Tag: پی ٹی آئی

  • پی ٹی آئی کا شہباز شریف کی بڑے بھائی سے مشاورت پر قانونی چارہ جوئی کا فیصلہ

    پی ٹی آئی کا شہباز شریف کی بڑے بھائی سے مشاورت پر قانونی چارہ جوئی کا فیصلہ

    اسلام آباد: پاکستان تحریک انصاف نے وزیر اعظم شہباز شریف کی جانب سے لندن میں اپنے بڑے بھائی سے مشاورت پر قانونی چارہ جوئی کا فیصلہ کیا ہے۔

    تفصیلات کے مطابق عمران خان کی زیر صدارت آج منگل کو پاکستان تحریک انصاف کی لیگل کمیٹی کا اہم ترین اجلاس منعقد ہوا، جس میں شہباز شریف کی عدالتی اشتہاریوں سے ملاقات سمیت دیگر قانونی معاملات پر گفتگو کی گئی۔

    شہباز شریف نے لندن میں اشتہاری مجرموں نواز شریف اور اسحاق ڈار سے ملاقات کی تھی، پی ٹی آئی لیگل ٹیم نے ان ملاقاتوں کو وزیر اعظم کے حلف سے رو گردانی قرار دیا، لیگل ٹیم کا کہنا تھا کہ نواز شریف سے مشاورت سیکرٹ ایکٹ کی خلاف ورزی ہے، قانونی چارہ جوئی کی جانی چاہیے۔

    اجلاس میں پی ٹی آئی کے کارکنان کو دھمکی آمیز کالز کا معاملہ بھی عدالت میں لے جانے کا فیصلہ کیا گیا، اور شہباز گل پر زیر حراست تشدد کے مقدمے کو بھی منطقی انجام تک پہنچانے کی منظوری دی گئی۔

    اجلاس کے بعد پی ٹی آئی رہنما فواد چوہدری نے کہا کہ شہباز شریف کی لندن میں ملاقاتیں آئین و قانون سے انحراف ہے، نواز شریف اور اسحاق ڈار عدالتی اشتہاری ہیں، اشتہاریوں سے ملاقات اور ریاستی معاملات پر مشاورت قابل گرفت ہے۔

    انھوں ںے کہا کابینہ ارکان بھی اہم تعیناتی پر نواز شریف سے مشاورت کی نشان دہی کر رہے ہیں، تحریک انصاف اس ملاقات اور لوازم کو عدالت کے سامنے رکھے گی۔

    فواد چوہدری کا کہنا تھا کارکنان کو کالز کے ذریعے ہراساں کرنے کا مفصل ڈیٹا جمع کر رہے ہیں، اس پر بھی بھرپور قانونی کارروائی کریں گے۔

    انھوں نے امید ظاہر کی کہ عدالت آئین و قانون سے انحراف کے واقعات پر فوری سماعت کرے گی، کیوں کہ حصول انصاف کے لیے قوم کی امیدیں عدالت عظمیٰ سے جڑی ہیں۔

  • پی ٹی آئی، جے یو آئی میں اشتراک کے حوالے سے اہم خبر

    پی ٹی آئی، جے یو آئی میں اشتراک کے حوالے سے اہم خبر

    اسلام آباد: پاکستان تحریک انصاف اور جے یو آئی پاکستان میں طے شدہ اشتراک کار پر باضابطہ عمل کا آغاز ہو گیا۔

    تفصیلات کے مطابق پی ٹی آئی کے دیگر ہم خیال سیاسی جماعتوں سے اشتراک کے سلسلے میں جمعیت علمائے اسلام پاکستان کے ساتھ طے شدہ اشتراک کار پر باضابطہ عمل کا آغاز کر دیا گیا۔

    سابق اسپیکر قومی اسمبلی اسد قیصر کی قیادت میں 5 رکنی خصوصی کمیٹی کا اعلان کیا گیا ہے، جس میں پرویز خٹک، قاسم سوری، علی محمد خان اور ڈاکٹر افتخار درانی کمیٹی میں شامل کیے گئے ہیں۔

