جہلم :تحریک انصاف کا سونامی آج جہلم سے ٹکرائے گا، پی ٹی آئی جلسے کیلئے پنڈال سج گیا، تحریک انصاف ایک کےبعدایک شہر میں عوامی طاقت کا مظاہرہ کر رہی ہے۔ساہیوال کےبعد سونامی آج جہلم سےٹکرائےگا۔جہاں سید ضمیرحسین جعفری اسٹیڈیم میں جلسے کی تیاریاں مکمل ہو چکی ہیں۔
کپتان کیلئے بیس فٹ چوڑا اور اسی فٹ لمبا اسٹیج بنایا گیا ہے۔ شرکاء کے داخلے کیلئے اسٹیڈیم کی دیواریں توڑ کر راستہ بنایاگیا ہے۔ چھ دروازوں میں سے ایک دروازہ وی آئی پیز اور ایک خواتین کیلئے مختص ہوگا۔جلسہ گاہ میں بیس ہزار سےزائدکرسیاں لگائی گئیں ہیں۔
اسٹیڈیم میں اسی ہزار لوگوں کی گنجائش ہے۔جلسے کے منتظم ظفر ڈار کاکہناہے بزرگ شہریوں کیلئے پنڈال میں خصوصی طور پر نشستیں رکھی گئیں ہیں، جہلم کےشہری بھی کپتان کو ویلکم کہنے کے لئے بےچین ہیں ۔
جلسے کی تشہیر کیلئے جی ٹی روڈ اور مرکزی شاہراہوں کو قد آور ہورڈنگز اور خیر مقدمی بینرز سے سجا یا گیا ہے۔سیکورٹی کیلئےساڑھے آٹھ سوپولیس اہلکارتعینات کئے گئے ہیں۔
تبدیلی کے پروانوں کو کپتان کا انداز پنڈال میں کھینچ لایا ہے۔بابا کیا بچے کیا جوان سب کے سب پھر سے جمع ہونگے کیونکہ کپتان آج جہلم میں بھرپور عوامی قوت کا مظاہرہ کریں گے،بچے بوڑھے اور جوان سب ہی پر جوش ہیں،
بچوں نے چہروں پر بلا اور پی ٹی آئی کا پرچم بنوایا اور گو نواز گو کے نعرے بھی بھی لکھوائے۔ کپتان کااندازخواتین کو بھی گھروں سےکھینچ لایا۔ٹوپیاں ۔بیجز اور پارٹی بینڈز بیچنے والوں کی بھی چاندی ہوگئی۔
عمران خان کے سونامی کے لیے فل پروف سیکورٹی انتظامات کئے گئے ہیں۔کپتان کی ایک جھلک دیکھنے کے لیے کارکنان بچے بڑے اور خواتین سب ہی بے قرارہیں۔
