Tag: پی ٹی آئی

اسلام آباد : سابق وزیر داخلہ رانا ثنااللہ کا کہنا ہے کہ بطور سیاسی جماعت پی ٹی آئی کو سیاست کا حق ہے یہ انہیں ملنا چاہیے  ۔

تفصیلات کے مطابق سابق وزیر داخلہ رانا ثنااللہ نے میڈیا سے گفتگو کرتے ہوئے کہا کہ انتخابات میں پیپلزپارٹی سےکوئی اتحاد نہیں ہوگا، پیپلز پارٹی کے ساتھ محدود سطح کی سیٹ ایڈجسٹمنٹ ہو سکتی ہے۔

پیپلزپارٹی سے محدودسطح کی سیٹ ایڈجسٹمنٹ کے امکانات بھی کم ہیں، پیپلز پارٹی کی ن لیگ پر تنقید انہیں سوٹ کرتی ہے جس کا انہیں حق ہے۔

پی ٹی آئی کے حوالے سے رانا ثنااللہ کا کہنا تھا کہ بطورسیاسی جماعت پی ٹی آئی کو سیاست کا حق ملنا چاہیے، پی ٹی آئی کو نو مئی کے ذمےداروں سے خود کو علیحدہ کرنا چاہیے۔

انھوں نے مزید کہا کہ ن لیگ انتخابات کے بعد کسی سے اتحاد کرنے یا نہ کرنے کا فیصلہ کرے گی ، نواز شریف21 اکتوبر کو وطن واپس آرہے ہیں، شاندار استقبال ہوگا۔

ن لیگی رہنما کا کہنا تھا کہ رانا مقبول کے انتقال سے پارٹی ایک مخلص ساتھی سے محروم ہو گئی ہے۔

لاہور : سابق اسپیکرقومی اسمبلی سردارایازصادق کا کہنا ہے کہ پی ٹی آئی کولانے کی بات کرنے والوں پر زمین تنگ کر دیں گے۔

تفصیلات کے مطابق مسلم لیگ ن کے رہنما اور سابق اسپیکرقومی اسمبلی سردارایازصادق نے بیان میں کہا کہ جڑانوالہ واقع بہت تکلیف دہ تھا، مسیحوں کی عبادت گاہوں پرحملےناقابل قبول ہیں۔

ایاز صادق کا کہنا تھا کہ پاکستان کےخلاف سازش کی بنیاد 2014 میں ڈالی گئی، چیئرمین پی ٹی آئی کو قوم میں نفرتیں پیدا کرنے کیلئے بھیجا گیا تھا، 9 مئی واقعہ منصوبہ بندی کےتحت ہوا، یہ فوج میں تقسیم چاہتے تھے، انہوں نے وہ کام کیا جو بھارت کی فوج کرنا چاہتی تھی۔

سابق اسپیکرقومی اسمبلی نے کہا کہ جولوگ پی ٹی آئی کی بات کریں گے میں ان کاراستہ روکوں گا، پی ٹی آئی کولانےکی بات کرنےوالوں پر زمین تنگ کر دیں گے۔

ان کا کہنا تھا کہ اسحاق ڈارکوبہت براکہاگیامگرانہوں نےبہت محنت کی، آرمی چیف کی کرسی پروہ بیٹھےہیں جوسب سےزیادہ اہل ہیں۔

الیکشن کے حوالے سے سردار ایاز صادق نے کہا کہ 4ماہ حلقہ بندیاں ہوں گی اس کے بعد الیکشن ہوں گے، اور نواز شریف جلد وطن واپس آ کرپارٹی کی قیادت کریں گے۔

اسلام آباد : پاکستان تحریک انصاف نے اسحاق ڈار کو نگراں وزیراعظم نامزد کئے جانے پر مطالبہ کیا ہے کہ شفاف انتخابات کیلئے غیر جانبدار شخص کو نگراں وزیراعظم بنایا جائے۔

تفصیلات کے مطابق پاکستان تحریک انصاف کے رہنما احمد اویس نے اے آر وائی نیوز کے پروگرام ‘پروگرام سوال یہ ہے’ میں گفتگو کرتے ہوئے کہا ن لیگ کا اسحاق ڈارکونگراں وزیراعظم نامزد کرنا اچھنبے کی بات نہیں، ن لیگ کی جانب سےایسےہی شخص کونگراں وزیراعظم نامزد کرنا تھا۔

احمد اویس کا کہنا تھا کہ اسحاق ڈارنوازشریف کےسمدھی ہیں،نگراں وزیراعظم بنانااچھنبےکی بات نہیں، ہونا تو یہ چاہیے تھا کہ ایسا نگراں وزیراعظم لاتے جس پرکوئی اعتراض نہ کرسکے۔

رہنما پی ٹی آئی نے مطالبہ کیا کہ شفاف انتخابات کیلئے غیر جانبدار شخص کو نگراں وزیراعظم بنایا جائے۔

خیال رہے مسلم لیگ ن اسحاق ڈار کو اہم منصب سونپنے کیلئے سرگرم ہے اور پیپلزپارٹی کو راضی کرنے کے لیے کوششیں تیز کردیں۔۔

پیپلزپارٹی نے اسحاق ڈار کے نام پر اتفاق کی تردید کی جبکہ جے یو آئی ف نے بھی مخالفت کردی ہے۔