ARYNews.tv | Urdu – Har Lamha Bakhabar

Tag: پی ٹی آئی

  • مبینہ دھاندلی کی سماعت، نئے الیکشن ٹربیونل کی کارروائی رک گئی

    مبینہ دھاندلی کی سماعت، نئے الیکشن ٹربیونل کی کارروائی رک گئی

    اسلام آباد: وفاقی دارالحکومت کے الیکشن ٹریبونل سے متعلق ہائیکورٹ کا ایک اور بڑا حکم آ گیا، ہائیکورٹ نے عامر مسعود مغل کی درخواست پر بھی حکم امتناعی جاری کر دیا۔

    تفصیلات کے مطابق اسلام آباد ہائیکورٹ نے مبینہ دھاندلی کی سماعت کے لیے قائم نئے الیکشن ٹربیونل کو وفاقی دارالحکومت کے تینوں حلقوں کی حد تک کارروائی آگے بڑھانے سے روک دیا۔ عدالت نے حلقہ این اے 46 پر بھی حکم امتناع جاری کرتے ہوئے فریقین کو نوٹس جاری کر کے جواب طلب کر لیا ہے۔

    چیف جسٹس عامر فاروق نے جسٹس ریٹائرڈ شکور پراچہ پر مشتمل نئے الیکشن ٹربیونل کے خلاف این اے 46 سے پی ٹی آئی کے حمایت یافتہ امیدوار عامر مسعود مغل کی درخواست پر سماعت کی۔ ہائیکورٹ نے عامر مسعود مغل کی درخواست پر بھی حکم امتناعی جاری کر دیا۔

    اسلام آباد ہائیکورٹ نے الیکشن ٹریبونل کو عامر مسعود مغل کی الیکشن پٹیشن کی حد تک بھی کارروائی سے روک دیا ہے، این اے 46 سے انجم عقیل خان ایم این اے بنے تھے، جنھیں عامر مسعود مغل نے چیلنج کر رکھا ہے۔

    احتساب عدالت نے 190 ملین پاؤنڈ ریفرنس کا فیصلہ مؤخر کر دیا

    اسلام آباد ہائیکورٹ نے فریقین کو نوٹس جاری کر کے جواب طلب کر لیا، آئندہ سماعت رجسٹرار آفس مقرر کرے گا، الیکشن ٹریبونل اب اسلام آباد کے تینوں حلقوں سے متعلق کارروائی آگے نہیں بڑھا سکے گا۔

    اس سے قبل عدالت دیگر 2 حلقوں پر بھی حکم امتناع جاری کر چکی ہے ۔ عامر مغل نے نئے الیکشن ٹریبونل کی تعیناتی کو چیلنج کر رکھا ہے، جسٹس (ر) عبدالشکور پراچہ تینوں حلقوں میں مبینہ دھاندلی کے خلاف اپیل سن رہے ہیں، جب کہ الیکشن ٹریبونل نے تینوں حلقوں سے متعلق کیس 24 دسمبر کے لیے مقرر کر رکھا ہے۔

  • احتساب عدالت نے 190 ملین پاؤنڈ ریفرنس کا فیصلہ مؤخر کر دیا

    احتساب عدالت نے 190 ملین پاؤنڈ ریفرنس کا فیصلہ مؤخر کر دیا

    اسلام آباد: پاکستان تحریک انصاف کے بانی اور ان کی اہلیہ بشریٰ بی بی کے خلاف 190 ملین پاؤنڈ ریفرنس کا فیصلہ مؤخر ہو گیا۔

    تفصیلات کے مطابق احتساب عدالت نے 190 ملین پاؤنڈ ریفرنس کا فیصلہ مؤخر کر دیا ہے، جج ناصر جاوید رانا نے کہا کہ وہ فیصلہ لکھ رہے ہیں فیصلہ اب نئی تاریخ کو سنایا جائے گا۔

    واضح رہے کہ احتساب عدالت نے 18 دسمبر کو 190 ملین پاؤنڈ ریفرنس پر فیصلہ محفوظ کیا تھا، پہلے 23 دسمبر کو 190 ملین پاؤنڈ ریفرنس کا فیصلہ سنانے کی تاریخ مقرر کی گئی تھی، تاہم اے آر وائی نیوز نے تین دن پہلے فیصلہ مؤخر ہونے کی خبر دی تھی۔

