Tag: پی ٹی اے

اسلام آباد : اسلام آباد ہائی کورٹ نے پی ٹی اے کو سوشل میڈیا ریگولیشنز بنا کر پیش کرنے کا حکم دے دیا، چیف جسٹس ہائی کورٹ نے ریمارکس میں سوشل میڈیا خطرناک ہتھیار بن چکا ہے۔

تفصیلات کے مطابق اسلام آباد ہائی کورٹ می 5 اینکر پرسنز کے عدالت سے متعلق متنازع بیان پر توہین عدالت کی درخواست پر سماعت ہوئی ، چیف جسٹس اطہر من اللہ نے سماعت کی۔

سماعت میں چیئرمین پیمرا کی جانب سے عدالت میں رپورٹ جمع کرائی ، چیف جسٹس اطہرمن اللہ نے ریمارکس میں کہا کہ صحافیوں کا جمہوریت کی بالادستی میں بڑا کردار ہے، میڈیا پر بھاری ذمہ داری ہے کہ حق کی آواز بلند کرے۔

اظہاررائےکی آزادی کیساتھ میڈیا پرکچھ پابندیاں بھی ہیں، میڈیا کوریگولیٹ کرنا ضروری ہے نہیں تو معاشرے میں انتشار ہوگا،پی بی اے، آر آئی یو جے و دیگر صحافتی تنظیموں نے جواب جمع نہیں کرایا، سوشل میڈیا ریگولیٹ کرنے کیلئےریگولیشنز وضع کرنا ضروری ہیں۔

نمائندہ پی ٹی اے نے بتایا کہ عدالتی احکامات پرسوشل میڈیارولزبنا کر وفاق کوبھیجےہیں، جس پر چیف جسٹس نے استفسار کیا بغیر رولز بنائے آزادی اظہاررائےپرپی ٹی اےکیسےپابندی لگاسکتاہے؟

چیف جسٹس ہائی کورٹ نے ریمارکس میں کہا کہ آزاد سوشل میڈیا عدالت کے لئے بڑا چیلنج ہے، سوشل میڈیا خطرناک ہتھیار بن چکا ہے۔

اسلام آباد ہائی کورٹ نے پی ٹی اے کو سوشل میڈیا ریگولیشنز بنا کر پیش کرنے کا حکم دے دیا۔

لاہور: غیر قانونی ٹیلی فون ایکس چینجز کے خلاف پی ٹی اے اور ایف آئی اے کے کریک ڈاؤن میں اداروں نے لاہور میں ایک غیر قانونی ٹیلی فون ایکسچینج پکڑ لیا، اور 5 افراد کو حراست میں لے لیا گیا۔

تفصیلات کے مطابق لاہور میں گرے ٹریفک کے خلاف پی ٹی اے زونل آفس اور ایف آئی اے نے مشترکہ کارروائی کر کے پانچ افراد کو حراست میں لے لیا، ایف آئی اے حکام کا کہنا ہے کہ چھاپے کے دوران ایک فعال غیر قانونی گیٹ وے ایکس چینج پکڑا گیا ہے۔

ایف اے آئی کے مطابق غیر قانونی ایکس چینج میں کام کرنے والے پانچ افراد کو حراست میں لے کر ان سے تین لیپ ٹاپ، ایک میڈیا کنورٹر، چار موڈیم سمیت دیگر سامان قبضے میں لے لیا گیا ہے، ایکسچینج میں 30 فعال فکس لائن ٹیلی فون نمبرز استعمال کیے جا رہے تھے، زیر حراست افراد سے مزید تفتیش جاری ہے۔

یہ بھی پڑھیں:  پی ٹی اے نے 9 لاکھ 33 ہزار 775 ویب سائٹس بلاک کردیں

پی ٹی اے حکام کے مطابق غیر قانونی ٹیلی فون ایکس چینج چلا کر قومی خزانے کو نقصان پہنچایا جا رہا تھا۔

یاد رہے کہ گزشتہ ہفتے قومی اسمبلی میں بتایا گیا تھا کہ پی ٹی اے ملک میں قابل اعتراض مواد کی حامل 9 لاکھ 33 ہزار 775 ویب سائٹس بلاک کر چکی ہے، ان ویب سائٹس پر عدلیہ مخالف، ریاست مخالف اور گستاخانہ مواد اپ لوڈ کیا جاتا تھا۔