    یہ کمیٹی پی ٹی آئی کے مرکزی سیکریٹری جنرل اسد عمر نے قائم کی ہے، جو تحریک انصاف اور جے یو آئی پاکستان میں مشترک سیاسی اہداف کے لیے کام کرے گی۔

    کمیٹی عمران خان کے فلسفے اور پیغام کو دیگر ہم خیال قوتوں تک لے جانے کی حکمت عملی وضع کرے گی، اور سیاسی اشتراک عمل کو دیگر ہم خیال جماعتوں تک توسیع کی منصوبہ بندی بھی کرے گی۔

    خصوصی کمیٹی اشتراک میں مزید وسعت و تقویت کی راہیں متعین کرے گی۔

  • پی ٹی آئی کارکنوں کے خلاف کریک ڈاؤن کی انکوائری رپورٹ فائنل

    پی ٹی آئی کارکنوں کے خلاف کریک ڈاؤن کی انکوائری رپورٹ فائنل

    لاہور: پولیس نے پاکستان تحریک انصاف (پی ٹی آئی) کے کارکنوں کے خلاف کریک ڈاؤن کی انکوائری رپورٹ فائنل کر لی۔

    تفصیلات کے مطابق 25 مئی کو تحریک انصاف کے کارکنوں کے خلاف کریک ڈاؤن کے معاملے پر پولیس کی 4 رکنی تحقیقاتی کمیٹی نے انکوائری رپورٹ فائنل کر دی۔

    پولیس ذرائع کے مطابق انکوائری میں تحریک انصاف کی جانب سے بنائی گئی کمیٹی کی تجاویز کی توثیق کی گئی ہے، ڈی آئی جی سیکیورٹی محبوب رشید نے رپورٹ ڈی آئی جی آپریشن کو ارسال کر دی۔

    پولیس ذرائع کا کہنا ہے کہ قصور وار ٹھہرائے جانے والے افسران اوراہل کاروں کو پہلے مرحلے میں شوکاز نوٹس جاری کیے جائیں گے۔

    دوسرے مرحلے میں ملازمین افسران کو نوکری سے برخاست کرنے اور مقدمہ درج کرنے کی تجاویز شامل کی گئی ہیں۔

  • پی ٹی آئی کارکن ملک بھر میں سڑکوں پر سراپا احتجاج بن گئے

    پی ٹی آئی کارکن ملک بھر میں سڑکوں پر سراپا احتجاج بن گئے

    کراچی/لاہور: عمران خان کی گرفتاری کی خبروں پر پی ٹی آئی کارکن ملک بھر میں سڑکوں پر سراپا احتجاج بن گئے۔

    تفصیلات کے مطابق عمران خان کی گرفتاری کی اطلاعات پر ملک کے مختلف شہروں میں پی ٹی آئی کے کارکن اپنے قائد سے اظہار یک جہتی کے لیے سڑکوں پر نکل آئے۔

    کراچی میں شارع فیصل پر علی زیدی کی رہنمائی میں نرسری کے قریب پی ٹی آئی رہنماؤں اور کارکنان نے احتجاج کیا، کارکنان انصاف ہاؤس پہنچ گئے، اور پی ٹی آئی چیئرمین عمران خان کے حق میں نعرے لگائے، نرسری کے قریب احتجاج میں خواتین بھی شریک ہوئیں۔

    لاہور کے لبرٹی چوک پر پی ٹی آئی کارکنان بڑی تعداد میں جمع ہوئی، پشاور، گوجرانوالہ، حافظ آباد، سیالکوٹ، فیصل آباد، اوکاڑہ، ساہیوال، ملتان، رحیم یار خان، بہاولپور، صادق آباد میں بھی کارکنوں نے شدید احتجاج کیا، اور عمران خان اور اے آر وائی نیوز کے حق میں نعرے لگائے۔

    عمران خان کی گرفتاری کی خبریں، پی ٹی آئی قیادت اور کارکنان بنی گالہ پہنچ گئے

    دوسری طرف عمران خان کی گرفتاری کی خبریں پھیلنے کے بعد پی ٹی آئی کے کارکنوں کی بڑی تعداد بنی گالہ کے باہر جمع ہو گئی ہے، تحریک انصاف کی قیادت بھی بنی گالہ پہنچ گئی ہے۔

