Tag: پی ٹی آئی جلسہ

کوئٹہ : پاکستان تحریک انصاف ( پی ٹی آئی ) کا کوئٹہ میں آج ہونے والے جلسے کا اجازت نامہ منسوخ کردیا گیا۔

تفصیلات کے مطابق ڈپٹی کمشنر نے کوئٹہ میں آج پاکستان تحریک انصاف ( پی ٹی آئی ) کے جلسے کے لیے جاری کیا گیا این اوسی منسوخ کر دیا۔

اس حوالے سے ڈپٹی کمشنر نے مراسلے کے زریعے پی ٹی آئی کی صوبائی قیادت کو سکیورٹی خدشات کی بنا پر جلسہ کی اجازت نہ دینے کے فیصلے سے متعلق آگاہ کیا گیا۔

ڈی سی کا کہنا ہے سیکیورٹی تھریٹ کی وجہ سے ہرقسم کے اجتماع پرپابندی عائد کردی گئی ہے۔

ترجمان پی ٹی آئی بلوچستان نے کہا ہے آج کوئٹہ کے ہاکی گراؤنڈ میں تاریخی جلسہ کریں گے، عدالت نے انتطامیہ کو جلسے کے لیے جگہ دینے کا پابند کیا ہے۔

دوسری جانب کوئٹہ جلسہ گاہ کو پولیس کی بھاری نفری نے گھیرے میں لے لیا اور ہاکی گراؤنڈ مین گیٹ کو جلسہ کی وجہ سے سیل کردیا گیا جبکہ جلسہ گاہ کو جانے والے تمام راستوں پر پولیس کی بھاری نفری تعینات کردی گئی ہے۔

یاد رہے پاکستان تحریکِ انصاف نے کوئٹہ میں 8 نومبر کو جلسہ منعقد کرنے سے متعلق یک درخواست دی تھی جس میں جلسے کے لیے دو مقامات بھی تجویز کیے گئے تھے جن میں ایوب سٹیڈیم اور ہاکی گراونڈ شامل تھے۔

صوابی : پاکستان تحریک انصاف ( پی ٹی آئی ) آج صوابی میں جلسہ کرے گی، جلسے کا مقصد بانی پی ٹی آئی سمیت اسیر رہنماؤں اورکارکنوں کی رہائی ہے۔

تفصیلات کے مطابق پاکستان تحریک انصاف آج شام چار بجے صوابی کے شاہ منصور ٹاؤن میں جلسہ کرنے جارہی ہے۔

جلسے کی تیاریاں مکمل کرلی گئی ہیں، پنڈال سج گیا ہے اور کارکنوں کی آمد کا سلسلہ جاری ہے۔

وزیر اعلیٰ علی امین گنڈا پور،محموداچکزئی، بیرسٹر گوہر، عمرایوب، اسد قیصر بھی جلسے سے خطاب کریں گے۔

پی ٹی آئی اور سنی اتحاد کونسل کے ارکان پنجاب اسمبلی کا قافلہ صوابی روانہ ہوگیا ہے،اپوزیشن لیڈر ملک احمد بھچرکی قیادت میں قافلہ ٹھوکر نیاز بیگ سے روانہ ہوا، ارکان پنجاب اسمبلی صوابی میں پی ٹی آئی جلسے میں شرکت کریں گے۔

سابق اسپیکر قومی اسمبلی اسد قیصر نے میڈیا سے گفتگو میں کہا تھا کہ اس جلسے کابنیادی مقصد قیدیوں کی رہائی ہے، نااہل حکومت نے عوام پر مہنگائی کا بوجھ ڈالا ہے۔

اسد قیصر کا کہنا تھا کہ پورے ملک سے لوگ جلسےکےلئے آرہے ہیں، پوری دنیا کو دکھانا چاہتے ہیں حکومت پرعوام کا اعتماد نہیں ،صوابی کے بعد اسلام آباد میں جلسہ کریں گے۔

انھوں نے بتایا کہ کوشش کررہے ہیں تمام پارٹیزکو اکٹھا کریں جوحکومت،مہنگائی کیخلاف ہے اور یہ جوقانون سازی کررہے ہیں یہ غیرقانونی ہے۔

رہنما تحریک انصاف نے کہا کہ کراچی ، بلوچستان، پنجاب اور کشمیرسےقافلےآرہے ہیں،جلسے میں کم از کم پانچ لاکھ لوگ شریک ہوں گے۔

وزیراعلی امین گنڈاپور کا کہنا ہے کہ جلسہ مینڈیٹ چوروں کیخلاف ہوگا، فارم سینتالیس کی پیداوار حکومت گھرچلی جائے، صوابی سے ایک نئی تحریک کا آغازہوگا۔ اسلام آباد جلسے کا اعلان کریں گے۔

اسلام آباد : پاکستان تحریک انصاف (پی ٹی آئی) نے آج ہونے والا اسلام آباد کا جلسہ ملتوی کرنے کا اعلان کردیا، چیئرمین بیرسٹر گوہر نے کہا کہ حکومت چند دنوں کی ہے ان کیخلاف جدوجہد جاری رہے گی۔

تفصیلات کے مطابق چیئرمین پاکستان تحریک انصاف بیرسٹر گوہر نے اسلام آباد ہائیکورٹ میں میڈیا سے گفتگو کرتے ہوئے کہا کہ آج جلسے کیلئے پورا ملک اور ہمارے ورکر بے تاب ہیں اور کارکنان آج اسلام آباد میں جلسے کی تیاری کررہے تھے۔

بیرسٹر گوہر کا کہنا تھا کہ آج کا جلسہ وہی ہے جس کی 4 ماہ پہلےہم نے رٹ پٹیشن فائل کی، 4ماہ بعد ہمیں این او سی ملی، کمشنر کے پاس عدالتی حکم سے جاری نوٹیفکیشن معطل کرنےکااختیارنہیں، جس بنیادپرنوٹیفکیشن معطل کیا گیا اسے سلسلے مین عدالت سے رجوع کیا ہے

چیئرمین پی ٹی آئی نے کہا کہ ہائیکورٹ اس لئےآئے کہ آئین وقانون کےمطابق جلسہ کریں، آئین اور قانون کی بالا دستی کیلئےہم سب کوشش کر رہے ہیں لیکن اسلام آبادہائیکورٹ میں ہفتہ کی وجہ سے چیف جسٹس موجود نہیں، اس لئے درخواست پرآج سما عت نہ ہوسکی ، امید ہے ہماری درخواست پر سماعت پیر کو ہوگی۔

انھوں نے آج ہونے والے جلسے کو ملتوی کرنے کا اعلان کرتے ہوئے کہا کہ عدالت سے درخواست کریں گے جلسے کیلئے ہمیں عاشورہ کے بعد کی تاریخ دیں، حکومت چند دنوں کی ہے ان کیخلاف جدوجہد جاری رہے گی۔