ARYNews.tv | Urdu – Har Lamha Bakhabar

Tag: پی ٹی آئی

  • میاں افتخارکی گرفتاری پر وزیراعظم اوروزیرداخلہ کااظہارتشویش

    میاں افتخارکی گرفتاری پر وزیراعظم اوروزیرداخلہ کااظہارتشویش

    اسلام آباد : وزیراعظم نوازشریف اوروزیرداخلہ چوہدری نثار نے اے این پی کے رہنما میاں افتخارحسین کی گرفتاری پراظہارتشویش کردیا۔ پولیس اورخفیہ اداروں سےرپورٹ طلب کرلی۔

    تفصیلات کے مطابق وزیراعظم نےکہا کہ سیاسی شخصیات سےقانون کےدائرےمیں رہتےہوئےاحترام سےپیش آیا جائے،انہوں نے میاں افتخار کی گرفتاری پر آئی جی پولیس،آئی بی اورخفیہ اداروں سے رپورٹ بھی طلب کرلی۔

    دوسری جانب وزیرداخلہ چوہدری نثار احمد خان نے بھی وفاقی سیکٹریری داخلہ کو خیبرپختونخوا کےآئی جی سے رپورٹ لینے کی ہدایت کی ہے،چوہدری نثارنےامیدظاہرکی کہ تفتیش میرٹ پر کی جائےگی۔

    واضح رہے کہ اے این پی کے جنرل سیکریٹری اورسابق صوبائی وزیراطلاعات میاں افتخارکومحافظ سمیت پی ٹی آئی کے کارکن کے قتل کے الزام میں گرفتارکرلیا گیا ہے۔

    ابتدائی تفتیش کے بعد پولیس نے مزید کارروائی کے لئے میاں افتخار کو پولیس اہلکاروں کی تحویل میں نوشہرہ کی کچہری میں پیش کیا جہاں ان کے خلاف مقدمہ درج کیا گیا۔

    مقدمہ تحریک انصاف سے تعلق رکھنے والے شیر خان نامی شخص نے درج کرایا ہے۔

  • اسٹریٹ چلڈرن کے خاتمے کے لئے مل کر کام کرنا ہوگا، ریحام خان

    اسٹریٹ چلڈرن کے خاتمے کے لئے مل کر کام کرنا ہوگا، ریحام خان

    لاہور : چیئر مین پی ٹی آئی عمران خان کی اہلیہ ریحام خان کا کہنا ہےکہ اسٹریٹ چلڈرن کے خاتمے کے لئے ہمیں ملکر کام کرنا ہوگا۔

    لاہور میں  اسٹریٹ چلڈرن کے حوالے سے تقریب سے خطاب کرتے ہوئے ان کا کہنا تھا کہ پی ٹی آئی کی مقبولیت کم نہیں بلکہ بڑھی ہے۔ ریحام خان کا کہنا تھا کہ پاکستان تحریک انصاف واحد جماعت ہے جہاں پارٹی الیکشن ہوتے ہیں۔

    اپنے خطاب میں ریحام خان نے اسٹریٹ چلڈرن کو اپنے بچے قرار دیا۔ ان کا کہنا تھا ان کے خواب ہم نے چھینے ہیں اور ہم نے ہی ان کو واپس دلانا ہے۔

    یہ اسٹریٹ چلڈرن نہیں ہمارے بچے ہیں ،ریحام خان نے کہا کہ بچوں کا مستقبل کوڑے کا ڈھیر نہیں ہونا چاہئے ، ریحام خان نے کہا ہر بات کو سیاسی رنگ نہیں دینا چاہئے۔

    ایئر کنڈیشنڈ اور کالے شیشے والی گاڑیوں میں بیٹھ کر بچوں کے مسائل کا احساس نہیں ہوتا۔شادی کے بعد ریحام خان پہلی بار لاہور پہنچیں اور اسٹریٹ چلڈرن کے حوالے سے تقریب میں شرکت کی ۔

