Tag: پی ٹی آئی کے کارکن کی شہادت

  • حق نوازقتل کیس، مزید 6 افراد زیر حراست

    حق نوازقتل کیس، مزید 6 افراد زیر حراست

    فیصل آباد: پی ٹی آئی کارکن حق نواز قتل کیس میں مزید چھ افراد کو حراست میں لے لیا گیا۔

    فیصل آباد پولیس کی خصوصی ٹیم نے مختلف علاقوں میں چھاپے مار کر ناولٹی پل پر فائرنگ کرنے والے کے چھ قریبی عزیزوں اور ساتھیوں کو حراست میں لیا،ان افرادکو نامعلوم مقام پر منتقل کر دیا گیا۔ پولیس ذرائع کے مطابق زیرحراست افراد سے تفتیش میں اصل ملزمان تک رسائی آسان ہو جائے گی ۔ پولیس حکام کا کہنا ہے اصل ملزمان کو بہت جلد گرفتار کر لیا جائے گا ۔

  • فیصل آباد: مقتول کی نماز جنازہ ادا کر دی گئی، پاکستان بھر میں یوم سوگ

    فیصل آباد: مقتول کی نماز جنازہ ادا کر دی گئی، پاکستان بھر میں یوم سوگ

    فیصل آباد: ملک بھر کی طرح فیصل آباد میں بھی پی ٹی آئی کے کارکن کی شہادت پر یوم سوگ منایا جارہا ہے۔ مقتول کارکن کی نماز جنازہ پہاڑی گراؤنڈ میں ادا کر دی گئی ہے۔

    فیصل آباد میں گزشتہ روز پی ٹی آئی اور حمکران جماعت کے کارکنوں کے درمیان خونی تصادم میں جاں بحق پی ٹی آئی کارکن حق نواز کی نماز جنازہ فیصل آباد کے پہاڑی گراؤنڈ میں ادا کردی گئی ہے۔ نماز جنازہ میں تحریک انصاف کے رہنماؤں سمیت لوگوں کی کثیر تعداد بھی شریک ہوئی ہیں۔ نماز جنازہ کے موقع پر پولیس کی بھاری نفری تعینات کی گئی تھی۔

    حق نواز کی شہادت کےباعث آج فیصل آباد کی فضا سوگوار ہے اور عمران خان کے اعلان کے بعد تحریک انصاف آج ملک بھر میں یوم سوگ منا رہی ہے۔

    پاکستان کے متعدد شہروں میں وُکلا نے بھی ہڑتال کر رکھی ہے جبکہ جہانیاں اور اوکاڑہ کے وُکلا نے فیصل آباد میں تشدد کے خلاف ہڑتال کر رکھی ہے۔

    ادھر تحریک انصاف کےچیئرمین عمران خان کا کہنا ہے حق نواز کی قربانی رائیگاں نہیں جائے گی، عمران خان نے فیصل آباد میں شہید کارکن کی ملک بھر میں غائبانہ نمازجنازہ کی ادائیگی کا اعلان بھی کیا ہے۔