ARYNews.tv | Urdu – Har Lamha Bakhabar

Tag: پی ٹی آئی

  • حکومت کی پی ٹی آئی سے مذاکرات بحال کرنے کی درخواست

    حکومت کی پی ٹی آئی سے مذاکرات بحال کرنے کی درخواست

    اسلام آباد : حکومت نے پی ٹی آئی سے مذاکرات بحال کرنے کی درخواست کردی، عرفان صدیقی نے کہا ابھی مت جائیں، کچھ روز ٹھہر جائیں۔

    تفصیلات کے مطابق حکومتی مذاکراتی کمیٹی کے رکن عرفان صدیقی نے پی ٹی آئی کی جانب سے مذاکرات ختم کرنے کے اعلان پر کہا کہ مذاکرات ختم کرنے کا اعلان افسوسناک ہے، صرف 5دن مزید انتظار نہیں کرسکتے؟

    ان کا کہنا تھا کہ مذاکرات کی خواہش پی ٹی آئی کی تھی، پی ٹی آئی قیادت سےکہوں گا بانی سے مختلف رائے اپنائیں۔

    حکومتی رکن نے کہا کہ پی ٹی آئی والے جس بے تابی سےآئے،اتنی جلدی چلےگئے، مطالبات پیش کرنےمیں 42دن لگے اور ہم سے کہتے ہیں7دن میں فیصلہ کریں۔

    ترجمان حکومتی کمیٹی نے پی ٹی آئی سے درخواست کی ابھی مت جائیں، کچھ روزٹھہر جائیں۔

    دوسری جانب خواجہ آصف نے مذاکرات کوگناہ بےلذت قرار دیتے ہوئے کہا کہ مذاکرات والوں کو خود پتا تھا کوئی نتیجہ نہیں نکلنا۔

    ان کا کہنا تھا کہ پی ٹی آئی والےاپنےلیڈرسے بھی مخلص نہیں، علی امین گنڈاپورنے خوداعتراف کیاکہ ہمارے لوگ گمراہ ہوئے، یہ کس چیزکا جوڈیشل کمیشن بنانا چاہتے ہیں۔

  • پی ٹی آئی کا مذاکرات ختم کرنے کا اعلان، حکومتی کمیٹی نے بڑا فیصلہ کرلیا

    پی ٹی آئی کا مذاکرات ختم کرنے کا اعلان، حکومتی کمیٹی نے بڑا فیصلہ کرلیا

    اسلام آباد : حکومتی کمیٹی نے پاکستان تحریک انصاف (پی ٹی آئی) کے مذاکرات ختم کرنے کے اعلان پر آج ہی ردعمل دینے کا فیصلہ کرلیا۔

    تفصیلات کے مطابق پاکستان تحریک انصاف (پی ٹی آئی) کے مذاکرات ختم کرنے کے اعلان پر حکومتی کمیٹی نے ردعمل دینے کا فیصلہ کرلیا۔

    حکومتی مذاکراتی کمیٹی کےعرفان صدیقی آج باضابطہ ردعمل دیں گے۔

    مزید پڑھیں : بانی پی ٹی آئی نے مذاکرات ختم کرنے کا اعلان کر دیا ہے، بیرسٹر گوہر

    یاد رہے پی ٹی آئی چیئرمین بیرسٹر گوہر نے میڈیا سے گفتگو کرتے ہوئے کہا تھا کہ بانی پی ٹی آئی سے میری اور وکلا کی ملاقات ہوئی ہے، انھوں نے مذاکرات ختم کرنے کا اعلان کر دیا ہے۔

    ان کا کہنا تھا کہ ’’جوڈیشل کمیشن کے لیے حکومت کو 7 دن دیے تھے، ہم نے کہا تھا کہ اگر حکومت نے کمیشن کا اعلان نہ کیا تو مذاکرات کا اگلا دور نہیں ہوگا۔‘‘

    چیئرمین پی ٹی آئی نے مزید کہا کہ ’’سیاسی اختلافات کی ٹھنڈک اتنی زیادہ ہے کہ برف پگھل نہیں رہی، افسوس ہے حکومت کی طرف سے آج تک کوئی اعلان نہیں کیا گیا، بانی نے کہا آج کی تاریخ تک حکومت نے کمیشن بنانے کا اعلان نہیں کیا تو کوئی بات نہیں ہوگی۔‘‘