    اب احتساب عدالت نے 190 ملین پاؤنڈ ریفرنس کے فیصلے کے لیے نئی تاریخ مقرر کر دی، بانی پی ٹی آئی اور بشریٰ بی بی کے خلاف اس ریفرنس کا فیصلہ 6 جنوری کو سنایا جائے گا۔ احتساب عدالت نے اس کیس میں ملزمان پر 27 فروری کو فردِ جرم عائد کی تھی، ٹرائل ایک سال میں مکمل ہوا، نیب نے 35 گواہان کے بیان ریکارڈ کیے۔

    دوسری طرف یورپی یونین نے پاکستان میں شہریوں کو فوجی عدالتوں سے سزاؤں پر تشویش کا اظہار کیا ہے، اور کہا ہے کہ پاکستان شہری اور سیاسی حقوق کے بین الاقوامی معاہدے آئی سی سی پی آر کا رکن ہے، فوجی عدالتوں کے فیصلے معاہدے کی خلاف ورزی کے زمرے میں آتے ہیں، پاکستان نے 27 بین الاقوامی بنیادی کنونشنز کو نافذ کرنے پر رضامندی ظاہر کر رکھی ہے۔

    بانی PTI کی رہائی پر بات سے انکار کیا گیا تو مذاکرات میں آگے نہیں بڑھ سکیں گے، حامد رضا

    ادھر حکومت اور پی ٹی آئی میں مذاکرات کا آغازآج ہوگا، قومی اسمبلی سیکرٹریٹ نے اجلاس کا باقاعدہ نوٹس جاری کر دیا ہے، اسپیکر قومی اسمبلی ایاز صادق ان کیمرا اجلاس کی صدارت کریں گے، حکومت اور اپوزیشن کمیٹیوں کے ارکان کو نوٹس کے ذریعے آگاہ کر دیا گیا، اپوزیشن لیڈر عمر ایوب کہتے ہیں کہ آج مذاکرات کا پہلا دور ہے، دیکھیں گے کہ کیا ہوتا ہے، ہمارے درمیان کوئی اختلافات نہیں ہے۔

  • پی ٹی آئی نے حکومت کی جانب سے مذاکرات کی پیشکش قبول کر لی

    پی ٹی آئی نے حکومت کی جانب سے مذاکرات کی پیشکش قبول کر لی

    اسلام آباد: پاکستان تحریک انصاف (پی ٹی آئی) نے حکومت کی جانب سے مذاکرات کی پیشکش قبول کر لی۔

    ذرائع کا کہنا ہے کہ پی ٹی آئی نے مذاکرات کی پیشکش قبول کر لی ہے، تحریک انصاف کا وفد کل مذاکراتی عمل میں شریک ہوگا، حکومت اور اپوزیشن میں مذاکرات کا ابتدائی دور کل ساڑھے 11 بجے ہوگا۔

    اسپیکر ایاز صادق نے دونوں مذاکراتی کمیٹیوں کو باضابطہ دعوت دی تھی جسے شرکا نے قبول کیا، ذرائع کا کہنا ہے کہ مذاکرات کے پہلے دور میں ٹی او آرز پر بات ہوگی۔

    وزیر اعظم شہباز شریف نے اسپیکر کی تجویز پر حکومتی اتحاد کے ممبران پر مشتمل مذاکراتی کمیٹی تشکیل دے دی ہے، جس میں نائب وزیر اعظم اسحاق ڈار، رانا ثنا اللہ، سینیٹرعرفان صدیقی شامل ہیں۔ سابق وزیر اعظم راجہ پرویز اشرف، نوید قمر، خالد مقبول صدیقی، علیم خان اور چوہدری سالک حسین بھی کمیٹی کا حصہ ہوں گے۔

    وزیر اعظم نے پی ٹی آئی سے مذاکرات کے لیے کمیٹی بنا دی، اہم ارکان شامل

    پاکستان تحریک انصاف (پی ٹی آئی) کے چئیرمین بیرسٹر گوہر نے حکومتی مذاکراتی کمیٹی کی تشکیل کا خیر مقدم کرتے ہوئے حکومت کی جانب سے کمیٹی کی تشکیل کو خوش آئند قرار دیا۔