    بچوں کے ساتھ تصویریں بنوائیں اوران میں گھل مل گئیں ۔ ریحام خان کو اپنے درمیان پا کر بچوں کی خوشی بھی دیدنی تھی ، تقریب سے خطاب کرتے ہوئے ریحام خان نے کہا کہ بے سہارا بچے صرف حکومت کی ہی نہیں ، ہم سب کی ذمہ داری ہیں ۔

  • لاہور: پی ٹی آئی اور لیگی کارکنوں میں تصادم، فائرنگ سے 9زخمی

    لاہور: پی ٹی آئی اور لیگی کارکنوں میں تصادم، فائرنگ سے 9زخمی

    لاہور: کنٹونمنٹ بورڈ کے انتخابات میں فائرنگ سے نو افراد زخمی ہوگئے ڈی اائی جی آپریشنز داکٹر حیدر اشرف کا کہنا ہے کہ فائرنگ کرنے والے پی ٹی آئی کے کارکنا اور زخمی ہونے والے ن لیگ کے کارکنان ہیں۔

    لاہور کنٹونمنٹ بورڈ کے وارڈ نمبر نو میں فائرنگ کا واقعہ اس وقت پیش آیا جب ن لیگ کے فاتح امیدوار حاجی محمد منیر اور کارکنان جشن مناتے ہوئے پی ٹی آئی کے کیمپ کے سامنے سے گزرے، نو زخمی افراد کو جنرل اسپتال منتقل کردیا گیاجن میں تمام کی حالت خطرے سے باہر ہے۔

    ڈی آئی جی آپریشنز ڈاکٹرحیدر اشرف کے مطابق فائرنگ کرنے والے پی ٹی آئی کے چار کارکنان کو گرفتار کرلیا گیا ہے۔

    وفاقی وزیر خواجہ سعد رفیق جنرل اسپتال میں زخمیوں کی عیادت کرنے کے لیے پہنچے اس موقع پر ان کا کہنا تھا کہ بارہ پولیس اہلکاروں اور بارہ فوجی اہلکاروں کی موجودگی میں فائرنگ پر کئی سوالات اٹھے ہیں ۔

    سعد رفیق نے کہا حکومت میں ہونے کے باعث ان کا لب و لہجہ قدرے نرم ہے تاہم تحریک انصاف آئندہ اس طرح کی غندہ گردی سے پہلے سوچ لے کہ ہمارا بھی جواب سخت ہوسکتا ہے۔

  • دوسرے صوبے سےآراوز کیلئے پی ٹی آئی کی درخواست مسترد

    دوسرے صوبے سےآراوز کیلئے پی ٹی آئی کی درخواست مسترد

    اسلام آباد: الیکشن کمیشن نے تحریک انصاف کی کراچی میں دوسرےصوبوں سےریٹرننگ افسران کیلئے درخواست مسترد کردی۔

    الیکشن کمیشن آف پاکستان نے پی ٹی آئی کی کراچی کے حلقے این اے دوسو چھیالیس کےضمنی انتخاب میں دوسرے صوبوں سے عملے کی تعیناتی کی درخواست مسترد کردی، الیکشن کمیشن نےتحریک انصاف کےرہنماءعلی زیدی کی درخواست کوناقابل قبول قراردےدیا ہے۔

    ذرائع الیکشن کمیشن کےمطابق تحریک انصاف کے علی زیدی نے الیکشن کمیشن کو دیگر صوبوں سے عملے کی تعیناتی کی درخواست  دی تھی جسے مستردکردیا گیا ہے۔

    الیکشن کمیشن کا موقف ہے کہ دوسرے صوبوں سےعملے کی تعیناتی ممکن نہیں، الیکشن کمیشن پولنگ نے  پندرہ روزقبل عملے کی تربیت مکمل اور تعیناتیوں کی فہرست کو حتمی شکل دیدی ہے، عوامی نمائندگی ایکٹ انیس سو چھہتر کے تحت پی ٹی آئی کی درخواست کے پابند نہیں ہیں۔

