اسلام آباد: حکومت نے پاکستان تحریک انصاف کے 30نومبر جلسے کو روکنے کے لئے حکمت عملی تیار کر لی ہے ۔آئندہ چند روز میں بڑے پیمانے پر کریک ڈائون بھی کرنے کا فیصلہ کیا گیا ہے۔
تفصیلات کے مطابق پاکستان تحریک انصاف کے جلسہ کو روکنے کے لئے پولیس کو حکومت کی جانب سے ہدایت جاری کر دی گئی ہیں ۔پولیس نے حکومتی احکامات کی روشنی میں ہفتہ اور اتوار کی درمیانی شب بھارہ کہو کے مختلف علاقوں میں پاکستان تحریک انصاف کے کارکنوں کے گھروں پر چھاپے بھی مارے گئے ہیں اور ان کو دھمکیاں دی گئی ہیں کہ اگر 30 نومبر کے جلسے میں شرکت کرنے کی کوشش کی گئی تو ان کو پہلے سے درج ایف آئی آر میں گرفتار کر لیا جائے گا ۔
پولیس کے ذرائع کا کہنا ہے کہ ابھی یہی ہدایات ملی ہیں کہ پی ٹی آئی کے کارکنوں کو ڈرایا جائے اور دوسرے مرحلے میں کارکنوںکی عمل میںجائیں گیاور اس مقصد کے لئے آئندہ چند روز میں احکامات جاری کر دئے جائیں گے بھارہ کہو میں پی ٹی آئی کے عہداران راجہ وقاص اورچوہدری ساجد کے گھر پر بھی چھاپے مارے گئے مگر وہ گھر پر موجود نہیں تھے جس پر ان کے گھر والوں کو پیغام دیا گیا کہ وہ جلسہ میں شرکت نہ کر یں۔
پولیس نے ڈی چوک کی طرف جانے والے راستے بھی سیل کرنا شروع کر دیا گیا ہے ۔نادرا چوک کر بلاک رکھ کر بند کر دیا گیا ہے جبکہ ریڈ زون میں پولیس کی نفری بھی بڑھا دی گئی ہے ۔