    پاکستان تحریک انصاف کے رہنما شوکت یوسفزئی نے ویڈیو بیان میں کہا کہ حکومت کی طرف سے مذاکرات کے لیے قائم کمیٹی کا خیر مقدم کرتے ہیں، سول نافرمانی کی تحریک کا اعلان بانی پی ٹی آئی نے کیا، مؤخر بھی وہی کر سکتے ہیں، اس فیصلہ کل بانی کریں گے، حکومتی کمیٹی کی تشکیل کے بعد پارٹی قیادت کل بانی سے ملاقات کرے گی۔

    شوکت یوسفزئی کا کہنا تھا کہ قیادت بانی کو صورت حال سے آگاہ کرے گی جس پر وہ لائحہ عمل دیں گے۔

  • پی ٹی آئی کا حکومت کی جانب سے مذاکراتی کمیٹی کی تشکیل کا خیر مقدم

    پی ٹی آئی کا حکومت کی جانب سے مذاکراتی کمیٹی کی تشکیل کا خیر مقدم

    پاکستان تحریک انصاف (پی ٹی آئی) کے چئیرمین بیرسٹر گوہر نے حکومتی مذاکراتی کمیٹی کی تشکیل کا خیر مقدم کرتے ہوئے حکومت کی جانب سے کمیٹی کی تشکیل کو خوش آئند قرار دے دیا۔

    تفصیلات کے مطابق پی ٹی آئی کے چیئرمین بیرسٹر گوہر نے ایک بیان میں کہا کہ ہم حکومت کی جانب سے کمیٹی کے اعلان کا خیر مقدم کرتے ہیں، کمیٹی کی تشکیل خوش آئندبات ہے، حکومت اور پی ٹی آئی کے مزاکرات جامع اور نتیجہ خیز ہونے چاہیں۔

    انہوں نے کہا کہ امید ہے کم سےکم وقت میں تمام مسائل کا نتیجہ خیز حل نکل آئے گا، پُر امید ہیں کہ اب مذاکراتی عمل شروع ہونے جارہا ہے، دونوں کمیٹیوں میں سنجیدہ لوگ ہیں، مذاکرات آگے ضرور بڑھیں گے۔

    وزیر اعظم نے پی ٹی آئی سے مذاکرات کے لیے کمیٹی بنا دی، اہم ارکان شامل

    واضح رہے کہ زیر اعظم شہباز شریف نے پاکستان تحریک انصاف (پی ٹی آئی) سے مذاکرات کے لیے کمیٹی بنا دی ہے۔

    وزیر اعظم شہباز شریف نے اسپیکر کی تجویز پر حکومتی اتحاد کے ممبران پر مشتمل مذاکراتی کمیٹی تشکیل دے دی، جس میں نائب وزیر اعظم اسحاق ڈار، رانا ثنا اللہ، سینیٹرعرفان صدیقی شامل ہیں۔

    سابق وزیر اعظم راجہ پرویز اشرف، نوید قمر، خالد مقبول صدیقی، علیم خان اور چوہدری سالک حسین بھی کمیٹی کا حصہ ہوں گے۔

    وزیر اعظم نے اسپیکر قومی اسمبلی کی تجویز پر حکومتی اتحاد کی مذاکراتی کمیٹی تشکیل دی، وزیر اعظم نے کہا ’’میں اسپیکر قومی اسمبلی کی کاوش کو سراہتا ہوں، امید ہے ملکی سلامتی اور قومی مفاد کو مقدم رکھا جائے گا، پاکستان ہے تو ہم سب ہیں۔‘‘

  • وزیر اعظم نے پی ٹی آئی سے مذاکرات کے لیے کمیٹی بنا دی، اہم ارکان شامل

    وزیر اعظم نے پی ٹی آئی سے مذاکرات کے لیے کمیٹی بنا دی، اہم ارکان شامل

    اسلام آباد: وزیر اعظم شہباز شریف نے پاکستان تحریک انصاف (پی ٹی آئی) سے مذاکرات کے لیے کمیٹی بنا دی۔

    تفصیلات کے مطابق وزیر اعظم شہباز شریف نے اسپیکر کی تجویز پر حکومتی اتحاد کے ممبران پر مشتمل مذاکراتی کمیٹی تشکیل دے دی، جس میں نائب وزیر اعظم اسحاق ڈار، رانا ثنا اللہ، سینیٹرعرفان صدیقی شامل ہیں۔

