Tag: پی ٹی اے

اسلام آباد : پاکستان میں متعدد انٹرنیٹ صارفین کی جانب سے انٹرنیٹ سروسز میں دشواری کے ساتھ وی پی این تک محدود رسائی کی وجہ سامنے آگئی۔

تفصیلات کے مطابق پاکستان ٹیلی کمیونیکیشن اتھارٹی ( پی ٹی اے) نے انٹرنیٹ پر دستیاب مفت ورچوئل پرائیوٹ نیٹ ورکس (وی پی این ) سروسزختم کرتے ہوئے صارفین کے لیے ’وی پی این ‘ کے استعمال کے لیے رجسٹریشن کو لازمی قرار دے دیا ہے۔

پاکستان میں متعدد انٹرنیٹ صارفین کی جانب سے انٹرنیٹ سروسز میں دشواری کے ساتھ ورچوئل پرائیویٹ نیٹ ورک ( وی پی این) تک محدود رسائی کی شکایات سامنے آئی ہیں۔

خیال رہے کہ وی پی این اس وقت استعمال کیا جاتا ہے جب ملک میں کوئی ویب سائٹ یا ایپلی کیشن بند ہوا۔

اگست میں پاکستان ٹیلی کمیونیکیشن اٹھارٹی ( پی ٹی اے) نے وی پی این کے استعمال پر سختی شروع کردی تھی، جس کا مقصد پہلے سے پابندی کا شکار مائیکرو بلاگنگ پلیٹ فارم ’ایکس‘ تک رسائی کو محدود کرنا تھا۔

اتوار کے روز پاکستان میں متعدد ایکس صارفین نے پلیٹ فارم پر لکھا کہ وی پی این کی رفتار کو کم کیا جارہا ہے اور اس کی رسائی کو محدود کیا جارہا ہے۔

اسلام آباد: پاکستان ٹیلی کمیونیکیشن اتھارٹی ( پی ٹی اے) نے ملک بھر میں غیر رجسٹرڈ ورچوئل پرائیویٹ نیٹ ورکس ( وی پی این) کو بلاک کرنے کا اشارہ دے دیا۔

تفصیلات کے مطابق پلوشہ خان کی زیرصدارت سینیٹ کی قائمہ کمیٹی آئی ٹی اینڈ ٹیلی کام کا اجلاس ہوا، اجلاس میں چیئرمین پی ٹی اے میجر جنرل (ریٹائرڈ) حفیظ الرحمٰان نے بتایا سوشل میڈیاایپس کیخلاف درخواستیں آ رہی ہیں، ٹک ٹاک 95، میٹا 65 اور ایکس کی 22 فیصد درخواستیں تھیں۔

ہمایوں مہند نے سوال کیا کہ بطور ممبراسمبلی وی پی این استعمال کروں تو کیا پالیسی کےلحاظ سےغلط ہوں ؟ انوشہ رحمان نے بھی سوال کیا دبئی اور چین میں انٹرنیٹ کی بندش کو کیسےمینج کیا جا رہا ہے ؟

جس پر چیئرمین پی ٹی اے نے بتایا کہ دبئی میں لوگ وی پی این رجسٹرڈکراتے ہیں، ہمارے پاس 20ہزار 500 افراد وی پی این پر رجسٹرڈ ہیں۔

حفیظ الرحمٰان کا کہنا تھا کہ رجسٹریشن کیلئے مہم چلا رہے ہیں ،غیر قانونی وی پی این بعد میں بلاک کریں گے۔

اسلام آباد: وفاقی حکومت کی ہدایت پر پاکستان ٹیلی کمیونیکیشن اتھارٹی (پی ٹی اے) نے غیر قانونی سمز کی بندش کے دوسرے مرحلے کا آغاز کر دیا۔

تفصیلات کے مطابق وفاقی حکومت کی ہدایت پر پی ٹی اے کا سمز کا غیر قانونی استعمال روکنے کیلئے آپریشن جاری ہے، پی ٹی اے نے غیر قانونی سمز کی بندش کے دوسرے مرحلے کا آغاز کر دیا ہے۔

ایک بیان میں پاکستان ٹیلی کمیونیکیشن اتھارٹی (پی ٹی اے) کے حکام کا کہنا ہے کہ جس کے شناختی کارڈ کی مدت 2017 سے پہلے مکمل ہو چکی اور تجدید نہیں کروائی، ان کی سمز کی بندش شروع کر دی ہے۔

پی ٹی اے کا کہنا ہے کہ شہری سمز کی بندش سے بچنے کے لیے شناختی کارڈز کی تجدید کروائیں، پہلے مرحلے میں جعلی سمز اور کینسل ہونے والے شناختی کارڈز پر سمز بند کی گئیں۔

پی ٹی اے نے کہا کہ 16 اگست سے اب تک 69 ہزار سے زائد غیر قانونی سمز بند کی گئیں، نادرا سے حاصل ڈیٹا کی بنیاد پر غیرقانونی سمز کو بند کیا جارہا ہے۔

حکام کا کہنا ہے کہ تیسرے مرحلے میں فوت شدہ افراد کے نام پر رجسٹرڈ سمز کو بند کیا جائیگا، موبائل سمز کی بندش سے قبل صارفین کو آگاہی پیغامات بھجوائے جارہے ہیں۔

 پی ٹی اے حکام نے مزید کہا کہ جعلی سمز مختلف غیرقانونی سرگرمیوں میں استعمال کی جا رہی ہیں، غیرقانونی سمز دہشت گردی، مالیاتی فراڈ اور دیگر سرگرمیوں میں استعمال کی جاتی ہیں۔