  • کراچی میں الطاف حسین کا جمہوری طرز دیکھ لیا، عمران خان

    کراچی میں الطاف حسین کا جمہوری طرز دیکھ لیا، عمران خان

    کراچی: چیئرمین تحریک انصاف عمران خان کا کہنا ہے کہ دنیا نے کراچی میں الطاف حسین کا جمہوری طرز دیکھ لیا اور یہ وہی انداز ہے جو جرمنی کی نازی پارٹی کا تھا۔

    کراچی کے قومی اسمبلی کے حلقہ دوچھیالیس میں ضمنی انتخاب سے پہلے ہی سیاسی ماحول گرم ہے سماجی رابطے کی ویب سائٹ ٹوئٹر پر اپنے ایک ٹوئٹ میں عمران خان نے کہا کہ تحریک انصاف کراچی کے شہریوں کو ایم کیو ایم کے خوف سے نجات دلائے گی۔

     عمران خان کا کہنا تھاکہ این اے دو سو چھیالیس کے ضمنی انتخاب میں شکست کے خوف کے باعث الطاف حسین پریشان ہیں جس کی وجہ سے اس قسم کے اقدامات کیے جارہے ہیں۔

     

    عمران خان نے کہا کہ  تحریک انصاف الطاف حسین کے غنڈوں سے گھبرانے والی نہیں، ایک تھایندار کو معطل کرکے عوام کو بیوقوف نہ بنا یا جائے۔

     ان کا کہنا تھا کہ کراچی کے شہریوں کو ایم کیو ایم سے آزاد کرائیں گے، عمران خان نے سندھ حکومت سے پی ٹی آئی کو شرپسند عناصر سے تحفظ دینے کا مطالبہ بھی کیا۔

  • حکومت پیھچے ہٹی توسڑکوں پرآئیں گے،عمران خان

    حکومت پیھچے ہٹی توسڑکوں پرآئیں گے،عمران خان

    لاہور: تحریک انصاف کے سربراہ عمران خان جوڈشیل کمیشن کی تشکیل کے معاہدے میں تبدیلی کیلئے تیار نہیں۔ انہوں نے کہاکہ اگرحکومت پیچھے ہٹی تو سڑکوں پر آئینگے۔

    پی ٹی آئی کے چیئرمین عمران خان نے لاہور میں میڈیا سے گفتگو کرتے ہوئے عمران خان نے کہا کہ حکومت سے اب کسی قسم کی کوئی بات نہیں ہوگی، ہم سڑکوں پر نکلے تو نوازشریف کے لیے حکومت کرنا مشکل ہوجائے گا، حکومت جوڈیشل کمیشن کے قیام سے ڈری ہوئی ہے کیونکہ اس کے ذریعے دھاندلی سامنے آجائے گی تاہم نوازشریف کو پیغام دیتا ہوں کہ ایم او یوز کو کسی صورت تبدیل نہیں کیا جائے گا۔

     عمران خان نے سوشل میڈیا میں اپنی اور عارف علوی کی آڈیو ٹیپ سننے کےبارے میں لاعلمی ظاہر کی اور کہا کہ فون کال ٹیپ کرنا جرم ہے، عمران خان نے کہا کہ میں نے فون کال پر کسی کی ٹارگٹ کلنگ کرنے کیلئے نہیں کہا ہوگا۔

    یمن کی صورتحال پر ان کا کہنا تھا کہ نوازشریف کی حکومت نے کسی اور کی جنگ میں شامل ہونے کا فیصلہ کیا ہے ، ہمیں اپنے پڑوسی ملک ایران اور دوست سعودی عرب کے درمیان مسائل حل کرنے کے لیے کردار ادا کرنا چاہئے۔

     عمران خان نے کہا کہ ہمیں ماضی سے سکھنا چاہیئے کہ دس سال کےدوران امریکی جنگ میں ہمارے ہزاروں فوجی اور عوام مارے گئے، ملک کو اربوں ڈالر کانقصان پہنچا، ہمیں اس جنگ میں شریک نہیں ہونا چاہئے کیونکہ امریکا کی جنگ میں شریک ہوکر ہم نے جو نقصان اٹھایا اسے ساری قوم آج تک بھگت رہی ہے۔