    کراچی کے رہنماؤں اور گلگت بلتستان کے وزیر اعلیٰ سمیت ملک بھر سے پی ٹی آئی رہنماؤں نے کارکنان کو بنی گالا پہنچنے کی ہدایت کر دی ہے، اسد عمر اور مراد سعید بھی بنی گالا پہنچ گئے ہیں۔

    گزشتہ روز لیاقت باغ راولپنڈی میں جلسے سے خطاب میں عمران خان نے کہا میں جیلوں سے نہیں ڈرتا، حقیقی آزادی کے حصول تک سڑکوں پر رہوں گا۔

  • ممنوعہ فنڈنگ کیس :  پی ٹی آئی کیخلاف انکوائری کا دائرہ کار پورے ملک میں بڑھا دیا گیا

    ممنوعہ فنڈنگ کیس : پی ٹی آئی کیخلاف انکوائری کا دائرہ کار پورے ملک میں بڑھا دیا گیا

    اسلام آباد : ممنوعہ فنڈنگ کیس میں پی ٹی آئی کے خلاف شہر شہر انکوائری کی جائے گی ، مانیٹرنگ ٹیم مختلف شہروں میں زونل انکوائری کمیٹیوں سے کوآرڈی نیشن کرے گی۔

    تفصیلات کے مطابق ممنوعہ فنڈنگ کیس میں ایف آئی اے نے پی ٹی آئی کیخلاف انکوائری کا دائرہ کار پورے ملک میں بڑھا دیا۔

    ممنوعہ فنڈنگ کیس میں پی ٹی آئی کے خلاف شہر شہر انکوائری کی جائے گی، مانیٹرنگ ٹیم مختلف شہروں میں زونل انکوائری کمیٹیوں سے کوآرڈی نیشن کرے گی۔

    اسلام آباد، پشاور، لاہور، کراچی، کوئٹہ اور فیصل آباد میں کوآرڈی نیشن کی جائے گی ، زونل کمیٹیاں پی ٹی آئی کے اثاثوں اور فنڈز سے متعلق تفصیلات حاصل کریں گی۔

    انکوائریاں پولیٹکل پارٹیز ایکٹ 2002 کے تحت کی جائیں گی، مانیٹرنگ ٹیم5 ممبران پرمشتمل ہوگی، سربراہی ڈائریکٹرٹریننگ اطہر وحید کریں گے۔

    دیگر ممبران میں خالد انیس، خواجہ حماد، چوہدری اعجاز اور اعجازاحمدشیخ شامل ہیں، اس حوالے سے نوٹیفکیشن جاری کردیا گیا ہے ، جس میں کہا ہے کہ مانیٹرنگ ٹیم زونل انکوائری ٹیموں کی رہنمائی بھی کرے گی۔

  • پی ٹی آئی کے مزید  ڈونرز سامنے آگئے، الیکشن کمیشن کے فیصلے پر اعتراض

    پی ٹی آئی کے مزید ڈونرز سامنے آگئے، الیکشن کمیشن کے فیصلے پر اعتراض

    اسلام آباد : الیکشن کمیشن کے فیصلے کے بعد پی ٹی آئی کے مزید 3 ڈونرز سامنے آگئے اور الیکشن کمیشن کے فیصلے پر اعتراض اٹھادیا۔

    ‌تفصیلات کے مطابق الیکشن کمیشن کے فیصلے کے بعد پی ٹی آئی کے ڈونرز کا سامنے آنے کا سلسلہ جاری ہے ، پی ٹی آئی کو فنڈز دینے والے ایک اور ڈونر سامنے آگئے اور الیکشن کمیشن کے فیصلے پر اعتراض اٹھادیا۔

    کمپنی مالک شعیب احمد بسرا نے کہا کہ نیشنل فروٹ پروسیسنگ فیکٹری بھلوال سرگودھا میں ہے، 2011 میں پی ٹی آئی کو 10ہزار 500 روپے فنڈز دیئے تھے۔

