کے انکشافات، پی ٹی آئی اور پی پی نے سیکیورٹی کونسل کے اجلاس کا مطالبہ کردیا

    چوہدری نثار کے انکشافات، پی ٹی آئی اور پی پی نے سیکیورٹی کونسل کے اجلاس کا مطالبہ کردیا

    اسلام آباد: تحریک انصاف نے چوہدری نثار کی انکشافات سے بھرپور پریس کانفرنس کے بعد وزیراعظم سے نیشنل سیکیورٹی کونسل کا اجلاس بلانے کا مطالبہ کردیا جبکہ پیپلزپارٹی کی سینیٹر شیری رحمان نےبھی مطالبہ کی حمایت کردی۔

    اے آر وائی نیوز سے گفتگو کرتے ہوئے شاہ محمود قریشی کا کہنا تھا کہ چوہدری نثار نے جس طرف اشارے کیے اُن کی وضاحت ضروری ہے وزیراعظم فوری طور پر نیشنل سیکیورٹی کا اجلاس طلب کریں۔

    اُن کا کہنا تھا کہ چوہدری نثارکا اب نوازشریف،مریم نوازکی ن لیگ کے ساتھ چلنا مشکل ہے کیونکہ مسلم لیگ ن نظریاتی طور پر دو حصوں میں تقسیم ہوچکی، چوہدری نثار نے پریس کانفرنس میں ملکی سیکیورٹی سے متعلق بہت اہم انکشافات کیے۔

    شاہ محمود قریشی کا کہنا تھا کہ الیکشن سےپہلے اس طرح کی باتیں سوالیہ نشان ہیں اگر ان چیزوں کا تدارک نہ کیا گیا تو ملک کو ناقابلِ تلافی نقصان پہنچ سکتا ہے۔

    مزید پڑھیں: چوہدری نثار کا آئندہ عام انتخابات لڑنے کا اعلان

    وازشریف ایم کیوایم لندن سےرابطےمیں ہیں، شیخ رشید

    شیخ رشید احمد نے اے آر وائی سے گفتگو کرتے ہوئے انکشاف کیا کہ نوازشریف ایم کیوایم لندن سےرابطےمیں ہیں، اب صرف شکست ہی اُن کا مقدر بنے گی۔ اُن کا کہنا تھا کہ چوہدری نثار مستقبل میں آزادگروپ کولیڈکریں گے اور ممکن ہے 40 یا 45 اراکین قومی اسمبلی سابق وفاقی وزیر داخلہ کا ساتھ دیں۔

    عوامی مسلم لیگ کے قائد کا کہنا تھا کہ چوہدری نےآج جوبھی کہاوہ قوم کی آواز ہے، نواشریف نے چوری کی دولت کو بچانے کے لیے جارحانہ رویہ اختیار کیا ہوا ہے۔

    مسلم لیگ ن میں پڑنے والی دراڑیں واضح ہونا شروع ہوگئیں، شیریٰ رحمان

    پیپلزپارٹی کی رہنما سینیٹر شیریٰ رحمان کا کہنا تھا کہ خلائی مخلوق کی بات کرنی ہےتوپھربہت سی باتیں سامنےآئیں گی، ن لیگ میں پڑنےوالی دراڑیں اب واضح ہوناشروع ہوگئیں۔

    اُن کا کہنا تھا کہ چوہدری نثارکے ن لیگ سےاختلافات پہلے سے ہیں تاہم آج وہ کھل کےسامنےآگئے،حکمراں جماعت اقتدار میں رہتے ہوئے تمام سازشی حربےاستعمال کررہی ہے۔

    شیری رحمان نے تحریک انصاف کے نیشنل سیکیورٹی کونسل کا اجلاس بلانے کی حمایت کرتے ہوئے کہا کہ اگر وزیراعظم اجلاس طلب کرلیں تو اس میں کوئی قباحت نہیں بلکہ یہ ملک کے لیے سود مند ہوگا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ٹی آئی نے 11 مئی کو وزیرستان اور 12 مئی کو کراچی میں جلسے کا اعلان کردیا

    پی ٹی آئی نے 11 مئی کو وزیرستان اور 12 مئی کو کراچی میں جلسے کا اعلان کردیا

    لاہور: مینار پاکستان پر جلسے کے بعد پی ٹی آئی نے انتخابی مہم تیز کر دی، 11 مئی کو وزیرستان اور 12 مئی کو کراچی میں بڑے جلسے کرنے کا اعلان کردیا.

