ARYNews.tv | Urdu – Har Lamha Bakhabar

Tag: پی ٹی آئی حکومت

  • آج ٹرانس جینڈر قانون میں کیا گیا وعدہ پورا ہو رہا ہے، شیریں مزاری

    آج ٹرانس جینڈر قانون میں کیا گیا وعدہ پورا ہو رہا ہے، شیریں مزاری

    اسلام آباد: وفاقی وزیر برائے انسانی حقوق شیریں مزاری کا کہنا ہے کہ آج ٹرانس جینڈر قانون میں کیا گیا وعدہ پورا ہو رہا ہے۔

    تفصیلات کے مطابق وفاقی وزیر برائے انسانی حقوق شیریں مزاری نے سماجی رابطے کی ویب سائٹ ٹویٹر پر اپنے پیغام میں کہا کہ آج ٹرانس جینڈر قانون میں کیا گیا وعدہ پورا ہو رہا ہے، خواجہ سراؤں میں صحت کارڈ تقسیم کیے جائیں گے۔

    وفاقی وزیر برائے انسانی حقوق نے اپنے پیغام میں مزید کہا کہ صحت کارڈ کی تقریب آج وزیراعظم ہاؤس میں ہوگی، پی ٹی آئی حکومت نے 2018 میں پمزمیں ٹرانس جینڈر وارڈ بنایا تھا۔

    خواجہ سراؤں کی صحت سے متعلق پی ٹی آئی حکومت کا بڑا قدم

    واضح رہے کہ وزیراعظم عمران خان آج خواجہ سراؤں میں صحت انصاف کارڈ تقسیم کریں گے، اس سلسلے میں وزیر اعظم ہاؤس میں تقریب کا انعقاد کیا جائے گا، دیگر شہروں میں بھی خواجہ سراؤں کو صحت کارڈ تقسیم کیے جائیں گے۔

  • رواں ماہ کی طرح اس مہینے بھی پیٹرول کی قیمت میں کمی کا امکان

    رواں ماہ کی طرح اس مہینے بھی پیٹرول کی قیمت میں کمی کا امکان

    اسلام آباد :رواں ماہ کی طرح اس مہینے بھی پیٹرول کی قیمت میں کمی کا امکان ہے، اوگرا نے تجویز ارسال کردی، جس میں 50 پیسے کمی کی سفارش کی گئی ہے ، حتمی قیمتوں کا اعلان آج کیا جائے گا۔

    تفصیلات کے مطابق پی ٹی آئی حکومت نے مہنگائی سے پریشان عوام کو ریلیف دینے کی تیاری کرلی ہے، رواں ماہ کی طرح فروری میں بھی پیرولیم مصنوعات کی قیمتوں میں کمی کاامکان ہے۔

    آئل اینڈ گیس ریگولیٹری اتھارٹی (اوگرا) نے قیمتوں میں کمی کی تجویز ارسال کردی ہے ، اوگرا کیجانب سےارسال کی گئی سمری میں پٹرول کی قیمت میں پچاس پیسے فی لیٹرجبکہ ہائی اسپیڈ ڈیزل کی قیمت میں چار روپے فی لیٹرکمی کی سفارش کی گئی ہے۔

    اس کےعلاوہ لائٹ ڈیزل کی قیمت میں ایک روپےفی لیٹرکمی جبکہ مٹی کاتیل دو روپے فی لیٹرسستا کرنے کی سفارش کی گئی ہے۔

    وزیراعظم کی منظوری کے بعد پٹرولیم مصنوعات کی نئی قیمتوں کااعلان ہوگا، نئی قیمتوں کا اطلاق کل سے ہوگا۔

    مزید پڑھیں : حکومت کا پیٹرولیم مصنوعات کی قیمتوں‌ میں‌ کمی کا اعلان

    خیال رہے پیڑولیم مصنوعات کی قیمت میں کمی کی وجہ عالمی منڈی میں خام تیل کی قیمتوں میں کمی ہے۔

    یاد رہے سال نو کے آغاز پر وزیراعظم عمران خان کی جانب سے پیٹرولیم مصنوعات کی قیمتیں‌ کم کر دی گئی تھیں، پیٹرول کی قیمت میں فی لیٹر 4 روپے 86 پیسے کی کمی، ہائی اسپیڈ ڈیزل کی قیمت میں فی لیٹر 4 روپے 26 پیسے کی کمی کی گئی جبکہ مٹی کے تیل کے نرخوں‌ میں 52 پیسے فی لیٹرکمی کردی گئی تھی۔

  • پی ٹی آئی حکومت نے 100روزہ پلان کے جائزے کیلئے ویب سائٹ بنا دی

    پی ٹی آئی حکومت نے 100روزہ پلان کے جائزے کیلئے ویب سائٹ بنا دی

    اسلام آباد : پاکستان تحریک انصاف کی حکومت نے100روزہ پلان کے جائزے کیلئے ویب سائٹ بنا دی،ویب سائٹ میں پلان کے بنیادی بڑے منصوبوں کو شامل کیا گیا۔

