ARYNews.tv | Urdu – Har Lamha Bakhabar

Tag: پی پی پی

  • مراد علی شاہ کے دوبارہ وزیرِ اعلیٰ بننے کا امکان، اپوزیشن لیڈر کے لیے فردوس شمیم کا نام فائنل

    مراد علی شاہ کے دوبارہ وزیرِ اعلیٰ بننے کا امکان، اپوزیشن لیڈر کے لیے فردوس شمیم کا نام فائنل

    کراچی: سندھ میں حکومت سازی کے لیے پی پی نے تیاریاں مکمل کر لی ہیں، غالب امکان ہے کہ مراد علی شاہ ایک بار پھر سندھ کے وزیرِ اعلیٰ کا منصب سنبھالیں گے۔

    تفصیلات کے مطابق پاکستان پیپلز پارٹی کے چیئرمین بلاول بھٹو نے پنجاب سے منتخب اراکین کا اجلاس آج کراچی میں طلب کرلیا، پی پی نے سندھ میں حکومت بنانے کے لیے تیاریاں بھی مکمل کرلیں۔

    آج طلب کیے گئے اجلاس میں سندھ میں حکومت سازی اور پارلیمنٹ میں پیپلز پارٹی کے کردار پر مشاورت کی جائے گی، مراد علی شاہ کے دوبارہ وزیرِ اعلیٰ بننے کا امکان ہے۔

    ذرائع کے مطابق سابق وزیرِ اعلیٰ سندھ قائم علی شاہ، ناصرشاہ اور فریال تالپور کے نام بھی وزیرِ اعلیٰ کے منصب کے لیے گردش میں ہیں۔

    پیپلزپارٹی نے اپوزیشن جماعتوں‌ کو حلف اٹھانے پر راضی کر لیا، جنگ پارلیمنٹ میں لڑنے کا عزم

    دوسری طرف پاکستان تحریکِ انصاف کی جانب سے اپوزیشن لیڈر کے لیے فردوس شمیم نقوی کا نام بھی تقریباً فائنل کر لیا گیا ہے۔

    واضح رہے کہ انتخابات 2018 میں سندھ میں پاکستان پیپلز پارٹی کو اکثریت حاصل ہوئی ہے، پی پی نے پہلے ہی سندھ میں حکومت بنانے کا فیصلہ کر لیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پیپلز پارٹی اور ایم ایم اے رہنماؤں کی ملاقات: پی پی کا اسمبلی میں بیٹھنے کا فیصلہ

    پیپلز پارٹی اور ایم ایم اے رہنماؤں کی ملاقات: پی پی کا اسمبلی میں بیٹھنے کا فیصلہ

    اسلام آباد: پاکستان پیپلز پارٹی کے وفد اور متحدہ مجلس عمل کے رہنماؤں کے درمیان اہم ترین ملاقات میں پی پی نے اسمبلی میں بیٹھنے کا فیصلہ کر لیا ہے۔

    تفصیلات کے مطابق ملک کے دارلحکومت میں ہونے والی اہم ترین ملاقات میں دونوں جماعتوں نے الیکشن کمیشن سے استعفے کا مطالبہ کر دیا۔

    پی پی وفد اور ایم ایم اے رہنماؤں کی ملاقات میں انتخابی صورتِ حال سے متعلق اہم مشاورت کی گئی، ملاقات کے بعد پی پی وفد نے میڈیا سے گفتگو کی۔

    پیپلز پارٹی کے وفد کے سربراہ سابق وزیر اعظم یوسف رضا گیلانی نے کہا کہ انھوں نے اسمبلی میں بیٹھنے کا فیصلہ کیا ہے، مطالبہ ہے کہ الیکشن کمیشن مستعفی ہو۔

    ملاقات میں الیکشن میں شکست کا معاملہ پارلیمنٹ کے فلور پر اٹھانے پر زور دیا گیا، تاہم مولانا فضل الرحمان کی طرف سے کہا گیا کہ اس سلسلے میں حتمی فیصلہ کل آل پارٹیز کانفرنس میں کریں گے۔

    یوسف رضا گیلانی نے کہا کہ اپنی آواز قومی اسمبلی میں اٹھانا ہوگی۔ پی پی وفد میں خورشید شاہ، یوسف رضا گیلانی، راجہ پرویز اشرف، شیری رحمان، نوید قمر اور قمر زمان کائرہ شامل تھے۔

    فضل الرحمان

    دوسری طرف ایم ایم اے رہنما فضل الرحمان نے بھی میڈیا سے گفتگو کرتے ہوئے کہا کہ پیپلز پارٹی نے بھی انتخابات کو دھاندلی قرار دیا ہے، ہم اس الیکشن کو تسلیم نہیں کرتے، یہ دھاندلی زدہ ہیں۔