    تفصیلات کے مطابق پاکستان تحریک انصاف کے ترجمان فواد چوہدری نے پریس کانفرنس میں وزیرستان اور کراچی میں جلسوں کا اعلان کیا.

    [bs-quote quote=”چوہدری نثار اور شہباز شریف کا ایک گروپ ہے، شاہد خاقان عباسی اپنے گیم میں‌ لگے ہیں، جلد یہ سب لوگ جیل میں ہوں گے، ن لیگ ایسی باتیں کرتی ہے، جیسے اپوزیشن میں یہ اور ہم حکومت میں ہیں” style=”style-2″ align=”left” author_name=”فواد چوہدری”][/bs-quote]

    فواد چوہدری کا کہنا تھا کہ پی ٹی آئی قبائلیوں کے درد کو محسوس کرتی ہے، نائن الیون کے بعد قبائلیوں پر کسی نے توجہ نہیں دی، ہم قبائلی عوام کو ان کے حقوق دلانا چاہتے ہیں.

    انھوں نے کہا کہ فاٹا سے متعلق مذاکرات درست سمت میں جارہے ہیں، ہمارے مؤقف کو اعلیٰ سطح پر تسلیم کیا گیا، پی ٹی آئی کے مؤقف پر سب اکٹھے ہوتے، تو فاٹا اب تک ضم ہوچکا ہوتا، مسلم لیگ ن نے فاٹاکے معاملات سے کھلواڑ کیا.

    انھوں‌ نے سابق وزیر اعظم کو آڑے ہاتھوں لیتے ہوئے کہا کہ میاں صاحب ہی ایون فیلڈ جائیداد کے مالک ہیں، وہ پوری عمر کے لئے نااہل ہوچکے، اب کسی سے آپ کا مقابلہ نہیں، مسلم لیگ ن ٹوٹ پھوٹ کا شکار ہے، ان کے لوگ پی ٹی آئی میں شامل ہونا چاہتے ہیں، کچھ لوگوں سے ہمیں معذرت بھی کرنا پڑتی ہے.

    انھوں نے کہا کہ چوہدری نثار اور شہباز شریف کا ایک گروپ ہے، شاہد خاقان عباسی اپنے گیم میں‌ لگے ہیں، جلد یہ سب لوگ جیل میں ہوں گے، ن لیگ ایسی باتیں کرتی ہے، جیسے اپوزیشن میں یہ اور ہم حکومت میں ہیں.

    فوادچوہدری کا کہنا تھا کہ اندرون سندھ سے پیپلزپارٹی کی حکومت ختم ہونے پر ضمانتیں ضبط ہوجائیں گی، اندرون سندھ میں جبر کی کیفیت ہے، لوگوں پر جعلی ایف آئی آر کردی جاتی ہے. 

    فواد چوہدری نے کہا کہ پارٹی نے انتخابی امیدواروں سے درخواست لینے کی تاریخ میں 13 مئی تک توسیع کردی، پی ٹی آئی کا الیکشن مینجمنٹ سیل درخواستیں وصول کرے گا.

    نوازشریف کا مقابلہ پی ٹی آئی یاپیپلزپارٹی سے نہیں، شہبازشریف اورحمزہ شہباز سے ہوگا، فواد چوہدری

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • صوبائی حکومت کے خاتمے سے ایک ماہ قبل جماعت اسلامی نے پی ٹی آئی کا ساتھ چھوڑ دیا

    صوبائی حکومت کے خاتمے سے ایک ماہ قبل جماعت اسلامی نے پی ٹی آئی کا ساتھ چھوڑ دیا

    پشاور: خیبر پختون خواہ کی صوبائی حکومت ختم ہونے سے فقط ایک ماہ قبل جماعت اسلامی نے اپنی اتحادی پاکستان تحریک انصاف کا ساتھ چھوڑ دیا اور کابینہ سے الگ ہوگئی۔