    سابق وزیر اعظم راجہ پرویز اشرف، نوید قمر، خالد مقبول صدیقی، علیم خان اور چوہدری سالک حسین بھی کمیٹی کا حصہ ہوں گے۔

    وزیر اعظم نے اسپیکر قومی اسمبلی کی تجویز پر حکومتی اتحاد کی مذاکراتی کمیٹی تشکیل دی، وزیر اعظم نے کہا ’’میں اسپیکر قومی اسمبلی کی کاوش کو سراہتا ہوں، امید ہے ملکی سلامتی اور قومی مفاد کو مقدم رکھا جائے گا، پاکستان ہے تو ہم سب ہیں۔‘‘

    واضح رہے کہ گزشتہ رات بیرسٹر گوہر نے اسپیکر قومی اسمبلی سے مذاکرات کے لیے کردار ادا کرنے کی استدعا کی تھی، بیرسٹر گوہر نے تحریک انصاف کے ساتھ مذاکرات کی پیشکش پر زور دیا تھا۔

    بانی پی ٹی آئی نے اوورسیز پاکستانیوں کو زرمبادلہ نہ بھیجنے کی کال دے دی

    دوسری طرف پی ٹی آئی نے سول نافرمانی کے پہلے مرحلے کا اعلان کر دیا ہے، بانی پی ٹی آئی نے بیرون ملک موجود پاکستانیوں سے ترسیلات زر نہ بھیجنے کی اپیل کی ہے، اڈیالہ جیل میں بھائی سے ملاقات کے بعد علیمہ خانم نے کہا کہ حکومت کی نیت بات چیت کی نہیں لگ رہی، دو مطالبات پر مذاکرات کا آغاز ہو گیا تو پیسے نہ بھیجنے کی کال واپس لے لیں گے۔

  • فوجی عدالت سے سزاؤں کے اعلان پر پی ٹی آئی کا رد عمل

    فوجی عدالت سے سزاؤں کے اعلان پر پی ٹی آئی کا رد عمل

    اسلام آباد: فوجی عدالت سے سزاؤں کے اعلان پر پاکستان تحریک انصاف (پی ٹی آئی) کا رد عمل آ گیا۔

    تفصیلات کے مطابق پاکستان تحریک انصاف نے فوجی عدالت سے سویلینز کے خلاف سزائیں مسترد کر دیں، قومی اسمبلی میں اپوزیشن لیڈر عمر ایوب نے کہا کہ پی ٹی آئی کے زیر حراست افراد کے خلاف سزائیں انصاف کے اصولوں کے منافی ہیں۔

    عمر ایوب نے کہا فوجی عدالت سے سویلینز کے خلاف سزاؤں کو مسترد کرتے ہیں، زیر حراست افراد عام شہری ہیں، ان پر فوجی عدالتوں میں مقدمہ نہیں چلایا جا سکتا۔

    عمر ایوب نے ٹوئٹ میں لکھا کہ مسلح افواج ریاست کے انتظامی اختیار کا حصہ ہیں، ایسی عدالتوں کا قیام عام شہریوں سمیت عدلیہ کی آزادی کے خلاف ہے، ایسے فیصلوں سے آئین کی بنیادی خصوصیت طاقت کی تقسیم کی نفی ہوئی ہے۔

    سانحہ 9 مئی میں ملوث مجرمان کو سزائیں سنا دی گئیں

    سابق اسپیکر قومی اسمبلی اسد قیصر نے ملٹری کورٹ کا فیصلہ بنیادی انسانی حقوق کی خلاف ورزی قرار دیا، اور کہا کہ انصاف کے تقاضے پورے نہیں کیے گئے، سزائیں ہر فورم پر چیلنج کریں گے، اور انصاف کے حصول کے لیے پی ٹی آئی اپنی جدوجہد جاری رکھے گی۔

    واضح رہے کہ فیلڈ جنرل کورٹ مارشل نے 9 مئی واقعات میں ملوث 25 مجرموں کو سزائیں سنا دیں، آئی ایس پی آر کے مطابق جناح ہاؤس حملے میں ملوث جان محمد خان، محمد عمران محبوب، عبدالہادی، علی شان اور داؤد خان کو دس، دس سال قید بامشقت کی سزا سنائی گئی، جی ایچ کیو حملے میں ملوث راجا احسان اور عمر فاروق کو بھی دس سال قید بامشقت کی سزا دی گئی۔

