ARYNews.tv | Urdu – Har Lamha Bakhabar

Tag: پی ٹی آئی

  • حکومت کا کے پی کے میں تحریکِ عدم اعتماد نہ لانے کا فیصلہ

    حکومت کا کے پی کے میں تحریکِ عدم اعتماد نہ لانے کا فیصلہ

    اسلام آباد: حکومت نے پی ٹی آئی کے استعفے منظور نہ کر نے اور خیبر پختونخوا میں تحریک عدم اعتماد کا آپشن ترک کرنے کا فیصلہ کرلیا ہے وزیراعظم کی صدارت میں پارلیمنٹ چیمبر میں پارلیمانی رہنماؤں کا اجلاس ہوا ۔

    اجلاس میں سیاسی صورتحال پی ٹی آئی کے استعفوں سمیت پارلیمانی ا مور زیرغورآئے ،اجلا س میں فیصلہ کیا گیا کہ پی ٹی آئی اراکین کے اسپیکر کے سامنے پیش ہو کر تصدیق نہ کرا نے تک استعفے منظور نہیں کئے جائیں گے ۔

    اجلا س میں عوامی تحریک کے دھرنے کے خاتمے کا خیر مقدم کیا گیا، پارلیمانی رہنماؤں نے وزراء کی ایوان میں غیر حاضری پر شکوہ کیا، وزیر اعظم نے وزراء اورا راکین کی ایوان میں مایوس کن حاضری پر بر ہمی کا اظہار کیا۔

    وزیراعظم نے اس موقع پر کہا کہ مشاورت کا عمل جاری رکھا جائے گا، پارلیمنٹ اور جمہوریت کے استحکام کی کوششیں جاری رہیں گی،

    وزیراعظم نے واضح کیا کہ تمام جماعتوں کے مینڈیٹ کا احترام کیا جائے گا، وزیراعظم نے کے پی کے میں تحریک انصاف کے خلاف تحریکعدم اعتمادلانے کاآپشن ختم کر نے کی ہدایت کر دی ۔

  • عدالت نے بجلی سپلائی کمپنیوں کو بلوں کی وصولی سےروک دیا

    عدالت نے بجلی سپلائی کمپنیوں کو بلوں کی وصولی سےروک دیا

    اسلام آباد :بجلی کے اضافی بلوں سے متعلقاسلام آباد ہائیکورٹ میں پی ٹی آئی کی درخواست پر عدالت نے اضافی اور زائد بلوں کی وصولی سے   بجلی سپلائر کمپنیوں کوروک دیا ہے ۔

    اسلام آباد ہائیکورٹ میں بجلی کے اضافی بلوں سےمتعلق پی ٹی آئی کی درخواست پرسماعت جسٹس اطہرمن اللہ نےکی۔سماعت کے دوران عدالت نےاضافی اورزائدبلوں کےوصولی سےبجلی سپلائر کمپنیوں کوروک دیااورتمام بجلی سپلائرکمپنیوں سےجواب طلب کرلیا۔

    عدالت نےچئیرمین واپڈااور وزارت پانی وبجلی سےایک سال کی اووربلنگ کی رپورٹ طلب کر لی۔ رپورٹ دوہفتوں میں عدالت میں پیش کرنےکاحکم دیا۔عدالت نےاٹارنی جنرل کوبھی نوٹس جاری کردیا۔

    پی ٹی آئی رہنمااسدعمرکےوکیل کاکہناتھا کہ واپڈانےنیپراایکٹ کی خلاف ورزی کی ہے۔نیپرا کی اجازت کےبغیربلوں میں اضافہ کرنا قانونی جرم ہے۔ جسٹس اطہر من اللہ نےکہاکہ بجلی کی سپلائر کمپنیاں قانون کے مطابق بلوں کی وصولی کریں

  • سرگودہامیں پی ٹی آئی کے جلسے کی تیاریاں عروج پر

    سرگودہامیں پی ٹی آئی کے جلسے کی تیاریاں عروج پر

    سرگودہا: کپتان کی آمد سے قبل سرگودہامیں سیاسی پنڈال سج گیا،اسپورٹس اسٹیڈیم میں میلے کا سماں، ہرطرف پی ٹی آئی کے پرچموں کی بہار،لوگوں کی بڑی تعداد جلسہ کی تیاریوں میں مصروف ،عمران خان کے فقیدالمثال استقبال کی تیاریاں جاری،فضامیں منچلوں کے گونوازگوکے نعرے،ترانوں پر رقص۔