  • بانی پی ٹی آئی نے مذاکرات ختم کرنے کا اعلان کر دیا ہے، بیرسٹر گوہر

    بانی پی ٹی آئی نے مذاکرات ختم کرنے کا اعلان کر دیا ہے، بیرسٹر گوہر

    اسلام آباد: بیرسٹر گوہر نے کہا ہے کہ بانی پی ٹی آئی عمران خان نے مذاکرات ختم کرنے کا اعلان کر دیا ہے۔

    تفصیلات کے مطابق پی ٹی آئی چیئرمین بیرسٹر گوہر نے میڈیا سے گفتگو کرتے ہوئے کہا کہ بانی پی ٹی آئی عمران خان سے میری اور وکلا کی ملاقات ہوئی ہے، انھوں نے مذاکرات ختم کرنے کا اعلان کر دیا ہے۔

    بیرسٹر گوہر نے کہا ’’جوڈیشل کمیشن کے لیے حکومت کو 7 دن دیے تھے، ہم نے کہا تھا کہ اگر حکومت نے کمیشن کا اعلان نہ کیا تو مذاکرات کا اگلا دور نہیں ہوگا۔‘‘

    انھوں نے کہا ’’سیاسی اختلافات کی ٹھنڈک اتنی زیادہ ہے کہ برف پگھل نہیں رہی، افسوس ہے حکومت کی طرف سے آج تک کوئی اعلان نہیں کیا گیا، بانی نے کہا آج کی تاریخ تک حکومت نے کمیشن بنانے کا اعلان نہیں کیا تو کوئی بات نہیں ہوگی۔‘‘

    حکومتی کمیٹی پی ٹی آئی کو 28 جنوری کو تحریری جواب دے گی، عرفان صدیقی

    بیرسٹر گوہر کا کہنا تھا کہ کمیشن کا اعلان نہ ہونے کی صورت میں کہا گیا تھا کہ آج سے مذاکرات ختم ہو جائیں گے۔ تاہم پی ٹی آئی چیئرمین کے بیان سے ایسا لگتا ہے کہ مذاکرات کا دروازہ ابھی بھی کھلا ہوا ہے، کیوں کہ انھوں نے کہا ’’3 ججز پر مشتمل کمیشن بننے کی صورت میں مذاکرات کیے جا سکتے ہیں۔‘‘

    ان کا کہنا تھا کہ بانی پی ٹی آئی کا کہنا ہے کہ ’’ہم آئین و قانون کے تحت کوشش جاری رکھیں گے، 3 ججز پر مشتمل کمیشن بننے کی صورت میں مذاکرات کیے جا سکتے ہیں۔‘‘

    بیرسٹر گوہر نے مزید کہا ’’بانی پی ٹی آئی کی ہدایت پر اپوزیشن جماعتوں سے مل کر جدوجہد کریں گے۔‘‘

    عمران خان سے متعلق خبریں

  • بانی پی ٹی آئی اور بشریٰ بی بی کو ہائیکورٹ سے فوری ریلیف نہ مل سکا

    بانی پی ٹی آئی اور بشریٰ بی بی کو ہائیکورٹ سے فوری ریلیف نہ مل سکا

    اسلام آباد: توشہ خانہ ٹو کیس میں بانی پی ٹی آئی اور ان کی اہلیہ بشریٰ بی بی کی بریت کی درخواستوں پر سماعت ہوئی، عدالت سے بانی پی ٹی آئی اور بشری بی بی کو فوری ریلیف نہ مل سکا۔

    اسلام آباد ہائیکورٹ کے جسٹس راجہ انعام امین منہاس نے کیس کی سماعت کی، ہائی کورٹ نے بریت کی درخواستوں پر ایف آئی اے کو نوٹس جاری کر دیا، اور 28 جنوری تک جواب طلب کیا۔

    بانی پی ٹی آئی اور بشریٰ بی بی کے وکیل نے عدالت سے کیس دوسرے بنچ کو بھیجنے کی استدعا بھی کی۔ سلمان صفدر نے مؤقف میں کہا کہ جسٹس میاں گل حسن اورنگزیب اس سے پہلے اس کیس سے متعلق 5 درخواستیں سن چکے ہیں، اس لیے مناسب ہوگا کہ یہ عدالت بریت کی درخواستیں بھی اُسی عدالت میں واپس بھیج دے۔