    تفصیلات کے مطابق پی ٹی آئی نے حکومت کی کارکردگی جانچنے کے لیے ویب سائٹ لانچ کر دی، ویب سائٹ وزیر اعظم کے 100روزہ ایجنڈےکے نام سے بنائی گئی ہے۔

    جس میں عمران خان حکومت کی 100 روزہ کارکردگی کے حوالے سے عوام کو آگاہ کیا جائے گا۔

    ویب سائٹ میں میں 100 روزہ پلان کے بنیادی بڑےمنصوبوں کو شامل کیا گیا ہے اور منصوبوں کی شروعات اور تکمیل سےمتعلق بھی آگاہ کیا گیا ہے۔

    پی ٹی آئی ویب سائٹ پر فیڈریشن کی مضبوطی اور زراعت میں ترقی کی بھی معلومات موجود ہے۔

    یاد رہے کہ عام انتخابات 2018 سے قبل 20 مئی کو پاکستان تحریکِ انصاف کے چیئرمین عمران خان نے سو دن کی منصوبہ بندی کا اعلان کیا تھا اور کہا تھا کہ 100 دن کا منشور دے دیا ہے، یہ منشور ہماری سمت کا تعین کررہا ہے۔

    عمران خان کا کہنا تھا کہ ہمارے پاس کے پی میں حکومت کا تجربہ ہے، وفاقی حکومت مل جاتی تو ہماری ایسی تیاری نہ ہوتی، ہم نے کے پی میں 5سال حکومت کرکے سیکھا ہے۔

    سربراہ تحریک انصاف نے مزید کہا تھا کہ سو دن کے پلان کا مقصد حکومت کی تمام پالیسیاں بنانا ہے، سو دن کے پلان میں سوا3کروڑ سرکاری اسکولوں کے بچوں کی تعلیم پر توجہ دینی ہے، مدارس کے25لاکھ بچوں کو اعلیٰ تعلیم دینی ہے، مدارس کے بچوں کو بھی ڈاکٹر بنانا ہے، ہم نے نچلے طبقے کو اوپر لانا ہے، بیورو کریسی کو غیرسیاسی کیا جائے گا، سرکاری اسپتالوں کو ٹھیک کرنے گئے تو مافیا کا سامنا کرنا پڑا۔

  • پی ٹی آئی کی تبدیلی عوام کیلئے ڈراؤ نے خواب میں تبدیل ہورہی ہے،مصطفیٰ نوازکھوکھر

    پی ٹی آئی کی تبدیلی عوام کیلئے ڈراؤ نے خواب میں تبدیل ہورہی ہے،مصطفیٰ نوازکھوکھر

    کراچی : ترجمان بلاول ہاؤس مصطفیٰ نوازکھوکھر کا کہنا ہے کہ پی ٹی آئی کی تبدیلی عوام کیلئےڈراؤنےخواب میں تبدیل ہورہی ہے، پہلے گیس، یوریا اور دیگر اشیا اب بجلی کی قیمتیں بڑھا دی گئیں۔

    تفصیلات کے مطابق بلاول ہاؤس کے ترجمان مصطفیٰ نواز کھوکھر نے بجلی کی قیمتوں میں اضافے پر درعمل دیتے ہوئے کہا پی ٹی آئی کی تبدیلی عوام کے لئے ڈراؤنے خواب میں تبدیل ہورہی ہے۔

    ترجمان بلاول ہاؤس کا کہنا تھا کہ حکومت کے پاس مہنگائی کے علاوہ کوئی وژن ہے ہی نہیں، پہلے گیس، یوریا اور دیگراشیا اب بجلی کی قیمتیں بڑھا دی گئیں۔

    مصطفیٰ نوازکھوکھر نے کہا کہنا نہیں چاہتے لیکن حکمران جھوٹ پر جھوٹ بول رہےہیں، کہا گیا گیس نرخ نہیں بڑھا رہے لیکن بڑھا دی گئیں۔

    مزید پڑھیں : نئے پاکستان والوں نےعوام کی جیبوں پر ڈاکے ڈالنا شروع کر دیے، مصطفیٰ نواز کھوکھر

    یاد رہے چند روز قبل گیس کی قیمتوں میں اضافے پر ترجمان چیئرمین پیپلزپارٹی مصطفیٰ نواز کھوکھر کا کہنا تھا کہ نئے پاکستان والوں نےعوام کی جیبوں پر ڈاکے ڈالنا شروع کر دیے۔

    سینیٹر مصطفیٰ نواز کھوکھر نے کہا تھا کہ کہ عمران خان کہتے تھے ان کے آتے ہی معیشت خود ٹھیک ہو جائے گی، خان صاحب نے گیس کی قیمت بڑھا دی ہیں، کھربوں روپے کے ٹیکسز لگانے جا رہے ہیں۔

    ان کا مزید کہنا تھا کہ وزیراعظم عمران خان کو معاملات سمجھ نہیں آرہے تو پرانی تقاریر سے رہنمائی لیں، ایک ماہ میں ہی عوام حکومتی اقدامات سے عاجز آنا شروع ہوگئے ہیں۔