    تفصیلات کے مطابق پاکستان تحریک انصاف کل سترہ اکتوبرکو اسپورٹس اسٹیڈیم سرگودہا میں عوامی طاقت کے مظاہرے کیلئے تیارہے،اسپورٹس اسٹیدیم میں ہرطرف پی ٹی آئی کے متوالوں کاراج ہے خاص طورپر نوجوان خاصے پرجوش دکھائی دیتے ہیں جو جلسہ کے نظام کو خوب سے خوب تر بنانے میں مصروف ہیں۔

    پی ٹی آئی کے ترانوں پر متوالوں کا رقص بھی جاری ہے اور فضاؤں میں گونوازگوکانعرہ بھی باربارگونجتاسنائی دیتاہے، پی ٹی آئی عہدیداروں کا کہناہے کہ کل کا جلسہ سرگودہاکی نئی تاریخ رقم کرے گا۔

    سرگودہاکے اسپورٹس اسٹیڈیم میں ایک لاکھ کے قریب افراد کی گنجائش موجودہے جبکہ غیرجانبدارمبصرین کے مطابق کل کے جلسہ میں ڈیڑھ سے دولاکھ افرادکے آنے کی توقع ہے۔

    پاکستان تحریک انصاف نے الیکشن 2011میں 28اپریل کو بھی اسی اسٹیڈیم میں جلسہ کیاتھااس وقت جلسہ تو کامیاب تھا لیکن اسے بہت بڑا یا تاریخی جلسہ قرارنہیں دیاجاسکتاہے، لیکن سترہ اکتوبرکو ہونے والے جلسہ کے بارے کہاجارہاہے کہ یہ تاریخ سازہوگا۔

    ضلع سرگودہاکو مسلم لیگ ن کا گڑھ سمجھا جاتاہے اورگیارہ مئی کوہونے والے عام انتخابات میں قومی اسمبلی کی پانچ کی پانچ اور صوبائی اسمبلی کی گیارہ میں سے دس نشستوں پرمسلم لیگ ن کے امیدوراکامیاب ہوئے تھے۔

  • سانحہ ملتان کی تحقیقات کیلئے 3رکنی حکومتی کمیٹی تشکیل

    سانحہ ملتان کی تحقیقات کیلئے 3رکنی حکومتی کمیٹی تشکیل

    لاہور: ملتان واقعے کی انکوائری کے لئے حکومتِ پنجاب نے سیکریٹری ماحولیات کی سربراہی میں تین رکنی کمیٹی قائم کردی جبکہ تحریکِ انصاف نے بھی پارٹی کے سینئر رہنما عمران اسماعیل کی سربراہی میں سات رکنی تحقیقاتی کمیٹی تشکیل دے دی ہیں۔

    ملتان میں تحریکِ انصاف کے جلسے کے بعد مچنے والی بھگدڑ اور اس کے نتیجے میں ہونے والی سات افراد کی موت کی تحقیقات کےلئے حکومت پنجاب نےتین رکنی کمیٹی تشکیل دے دی، سیکریٹری ماحولیات اقبال چوہان کمیٹی کی سربراہی کریں گے، دیگر ممبران میں ڈی آئی جی علی عامر ملک اور سپیشل سیکرٹری ہوم ڈیپارٹمنٹ ڈاکٹر شعیب اکبر شامل ہیں۔

    کمیٹی ملتان واقعے کے مختلف پہلوؤں کا جائزہ لے کر رپورٹ پیش کرے گی۔

    دوسری جانب پاکستان تحریک انصاف کےسربراہ عمران خان نے بھی سانحہ ملتان کی تحقیقات کے لئے سات رکنی کمیٹی قائم کر دی، جو سینئر رہنما عمران اسماعیل تحریکِ انصاف کی تحقیقاتی کمیٹی کی سربراہی کریں گے، سانحہ ملتان  کی ابتدائی رپورٹ تھانہ لوہاری گیٹ میں درج کرلی گئی ہے۔

    گذشتہ روز قاسم باغ ملتان میں پاکستان تحریکِ انصاف کے جلسے کے بعد داخلی اور خارجی راستوں پر بد انتظامی کے نتیجے میں بھگدڑ مچنے اور شدید گرمی کی وجہ سے آٹھ افراد جاں بحق جبکہ متعدد افراد زخمی ہوگئے۔

    تحریک انصاف کے چیئرمین عمران خان نے جیسے ہی خطاب ختم کیا تو جلسے میں موجود ہزاروں افراد نے اسٹیڈیم کے آزادی گیٹ سے باہر نکلنا چاہا تاہم وہاں بھگڈر مچ جانے سے آٹھ افراد جاں بحق جبکہ متعدد افراد دم گھٹنے سے بے ہوش اور زخمی ہوگئے۔