  • حکومت اورپی ٹی آئی جوڈیشل کمیشن کے قیام پرمتفق

    اسلام آباد : حکومت اورپی ٹی آئی جوڈیشل کمیشن پرمتفق ہوگئےہیں،  کمیشن انتخابی دھاندلی کی تحقیقات کرےگا۔

    تفصیلات کے مطابق پاکستان تحریک انصاف کے رہنما شاہ محمود قریشی ،جہانگیر ترین اور وفاقی وزیرخزانہ اسحاق ڈار نے اسلام آباد میں مشترکہ پریس کانفرنس کی۔

    پریس کانفرنس سے خطاب کرتے ہوئے اسحاق ڈار نے کہا کہ حکومت اور پی ٹی آئی جوڈیشل کمیشن کے قیام پرمتفق ہو گئی ہیں اور جوڈیشل کمیشن جلد قائم کردیا جائے گا۔

    انہوں نے کہا کہ دونوں جانب سے سنجیدگی سے بات چیت کی گئی، ان کا کہنا تھا کہ پی ٹی آئی نے مذاکرات میں لچک دکھائی جو خوش آئند ہے۔

    انہوں نے بتایا کہ انتخابی دھاندلی کی تحقیقات کیلئے جوڈیشل کمیشن کے قیام پر ن لیگ اور تحریک انصاف میں اتفاق ہوگیا ہے جس میں چارنکات پر سمجھوتہ ہواہے۔

    اسحاق ڈارنے کہا کہ جوڈیشل کمیشن کے اختیارات پر بھی اتفاق پایا گیاہے،جس کیلئے جرگے کے تمام ممبران کے مشکور ہیں، جن کی کوششوں سے حکومت اور پی ٹی آئی کے درمیان معاملات طے پائے۔

    اس موقع پر صحافیوں سے گفتگو کرتے ہوئے شاہ محمود قریشی نے کہا کہ دو ہزار تیرہ کے انتخابات دھاندلی کے حوالے سے دو سال سے زیر بحث ہیں۔

    ان کا کہنا تھا کہ پاکستان کا آئین ہر معاملے میں رہنمائی فراہم کرتا ہے،انہوں نے کہا کہ ایسا نظام چاہتے ہیں جو سب کیلئے قابل قبول ہو اور جس سے جمہوریت کا فائدہ ہو۔

  • کراچی کی عوام تبدیلی چاہتے ہیں، شاہ محمود قریشی

    کراچی کی عوام تبدیلی چاہتے ہیں، شاہ محمود قریشی

    اسلام آباد: تحریک انصاف کے رہنما شاہ محمود قریشی کا کہنا ہے کہ سانحہ بلدیہ ٹاؤن کے ملزمان کو قانون کے کٹہرے میں لایا جائے، ان کا کہنا تھا کہ کراچی کی عوام تبدیلی چاہتی ہیں۔

     ایم کیو ایم رابطہ کمیٹی کی پریس کانفرنس کے جواب میں پی ٹی آئی کے رہنما شاہ محمود قریشی کا کہنا تھا کہ ایم کیو ایم کاگھبرائی ہوئی ہے عمران خان کے خلاف جیسی زبان استعمال کی گئی اس پر ان کا ردعمل فطری تھا۔

    شاہ محمود قریشی کاکہنا تھا کہ ایم کیو ایم نے ہمارے خلاف غیر مہذب زبان استعمال کی ہے اور وہ اس وقت بوکھلاہٹ کا شکار ہے کبھی کہتی ہے کہ پی ٹی آئی نے دھرنا کسی کے کہنے پر دیا اور کبھی اس کی حمایت کرتی ہے ۔

    سانحہ بلدیہ ٹاون پر پی ٹی آئی کے رہنما کا کہنا تھا کہ سانحہ بلدیہ ٹاون کی تحقیقات پر پردہ ڈالنے کی کوشش کی جا رہی ہے جبکہ حکومت سندھ بھی جے آئی کی رپورٹ کی تائید کرتی ہے اور جے آئی ٹی کی رپورٹ کووزیر اعظم بھی نظر انداز نہیں کر سکتے ۔