    جسٹس جسٹس راجہ انعام امین منہاس نے کہا وہ ضمانت کی درخواستیں تھیں اور یہ الگ معاملہ ہے، یہ عدالت کیس سُنے گی، آپ کیس کے میرٹس پر دلائل دیں۔

    حکومتی کمیٹی پی ٹی آئی کو 28 جنوری کو تحریری جواب دے گی، عرفان صدیقی

    بانی پی ٹی آئی کے وکیل سلمان صفدر نے توشہ خانہ ٹو کیس کے ٹرائل پر حکمِ امتناعی جاری کرنے کی استدعا کی، تاہم جسٹس راجہ انعام امین منہاس نے کہا کرمنل کارروائی کو اس موقع پر اسٹے کرنے کی کوئی عدالتی نظیر موجود نہیں ہے، دوسرے فریق کو آ جانے دیں، دونوں کو سن کر دیکھ لیتے ہیں۔

    جسٹس راجہ انعام امین نے کہا کہ ہم آپ کی درخواست پر نوٹس کر کے دوسرے فریق کو بھی سن لیتے ہیں۔ بعد ازاں عدالت نے ایف آئی اے کو نوٹس جاری کر دیا۔

  • پاکستان میں ہونے والی انسانی حقوق کی خلاف ورزی پر امید ہے امریکا ساتھ دے گا، علی ظفر

    پاکستان میں ہونے والی انسانی حقوق کی خلاف ورزی پر امید ہے امریکا ساتھ دے گا، علی ظفر

    اسلام آباد: پاکستان تحریک انصاف کے رہنما بیرسٹر سینیٹر علی ظفر نے امریکا سے امید باندھ لی ہے کہ وہ پاکستان میں ہونے والی انسانی حقوق کی کسی خلاف ورزی پر پاکستان کا ساتھ دے گا۔

    بیرسٹر سینیٹر علی ظفر نے اے آر وائی نیوز سے خصوصی گفتگو میں کہا ساری دنیا میں جہاں بھی انسانی حقوق کی خلاف ورزی ہو تو تمام ممالک ساتھ دیں، اگر پاکستان کے باہر انسانی حقوق کی خلاف ورزی ہوگی تو پاکستان کو ساتھ کھڑا ہونا چاہیے،ا گر پاکستان کے اندر کوئی خلاف ورزی ہو رہی ہے تو ہم امید کرتے ہیں یو ایس اے پاکستان کا ساتھ دے۔

    انھوں نے کہا ڈونلڈ ٹرمپ کے آنے پر دنیا میں بہت بڑا اثر ہوگا، وہ سپر پاور ملک کے صدر منتخب ہوئے ہیں، جب بھی نئے صدر یو ایس اے آئے ہیں تو دنیا کی سیاست میں تبدیلی بھی دییکھنے کا ملا ہے، پہلے جب صدر ٹرمپ ائے تھے تو افغانستان سے جنگ ختم ہو گئی تھی، ابھی صدر ٹرمپ آنے سے پہلے غزہ میں سیز فائر ہو گیا ہے۔

    علی ظفر نے کہا ہم امید کرتے ہیں کہ دنیا کا کوئی بھی ملک پاکستانی سیاست میں مداخلت نہیں کرے گا لیکن اگر پاکستان کے اندر انسانی حقوق کی کوئی خلاف ورزی ہو رہی ہے تو ہم امید کرتے ہیں یو ایس اے پاکستان کا ساتھ دے گا۔

    قومی اسمبلی اجلاس میں پیپلز پارٹی اور پی ٹی آئی کی ملی بھگت سے کورم ٹوٹنے کا انکشاف

    انھوں نے مذاکرات کے حوالے سے کہا کہ حکومت تذبذب کا شکار ہے، اس کو سمجھ نہیں آ رہی کہ کرنا کیا ہے، پی ٹی ائی نے مذاکرات کی کامیابی کے لیے حکومت کو 7 دنوں کا الٹی میٹم دیا ہے، اس دوران ہو جو تحریری جواب دیں گے، اس پر ہم اپنا مؤقف اختیار کریں گے، پی ٹی ائی حکومتی مذاکراتی کمیٹی کے تحریری جواب کے انتظار میں ہے۔