    پنجاب رجمنٹل سینٹر مردان حملہ کیس میں رحمت اللہ کو دس سال، پی اے ایف بیس میانوالی حملہ کیس میں انور خان، بابر جمال کو دس دس سال، بنوں کینٹ حملہ کیس میں محمد آفاق کو نو سال، چکدرہ قلعہ حملہ کیس میں داؤد خان کو سات سال، ملتان کینٹ چیک پوسٹ حملہ کیس میں زاہد خان چار، خرم شہزاد کو تین سال قید بامشقت کی سزا سنائی گئی۔

    آئی ایس پی آر کے مطابق ملوث مجرموں کے خلاف ناقابلِ تردید شواہد اکٹھے کیے گئے ہیں، آئی ایس پی آر نے مجرموں کے اعترافی بیانات بھی جاری کیے، مجرم کہتے ہیں کہ انھوں نے بانی کی گرفتاری کے بعد رہنماؤں کے اکسانے پر حملے کیے۔

    https://urdu.arynews.tv/9-may-jan-mohammad-pti/

  • ویڈیو: 9 مئی حملوں میں سزائیں پانے والوں نے کن جرائم کا اعتراف کیا؟

    ویڈیو: 9 مئی حملوں میں سزائیں پانے والوں نے کن جرائم کا اعتراف کیا؟

    اسلام آباد: 9 مئی حملوں میں ملوث مجرمان کو سزائیں سنا دی گئی ہیں، جناح ہاؤس حملے میں ملوث پی ٹی آئی کے شرپسند جان محمد خان کو بھی 10 سال قید بامشقت کی سزا سنائی گئی ہے۔

    اقرار جرم میں مجرم جان محمد خان نے اعتراف کیا کہ وہ جناح ہاؤس پر حملے میں ملوث تھا، مجرم نے کہا ”میں نے ملٹری یونیفارم کی شرٹ پہن کر ویڈیو بنائی اور پھرشرٹ کو جلا دیا۔“

    پی ٹی آئی شرپسند علی شان کو بھی 10 سال قید بامشقت کی سزا سنائی گئی ہے، مجرم علی شان نے اقرار جرم میں کہا ’’’عمران خان کی آرمی مخالف تقاریر سے میری ذہن سازی ہوئی، جب عمران خان کی گرفتاری ہوئی تو سیاسی رہنماؤں کے ورغلانے پر میں نے جناح ہاؤس پر حملہ کیا، اور توڑ پھوڑ کی۔‘‘

    پی ٹی آئی شرپسند بابر جمال خان کو ایم ایم عالم بیس میانوالی پر حملے میں دس سال قید بامشقت کی سزا ہوئی ہے، اس نے کہا ’’میں میانوالی بیس پر حملے میں ملوث تھا اور میں اپنا جرم قبول کرتا ہوں۔‘‘ پی ٹی آئی شر پسند داؤد خان کو جناح ہاؤس حملے میں دس سال قید بامشقت کی سزا ہوئی ہے، اس نے کہا ”میں نے یاسمین راشد اور حسان نیازی کے اکسانے پر جناح ہاؤس پر حملہ کیا۔‘‘

    مجرم داؤد خان نے مزید کہا ’’تقاریر کے ذریعے ہمارے ذہنوں میں فوج کے خلاف نفرت پیدا کی گئی، میں اپنا جرم قبول کرتا ہوں۔‘‘ پی ٹی آئی شر پسند محمد حاشر کو 6 سال قید با مشقت کی سزا ہوئی ہے، اس نے کہا ’’میں نے 9 مئی کو جناح ہاؤس پر حملہ کیا اور انقلاب کے نام پر لوگوں کو اکسایا اور ویڈیوز بنائیں، جناح ہاؤس پر حملے کی منصوبہ بندی پہلے سرزمین پارک میں یاسمین راشد کی قیادت میں کی گئی۔“

