Tag: پی ٹی آئی

اسلام آباد: پی ٹی آئی پارلیمانی پارٹی نے منٹس آف میٹنگ جاری کردیے ہیں، جس میں مجوزہ آئینی ترامیم کے حوالے سے اظہار خیال کیا گیا ہے۔

تفصیلات کے مطابق چیئرمین پاکستان تحریک انصاف بیرسٹر گوہر کا کہنا تھا کہ اس اجلاس کا مقصد مجوزہ آئینی ترامیم پر پوزیشن واضح کرنا ہے، پارلیمانی پارٹی کو کسی بھی بل کی حمایت نہیں کرنی چاہیے، حکومت کو قانونی حیثیت حاصل نہیں۔

بیرسٹر گوہر نے کہا کہ مجوزہ ترامیم عدلیہ کی آزادی پر اثرانداز ہوگی اور شخصی نوعیت کی ہونگی، موجودہ حکومت کے پاس آئین میں تبدیلی کرنے کا کوئی اختیار نہیں۔

انھوں نے کہا کہ بڑے پیمانے پر دھاندلی کے باعث حکومت کو قانونی حیثیت حاصل نہیں، شرکا نے اس موقع پر اتفاق کیا کہ پارلیمانی پارٹی آئین میں مجوزہ ترامیم کی حمایت نہیں کرے گی۔

پارلیمانی پارٹی نے اس پر بھی اتفاق کیا کہ بل کی پیشی، کسی مرحلے پر ووٹنگ میں مخالفت کی جائیگی، ارکان کو کسی بھی ایسے بل، تجویز پر ووٹنگ سے اجتناب کے احکامات جاری کیے گئے ہیں۔

اسلام آباد : پاکستان تحریک انصاف ( پی ٹی آئی ) نے مخصوص نشستوں کے فیصلےپرعملدر آمدکیلئےسپریم کورٹ سےرجوع کرلیا۔

تفصیلات کے مطابق پاکستان تحریک انصاف نے مخصوص نشستوں کے فیصلےپرعملدر آمدکیلئے سپریم کورٹ میں درخواسر دائر کردی۔.

پی ٹی آئی کی جانب سےعزیربھنڈاری ایڈووکیٹ نےمتفرق درخواست دائرکردی، جس میں کہا گیا کہ الیکشن کمیشن نے12 جولائی فیصلے پر وضاحت کیلئے رجوع کیا ،پی ٹی آئی درخواالیکشن کمیشن کاکہنا درست نہیں کہ فیصلےپر عملدر آمدمیں مشکلات ہیں۔

درخواست میں کہا کہ الیکشن کمیشن درخواست عدالتی فیصلےپرعملدرآمدمیں تاخیرکی کوشش ہے، الیکشن کمیشن نےمتفرق درخواست نیک نیتی سے دائر نہیں کی، الیکشن کمیشن مخصوص نشستوں میں رکاوٹ پیدا کر رہا ہے۔

دائر درخواست میں کہنا تھا کہ پی ٹی آئی کا آئین وقانون کے مطابق بنیادی ڈھانچہ موجودہے، تحریک انصاف نے 3 مارچ کو انٹراپارٹی الیکشن کرایا، انٹرا پارٹی الیکشن کی تفصیلات الیکشن کمیشن میں جمع کرائی، بیرسٹر گوہر،عمرایوب بالترتیب چیئرمین ،جنرل سیکریٹری منتخب ہوئے۔

درخواست میں بتایا گیا کہ ارکان کی پارٹی وابستگی کوچیئرمین ،سیکریٹری نےدستخط سے منظوری دی، الیکشن کمیشن پابند ہے کہ پارٹی وابستگی کےسرٹیفکیٹس پر کارروائی مکمل کرے۔

پی ٹی آئی نے استدعا کی کہ الیکشن کمیشن کی وضاحت کی درخواست مسترد کی جائے اور الیکشن کمیشن کو آزاد ارکان کی وابستگی کے سرٹیفکیٹ منظور کرنے کا حکم دیا جائے، ساتھ ہی 12 جولائی کے مختصر فیصلہ پر عمل کا حکم دیا جائے۔

اسلام آباد: وفاقی حکومت کو ٹف ٹائم دینے کیلیے اپوزیشن اتحاد نے نئی حکمت عملی پر غور شروع کر دیا۔

ذرائع نے اے آر وائی نیوز کو بتایا کہ پاکستان تحریک انصاف (پی ٹی آئی) قومی اسمبلی کی قائمہ کمیٹیوں سے استعفے دینے پر غور کر رہی ہے۔ اس حوالے سے تجویز سامنے آئی ہے کہ قائمہ کمیٹیوں کی سربراہی اور رکنیت چھوڑی جائیں۔

ذرائع نے بتایا کہ قائمہ کمیٹیوں سے استعفوں کی تجویز محمود اچکزئی نے دی تاکہ حکومت پر دباو بڑھے۔ پی ٹی آئی نے تجویز پر مشاورت شروع کر دی اور استعفوں سے متعلق جلد حتمی فیصلہ کیا جائے گا۔

دوسری جانب، پی ٹی آئی کا وفد آج سربراہ جمعیت علمائے اسلام (ف) مولانا فضل الرحمان سے آج رات 8 بجے ملاقات کرے گا، وفد میں اسد قیصر، بیرسٹر گوہر خان اور شبلی فراز شریک ہوں گے۔

عمر ایوب اسلام آباد میں نہ ہونے کی وجہ سے ملاقات میں شریک نہیں ہوں گے۔ مولانا فضل الرحمان کے ساتھ ملکی موجودہ سیاسی صورتحال پر بات چیت ہوگی۔

پاکستان تحریکِ انصاف (پی ٹی آئی) کے رہنما علی محمد خان کا کہنا ہے کہ بانی پی ٹی آئی نے پھر ثابت کیا وہ صحیح معنوں میں لیڈر ہیں۔

تفصیلات کے مطابق پاکستان تحریکِ انصاف (پی ٹی آئی) کے رہنما علی محمد خان نے کہا ہے کہ بہت سے لوگوں کو جلسہ ملتوی ہونے کا علم نہیں تھا، بانی پی ٹی آئی نے پھر ثابت کیا وہ صحیح معنوں میں لیڈر ہیں۔

علی محمدخان نے کہا کہ فیصلے سے ورکرز کو دھچکا ضرور لگا تھا، یہ وہی لیڈر کرسکتا ہے جسے فکر ہو کوئی تصادم نہ ہوجائے، جسے فکر ہو دوسرا 9 مئی نہ کردیا جائے۔

علی محمد خان کا کہنا تھا کہ علیمہ باجی براہِ راست پارٹی میں نہیں، اُنہیں بہت سے فیصلوں کا بروقت علم نہیں ہوتا، جلسے کا این او سی آخری وقت میں واپس لے لیا گیا، جماعتِ اسلامی، ٹی ایل پی دھرنا دے سکتے ہیں تو ہم جلسہ کیوں نہیں کرسکتے؟۔

انہوں نے مزید کہا کہ کیوں آپ سب سے بڑی جماعت کے حساس صوبے کے وزیراعلیٰ کو مجبور کررہے ہیں؟، علی امین گنڈا پور کو سر پر کفن باندھ کر نکلنا پڑ رہا ہے۔