    علی ظفر نے کہا ’’ایک بات بڑی کلیئر ہے کہ اگر یہ ڈیمانڈز نہیں مانتے تو خان صاحب نے بار بار کہا ہے کہ مذاکرات آگے نہیں چل سکتے، کمیشن نہ بنانے پر مذاکرات آگے نہیں بڑھ سکیں گے۔‘‘ انھوں نے کہا ’’آرمی چیف اور بیرسٹر گوہر کی ملاقات سے حکومت پریشان ہے، لیکن اب جب یہ بتا دیا گیا ہے کہ آرمی چیف اور بیرسٹر گوہر علی کی ملاقات میں کیا بات ہوئی، تو حکومت کی پریشانی دور ہو جائے گی۔‘‘

  • قومی اسمبلی اجلاس میں پیپلز پارٹی اور پی ٹی آئی کی ملی بھگت سے کورم ٹوٹنے کا انکشاف

    قومی اسمبلی اجلاس میں پیپلز پارٹی اور پی ٹی آئی کی ملی بھگت سے کورم ٹوٹنے کا انکشاف

    اسلام آباد: قومی اسمبلی اجلاس میں گزشتہ روز پاکستان پیپلز پارٹی اور پاکستان تحریک انصاف (پی ٹی آئی) کی ملی بھگت سے کورم ٹوٹنے کا انکشاف ہوا ہے۔

    تفصیلات کے مطابق گزشتہ روز قومی اسمبلی اجلاس میں کورم ٹوٹنے کی اندرونی کہانی سامنے آ گئی ہے، پی پی ذرائع نے انکشاف کیا ہے کہ اسمبلی میں کورم توڑنے کا منصوبہ پیپلز پارٹی اور پی ٹی آئی کا مشترکہ تھا۔

    ذرائع کا کہنا ہے کہ گزشتہ روز پی پی کے سگنل پر تحریک انصاف نے احتجاج ختم کر کے کورم کی نشان دہی کی تھی، اور کورم کی نشان دہی پر مشترکہ طور ایوان چھوڑنے کا فیصلہ ہوا تھا۔

    ذرائع کے مطابق پی پی نے اسمبلی شروع ہونے سے قبل ہی کورم توڑنے کا فیصلہ کر لیا تھا، اور کورم توڑنے کے معاملے پر پی ٹی آئی سے مشاورت پہلے سے کی گئی تھی، اس کے لیے آغا رفیع اللہ نے تحریک انصاف سے بات کی تھی، اور اجلاس سے قبل آغا رفیع اللہ نے پارٹی ایم این ایز کو فیصلے سے آگاہ کیا۔

    پارٹی سرٹیفکیٹ ہمارا حق ہے، پی ٹی آئی چیئرمین کی الیکشن کمیشن میں حاضری

    پیپلز پارٹی کی جانب سے ایم این ایز کو ہر صورت ایوان چھوڑنے کی ہدایت کی گئی تھی، اور ایوان نہ چھوڑنے والے ایم این ایز کو انضباطی کارروائی کا پیغام ملا تھا، اس سلسلے میں پیپلز پارٹی ایم این ایز کو لابی میں کورم کے معاملے پر بریفنگ دی گئی تھی۔

    پیپلز پارٹی قیادت نے پلان کی کامیابی پر آغا رفیع اللہ کو شاباش بھی دی ہے۔

  • پی ٹی آئی دیگر سیاسی جماعتوں کیساتھ بھی مذاکرات شروع کررہی ہے، عمر ایوب

    پی ٹی آئی دیگر سیاسی جماعتوں کیساتھ بھی مذاکرات شروع کررہی ہے، عمر ایوب

    ہری پور: تحریک انصاف کے مرکزی رہنما عمر ایوب نے کہا ہے کہ پی ٹی آئی دیگر سیاسی جماعتوں کیساتھ بھی مذاکرات شروع کررہی ہے۔

    تفصیلات کے مطابق پی ٹی آئی رہنما اور اپوزیشن لیڈر عمر ایوب کا کہنا تھا کہ شاہد خاقان عباسی اور جی ڈی اے کیساتھ مذاکرات جاری ہیں، ملک کی معاشی حالت زبوں حالی کا شکار ہے، بجلی کی قیمتوں میں مزید اضافہ ہوگا۔

    انھوں نے کہا کہ 9 مئی اور 26 نومبر کے واقعات پر کمیشن تشکیل دیا جائے، کمیشن کی تشکیل کے بغیر مذاکرات کا جاری رہنا مشکل نظر آتا ہے۔

    انسان ہوں یا فرشتے ہم مذاکرات کیلئے تیار ہیں، عمر ایوب

    مسلم لیگ کی حکومت میں مہنگے ترین معاہدے کیے گئے، بانی پی ٹی آئی نے القادر یونیورسٹی اسلامی تعلیم کے فروغ کیلئےبنائی تھی۔