    پنجاب میں حکومت سازی کے لیے جوڑ توڑ جاری، شہباز شریف کی پیپلز پارٹی رہنما سے ملاقات

    جمعیت علمائے اسلام (ف) کے سربراہ نے کہا کہ وہ کوشش کریں گے کہ جمہوری جماعتیں موجودہ صورتِ حال میں بھرپور کردار ادا کریں، ہم عوام کے حق کی جنگ لڑیں گے۔

    واضح رہے کہ پاکستان پیپلز پارٹی اور مسلم لیگ ن بھی اس بات پر متفق ہو گئی ہیں کہ پارلیمان میں بیٹھ کر مضبوط حزبِ اختلاف کا کردار ادا کیا جائے، دونوں نے الیکشن کمشنر سے فی الفور مستعفی ہونے کا مطالبہ کیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پیپلز پارٹی نے سیاسی جماعتوں سے رابطوں کے لیے کمیٹی تشکیل دے دی

    پیپلز پارٹی نے سیاسی جماعتوں سے رابطوں کے لیے کمیٹی تشکیل دے دی

    لاہور: پاکستان پیپلز پارٹی نے سیاسی جماعتوں سے رابطوں کے لیے کمیٹی تشکیل دے دی، 7 رکنی کمیٹی یوسف رضا گیلانی کی سربراہی میں سیاسی جماعتوں کے سربراہان سے رابطے کرے گی۔

    تفصیلات کے مطابق پی پی پی نے انتخابات کے نتائج سامنے آنے کے بعد نئی حکمت عملی کی تشکیل کے لیے سرگرمیوں کا آغاز کر دیا ہے، ہارنے والی جماعتوں کے ساتھ رابطوں کا سلسلہ بھی شروع ہو گیا ہے۔

    کمیٹی میں پی پی کے سینئر رہنما خورشید شاہ، شیری رحمان، فرحت اللہ بابر، قمر زمان کائرہ، راجہ پرویز اشرف اور نوید قمر شامل کیے گئے ہیں، یہ کمیٹی پارلیمانی گروپوں اور سیاسی جماعتوں سے رابطے کرے گی۔

    پاکستان پیپلز پارٹی کے مرکزی رہنما مولا بخش چانڈیو کہتے ہیں کہ پیپلز پارٹی پارلیمنٹ میں جمہوریت مستحکم کرنے میں حسبِ روایت اپنا کردار ادا کرے گی۔

    الیکشن کمیشن نے انتخابات 2018 کے مکمل نتائج جاری کر دیے

    دریں اثنا پیپلز پارٹی نے وفاق میں مخلوط حکومت کے لیے اتحاد کی تجویز مسترد کر دی ہے، ذرائع کا کہنا ہے کہ بلاول بھٹو اور آصف زرداری نے اتحادی حکومت بنانے کی تجویز ماننے سے انکار کر دیا ہے۔

    واضح رہے کہ پاکستان تحریکِ انصاف کو پنجاب  اسمبلی میں 123 نشستیں ملی ہیں جب کہ مسلم لیگ ن 64 سیٹوں کے ساتھ دوسرے نمبر پر ہے، تازہ اطلاعات کے مطابق چار آزاد امیدواروں نے پی ٹی آئی میں شمولیت کا اعلان کر دیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تبدیلی لانے والے لوٹے اکٹھے کر کے بھلا کیا تبدیلی لائیں گے: یوسف رضا گیلانی

    تبدیلی لانے والے لوٹے اکٹھے کر کے بھلا کیا تبدیلی لائیں گے: یوسف رضا گیلانی

    ملتان: سابق وزیراعظم یوسف رضا گیلانی نے کہا ہے کہ تبدیلی لانے والے بھلا لوٹے اکٹھے کر کے کیا تبدیلی لائیں گے.

    ان خیالات کا اظہار انھوں نے ملتان میں جلسے سے خطاب کرتے ہوئے کیا. ان کا کہنا تھا کہ بھٹو نے غریبوں کے لئے ہمیشہ کام کیا تھا، یہ سلسلہ آج بھی جاری رہے گا.

    [bs-quote quote=”پیپلزپارٹی آتی ہے تو سب کو ملازمتیں ملتی ہیں، ن لیگ آتی ہے تو ملازمتوں پر پابندیاں لگادی جاتی ہیں” style=”style-2″ align=”left” author_name=”یوسف رضا گیلانی”][/bs-quote]

    یوسف رضاگیلانی نے کہا کہ بھٹو نے پاکستان کو آئین دیا، ایٹمی قوت بنایا، بے نظیربھٹو نے جمہوریت کی بقا کے لئے کام کیا.