کراچی : پاکستان ٹیلی کمیونیکیشن اتھارٹی ( پی ٹی اے) نے انٹرنیٹ کی سست رفتاری کی وجہ 2 سب میرین کیبل میں خرابی کو قرار دے دیا۔

تفصیلات کے مطابق ذرائع پی ٹی اے کی جانب سے کہا گیا ہے کہ کراچی سمندر کے قریب ایس ایم ڈبلیو فور کیبل میں خرابی پیدا ہوئی، کیبل میں خرابی دور ہونے سے متعلق کوئی ٹائم لائن نہیں بتائی جاسکتی۔

ذرائع کا کہنا تھا کہ ایس ایم ڈبلیو فور کیبل میں 18 جون 2024 کو فالٹ سامنے آیا، اے اے ای ون کیبل میں خرابی ایران اور قطر کی ری روٹنگ کے باعث آئی۔

پاکستان ٹیلی کمیونیکیشن اتھارٹی نے کہا کہ اے اے ای ون کیبل میں خرابی 27 اگست تک دور ہونے کا امکان ہے، اس کیبل کی ٹریفک کو متبادل ذرائع آئی ایم وی ای کیبل پر منتقل کیا جارہا ہے۔

یاد رہے گذشتہ روز چیئرمین پاکستان ٹیلی کمیونیکیشن اتھارٹی حفیظ الرحمان نے انٹرنیٹ سست ہونے کی وجہ بتاتے ہوئے کہا تھا کہ 7 عشاریہ 5 ٹیرابائٹ ڈیٹا ایک کیبل سے پاکستان آتا ہے، سب میرین کیبل میں فالٹ کی وجہ سے انٹرنیٹ متاثر ہے، 7 فائبر اپٹک کیبل پاکستان آتی ہیں جس میں سے ایک خراب ہے۔

ان کا کہنا تھا کہ 27 اگست تک کا وقت ہے وہ کیبل ٹھیک ہوجائے گی، اس صورتحال پر وی پی این کے استعمال سے مقامی انٹرنیٹ ڈاؤن ہوا۔

اسلام آباد : پاکستان ٹیلی کمیونیکیشن اتھارٹی ( پی ٹی اے ) نے ملک بھر میں ‘سست’ انٹرنیٹ سروسز کی وجہ بتاتے ہوئے کہا کہ صورتحال آئندہ چند روز میں بہتر ہوجائے گی۔

تفصیلات کے مطابق اس وقت سست انٹرنیٹ نہ صرف تقریباً تمام پاکستانیوں کے لیے درد سربناہوا ہے،، بلکہ سنگین شکل اختیارکرچکا ہے۔

سست روی اور تعطل کے شکار انٹرنیٹ نے رابطوں،آن لائن کاروبار، فری لانسرز اور آئی ٹی انڈسٹری کو بری طرح متاثر کررکھا ہے۔

پاکستان ٹیلی کمیونیکیشن اتھارٹی کی انٹرنیٹ کی سست روی کی وجہ بتاتے ہوئے کہا کہ فائر وال کی تنصیب کےباعث انٹرنیٹ اورسوشل میڈیاایپلیکیشنز تعطل کا شکار ہورہی ہیں ، تاہم صورتحال آئندہ چند روز میں بہتر ہوجائے گی۔

یاد رہے سینیٹ کی قائمہ کمیٹی برائےانفارمیشن ٹیکنالوجی کےاجلاس میں بھی یہ مسئلہ اٹھایا گیا تھا، سینیٹر افنان اللہ کا کہنا تھا کہ انٹرنیٹ کی بندش سے اب تک قومی خزانے کو پانچ سو ملین کا نقصان پہنچ ہوچکا ہے۔

وفاقی وزیر مملکت شیزا فاطمہ نے کہا تھا کہ ہم فائیو جی کی طرف جانا چاہتے ہیں لیکن انٹرنیٹ سلو ہونے سے مسائل پیدا ہو رہے ہیں، اس حوالے سے پی ٹی اے سے رپورٹ طلب کر لی ہے۔

قائمہ کمیٹی نےدوہفتوں میں انٹرنیٹ اورسوشل میڈیا کا مسئلہ حل کرنے کی ہدایت کردی تھی۔

اسلام آباد : پاکستان ٹیلی کام اتھارٹی کا موبائل سمز بند کرنے کا نیا پلان سامنے آگیا، کن افراد کی سمز بند کی جائے گی۔

تفصیلات کے مطابق پاکستان ٹیلی کام اتھارٹی نے سمز کی بندش کیلئے نیا پلان تیار کرلیا، ذرائع نے بتایا کہ اس سلسلے میں پی ٹی اے نے نادرا سے ڈیٹا حاصل کرلیا ہے۔

ذرائع کا کہنا ہے کہ تین مراحل میں سمز کو بند کیا جائےگا، پہلے فیز میں جعلی اورمنسوخ شناختی کارڈز پر رجسٹرڈ سمز بند کی جائیں گی۔

دوسرے فیز میں ایکسپائر شناختی کارڈز پر رجسٹرڈ سمز کو بند کیا جائے گا جبکہ تیسرے فیز میں انتقال کرنے والے افراد کےنام پر رجسٹرڈسمزکو بند کیا جائےگا۔

پی ٹی اے کی جانب سے صارفین کو میسجز موصول ہوناشروع ہوگئے ہیں ، سمز کو مرحلہ وار بند کرنےکاعمل 16اگست سےشروع ہوگا۔