    اپوزیشن لیڈر عمر ایوب نے پاکستان مسلم لیگ ن کے قائد میاں نواز شریف کے بیٹے کو تنقید کا نشانہ بناتے ہوئے کہا کہ حسن نواز نے لندن میں پراپرٹی کن ذرائع سےخریدی؟

    https://urdu.arynews.tv/omar-ayub-imran-khan-meeting-camera-listening-device-08-01-2025/

  • اطلاعات ہیں نواز شریف نے ٹیم کو مذاکرات ناکام بنانے کا مشن سونپ دیا، بیرسٹر سیف

    اطلاعات ہیں نواز شریف نے ٹیم کو مذاکرات ناکام بنانے کا مشن سونپ دیا، بیرسٹر سیف

    پشاور: خیبر پختونخوا حکومت کے ترجمان بیرسٹر سیف نے کہا ہے کہ اطلاعات ہیں کہ میاں نواز شریف نے اپنی ٹیم کو حکومت پی ٹی آئی مذاکرات ناکام بنانے کا مشن سونپ دیا ہے۔

    تفصیلات کے مطابق ترجمان کے پی حکومت بیرسٹر سیف نے ایک بیان میں کہا ہے کہ گزشتہ دنوں ہونے والی ملاقات کے بعد نواز شریف کیمپ میں کھلبلی مچ گئی ہے، اور انھوں نے مذاکرات کی ناکامی کے لیے اپنی ٹیم کو مشن سونپا ہے۔

    انھوں نے دعویٰ کیا کہ حکومتی مذاکراتی کمیٹی کو غیر مؤثر بنانے کا کام شروع ہو چکا ہے، ایسے عناصر سرگرم ہو چکے ہیں جو نہیں چاہتے کہ سیاسی استحکام کی راہیں کھلیں، جب کہ پی ٹی آئی ملک میں امن کے لیے مذاکرات کی راہ پر چل رہی ہے۔

    بیرسٹر سیف کا کہنا تھا کہ غیر منتخب ٹولہ ناجائز اقتدار کو بچانے کے لیے مذاکرات ناکام بنانے کے مشن پر ہے، حکومتی وزرا حلف کا پاس رکھتے ہوئے ملاقات کے معاملے پرسیاست نہ کریں۔

    190 ملین پاؤنڈ کیس کے فیصلے کے بعد مذاکرات جاری رہیں گے یا نہیں؟ بیرسٹر گوہر کا اہم بیان آگیا

    دوسری طرف حکومت سے مذاکرات کے حوالے سے چیئرمین پی ٹی آئی نے کہا ہے کہ بانی نے کہا ہے کہ ان کے خلاف عدالتی فیصلے کے باوجود مذاکرات جاری رہیں گے، لیکن اگر 7 دن میں کیمشن پر پیش رفت نہیں ہوئی تو مذاکرات نہیں ہوں گے۔

    واضح رہے کہ 190 ملین پاؤنڈ ریفرنس میں بانی پی ٹی آئی کو 14 سال قید، 10 لاکھ روپے جرمانے کی سزا سنا دی گئی ہے، جب کہ بشریٰ بی بی کو 7 سال قید، اور 5 لاکھ روپے جرمانہ کیا گیا ہے، سزا سنائے جانے کے بعد بشریٰ بی بی کو کمرہ عدالت سے گرفتارکیا گیا۔

    احتساب عدالت نے تحریری فیصلے میں کہا بانی پی ٹی آئی کرپشن میں ملوث پائے گئے، بشریٰ بی بی نے جرم میں معاونت کی، احتساب عدالت نے القادر یونیورسٹی کو سرکاری تحویل میں لینے کا بھی حکم دے دیا ہے۔ یہ فیصلہ جج ناصر جاوید رانا نے اڈیالہ جیل میں سنایا۔

  • پی ٹی آئی کا 190 ملین پاؤنڈ ریفرنس کے فیصلے کو چیلنج کرنے کا اعلان

    پی ٹی آئی کا 190 ملین پاؤنڈ ریفرنس کے فیصلے کو چیلنج کرنے کا اعلان

    راولپنڈی : پاکستان تحریک انصاف (پی ٹی آئی) نے 190 ملین پاؤنڈ ریفرنس کے فیصلے کو چیلنج کرنے کا اعلان کردیا۔