    سانحہ 9 مئی میں ملوث مجرمان کو سزائیں سنا دی گئیں

    مجرم فہیم حیدر کو 6 سال قید بامشقت کی سزا سنائی گئی ہے، اس نے کہا ”پی ٹی آئی قیادت نے جناح ہاؤس حملے کے لیے میری ذہن سازی کی۔“ مجرم محمد عاشق خان کو 4 سال قید بامشقت کی سزا ہوئی ہے، اس نے کہا ”9 مئی کو ہمیں پی ٹی آئی قیادت کی جانب سے جناح ہاؤس پر حملے کے لیے اکسایا گیا، میں جناح ہاؤس میں داخلے ہوا اور وہاں کے سامان کو اٹھا کر ویڈیو بنوائی، ہمیں زمان پارک میں فوج کے خلاف حملے کے لیے ٹریننگ ملتی رہی۔‘‘

    مجرم محمد بلاول کو 2 سال قید با مشقت کی سزا ہوئی ہے، بلاول نے اعتراف میں کہا ’’9 مئی کو پی ٹی آئی قیادت کے اکسانے پر میں نے جناح ہاؤس حملے میں حصہ لیا اور توڑ پھوڑ کی، پی ٹی آئی قیادت بشمول ڈاکٹر یاسمین راشد کی تقاریر سے میری ذہن سازی ہوئی۔‘‘

  • پی ٹی آئی نے گلوکار سلمان احمد کی پارٹی رکنیت ختم کردی

    پی ٹی آئی نے گلوکار سلمان احمد کی پارٹی رکنیت ختم کردی

    پاکستان تحریک انصاف (پی ٹی آئی) نے بانی کے خاندان پر تنقید پر گلوکار سلمان احمد کی پارٹی کی بنیادی رکنیت ختم کردی۔

    اے آر وائی نیوز کے مطابق چیئرمین پی ٹی آئی بیرسٹر گوہر نے گلوکار سلمان احمد کی بنیادی رکنیت ختم کرنے کا نوٹیفکیشن بھی جاری کردیا ہے۔

    نوٹس میں کہا گیا ہے کہ سلمان احمد سوشل میڈیا بیانات سے پارٹی قیادت اور ورکرز میں نفاق پیدا کرتے رہے۔

    نوٹس میں لکھا گیا کہ سلمان احمد نے عمران خان اور ان کے اہلخانہ کے خلاف سوشل میڈیا پوسٹیں کیں، پارٹٓی ایسے بیانات سے اظہار لاتعلقی کرتی ہے اور ان کی پارٹی کی بنیادی رکنیت ختم کی جاتی ہے۔

    بیرسٹر گوہر کی جانب سے جاری کردہ نوٹس میں کہا گیا ہے کہ گلوکار سلمان احمد مستقبل میں پی ٹی آئی کا نام استعمال نہیں کرسکیں گے۔

    واضح رہے کہ سلمان احمد عرصہ دراز سے پی ٹی آئی کے حامی تھے اور 2022 میں انہیں ثقافت کے حوالے سے عمران خان کا فوکل پرسن مقرر کیا گیا تھا۔

    گلوکار کو 2016 میں اسلام آباد پولیس کی جانب سے عمران خان کی بنی گالہ میں رہائش گاہ کے باہر مختصر وقت کے لیے اس وقت حراست میں لیا گیا تھا جب وہ ان سے ملاقات کرنے جارہے تھے۔

  • عمر ایوب، فیصل امین گنڈاپور کی حفاظتی ضمانت منظور، عارف علوی کو مزید مہلت

    عمر ایوب، فیصل امین گنڈاپور کی حفاظتی ضمانت منظور، عارف علوی کو مزید مہلت

    پشاور/کراچی: پشاور ہائیکورٹ میں عمر ایوب کی مقدمات تفصیل فراہمی، اور حفاظتی ضمانت کے کیس میں عدالت نے عمر ایوب کی حفاظتی ضمانت منظور کر لی، اور انھیں 18 فروری تک گرفتار نہ کیے جانے کا حکم دے دیا۔

    پشاور ہائی کورٹ نے پی ٹی آئی رہنماؤں عمر ایوب اور فیصل امین گنڈا پور دونوں کی حفاظتی ضمانت میں 18 فروری تک توسیع کر دی ہے، کیس کی سماعت پشاور ہائیکورٹ کے جسٹس صاحبزادہ اسداللہ اور جسٹس وقار احمد نے کی۔

    عدالت نے وفاقی حکومت اور نیب سے عمر ایوب کے خلاف درج مقدمات کی تفصیلات طلب کیں۔ ایڈیشنل ایڈووکیٹ جنرل نے عدالت کو بتایا کہ عمر ایوب کو پہلے مقدمات کی تفصیلات فراہم کی جا چکی ہے، تاہم وکیل درخواست گزار نے کہا کہ اکتوبر میں 50 ایف آئی آرز ہوئی تھیں، اور نومبر میں دوبارہ ایف آئی آر ہوئی، اس لیے عدالت آئے ہیں۔

