Tag: پی ٹی اے

اسلام آباد : پاکستان ٹیلی کمیونیکیشن اتھارٹی (پی ٹی اے) نے عوام کو کوریئر کمپنیوں کے نام ویری فکیشن کوڈز سے متعلق پیغامات سے ہوشیار رہنے کی ہدایت کردی۔

تفصیلات کے مطابق پاکستان ٹیلی کمیونیکیشن اتھارٹی (پی ٹی اے) نے عوام کو خبردار کیا ہے کہ وہ کوریئر سروسز کے جعلی نمائندوں کی جانب سے بھیجے جانے والے مشتبہ پیغامات سے ہوشیار رہیں، جن میں صارفین سے ذاتی اور حساس معلومات حاصل کرنے کی کوشش کی جا رہی ہے۔

پی ٹی اے کا کہنا تھا کہ ان پیغامات میں صارفین کو رقم کی ادائیگی کا جھانسہ دے کر ان سے شناختی معلومات طلب کی جاتی ہیں، جنہیں ممکنہ طور پر فراڈ اور دیگر مجرمانہ سرگرمیوں میں استعمال کیا جا سکتا ہے۔

جعلی ویری فکیشن کوڈ کسی کے ساتھ ہرگز شیئر نہ کریں ، کوریئر کمپنیوں کے نام پر ویری فکیشن کوڈز مانگے جاتے ہیں، ان پیغامات میں کال یا لنک کے ذریعے رابطہ کرنے کا کہا جاتا ہے تاکہ صارفین کو دھوکہ دیا جا سکے۔

اتھارٹی نے واضح کیا کہ ایسی کالز اور پیغامات سے صارفین کے اکاؤنٹس ہیک ہوسکتے ہیں، یہ پیغامات جعلی ہیں اور ان کا کوریئر سروسز یا کسی مجاز ادارے سے کوئی تعلق نہیں۔

مزید پڑھیں : فیک جاب آفرز سے ہوشیار

پی ٹی اے کا کہنا ہے کہ وہ ڈیجیٹل سکیورٹی کے تحفظ کے لیے مسلسل اقدامات کر رہا ہے اور شہریوں کو ایسے کسی بھی مشکوک پیغام پر ردِعمل دینے سے پہلے احتیاط برتنے کی ہدایت دی گئی ہے۔

عوام سے گزارش کی گئی ہے کہ وہ اس قسم کے فراڈ پیغامات کی فوری اطلاع متعلقہ حکام کو دیں تاکہ ان عناصر کے خلاف بروقت کارروائی کی جا سکے۔

اسلام آباد : واٹس ایپ صارفین ہوشیار ہوجائیں ، دھوکہ دہی اور جعلی واٹس ایپ پیغامات سے متعلق وارننگ جاری کردی گئی۔

تفصیلات کے مطابق پاکستان ٹیلی کمیونیکیشن اتھارٹی (پی ٹی اے) نے جعلی واٹس ایپ اکاؤنٹس سے عوام کو گمراہ کرنے دھوکہ دہی کے معاملات پر جعلی واٹس ایپ پیغامات سے متعلق وارننگ جاری کرتے ہوئے کہا ہے کہ عوام مشکوک نمبروں کو فی الفور بلاک کردیں۔

پی ٹی اے نے کہا ہے کہ جعلی واٹس ایپ اکاؤنٹس سے عوام کو گمراہ کیا جا رہا ہے، دھوکہ دہی پر مبنی پیغامات مشتبہ لنکس پر مشتمل ہوتے ہیں۔

پاکستان ٹیلی کمیونیکیشن اتھارٹی کا کہنا تھا کہ صارفین کو پالیسی خلاف واٹس ایپ اکاؤنٹ بند ہونے کا کہا جاتا ہے اور سیکورٹی تصدیق کیلئے جعلی لنکس پر کلک کرنے کا کہا جاتا ہے۔

وارننگ میں کہا گیا کہ مشکوک پیغامات مقامی اور بین الاقوامی نمبروں سے بھیجے جا رہے ہیں، واٹس ایپ کی جانب سے اس نوعیت کے پیغامات نہیں بھیجے جاتے۔

صارفین کو مشکوک لنکس پر کلک کرنے سے گریز کریں، مشتبہ پیغامات سے ڈیٹا چوری اور اکاؤنٹ ہیکنگ کا خطرہ ہے۔

پی ٹی اے نے نے کی ہدایت کی ہے واٹس ایپ پر مشکوک پیغام رپورٹ کرنے کے لیے صارفین واٹس ایپ ہیلپ سینٹر سے رہنمائی حاصل کریں۔

پی ٹی اے کی جانب سے ڈیجیٹل سیکیورٹی کے لیے محتاط رہنے پر زوردیاہےکہا ہے کہ عوام واٹس ایپ میں ٹو اسٹیپ ویری فکیشن فعال کریں۔

اسلام آباد: پی ٹی اے نے 1 لاکھ 63 ہزار 200 غیر قانونی موبائل سمز بلاک کر دیں، جس میں کون کونسے صارفین شامل ہیں۔

تفصیلات کے مطابق غیرقانونی اور جعلی سمز کیخلاف پی ٹی اے کا کریک ڈاؤن جاری ہے، دستاویز میں بتایا گیا کہ پی ٹی اے نے اب تک 1 لاکھ 63 ہزار 200 غیر قانونی موبائل سمز بلاک کر دیں جبکہ 64 لاکھ 30 ہزار غیر فعال سمز مستقل طور پر بند کر دی گئیں۔

دستاویز میں کہنا تھا کہ فوت شدگان کے شناختی کارڈ پر چلنے والی 29 لاکھ 89 ہزار 925 سمز، نئے اضلاع میں غیر متعلقہ خواتین کے نام پر رجسٹرڈ 1 لاکھ 71 سمز اور منسوخ ہونیوالے شناختی کارڈز پر 69 ہزار 246 سمز بلاک کی گئیں ہیں۔

پی ٹی اے دستاویز میں کہا گیا کہ 3 لاکھ 60 ہزار زائد المیعاد شناختی کارڈز پر 7 لاکھ 83 ہزار سمز بلاک ہوئیں۔

پی ٹی اے نے جعلی سمز کے خلاف سخت نگرانی اور کارروائی تیز کر دی اور ملک بھر میں 62 چھاپوں میں غیرقانونی سم کی فروخت میں ملوث 72 افراد کو گرفتار کیا گیا۔

مزید پڑھیں : پی ٹی اے کا لاکھوں موبائل سمز بند کرنیکا فیصلہ، کونسے لوگ زد میں آئیں گے؟

چھاپوں میں193غیرقانونی بائیومیٹرک ڈیوائسز اور 11 ہزار 470 سمز برآمد ہوئیں جبکہ جعلی بائیومیٹرک ڈیٹا کے 2 لاکھ 96 ہزار سے زائد ڈیجیٹل فنگرپرنٹس ضبط کرلیں۔

پی ٹی اے نے نیا ملٹی فنگر بائیومیٹرک ویریفکیشن سسٹم متعارف کرا دیا، ملک بھر میں 1 لاکھ 85 ہزار سے زائد لائیو فنگر ڈیوائسز نصب کردی گئیں۔

غیر مجاز ریٹیلرز پر پابندی، صرف مستند سروس سینٹرز کو سم فروخت کی اجازت ہے تاہم دھوکہ دہی سے بچنے کیلئے نئی سم فروخت میں وقفے کا دورانیہ بڑھا دیا گیاہے۔

اسلام آباد : پاکستان ٹیلی کام اتھارٹی نے موبائل صارفین کے لئے پیکیج کا اعلان کردیا ، جس کے تحت 2 جی بی ڈیٹا مفت ملے گا۔

تفصیلات کے مطابق پاکستان ٹیلی کمیونیکیشن اتھارٹی (پی ٹی اے) کی جانب سے بیان میں کہا گیا کہ ملک میں ٹیلی کام سبسکرائبرز کی تعداد 20 کروڑ تک پہنچ گئی۔

پی ٹی اے نے موبائل صارفین کے لئے پیکج کا اعلان کردیا، جس کے تحت بیس جون کو 24 گھنٹے کے لئے 2 جی بی ڈیٹا مفت فراہم کیا جائے گا۔

پی ٹی اے صارفین کو 20 جون کو 200 آن نیٹ بلکل مفت مہیا کئے جائیں گے۔

پی ٹی اے کے مطابق بیس کروڑ کی سطح عبور کرنے پر تمام صارفین کو پیکج دیا جارہا ہے، ملک میں موبائل فون سبسکرائبرز کی تعداد19 کروڑ 70 لاکھ سے زائد ہے۔

مزید پڑھیں : پی ٹی اے نے صارفین کو ’سم‘ سے متعلق خبردار کردیا

ملک میں 80.30 فیصد علاقوں موبائل سروس کی سہولت موجود ہے جبکہ براڈ بینڈ سبسکرائبرز کی تعداد 14 کروڑ 30 لاکھ سے زائد اور فکسڈ ٹیلی فون سبسکرائبرز کی تعداد 30 لاکھ تک ہے۔

اس سے قبل پاکستان ٹیلی کمیونی کیشن اتھارٹی نے صارفین کو ’سم‘ سے متعلق خبردار کرتے ہوئے کہا تھا کہ سم اپنے نام پر لازمی رجسٹرڈ کروائیں آپ کی سم کسی اجنبی کے زیر استعمال نہیں ہونی چاہیے۔

پاکستان ٹیلی کمیونیکیشن اتھارٹی کا کہنا تھا کہ جرائم پیشہ عناصر آپ کی چوری شدہ معلومات کا استعمال کرتے ہوئے آپ کے نام پر غیرقانونی موبائل سم حاصل کرسکتے ہیں جو فراڈ دیگر غیر قانونی سرگرمیوں اور دہشت گردی کے لیے استعمال ہوسکتی ہے