شیخوپورہ: جوڈیشل مجسٹریٹ کی عدالت کی جانب سے پی ٹی آئی کے 112 کارکنان کو رہا کرنے کا حکم دیا گیا ہے۔
پولیس نے پاکستان تحریک انصاف کے کارکنوں کے جوڈیشل ریمانڈ کی استدعا کی تھی جسے جوڈیشل مجسٹریٹ کی عدالت نے مسترد کردیا، پی ٹی ائی کے 112 کارکنوں کو جوڈیشل مجسٹریٹ کی عدالت میں پیش کیا گیا تھا۔
پی ٹی آئی کے 24 کو شروع ہونے والے احتجاج کو روکنے کے لیے حکومتی اقدامات جارہیں، سیکیورٹی حکام نے مختلف شہروں کو کنٹینرز لگا کر بند کردیا ہے جس سے لوگوں کا مشکلات کا سامنا ہے۔
اڈیالہ جیل میں قید بانی تحریک انصاف عمران خان نے احتجاج کا اعلان کرتے ہوئے گزشتہ روز 24 نومبر کو کارکنوں اور رہنماؤں کو ڈی چوک اسلام آباد پہنچ کر احتجاج اور دھرنا دینے کی ہدایت کی تھی۔
حکومت کی جانب سے مظاہرین کو روکنے کے لیے نہ صرف اسلام آباد بلکہ پنجاب کے مختلف شہروں اور صوبائی سرحدوں سمیت موٹر ویز کو بھی بند کیا گیا۔
کئی شہروں میں کنٹینرز کی دیواریں چن دی گئیں اور دیگر رکاوٹیں کھڑی کی گئیں، جس کے باعث نہ صرف عام شہری شدید مشکلات کا شکار ہوئے بلکہ کئی باراتیں بھی اس میں پھنس گئیں۔