    چوہدری برادران نے سانحہ ملتان پر جوڈیشل کمیشن بنانے کا مطالبہ کرتے ہوئے کہا ہے کہ کمیشن افسوسناک واقعے کے ذمہ داران کو قرار واقعی سزا دے۔

  • عمران خان کنٹینرسےنکلتےہوئےگھبرائیں گے، مریم نواز

    عمران خان کنٹینرسےنکلتےہوئےگھبرائیں گے، مریم نواز

    ملتان : مریم نواز نے کہا ہے اب عمران خان کنٹینرسے نکلتے ہوئے گھبرائیں گے۔

    ملتان واقعہ پرمریم نواز کے ٹوئٹ کا اشارہ ملتان میں شیخ رشید کے ہوٹل کا گھیراؤ اور ن لیگ کے کارکنوں کے سخت رد عمل کی طرف تھا، مریم نواز نے ٹوئٹ میں کہا کہ عمران خان عنقریب کنٹینر سے نکلتے ہوئے گھبرائیں گے، اب لاہور اور راولپنڈی کے عوام کو بھی غیرت کا مظاہرہ کرنا ہوگا۔

    سماجی رابطوں کی ویب سائیٹ ٹوئٹر پر جاری پیغام میں پی ٹی آئی آج شور کیوں مچا رہی ہے، کیاپی ٹی آئی چاہتی ہے کہ اس کی غنڈہ گردی کوئی نہ روکے، ملک جن حالات کاشکار ہے کیا اس کی ابتداپی ٹی آئی نے نہیں کی؟۔

  • قانون میں مڈٹرم الیکشن کی اجازت ہے، رحمان ملک

    قانون میں مڈٹرم الیکشن کی اجازت ہے، رحمان ملک

    اسلام آباد: رحمان ملک کہتے ہیں مفاہمت کی پالیسی پرعمل کرتے ہوئےسب کو مل کرآگے بڑھنا ہے، سیاسی بیان بازی کوسنجیدہ نہیں لیناچاہئے۔

    علامہ طاہرالقادری سے ملاقات کے بعد میڈیاسے گفتگو  کرتے ہوئے رحمان ملک کا کہنا تھا کہ میں نے ڈاکٹر صاحب کو عید کی مبارکباد دی ہے جبکہ دھرنے سے متعلق بھی بات چیت ہوئی ہے تاہم اس کی تفصیل سے ابھی آگاہ نہیں کر سکتا، عید کے بعد مذاکرات کا دوبارہ آغاز ہو گا اور اس ضمن میں سیاسی جرگہ جلد وزیر اعظم نواز شریف سے ملاقات کرے گا جبکہ ہم جہانگیر ترین سے بھی مسلسل رابطے میں ہیں۔

    رحمان ملک کا کہناتھا کہ معاملات کے حل میں مفاہمت ضروری ہے، سیاسی بحران کے حل میں آصف زرداری کا کردار اہم ہے، پیپلز پارٹی چاہتی ہے حکومت 5 سال پورا کرے، نواز شریف نے کہا ہے دھاندلی ہوئی تو مستعفی ہوں گے۔

  • شیروں کے ساتھ پنگا نہ لیا جائے، مریم نواز

    شیروں کے ساتھ پنگا نہ لیا جائے، مریم نواز

    لاہور: مسلم لیگ ن کی رہنماوزیر اعظم نواز شریف کی صاحبزادی مریم نواز نے کہا کہ مسلم لیگ ن کی تحمل اورضبط کی پالیسی کو کمزوری نہ سمجھا جائے۔

    اپنے ٹوئٹ میں مریم نواز کا کہنا تھا کہ اگر مسلم لیگ ن بھی ایسے ہتھکنڈوں پر اتر آئی تو پی ٹی آئی کو کہیں چھپنے کی جگہ نہیں ملے گی،ان کا کہنا تھا وزیر آباد میں جو کچھ ہوا وہ محض ٹریلر تھا ۔

    وزیراعظم نواز شریف کی صاحبزادی مریم نواز نے اپنے ٹویٹر پیغام میں کہا کہ پی ٹی آئی شیروں کے ساتھ پنگا نہ لے، برداشت کی پالیسی کو کمزوری نہ سمجھا جائے، پی ٹی آئی کی داداگیری سے مسلم لیگ ن کے کارکنوں کے صبر کا پیمانہ لبریز ہوگیا ہے۔

  • شاہراہ دستورپرشیلنگ: وزیراعظم کیخلاف درخواست پرفیصلہ محفوظ

    شاہراہ دستورپرشیلنگ: وزیراعظم کیخلاف درخواست پرفیصلہ محفوظ

    اسلام آباد: شاہراہ دستورپرشیلنگ کیخلاف پی ٹی آئی کی وزیراعظم کیخلاف مقدمےکےاندراج کی درخواست پرفیصلہ محفوظ کرلیا گیا۔