  • پی ٹی آئی نے آئینی ترمیم کے عمل میں شرکت نہیں کی،حامد خان

    پی ٹی آئی نے آئینی ترمیم کے عمل میں شرکت نہیں کی،حامد خان

    اسلام آباد : تحریک انصاف نےاکیسویں ترمیم کےعمل میں شرکت نہیں کی،حامد خان نےسپریم کورٹ کوآگاہ کردیا،کہتےہیں پٹیشن کی اگلی سماعت تک فوجی عدالتوں کاکام کرنا مناسب نہیں ہوگا۔

    تفصیلات کے مطابق اکیسویں آئینی ترمیم اور فوجی عدالتوں کے قیام کیخلاف سپریم کورٹ میں لاہور ہائیکورٹ بار ایسوسی ایشن کی پٹیشن کی سماعت ہوئی۔

    چیف جسٹس جسٹس ناصر الملک کی سربراہی میں تین رکنی بینچ نے پٹیشن کی سماعت کی۔ جسٹس گلزار نےلاہور بار کے حامد خان سے استفسار کیا کہ آپ کی پارٹی بھی اس ترمیم میں شریک تھی

    جواب میں  حامد خان کا کہنا تھاکہ وہ یہاں ہائی کورٹ بار کے وکیل کی حیثیت سے موجود ہیں، تاہم پی ٹی آئی نے آئینی ترمیم کے عمل میں شرکت نہیں کی۔

    عدالت کےباہر میڈیا سے گفتگو میں لاہور بار کے حامد خان کاکہنا تھا کہ پٹیشن کی آئندہ سماعت تک فوجی عدالتوں کا کام شروع کرنا مناسب نہیں ہوگا۔

    لاہور ہائیکورٹ بار کے صدر شفقت چوہان کا کہنا تھا کہ سیاسی جماعتیں آئین کے تحفظ میں ناکام رہیں شفقت چوہان کامزید کہنا تھا کہ آئین میں غیر آئینی ترمیم کی گئی ہے۔

  • جان کیری کا دورہ پاکستان، شاہراہوں کی بندش پر پی ٹی آئی کا اظہار تشویش

    جان کیری کا دورہ پاکستان، شاہراہوں کی بندش پر پی ٹی آئی کا اظہار تشویش

    اسلام آباد: پاکستان تحریک انصاف نے امریکی وزیر خارجہ کے دورہ پاکستان کے دوران وفاقی دارالحکومت میں اہم شاہراہوں کی بندش پر انتہائی تشویش کا اظہار کیا ہے۔

     ترجمان تحریک انصاف شیریں مزاری نے کہا ہے کہ امریکی وزیرخارجہ کے دورہ پاکستان کے دوران وفاقی دارالحکومت کے نظام کو حکومت کی جانب سے درہم برہم کیے جانے کی شدید مذمت کرتے ہیں۔

    ان کا کہنا تھا کہ سکیورٹی اور پروٹوکول کے نام پر شہریوں کی آزادانہ نقل و حرکت میں حکومت کی جانب سے رکاوٹیں ناقابلِ قبول ہیں اور بیرونی حکمرانوں کے دوروں کے دوران اہم شاہراہوں پر عوامی داخلے کی بندش جیسی قبیح روایت کا خاتمہ ہونا چاہیے۔

    ان کا مزیدکہنا تھا کہ امریکی وزیرخارجہ اور ان کے وفد کے اراکین کی ایک جگہ سے دوسری جگہ منتقلی کیلئے زمینی کی بجائے فضائی رستہ اختیار کر کے شہریوں کی مشکلات میں کمی ممکن بنائی جا سکتی تھی تاہم حکومت نے اپنے امریکی مہمانوں کی خوشنودی کی خاطر عوام کے روز مرہ کے معاملات میں رکاوٹیں کھڑی کر کے اور ان کے نقل و حرکت میں حائل ہو کر انتہائی نامعقولیت کا ثبوت دیا ہے۔