    سابق وزیر اعظم کا کہنا تھا کہ پیپلزپارٹی آتی ہے تو سب کو ملازمتیں ملتی ہیں، ن لیگ آتی ہے تو ملازمتوں پر پابندیاں لگادی جاتی ہیں.

    انھوں نے کہا کہ پیپلزپارٹی کےمنشور میں کسان دوست پالیسی شامل ہے، بے نظیرانکم سپورٹ پروگرام میں حق دار کو شامل کریں گے.

    پیپلزپارٹی کے سینئر رہنما کا کہنا تھا کہ نوجوان کی قیادت صرف بلاول بھٹوکرسکتے ہیں، جنوبی پنجاب صوبہ بنائیں گے،ملتان کو ترقی دیں گے.

    یوسف رضاگیلانی نے کہا کہ نیا پاکستان بنانے والے بنالیں، ہم پرانے سے گزارا کر لیں گے، تبدیلی لانے والے لوٹے اکٹھے کر رہے ہیں. یہ لاحاصل ہے۔

    الیکشن میں تاخیر ہوئی تو خمیازہ پیپلزپارٹی کو بھگتنا پڑے گا، یوسف رضا گیلانی

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • بلاول بھٹو کو روکنے والا پولیس افسر پی ٹی آئی امیدوار کا بھائی ہے، سعید غنی

    بلاول بھٹو کو روکنے والا پولیس افسر پی ٹی آئی امیدوار کا بھائی ہے، سعید غنی

    کراچی: پاکستان پیپلز پارٹی کے رہنما سعید غنی نے کہا ہے کہ اطلاعات ہیں کہ جس پولیس افسر نے بلاول بھٹو کو اوچ شریف میں روکا وہ پی ٹی آئی امیدوار کا بھائی ہے۔

    ان خیالات کا اظہار انھوں نے میڈیا سے گفتگو کرتے ہوئے کیا، انھوں نے کہا کہ ڈائریکٹر جنرل ایف آئی اے کا بھائی گرینڈ ڈیموکریٹک الائنس کا امیدوار ہے۔

    سعید غنی نے کہا کہ پیپلز پارٹی نے الیکشن کمیشن کوڈی جی ایف آئی اے کو ہٹانے کے لیے خط لکھا ہے کہ مخالف جماعتوں کے امیدواروں کے رشتہ داروں کو تعینات کیا جارہا ہے۔

    ان کا کہنا تھا کہ سپریم کورٹ نے ڈی جی ایف آئی اے کو نہ ہٹانے کا حکم دیا، سعید غنی نے کہا الیکشن سے پہلے پارٹی رہنماؤں کی کردار کشی کی جارہی ہے، الیکشن سے قبل ہدف بنائے جانے کا مقصد سیاسی لگتا ہے۔

    پی پی رہنما کا کہنا تھا کہ جعلی اکاؤنٹس کیس کی تین چار سال پہلے انکوائری ہوچکی ہے، حسین لوائی کو تین چار سال پہلے کیوں گرفتار نہیں کیا گیا۔

    پنجاب پولیس نے بلاول کو اوچ شریف میں مخدوم پیر جلال الدین کے مزار پر حاضری سے روک دیا

    سعید غنی نے کہا ’جب انکوائری ہو رہی تھی تو اس وقت کارروائی کیوں نہیں کی گئی، الیکشن سے پہلے ایسی گرفتاریوں کا مقصد سیاسی لگتا ہے۔‘

    واضح رہے کہ دو دن قبل پنجاب پولیس نے بلاول کو اوچ شریف میں مخدوم پیر جلال الدین کے مزار پر حاضری سے روکا تھا، اس واقعے پر الیکشن کمیشن نے نوٹس لے لیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کسان کارڈ کے ذریعے فصلوں کی انشورنس کریں گے، بلاول بھٹو زرداری

    کسان کارڈ کے ذریعے فصلوں کی انشورنس کریں گے، بلاول بھٹو زرداری

    خان گڑھ: پاکستان پیپلز پارٹی کے چیئرمین بلاول بھٹو زرداری نے کہا ہے کہ وہ کسان دوست منشور لے کر آئے ہیں، کسان کارڈ کے ذریعے فصلوں کی انشورنس کی جائے گی۔

    ان خیالات کا اظہار انھوں نے پنجاب کے ضلع مظفر گڑھ کے علاقے خان گڑھ میں جلسے سے خطاب کرتے ہوئے کہی، بلاول نے کہا ہم کھاد کی بوری 500 روپے میں دیں گے جو آج 1800 کی ہے۔