    شعیب احمدبسرا نے بتایا کہ الیکشن کمیشن نے میری کمپنی کوفارن فنڈنگ کمپنی کی فہرست میں ڈال دیا ، الیکشن کمیشن نےفیصلےمیں میری کمپنی کوکینیڈین کمپنی ظاہر کیا۔

    آصف خان کا کہنا تھا کہ الیکشن کمیشن کا کیا مضحکہ خیز فیصلہ اور تفتیش ہے، میں نے اپنی کمپنی کے پے پال اکاؤنٹ سے2013 میں 100 ڈالرعطیہ دیا، الیکشن کمیشن نے میری سابقہ کمپنی پرابسٹ ان کارپوریشن کا نام ڈال دیا۔

    برطانیہ میں رہنے والی ایک اور ڈونر بینش فریدی نے بھی الیکشن کمیشن فیصلے کو مضحکہ خیزقرار دے دیا۔

    پاکستانی شہری بینش فریدی نے برطانیہ سے اپنے ویڈیو بیان میں کہا کہ 2013 کے الیکشن کے وقت پی ٹی آئی کو 250 ڈالر فنڈ دیا تھا، الیکشن کمیشن کو بتانا چاہتی ہوں میں پاکستانی ہوں غیر ملکی نہیں لیکن الیکشن کمیشن نے فیصلے میں مجھے کیسےغیر ملکی ظاہرکردیا ہے۔

    بینش فریدی کا کہنا تھا کہ کس قانون کےتحت الیکشن کمیشن نےمجھےغیرملکی لکھاہے، الیکشن کمیشن محب وطن پاکستانیوں کوغیرملکی قراردینے کا سلسلہ بند کرے، یہ سلسلہ جاری رہا توالیکشن کمیشن کیخلاف قانونی چارہ جوئی کریں گے۔

  • سینیٹ انتخابات : صدرالدین شاہ کو پی ٹی آئی کی جانب سے ووٹ نہ دینے کا انکشاف

    سینیٹ انتخابات : صدرالدین شاہ کو پی ٹی آئی کی جانب سے ووٹ نہ دینے کا انکشاف

    کراچی : سینیٹ انتخابات میں پاکستان مسلم لیگ فنکشنل سندھ کے صدر صدرالدین شاہ کو پی ٹی آئی کی جانب سے ووٹ نہ دینے کا انکشاف سامنے آیا، جی ڈی اے کے رہنما نے الزام لگایا ہے کہ کریم گبول،رابستان خان، عمر عمیری و دیگر نے ووٹ نہیں دیا۔

    تفصیلات کے مطابق سینیٹ انتخابات میں ووٹ کے معاملے پرجی ڈی اے اور پی ٹی آئی آمنےسامنے آگئے ، جی ڈی اے نے صدرالدین شاہ کو پی ٹی آئی کی جانب سے ووٹ نہ دینے کا انکشاف کیا۔

    جی ڈی اے کے رہنما عبدالرزاق راہمو نے کہا سندھ میں پی ٹی آئی کے 6 سے 7ممبران نے ہمیں ووٹ نہیں دیا، پارٹی قیادت اورگورنرکو بتا دیا کہ کن ارکان نے ووٹ نہیں دیا، کریم گبول،رابستان خان،عمرعمیری ودیگرنےووٹ نہیں دیا۔

    نصرت سحرعباسی کا کہنا تھا کہ جن ممبران نےووٹ نہیں دیا جلد سامنے آجائے گا۔

    سندھ میں سینیٹ الیکشن کے حوالے سے جی ڈی اے نے عدالت اور الیکشن کمیشن سے رجوع کرنے کا اعلان کردیا ہے، الیکشن کمیشن سندھ میں سینیٹ الیکشن سےمتعلق انکوائری کرے، انکوائری ہونی چاہیے 6ضمیر فروش اراکین کون تھے، الیکشن کمیشن اپنی آئینی فرائض پورے کرے۔