    اسلام آبادکی سیشن عدالت کے جج ارجمند خان نے پی ٹی آئی کی درخواست کی سماعت کی جو تحریک انصاف کی جانب سے وزیراعظم سمیت گیارہ افرادکےخلاف مقدمےکےاندراج کیلئے دی گئی تھی۔

    سماعت کے دوران پی ٹی آئی کے وکیل کا کہنا تھا کہ شاہراہ دستورپروزیراعظم نے ذاتی مفادات کیلئے ریاستی مشینری کو استعمال کیا، عمران خان کے کنٹینر پر چھتیس گھنٹے تک فائرنگ کی گئی ۔

    اس آپریشن کی نگرانی وزیر داخلہ چوہدری نثار خود کررہے تھے۔ سیشن عدالت نے مقدمے کے اندراج کی درخواست پر فیصلہ محفوظ کرلیا۔

  • کراچی کے لوگوں کا میوزک ٹیسٹ ذرا ہٹ کر ہے، ڈی جے بٹ

    کراچی کے لوگوں کا میوزک ٹیسٹ ذرا ہٹ کر ہے، ڈی جے بٹ

    کراچی: پی ٹی آئی کے جلسوں میں چار چاند لگانے والے ڈی جے بٹ اور ان کا ساؤنڈ سسٹم ایک دوسرے کے لئے لازم و ملزوم ہیں۔ کراچی کےجلسے میں بھی ڈی جے بٹ کا جادو سر چڑھ کر بولے گا۔

    ڈی جے بٹ کو کون نہیں جانتا ، پی ٹی آئی کے دھرنوں سے شہرت کی بلندیوں کو چھونے والے ساؤنڈ ماسٹرکراچی پہنچ گئے۔ عمران خان کا جلسہ مسٹر بٹ کی دھنوں سےگونج اٹھنے کے لئے تیارہے ۔

    اے آر وائی سے خصوصی گفتگو کرتے ہوئے ڈی جے بٹ نے کہا کہ کراچی پڑھے لکھے لوگوں کا شہر ہے اور یہاں کےلوگوں کا میوزک ٹیسٹ ذرا ہٹ کے ہے، تو میوزک بھی اسی طرح کا ذرا ہٹ کےہوگا۔

    دھرنوں کو گرما نے والےاسٹائلش ساؤنڈ ماسٹر اسلام آباد پولیس کے ہاتھوں گرفتاری پر کہتے ہیں کہ ظلم ہوا، جس نے کیا اسے اللہ مصبت سے بچائے ۔ڈی جے بٹ نے اپنی گرفتاری کے حوالے سے کہا کہ مجھےاڈیالہ جیل بھیجاگیا تو کبھی پولیس نے فارم ہاؤس کی سیرکرائی۔

  • تحریک انصاف کا جلسہ:عوام میں زبردست جوش وخروش

    تحریک انصاف کا جلسہ:عوام میں زبردست جوش وخروش

    کراچی:عمران خان کا آج کراچی میں ہونے والا جلسہ کامیاب بنانے کے لئے پی ٹی آئی کی خواتین بہت پُرجوش ہیں۔ صبح سے پنڈال میں موجود خواتین کا جوش وجذبہ ہے قابلِ دید ہے۔ پارٹی پرچم،بینرزاوررنگ برنگے ملبوسات پہنی خواتین کوعمران خان کی کراچی آمد کا بےصبری سے انتظار ہے۔

    رنگ برنگےاورپارٹی پرچم کے رنگ میں رنگے ملبوسات پہنے خواتین نے جلسہ گاہ کی رونق بھی بڑھارکھی ہے۔بینرزاٹھائےان خواتین کا کہنا ہے کہ ہم اپنے قائد کا ساتھ کبھی نہیں چھوڑیں گے۔

    کسی کے ہاتھوں میں پارٹی پرچم ہے تو کوئی چہرے پر منفرد ڈیزائنز بنوارہا ہے۔ ہاتھ بھی چوڑیوں کے بجائے پارٹی بینڈزسے سجے ہیں۔ اپنے قائدعمران خان کو ویلکم کہنے کے لئے موجود ان زندہ دل خواتین کا جذبہ دُھوپ نے بھی ماند نہیں پڑنے دیا۔ یہ خواتین نیا پاکستان بنانے کا عزم لئے اپنے گھروں سے نکلی ہیں ۔

    ترجمان پی ٹی آئی کے مطابق عمران خان ساڑھے6بجےجلسہ عام سے خطاب کریں گے، کپتان رات دس بجےواپس  اسلام آباددھرنےکیلئے روانہ ہوجائیں گے۔