    تفصیلات کے مطابق جماعت اسلامی اور پی ٹی آئی کے اختلافات منطقی انجام کو پہنچ گئے، مشترکہ پریس کانفرنس میں جماعت اسلامی نے کے پی کی حکومت سے علیحدگی کا اعلان کیا۔

    [bs-quote quote=”الیکشن کے بعد بھی جماعت اسلامی سے بات چیت جاری رہے گی، الگ ہونے کا سبب اختلافات نہیں” style=”style-2″ align=”left” author_name=”پرویز خٹک”][/bs-quote]

    اس موقع پر وزیر اعلیٰ خیبرپختون خواہ نے کہا کہ اتحادیوں نے خوشی خوشی راہیں جدا کیں، علیحدگی کسی اختلاف یا جھگڑے کا نتیجہ نہیں۔

    ان کا کہنا تھا کہ اچھے موڑ پر الگ ہورہے ہیں، الیکشن کے بعد بھی جماعت اسلامی سے بات چیت جاری رہے گی، الگ ہونے کا سبب اختلافات نہیں، جماعت اسلامی پانچ سال ہماری اتحادی رہی، ہمارے ساتھ تعاون کیا، سیاست میں ایسا ہوتا رہتا ہے، جماعت اسلامی سے کوئی اختلاف نہیں۔

    وزیر اعلیٰ خیبرپختونخواہ نے کہا کہ کل اسلام آباد میں فاٹا ریفارمزپرمیٹنگ ہوئی، وزیراعظم موجود تھے، فیصلہ ہوا ہے کہ 2019 میں فاٹا کو صوبے میں ضم کردیا جائے گا۔

    یاد رہے کہ سینیٹ انتخابات کے بعد جماعت اسلامی اور پی ٹی آئی میں اختلافات کا جنم ہوا تھا، جس کے بعد دونوں طرف سے سخت بیانات کا تبادلہ ہوا، البتہ یہ عمل خوشگوار ماحول میں طے پایا۔

    جماعت اسلامی کی جانب سے یہ اعلان بھی کیا گیا ہے کہ وہ بجٹ کی تیاری میں رخنہ نہیں ڈالے گی۔

    کے پی میں جماعت اسلامی اور تحریک انصاف کا اتحاد ٹوٹنے کو ہے

     خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ٹی آئی کا احسن اقبال کی نااہلی کے لئے عدالت سے رجوع کرنے کا فیصلہ

    پی ٹی آئی کا احسن اقبال کی نااہلی کے لئے عدالت سے رجوع کرنے کا فیصلہ

    اسلام آباد: پاکستان تحریک انصاف نے احسن اقبال کی نااہلی کے لئے عدالت سے رجوع کرنے کا فیصلہ کرلیا. عمران خان نے قانونی ماہرین کو بلا تاخیر کارروائی کی ہدایت کر دی.

    تفصیلات کے مطابق عمران خان کی زیر صدارت پی ٹی آئی کا اہم اجلاس ہوا، جس میں‌ فیصلہ کیا گیا کہ نواز شریف اور خواجہ آصف کی طرح احسن اقبال کا بھی احتساب لازم ہے، اجلاس میں‌ ملک کی مجموعی سیاسی صورت حال پرتفصیلی تبادلہ خیال ہوا.

    پی ٹی آئی ترجمان کے مطابق 29 اپریل کے جلسے کے بعد نوازشریف بوکھلاہٹ کا شکار ہیں، ان کا بیانیہ بے سروپا اور کنفیوژن سے بھرپور ہے، مینارپاکستان پرعمران خان نےتوانا مستقبل کا فارمولا پیش کیا، عمران خان کے 11 نکات باوقار مستقبل سے ہمکنار کرنے کی ترکیب ہیں.

    اجلاس میں‌ پاکستان تحریک انصاف نے 11 نکات کی ہرسطح پر تشہیر کا فیصلہ کیا، عمران خان نے مرکزی قائدین کو 11 نکات عوامی سطح پراجاگر کرنے کی ہدایت کی.

    ترجمان پی ٹی آئی کے مطابق پاکستان تحریک انصاف انتخابات کے لئے پوری طرح یکسو اور تیار ہے، پاکستان کے انتظامی، معاشی، سیاسی نظام کو فوری درست کرنا ہو گا.