    جی ڈی اے کی رہنما نصرت سحر عباسی کا کہنا تھا کہ المیہ ہے کہ پیپلزپارٹی کے 7اراکین راتوں رات معذور ہوگئے، ایک خاتون رکن نےایوان میں کھڑے ہوکرتقریر کی ، دوسرے دن وہی خاتون وہیل چیئرپرآئیں، ان کے ووٹ دوسرے اراکین نے کاسٹ کئے۔
    .
    نصرت سحر عباسی نے مزید کہا جی ڈی اے کا ایک ایک رکن لیڈر شپ کیساتھ اٹیچ رہا ہے، ہمارےساتھ بھی ضمیر خریدنے کی بہت کوششیں کی گئیں، اللہ کاشکرہےجی ڈی اےکے5ممبرمیں سےایک بھی نہیں بکا۔

    شہریارمہر کا کہنا تھا کہ ہمارے الیکشن پر اعتراض ہے،جلد عدالت سے رجوع کریں گے ، ہم نے وزیراعظم سے بھی رابطہ کیا ہے، پی ٹی آئی میں کالی بھیڑوں کو تلاش کیا جائے، ہم نے وزیراعظم کو شواہد ارسال کردئیے ہیں۔

  • پی ٹی آئی میرٹ اور شفافیت کی علمبردار جماعت ہے، محمود خان

    پی ٹی آئی میرٹ اور شفافیت کی علمبردار جماعت ہے، محمود خان

    پشاور: وزیراعلیٰ خیبرپختونخوا محمود خان نے کہا ہے کہ پاکستان تحریک انصاف میرٹ اور شفافیت کی علمبردار جماعت ہے۔

    تفصیلات کے مطابق وزیراعلیٰ خیبر پختونخوا کا کہنا ہے کہ خیبرپختونخوا حکومت عوام کے اعتماد اور وسائل کی امین ہے۔انہوں نے کہا کہ پی ٹی آئی میرٹ اور شفافیت کی علمبردار جماعت ہے۔

    محمود خان کا کہنا تھا کہ اجمل وزیر کی مبینہ آڈیو پر تحقیقات کاحکم دے دیا ہے،جلد عوام کے سامنے تمام حقائق لائیں گے۔

    مشیراطلاعات خیبرپختونخوا اجمل وزیر کو عہدے سے ہٹا دیا گیا

    اس سے قبل خیبر پختونخوا حکومت نے اجمل وزیر کی آڈیو ٹیپ سامنے آنے کے بعد انہیں مشیر اطلاعات کے عہدے سے ہٹا دیا تھا۔صوبائی حکومت نے ایک نوٹیفکیشن جاری کیا تھا جس کے ذریعے مشیر اطلاعات کو عہدے سے ہٹایا گیا۔

    نوٹیفکیشن کے مطابق اجمل وزیر کی جگہ وزیراعلیٰ کے معاون خصوصی کامران بنگش کو محکمہ اطلاعات کا اضافی چارج دیا گیا ہے۔

    اجمل وزیر کی مبینہ آڈیو منظر عام پر آگئی

    وزیراعلیٰ خیبر پختونخوا نے اجمل وزیر کے آڈیو ٹیپ سے متعلق چیف سیکرٹری کو مراسلہ ارسال کیا ہے جس میں آڈیو ٹیپ کے حوالے سے حقائق جاننے کے لیے تحقیقات کی ہدایت کی گئی ہے۔

  • وزیراعظم نے پی ٹی آئی کور کمیٹی کا اجلاس طلب کرلیا

    وزیراعظم نے پی ٹی آئی کور کمیٹی کا اجلاس طلب کرلیا

    اسلام آباد: وزیراعظم عمران خان نے پی ٹی آئی کور کمیٹی کا اجلاس طلب کر لیا جس میں وزیراعظم کرونا سے نمٹنے کے لیے لانگ ٹرم پالیسی پر مشاورت کریں گے۔

    تفصیلات کے مطابق وفاقی دارالحکومت اسلام آباد میں پی ٹی آئی کور کمیٹی کا اجلاس طلب کر لیا۔ کور کمیٹی اجلاس اتوار کی سہ پہر 3 بجے بنی گالہ میں ہوگا۔