    تفصیلات کے مطابق 190 ملین پاونڈ کیس کے فیصلے کے بعد پاکستان تحریک انصاف نے عدالت سے رجوع کرنے کا اعلان کردیا۔

    چیئرمین تحریک انصاف بیرسٹرگوہر نے کہا آج کے فیصلے سے ہمیں کوئی حیرانی نہیں، جب فیصلہ سنایا گیا تو بانی پی ٹی آئی ہنس پڑے۔۔ فیصلے کیخلاف جلد ہائی کورٹ جائیں گے۔

    رہنما تحریک انصاف عمر ایوب نے کہا کہ پاکستان کی عدالتی تاریخ میں آج ایک سیاہ دن ہے، پیسہ سپریم کورٹ کے اکاؤنٹ میں گیا وہاں سے خزانے میں آیا، فیصلہ صرف بانی پی ٹی آئی کو ٹارگٹ کرنے کے لیے ہے۔

    شبلی فراز کا کہنا تھا کہ ملک میں قانون اور آئین کی بالادستی نہیں ہے، چور آزاد اور معصوم لوگ قید ہیں، بانی پی ٹی آئی کے خلاف تمام کیسز سیاسی ہیں۔۔ ہم قانون اور آئین کی حکمرانی چاہتے ہی

    انھوں نے بتایا کہ بانی پی ٹی آئی اور بشریٰ بی بی کو ایک پیسے کا فائدہ نہیں ہوا، القادر یونیورسٹی میں سیرت النبیﷺ پڑھائی جانی تھی ، القادر یونیورسٹی بنانے کو جرم بنا دیا گیا۔

    رہنما پی ٹی آئی نے کہا کہ ملک میں قانون اور آئین کی بالادستی نہیں ہے، ملک کو ماضی میں لوٹنےوالے آج بھیحکومت میں بیٹھے ہیں ، اس ملک میں چور آزاد ہیں اور معصوم لوگ قید ہیں ، نہ حکومت کو کوئی نقصان ہوا اور نہ ہی بانی کو کوئی فائدہ ہوا۔

    شبلی فراز کا مزید کہنا تھا کہ ملک کو لوٹنے والے معزز بنے بیٹھے ہیں ، آج ایک سیاہ دن ہے بھرپور مذمت کرتے ہیں ، یہ تمام سیاسی کیسز ہیں ، ہم قانون اور آئین کی حکمرانی چاہتے ہیں۔

  • مولانا صاحب پی ٹی آئی کے ہاتھوں دوسری بار ڈسے گئے ہیں امید ہے۔۔۔ فیصل واوڈا نے کیا کہا؟

    مولانا صاحب پی ٹی آئی کے ہاتھوں دوسری بار ڈسے گئے ہیں امید ہے۔۔۔ فیصل واوڈا نے کیا کہا؟

    اسلام آ باد: سابق وفاقی وزیر اور سینیٹر فیصل واوڈا نے کہا ہے کہ مولانا صاحب آپ پی ٹی آئی کے ہاتھوں دوسری بار ڈسےگئے ہیں امید ہے تیسری بار ایسا نہیں ہوگا۔

    تفصیلات کے مطابق سابق وفاقی وزیر اور سینیٹر فیصل واوڈا نے سوشل میڈیا پر جاری بیان میں کہا کہ مولانا فضل الرحمان نے پی ٹی آئی پر احسان کیا اور علی امین گنڈا پور کی زبان سنیں۔

    فیصل واوڈا نے کہا کہ علی امین کہتے ہیں مولانا کے والد کہتے تھے فضل الرحمان پیسے لیکر میری مخبری کرتے تھے، بقول گنڈاپور  مولانا پر انکے والد بھروسہ نہیں کرتے تھے تو ہم بھی بھروسہ نہیں کرتے۔

    سابق وفاقی وزیر نے کہا کہ میں نے مولانا صاحب سے کہا تھا کہ یہ احسان فراموش ہیں لیکن میں نے مولانا سے کہا تھا کہ میں آپ سے بغیر مطلب کے ملا تھا۔

    فیصل واوڈا نے کہا کہ مولانا سے کہا تھا اس دن سے آج تک اور آگے بھی آپکے ساتھ کھڑا رہوں گا، مولانا صاحب آپ پی ٹی آئی کے ہاتھوں دوسری بار ڈسےگئے امید ہے تیسری بار ایسا نہیں ہوگا۔