    اجلاس میں‌ ن لیگی وزرا کی جانب سے پی ٹی آئی خواتین کے خلاف بیہودہ جملے بازی کی مذمت کرتے ہوئے رانا ثنااللہ، عابد شیرعلی اور طلال چوہدری کے محاسبے کا مطالبہ کیا گیا.

    اجلاس میں وفاقی حکومت کی جانب سے پیش کردہ بجٹ کو بھی مکمل طورپرمسترد کرتے ہوئے موقف اختیار کیا گیا کہ پورے سال کی بجٹ سازی کا موجودہ حکومت کے پاس اختیارنہیں، بجٹ کا واحد مقصد ٹیکس چوروں، مراعات یافتہ طبقے کی نگہداشت ہے. نوازشریف اورخاندان کی جانب سےقومی اداروں پرزبانی حملوں کی بھی مذمت کی گئی.

    اجلاس میں‌ یوم صحافت کی مناسبت سے میڈیا کی آزادی اورصحافیوں کی بہبود مقدم رکھنے کےعزم کا اعادہ کرتے ہوئے حکومت سے اہل صحافت کے جان ومال کے تحفظ کے لئے جامع اقدامات کا مطالبہ کیا گیا.

    کوئی ملک مزدوروں کےحقوق کوتحفظ دیے بغیرترقی نہیں کرسکتا‘ عمران خان

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • عمران خان کو وزیراعظم بنانے کے لئے کارکنان کو جدوجہد کرنا پڑے گی: پرویز خٹک

    عمران خان کو وزیراعظم بنانے کے لئے کارکنان کو جدوجہد کرنا پڑے گی: پرویز خٹک

    لاہور: وزیر اعلیٰ خیبر پختون خواہ پرویز خٹک نے کہا ہے کہ 29 تاریخ کو ملک کی سیاست بدل جائے گی، پی ٹی آئی پاکستان کواپنے پیروں پرکھڑا کرے گی.

    انھوں نے ان خیالات کا اظہار میڈیا سے گفتگو کرتے ہوئے کیا، پرویزخٹک کا کہنا تھا کہ کارکنان کوعمران خان کو وزیراعظم بنانے کے لئے جدوجہد کرنا پڑے گی.

    وزیر اعلیٰ کے پی کا کہنا تھا کہ ہمیں‌ امریکا کی ضرورت نہیں، کسی کے بھی پیسے نہیں چاہییں، بھیک مانگ کرقرضوں پر چلنے والا ملک ترقی نہیں کرسکتا.

    انھوں نے کہا کہ عمران خان نےعوام کے حق کے لیے آواز اٹھا کر حکمرانوں کو رلا دیا، سونے کا چمچ منہ میں لے کر پیدا ہونے والے عام آدمی کی مشکلات سے واقف نہیں.

    پرویز خٹک کا کہنا تھا کہ آج بہترین تعلیم اورانصاف کی بات عمران خان کی بدولت ہی ہوتی ہے، پاکستان اس لیے نہیں بنا تھا کہ امیراورغریب کے لئےعلیحدہ نظام ہو، کے پی میں تعلیم کے شعبے میں دن رات محنت کرکے بہتری لائی گئی، سرکاری اسکولوں میں انگلش میڈیم تعلیم شروع کی.

    پرویز خٹک کا کہنا تھا کہ آج کے پی میں پنجاب سے زیادہ امن ہے، سندھ، پنجاب اوربلوچستان میں پولیس کو کے پی کی طرزپر آزاد کیا جائے، 24 لاکھ خاندان صحت انصاف کارڈسے مستفید ہو رہے ہیں.

    ایم ایم اے کی سیاست اسلام کے لیے نہیں، اسلام آباد کے لیے ہے: پرویز خٹک

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • موجودہ حکومت کے بجٹ کا کوئی اخلاقی جواز نہیں: شاہ محمود قریشی

    موجودہ حکومت کے بجٹ کا کوئی اخلاقی جواز نہیں: شاہ محمود قریشی

    اسلام آباد: پی ٹی آئی رہنما شاہ محمود قریشی نے کہا ہے کہ موجودہ حکومت جو بجٹ پیش کررہی ہے اس کا کوئی اخلاقی جواز نہیں.