    ذرائع کے مطابق وزیراعظم کرونا سے نمٹنے کے لیے لانگ ٹرم پالیسی پر مشاورت کریں گے، کور کمیٹی کرونا وائرس کی روک تھام سے متعلق تجاویز دےگی۔

    اجلاس میں لاک ڈاؤن، معیشت، ملکی ضروریات، سیاسی جماعتوں کے تعاون پر بات ہوگی، کرونا سے نمٹنے کے لیے ملکی صلاحیت، غیر ملکی تعاون پر بات ہوگی۔

    ذرائع کے مطابق وزرائے اعلیٰ پنجاب وخیبرپختونخوا بھی اجلاس میں شریک ہوں گے، سندھ، پنجاب اور کے پی کےگورنرز بھی اجلاس میں شریک ہوں گے۔

    وزیراعظم کا لاک ڈاؤن کے دوران گرفتار افراد کو رہا کرنے کا حکم

    واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1296 تک جا پہنچی ہے، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 10 افراد جاں بحق اور 23 مریض صحت یاب ہوچکے ہیں۔

  • پی ٹی آئی سے بڑھتی ناراضگی، ایم کیوایم پاکستان کی بڑے فیصلے کی تیاری

    پی ٹی آئی سے بڑھتی ناراضگی، ایم کیوایم پاکستان کی بڑے فیصلے کی تیاری

    کراچی : ایم کیوایم پاکستان نےبڑےفیصلےکی تیاری شروع کردی ، ایم کیوایم پاکستان رابطہ کمیٹی کے ارکان نے سرجوڑ لیے ہیں اور حکومت سےعلیحدگی سمیت دیگر آپشنز پرغورجاری ہے۔

    تفصیلات کے مطابق ایم کیوایم پاکستان نے پی ٹی آئی سے بڑھتی ناراضگی اور دوریوں کے باعث بڑےفیصلےکی تیاری شروع کردی ہے ، ذرائع کا کہنا ہے کہ پی ٹی آئی کر اچی کوفنڈزجاری کرنےمیں سنجیدہ نہیں۔

    ایم کیوایم رہنماؤں نے گفتگو میں کہا ہے کہ حکومت صرف تسلی دےرہی ہے، 18ماہ ہوگئےاب تک کر اچی کےلئےکچھ نہیں ہوا ، حکومت وعدوں پرعمل نہیں کرتی توفیصلہ کرنےمیں آزادہیں۔

    ذرائع ایم کیوایم کا کہنا تھا کہ عوام کادباؤہےلیکن وفاقی حکومت سنجیدہ دکھائی نہیں دیتی، ایم کیوایم پاکستان رابطہ کمیٹی کےارکان نےسرجوڑلیے، عوام کو اعتماد میں لینے کی مہم اور علیحدگی سمیت دیگرآپشنزپرغور جاری ہے۔

    مزید پڑھیں : پی ٹی آئی اور ایم کیوایم میں اختلافات کی بڑی وجہ ترقیاتی فنڈز

    یاد رہے یم کیوایم کے رہنما خالد مقبول صدیقی نے مطالبات پورے نہ ہونے پر وزارت سے استعفیٰ دے دیا تھا  اور وفاقی کابینہ کے اجلاس میں بھی شرکت سے معذرت کر لی تھی۔

    بعد ازاں حکمران جماعت کی اتحادی ایم کیوایم پاکستان کو وفاق نے فنڈز فراہم کرنے کی یقین دہانی کروادی تھی تاہم ایم کیوایم کے رہنماؤں نے دوٹوک الفاظ میں واضح کیا تھا کہ وفاق کی جانب سے جب فنڈز مل جائیں گے اس کے بعدلائحہ عمل بنایا جائے گا۔

    خیال رہے گورنر سندھ نے کہا تھا کہ کہ کچھ معاملات پرایم کیو ایم پاکستان سے بات چیت جاری ہے، تاہم ان کے تحفظات کافی حد تک دورہوگئے ہیں، امید ہے بہت جلد ایم کیوایم پاکستان بہت جلد وفاقی کابینہ میں واپس آجائے گی۔