Tag: پی ٹی آئی لانگ مارچ

لاہور : آئی جی پنجاب فیصل شاہکار نے پی ٹی آئی لانگ مارچ کے شرکاء تشدد اور زائدالمیعاد آنسو گیس کے شیل کے استعمال سے متعلق رپورٹ مانگ لی۔

تفصیلات کے مطابق پی ٹی آئی کے لانگ مار چ کے دوران رہنماؤں اور کارکنوں پر تشدد کے معاملے پر آئی جی پنجاب نے پکڑ دھکڑ ، آنسو گیس شیل کے استعمال کی رپورٹ مانگ لی۔

مراسلے میں کہا ہے کہ رہنماؤں ،کارکنوں پر دہشت گردی کے درج مقدمات کی رپورٹ بھجوائی جائے اور بتایاجائےپی ٹی آئی رہنماؤں پر کتنے مقدمات درج اورکتنے گرفتار کئے گئے۔

آئی جی پنجاب نے سی سی پی او لاہور سمیت تمام اضلاع کے آر پی اوز کو رپورٹ بھجوانے کی ہدایت کی ہے۔

آئی جی پنجاب کی جانب سے مراسلے میں کہا ہے کہ آزادی مار چ کے دوران چھاپوں کیلئے پولیس کے پاس وارنٹ تھے ، رہنماؤں کے گھر چھاپے کے دوران پولیس کےپاس لیڈی پولیس تھی ،مراسلہ

مراسلے کے مطابق لاہور ،شیخوپورہ،حسن ابدال،اٹک میں پولیس کا استعمال کیوں کیا گیا ، ان اضلاع کے سربراہان رپورٹ آئی جی آفس میں بھجوائیں۔

مراسلے میں کہنا تھا کہ یاسمین راشد ،راشد خانم اور سینیٹراعجاز چوہدری پر تشدد کیوں کیاگیا ، لاہور پولیس اس کی علیحدہ سے رپورٹ بھجوائے۔

آئی جی پنجاب نے مزید کہا کہ پی ٹی آئی کارکنوں،رہنماؤں پر زائدالمیعاد آنسو گیس شیل کیوں استعمال کئےگئے، زائدالمیعاد شیل کے استعمال پرلاہورپولیس سراہان اورآر پی او ز جواب دیں۔

مراسلے کے مطابق راوی پل پر پی ٹی آئی کے کارکن کو کس کے کہنے پر تشدد کرکے ہلاک کیا گیا ، رہنماؤں،کارکنوں پر دہشتگردی کے مقدمات کی رپورٹ بھجوائی جائے۔

آئی جی پنجاب کی جانب سے کہا گیا کہ ولید اقبال کے گھر میں ریڈ ،بدتمیزی کی رپورٹ بھی بھجوائی جائے ، صحافی عمران ریاض کو ہراسا ں کرنے کی رپورٹ بھی بھجوائی جائے۔

مراسلے میں کہا کہ سی پی اوفیصل آباد ، ڈی پی او جھنگ سے فوری رپورٹ مانگی گئی جبکہ ڈی پی او ٹوبہ ٹیک سنگھ ،ڈی پی او چنیوٹ سے بھی فوری رپورٹ طلب کی گئی ہے۔

اسلام آباد : پی ٹی آئی لانگ مارچ کے شرکا پر تشدد پر وزیراعظم شہبازشریف کیخلاف مقدمے کی درخواست جمع کرادی گئی ، جس میں راناثنا اللہ ،آئی جی اسلام آباد ودیگر حکام کیخلاف بھی کارروائی کی استدعا کی گئی ہے۔

تفصیلات کے مطابق پی ٹی آئی لانگ مارچ کے شرکا پر تشدد کیخلاف مقدمے کی درخواست جمع کرادی گئی ، سینیٹر اعظم سواتی نے وزیراعظم شہبازشریف کیخلاف مقدمے کی درخواست دی۔

وزیراعظم شہبازشریف کیخلاف درخواست تھانہ سیکریٹریٹ میں جمع کرائی گئی ، جس میں راناثنا اللہ ،آئی جی اسلام آباد ودیگر حکام کیخلاف بھی کارروائی کی استدعا کی گئی ہے۔

اعظم سواتی کی جانب سے درخواست میں کہا گیا کہ 25 مئی کو پرامن آزادی مارچ میں شرکت کی، پولیس نے بلاجواز تشدد کیا،بازو اور جسم کے دوسرے حصوں پرزخم آئے ، مجھے زخمی حالت میں پولی کلینک اسپتال لےجایا گیا۔

سینیٹراعظم سواتی نے میڈیکل رپورٹ بھی درخواست کیساتھ جمع کرائی اور کہا پولیس کی پرتشددکارروائیوں سے گاڑی کوبھی نقصان پہنچا، درخواست میں نامزد افراد مجرمانہ سرگرمیوں میں ملوث رہے۔

رہنما پی ٹی آئی نے استدعا کی پولیس ان افراد کیخلاف مقدمے کرکے قانونی کارروائی کرے۔