Tag: پی ٹی آئی رہنما

پاکستان تحریک انصاف کے سینیٹر اعجاز چوہدری نے حکومت سے مذاکرات کے تناظر میں وزیراعلیٰ پنجاب مریم نواز کو تجویز پیش کی ہے۔

اے آر وائی نیوز کے مطابق پاکستان تحریک انصاف کے مرکزی رہنما سینیٹر اعجاز چوہدری نے اے ٹی سی میں پیشی کے موقع پر میڈیا سے غیر رسمی گفتگو کرتے ہوئے کہا ہے کہ وزیراعلیٰ پنجاب مریم نواز حکومت اور پی ٹی آئی کے درمیان جاری مذاکرات کو ناکام کرانا چاہتی ہیں۔

پی ٹی آئی رہنما نے کہا کہ میں مریم نواز کو تجویز دیتا ہوں کہ وہ اپنے والد نواز شریف یا چچا شہباز شریف کو کہیں کہ یہ لوگ مذاکرات بند کرا دیں۔ ہم تو جیلوں میں پڑے ہیں، مزرید کچھ عرصہ اور گزار لیں گے۔

اعجاز چوہدری کا کہنا تھا کہ پاکستان ہماری پہلی ترجیح ہے اور یہ مذاکرات ملک کے مفاد میں ہو رہے ہیں، اس لیے ان کو جاری رہنا چاہیے۔

انہوں نے یہ بھی کہا کہ چیئرمین سینیٹ نے میرے پروڈکشن آرڈر جاری کیے، لیکن جیل حکام نے مجھے جانے نہیں دیا۔ یہ چیئرمین سینیٹ یوسف رضا گیلانی کی توہین ہے۔

پی ٹی آئی سینیٹر نے کہا کہ میں ایوان بالا میں پنجاب کا نمائندہ ہوں۔ چاہتا ہوں صدر زرداری اور پی پی چیئرمین اس کا نوٹس لیں۔

https://urdu.arynews.tv/pti-new-chief-election-commissioner-demand-imran-khan/

پاکستان تحریک انصاف کے رہنما رؤف حسن نے کہا ہے کہ دھرنے میں شرکت نہ کرنے والے رہنماؤں سے متعلق پارٹی فیصلہ کرے گی۔

اے آر وائی نیوز کے پروگرام میں گفتگو کرتے ہوئے پی ٹی آئی رہنما رؤف حسن نے کہا کہ انکوائری کی جائے گی کونسا رہنما دھرنے میں تھا اور کون نہیں تھا، میں سیاسی ریلیوں میں شرکت نہیں کرتا پارٹی کے دیگر کام کرتا ہوں، میں کل کے احتجاج میں شریک نہیں تھا پارٹی کے دیگر کام کرتا ہوں۔

رہنما تحریک انصاف نے بتایا کہ میرا جوکام ہے ریلیوں میں شرکت کرنے کا وقت نہیں ہوتا، میری اطلاع یہ ہے کہ بانی پی ٹی آئی سنگجانی میں جلسے کے لیے نہیں مانے تھے، بانی پی ٹی آئی سے دوسری ملاقات میں بھی وہ سنگجانی میں جلسے کے لیےقائل نہیں ہوئے تھے۔

رؤف حسن کا کہنا تھا کہ احتجاج کی وجہ سے پورے پنجاب میں لاک ڈاؤن کردیا گیا تھا، لاہور کی چھوٹی گلیوں پر بھی کنٹینر لگادیے گئے تھے اس کے باوجود لوگ نکلے۔

انھوں نے کہا کہ بہت سے لوگ راستوں میں تھے آپریشن کی وجہ سے واپس گئے، سنگجانی میں احتجاج کرنے سے احتجاج کےمقاصد پورے نہیں ہوسکتےتھے، ہم نے فیصلہ کیا تھا کہ اسلام آباد میں ہی کسی جگہ ریلی کو روکیں گے۔

رؤف حسن نے کہا کہ ہم نے فیصلہ کیا تھا کہ ڈی چوک پر بھی ابھی نہیں جائیں گے، علی امین گنڈاپور بشریٰ بی بی کے تحفظ کے لیے دھرنے کی جگہ سے نکلے۔

ہم نہیں چاہتے تھے کہ بشریٰ بی بی گرفتار ہوں اس لیے وہاں سے گئے، دھرنے کے خلاف ایکشن پر جوڈیشل انکوائری ہونی چاہیے، علیمہ خان کو بھی سوال پوچھنے کا پورا حق ہے جیسے دیگر کارکنان کو حق ہے۔

رؤف حسن نے کہا کہ اس وقت کارکن پارٹی قیادت سے ناراض ہیں اور ان کی ناراضی کو دورکریں گے، ہماری ورکنگ میں کوئی خامی ہے تو اسے بھی دور کریں گے۔

پی ٹی آئی کی تحریک ابھی ختم نہیں ہوئی جاری ہے آگے کا لائحہ عمل دیں گے، پی ٹی آئی پر پابندی کی باتیں سن رہے ہیں، ہماری عدالتیں موجود ہیں مقابلہ کریں گے۔

اسلام آباد : رہنما تحریک انصاف عاطف خان نے دعویٰ کیا کہ آئینی ترامیم سے پہلے عہدوں کی پیشکش ہوئی، جس میں نے مسترد کردی تھی۔

تفصیلات کے مطابق پاکستان تحریک انصاف کے رہنما عاطف خان نے اے آر وائی نیوز کو خصوصی انٹرویو میں بتایا آئینی ترامیم سےپہلےعہدوں کی پیشکش ہوئی میں نےانکارکردیا، اس بار تجوریوں کےمنہ کھلے تھے، بات اربوں روپے تک گئی۔

رہنما تحریک انصاف کا کہنا تھا کہ الیکشن سے پہلے مجھے وزیراعلیٰ بنانےکی پیشکش ہوئی تھی، کہا گیاعلیحدہ گروپ بنالیں تو آپ وزیراعلیٰ بن جائیں گے۔

انھوں نے بتایا کہ پرویز خٹک کو وزیراعلیٰ بنانے کی پیشکش ہوئی، حیران ہوں وہ باتوں میں آگئے تاہم وفاداریاں بدل کر عہدے لینے والے اب گھرسےباہر نہیں نکل سکتے۔

پی ٹی آئی رہنما نے جاری نوٹسز سے متعلق سوال پر کہا کہ میں کسی کیلئے خطرہ نہیں، بانی پی ٹی آئی جس کو عہدہ دینا چاہتے ہیں وہی ہوگا لیکن نوٹسز کی سمجھ نہیں آرہی، پارٹی دوست کہتے ہیں وزیراعلیٰ کے علم میں نہیں تھا، اب جب وزیراعلیٰ کے پی سے ملوں گا تو ہی اندازہ ہوگا ان کے علم میں تھا یا نہیں۔

انھوں نے مزید کہا کہ ہوسکتا ہے کوئی چاہتا ہو ان کے تعلقات خراب ہوں اور پارٹی میں اختلافات ہو، بانی پی ٹی آئی سے ملاقات نہیں ہوئی لیکن وکلا نے ان کو بتایا تو وہ حیران تھے، جس کے بعد بانی نے پیغام پہنچایا فکر نہ کریں، پارٹی اختلافات کو میڈیا میں بیان نہ کریں۔