صوابی: خیبرپختونخوا کے ضلع صوابی پی ٹی آئی امیدوار کی گاڑی پر فائرنگ کا واقعہ پیش آیا ، تاہم عرفان جدون حملے میں محفوظ رہے۔
تفصیلات کے مطابق خیبرپختونخوا کے ضلع صوابی میں فائرنگ کا واقعہ پیش آیا، نامعلوم ملزمان کی جانب سے کے 49 سے پی ٹی آئی امیدوار کی گاڑی پر فائرنگ کی گئی ، تاہم پی ٹی آئی امیدوار عرفان جدون حملے میں محفوظ رہے۔
عرفان جدون نے پولیس کا بتایا کہ جنازے سےواپس آ رہاتھا ایک شخص نے مجھ پر 2 فائرکئے۔
یاد رہے 11 جنوری کو صوابی اڈہ میں دن دیہاڑے فائرنگ کرکے تحریک انصاف کے رہنما شاہ خالد کو قتل کردیا گیا تھا۔
نامعلوم دو موٹرسائیکل سواروں نے شاہ خالد کی گاڑی پر فائرنگ کی اور شاہ خالد موقع پر دم توڑ گئے تھے اور موٹرسائیکل سوار ملزمان شاہ خالد کی گاڑی پر فائرنگ کرکے فرار ہوگئے تھے۔