    جسٹس صاحبزادہ اسد اللہ نے ریمارکس دیے کہ نہ یہ لوگ فائنل توبہ کریں گے نہ آپ فائنل توبہ کریں گے، پرانے کیسز کی بات چھوڑ دیں نئے کیسز کی بات کریں۔

    بانی پی ٹی آئی کی ویڈیو لنک پیشی کے خلاف درخواست منظور، لاہور ہائیکورٹ نے بڑا حکم جاری کر دیا

    ادھر سندھ ہائیکورٹ نے سابق صدر عارف علوی کے خلاف مقدمات کی تفصیلات طلب کرنے کی درخواست کی سماعت کرتے ہوئے عدالت نے صوبے میں درج مقدمات کی تفصیلات فراہم کرنے کے لیے انھیں مہلت دے دی۔

    عدالت نے سابق صدر عارف علوی کی گرفتاری کے خلاف حکم امتناع میں توسیع کر دی، سندھ ہائیکورٹ نے درخواست پر مزید سماعت 13 جنوری تک ملتوی کر دی ہے، نیز عدالت نے عارف علوی کو کسی نئے مقدمے میں گرفتار کرنے سے روک رکھا ہے۔

    اسسٹنٹ اٹارنی جنرل نے سندھ ہائیکورٹ میں رپورٹ جمع کروا دی، جس کے مطابق ایف آئی اے میں عارف علوی کے خلاف کوئی مقدمہ درج نہیں ہے، عدالت نے استفسار کیا کہ مقدمات کی تفصیلات حاصل کرنے میں اتنا وقت کیوں لگ رہا ہے؟ سرکاری وکیل نے کہا مختلف محکموں سے تفصیلات جمع کرنی ہے۔

    جسٹس عدنان الکریم میمن نے استفسار کیا کہ اگر آئی جی مقدمات کی تفصیلات کے لیے ذمہ دار نہیں تو کون ہے؟کیا ایف آئی آر چھپائی جا رہی ہیں؟ سرکاری وکیل نے بتایا ایف آئی آر میانوالی میں درج ہے اور حفاظتی ضمانت یہاں سے حاصل کی گئی ہے۔ جسٹس عدنان الکریم نے کہا کہ درخواست گزار کو خدشات ہیں کہ یہاں بھی مقدمات درج ہو سکتے ہیں، ہم نے اسی لیے ریکارڈ منگوایا ہے۔

  • سول نافرمانی تب شروع ہوگی جب کوئی دوسرا راستہ نہیں ہوگا: شیر افضل مروت

    سول نافرمانی تب شروع ہوگی جب کوئی دوسرا راستہ نہیں ہوگا: شیر افضل مروت

    پاکستان تحریک انصاف (پی ٹی آئی) کے رہنما شیر افضل مروت نے کہا ہے کہ سول نافرمانی تب شروع ہوگی جب کوئی دوسرا راستہ نہیں ہوگا۔

    تفصیلات کے مطابق پاکستان تحریک انصاف کے رہنما شیر افضل مروت نے میڈیا سے گفتگو میں انکشاف کیا کہ حکومت اور پی ٹی آئی کے درمیان 25 نومبر سے مذاکرات جاری تھے پھر تعطل پیدا ہوا ہے۔

    انہوں نے کہا کہ مذاکرات کے بغیر ملک نہیں چل سکتا، اب سب کو اس بات کا اندازہ ہے، مذاکرات کیلئے کمیٹی بنی ہے، مذاکرات اب بھی ہونے چاہئیں۔

    شیرافضل مروت نے کہا کہ سول نافرمانی تب شروع ہوگی جب کوئی دوسراراستہ نہیں ہوگا، پاکستان تحریک انصاف کو ملک کی ضرورت کا احساس ہے۔

    پی ٹی آئی رہنما نے مزید کہا کہ معاشی استحکام سے بڑھ کر پاکستان کوآزاد عدلیہ کی ضرورت ہے، مسائل سنگین صورتحال اختیار کرچکے، مذاکرات ناگزیر ہے۔