    ان خیالات کا اظہار انھوں نے بجٹ اجلاس کے دوران تقریر کرتے ہوئے کیا، ان کا کہنا تھا کہ آج نئی نئی روایات ڈالی جارہی ہیں، منتخب وزیرمملکت رانافضل کو نطر انداز کردیا گیا.

    انھوں نے کہا کہ کوئی شک نہیں کہ حکومت کی رخصتی قریب ہے، حکومت ایک ماہ کی مہمان ہے اور پورے سال کا بجٹ پیش کررہی ہے.

    شاہ محمود قریشی نے پی ٹی آئی کی نمائندگی کرتے ہوئے کہا کہ قانون سے ثابت کرسکتا ہوں بجٹ چار ماہ کے لئے بھی پیش کیاجاسکتاہے، بدقسمتی سے وزیر مملکت خزانہ کو نظرانداز کردیا گیا، پاکستان کی تاریخ میں ایسی کوئی مثال نہیں ملتی.

    ان کا کہنا تھا کہ اس بجٹ کا کوئی اخلاقی جواز نہیں، ایک ماہ کی مہمان حکومت سال کا بجٹ پیش نہیں کرسکتی، بجٹ کو این ای سی اجلاس میں تین صوبوں نے منظورنہیں کیا.

    شاہ محمود قریشی نے کہا کہ تین صوبوں نے ایک سال کا بجٹ پیش کرنے پرواک آؤٹ کیا تھا، تین صوبے اس بجٹ پر عدم اعتماد کا اظہار کررہے ہیں، تین صوبوں کو بجٹ کےمعاملے پر نظراندازکرنامناسب نہیں

    مسلم لیگ ن کی حکومت اپنا چھٹا اور آخری بجٹ آج پیش کرے گی

     خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ایم ایم اے کی سیاست اسلام کے لیے نہیں، اسلام آباد کے لیے ہے: پرویز خٹک

    ایم ایم اے کی سیاست اسلام کے لیے نہیں، اسلام آباد کے لیے ہے: پرویز خٹک

    صوابی: وزیر اعلیٰ خیبر پختون خواہ پرویز خٹک نے کہا ہے کہ ایم ایم اےکی سیاست اسلام کیے لیے نہیں اسلام آباد کے لئے ہے.

    ان خیالات کا اظہار انھوں نے صوابی میں پی ٹی آئی کے جلسے سے خطاب کرتے ہوئے کیا. ان کا کہنا تھا کہ زرداری اور نوازشریف نے ملک کو لوٹا، ہم نے صوبے میں تعلیم اور صحت کے نظام کو ٹھیک کیا.

    وزیر اعلیٰ کے پی نے کہا کہ اے این پی کا دور ایزی لوڈ کا دور تھا، نوکریاں بکتی تھیں، کرپشن عروج پر تھی، ہمارے دور میں‌ چار ہزار ڈاکٹرز بھرتی کیے گئے، پولیس میں سیاسی مداخلت بند کی گئی.

    پرویز خٹک کا کہنا تھا کہ آج ملک قرضوں کے سیلاب میں ڈوبا ہوا ہے، عمران خان جیسے ایمان دارلیڈر کے آنےسے ہی انصاف کا نظام آئے گا.

    ن لیگ نے 60 سال میں صوابی کے لئے کچھ نہیں کیا: اسد قیصر

    جلسے سے پی ٹی آئی کے سینئر رہنما اسد قیصر نے بھی خطاب کیا. انھوں نے کہا کہ ایم ایم اے نے 5 سال میں اسلام کے لئے کچھ نہیں کر سکی، کے پی حکومت نے ناظرہ اور ترجمہ کو نصاب میں شامل کیا، پی ٹی آئی کی حکومت نےآئمہ کرام کا وظیفہ مقر ر کیا.

    اسد قیصر کا کہنا تھا کہ فضل الرحمان خود سرکاری مراعات لے رہے ہیں، ن لیگ نے 60 سال میں صوابی کے لئے کچھ نہیں کیا، ہمارے صوبے کا پانی لے کر پاور ہاؤس پنجاب میں بنا دیاگیا، اے این پی نے ہمیشہ پختونوں کا استحصال کیا. ان سے خیر کی امید نہیں.

    عمران خان کے سوا کوئی مجھے حکم نہیں دے سکتا، پرویز خٹک

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں