Tag: پی ٹی اے

اسلام آباد : وی پی این سروس فراہم کنندگان کو لائسنس کا اجرا شروع کردیا گیا، اقدام کاروباری اداروں کو وی پی این کے قانونی استعمال کی سہولت فراہم کرے گا۔

تفصیلات کے مطابق پاکستان ٹیلی کمیونیکیشن اتھارٹی ( پی ٹی اے) نے وی پی این سروس فراہم کنندگان کو لائسنس کا اجرا شروع کردیا۔

پی ٹی اے کی جانب سے 2 کمپنیوں کو درخواستوں پر لائسنس جاری کر دیا گیا، اقدام کاروباری اداروں کو وی پی این کے قانونی استعمال کی سہولت فراہم کرے گا۔

پاکستان ٹیلی کمیونیکیشن اتھارٹی کا کہنا تھا کہ ڈیٹا کی سیکیورٹی،پرائیویسی اور قواعد و ضوابط پر عمل درآمد یقینی بنایا جا سکتاہے، پی ٹی اے اداروں کو ذمہ داری کیساتھ کنیکٹیویٹی کی معاونت کیلئے پُرعزم ہے۔

پاکستان اپنے انٹرنیٹ کو بڑھانے کے لیے 26.5 Tb فی سیکنڈ کیبل کنیکٹیویٹی کا منصوبہ رکھتا ہے۔

مزید پڑھیں :وی پی این اور اے آئی استعمال کرنے والے صارفین ہوشیار!

یاد رہے نیشنل ٹیلی کام اینڈ انفارمیشن ٹیکنالوجی سیکیورٹی بورڈ نے وی پی این اور اے آئی استعمال کرنے والے صارفین کے سائبر حملوں سے متاثر ہونے کا خدشہ ظاہر کیا تھا۔

ایڈوائزری میں کہا گیا تھا کہ ملک میں سائبر حملوں کی نئی مہم کا کھوج لگایا گیا ہے، ذاتی معلومات، کوائف چوری کرنے کے لیے براؤزر ایکسٹیشنز کا استعمال کیا جاتا ہے۔

فیس بک، بینکنگ ویب سائٹس کے ذریعے معلومات چوری کا خدشہ ہے، 16 عام ایکسٹینشنز بشمول وی پی این اور اے آئی چیٹ بوٹس مشتبہ ہیں، اے آئی اسسٹنٹ چیٹ جی پی ٹی اور جیمنی برائے کروم بھی مشتبہ ہے۔

اسلام آباد : پاکستان ٹیلی کمیونیکیشن اتھارٹی( پی ٹی اے) نے فکسڈ سیٹلائٹ سروسز کی فراہمی کے لیے لائسنس کے اجرا کا فیصلہ کرلیا۔

تفصیلات کے مطابق اسٹارلنک کی پاکستان میں آمد کے حوالے سے اہم پیش رفت سامنے آئی، پاکستان ٹیلی کمیونیکیشن اتھارٹی( پی ٹی اے) نے فکسڈ سیٹلائٹ سروسز کی فراہمی کے لیے لائسنس کے اجرا کا فیصلہ کرلیا۔

پی ٹی اے نے فکسڈ سیٹلائٹ سروسز لائسنس کیلئے ڈرافٹ تیار کرلیا ، فکسڈ سٹیلائٹ سروس لائسنس کے تحت سروس فراہمی میں آسانی ہوگی۔

پی ٹی اے نے فکسڈ سیٹلائٹ سروسز لائسنس کے ڈرافٹ پر عوامی مشاورت کا آغاز کردیا، ڈرافٹ پر اسٹیک ہولڈرز سے 14 فروری تک رائے طلب کرلی۔

فکسڈ سٹیلائٹ سروسز کے تحت فکسڈ ارتھ اسٹیشنز، فکسڈ گیٹ وے ارتھ اسٹیشنزکے قیام کی اجازت ہوگی، سروسز لائسنس کے تحت فکسڈ ٹرمینل ارتھ اسٹیشنز کے قیام کی اجازت دی جائے گی۔

یہ سروس صرف رجسٹرڈ سیٹلائٹ آپریٹر کے ذریعے فراہم کی جا سکتی ہے ، لائسنس کے تحت عوامی سوئچڈ زمینی نیٹ ورک اورموبائل سیٹلائٹ سروسزکی ممانت ہوگی۔

لائسنس کے تحت ریڈیو اور ٹی وی براڈکاسٹنگ کی اجازت نہیں ہوگی ، بحری جہاز، ہوائی جہاز اور گاڑیوں کے لیے سیٹلائٹ پر مبنی سروسز کی اجازت نہیں ہوگی۔

پاکستان ٹیلی کمیونیکیشن ایکٹ، رولز، اور پاکستان اسپیس ایکٹیوٹیز رولز 2024 کی پابندی لازمی ہوگی ، فکسڈ سیٹلائیٹ سروسز لائسنس کی معیاد 15 سال ہوگی

فکسڈ سیٹلائیٹ سروسز لائسنس ہولڈر کو 18 ماہ کے اندر سروسز کا آغاز کرنا ہوگا، فکسڈ سیٹلائیٹ سروسز لائسنس کی ابتدائی فیس 5 لاکھ ڈالرز ہوگی ، لائسنس ہولڈر کو صارفین کے ڈیٹا کا تحفظ اور شفاف بلنگ سسٹم یقینی بنانا ہوگا۔

کراچی : پاکستان ٹیلی کمیونی کیشن اتھارٹی (پی ٹی اے) نے غیر قانونی موبائل بوسٹرز کے خلاف کریک ڈاؤن کرتے ہوئے 25 موبائل بوسٹر سیٹس اور ایک لیپ ٹاپ قبضے میں لےلیا۔

تفصیلات کے مطابق پاکستان ٹیلی کمیونی کیشن اتھارٹی نے غیر قانونی موبائل بوسٹرزاورایمپلی فائرز کی فروخت میں ملوث ریٹیلرز کیخلاف کارروائیاں کیں۔

پی ٹی اے کا کہنا تھا کہ کارروائی میں 25 موبائل بوسٹر سیٹس اورایک لیپ ٹاپ تحویل میں لے لیا گیا۔

ایف آئی اے سائبر کرائم سرکل نے معاملے کی تحقیقات شروع کردی ہے ، غیر قانونی ایمپلی فائرز لائسنس یافتہ اسپیکٹرم میں خلل کا باعث بنتے ہیں، اقدام سے موبائل فون آپریٹرز کی سروس کے معیار پر منفی اثرپڑتا ہے۔

پاکستان ٹیلی کمیونی کیشن اتھارٹی کا کہنا ہے کہ صارفین صرف پی ٹی اے کا ٹائپ اپرووڈ سامان استعمال کریں۔

اسلام آباد : پاکستان میں گستاخانہ اور فحش مواد پھیلانے والی ویب سائٹس کو بلاک کردیا گیا، پی ٹی اے کا کہنا ہے کہ ان ویب سائٹس کو بھی بلاک کیاجارہاہے جن کی اطلاع دی جاتی ہے۔

تفصیلات کے مطابق پاکستان ٹیلی کمیونیکیشن اتھارٹی ( پی ٹی اے) نے گستاخانہ اور فحش مواد پھیلانے والی ویب سائٹس کوبلاک کر دیا۔

پی ٹی اے نے بتایا کہ گستاخانہ اور غیر اخلاقی مواد کی بلاکنگ کے لیے مختلف اقدامات کررہے ہیں، ابتک 100183 گستاخانہ یوآرایل اور 844008 فحش سائٹس بلاک کی گئیں۔

ترجمان کا کہنا تھا کہ گستاخانہ ،غیر اخلاقی مواد پھیلانے والی ویب سائٹس کیخلاف کارروائی کی جارہی ہے، ان ویب سائٹس کو بھی بلاک کیاجارہاہے جن کی اطلاع دی جاتی ہے۔

مزید پڑھیں : وزارت مذہبی امور کا PTA کو گستاخانہ اور پورنوگرافی مواد ہٹانے کیلیے خط

گذشتہ روز وزارت مذہبی امور نے آن لائن پلیٹ فارم سے گستاخانہ اور پورنوگرافی مواد ہٹانے کیلیے پاکستان ٹیلی کمیونیکیشن اتھارٹی کو خط لکھا تھا۔

وزارت مذہبی امور کی جانب سے لکھے گئے خط میں مؤقف اختیار کیا گیا تھا کہ گستاخانہ اور پورنوگرافی مواد کی بدستور آن لائن پلیٹ فارم پر موجودگی تشویش ناک ہے، سپریم کورٹ نے پی ٹی اے کو ایسے مواد ہٹانے کیلیے پہلے سے احکامات جاری کر رکھے ہیں۔

خط میں کہا گیا تھا کہ پی ٹی اے تمام ذرائع استعمال کر کے غیر اخلاقی مواد فوری ہٹانے کیلیے اقدامات کرے، پورنوگرافی مواد کی آن لائن دستیابی معاشرے میں اخلاقی اقدار کو نقصان پہنچا رہی ہے۔

وزارت مذہبی امور کا کہنا تھا کہ پورنوگرافی، گستاخانہ و دیگر غیر اخلاقی مواد بلاک کرنے کیلیے فوری کارروائی کی جائے۔