    قبل ازیں بلاول نے خان گڑھ میں نواب زادہ نصر اللہ خان کی قبر پر حاضری دی، انھوں نے فاتحہ خوانی کی اور قبر پر پھول چڑھائے، اس موقع پر ان کا کہنا تھا کہ نواب زادہ نصراللہ خان نے آمروں کے خلاف قابل قدر جدوجہد کی۔

    بلاول بھٹو زرداری نے جلسے سے خطاب میں کہا کہ ان کی حکومت کی طرف سے کسانوں کو کسان کارڈ سے سبسڈی اور بلا سود قرضے ملیں گے، گندم، کپاس اور دیگر فصلوں کے لیے امدادی فنڈز مہیا کی جائے گی۔

    انھوں نے کہا گنے کے کاشت کاروں کو بھی یقین دلاتے ہیں کہ سی پی آر کو چیک کا درجہ دیا جائے گا، حکومت میں آ کر شعبۂ زراعت اور کسان کو خوش حال بنائیں گے۔

    2013 کا الیکشن فکس تھا، ن لیگ اور پیپلز پارٹی کے لیڈر ملک میں پیسا بنانے آتے ہیں، عمران خان

    بلاول نے کہا ’یو سی سطح پر فوڈ اسٹورز کھولے جائیں گے جنھیں خواتین چلائیں گی، اقتدار میں آ کر ماؤں بہنوں کا خیال رکھیں گے۔‘

    انھوں نے کہا ’جاتی امرا لمیٹڈ کمپنی نے پنجاب کو اپنی جاگیر سمجھا، میں نے جنوبی پنجاب کا مقدمہ ہمیشہ لڑا ہے، چند کٹھ پتلی لوگوں کو آخری دنوں میں جنوبی پنجاب یاد آیا۔‘

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میرا مقابلہ پس ماندگی، معاشرتی نا انصافی اور غربت سے ہے، بلاول بھٹو زرداری

    میرا مقابلہ پس ماندگی، معاشرتی نا انصافی اور غربت سے ہے، بلاول بھٹو زرداری

    اوچ شریف: پاکستان پیپلز پارٹی کے چیئرمین بلاول بھٹو زرداری نے کہا ہے کہ ان کا مقابلہ کسی شخص سے نہیں بلکہ پس ماندگی، معاشرتی نا انصافی اور غربت سے ہے۔

    ان خیالات کا اظہار انھوں نے اوچ شریف میں پی پی کے جلسے سے خطاب کرتے ہوئے کیا، انھوں نے کہا ہمارا مقابلہ کسی شخص یا سیاسی جماعت سے نہیں بلکہ عوام کی محرومیوں سے ہے۔

    بلاول کا کہنا تھا کہ آپ یہ فیصلہ کریں کہ صحت، تعلیم اور بھوک مٹاؤ پروگرام چاہیے یا میٹرو؟ ہم عوامی مسائل حل کرتے ہیں، ہمیں شو بازی اور یو ٹرن نہیں چاہیے۔

    بلاول بھٹو زرداری نے کہا ’میں سمجھتا ہوں سب کو برابری کے مواقع ملنے چاہئیں، استحصال سے پاک پاکستان چاہتا ہوں جہاں سب کو انصاف ملے، میں یہ تمام چیزیں عوام کے لیے حاصل کرکے رہوں گا۔‘

    انھوں نے کہا کہ وہ بے نظیر کے مشن کو پورا کریں گے، کوئی انھیں نہیں روک سکتا، بے نظیر نے اس مشن کے لیے جیل کاٹی، جلا وطنی برداشت کی، ان کی شہادت کے بعد مشکل وقت میں زرداری نے ملک کو سنبھالا۔

    بلاول کا کہنا تھا کہ تمام مشکلات کے با وجود زرداری نے وفاق کو مضبوط کیا، سی پیک اور پاک ایران گیس پائپ لائن معاہدے کیے، انھیں بھی 11 سال جیل میں رکھا گیا۔

    انھوں نے مزید کہا آج کھاد کی بوری 1800 کی ہے، ہم 500 کی دیں گے، کسان کارڈ کے ذریعے ہم آپ کی فصلوں کی انشورنش کریں گے، حکومت میں آکر گندم، کپاس و دیگر فصلوں کے لیے امدادی فنڈز دیں گے۔

    پولیس نے بلاول کو مزار پر حاضری سے روک دیا

    قبل ازیں پنجاب پولیس نے بلاول بھٹو زرداری کو اوچ شریف میں مخدوم پیر جلال الدین کے مزار پر جانے سے روکا، پولیس نے ان کے کارواں کو بیس منٹ روکے رکھا، بعد ازاں انھوں نے اوچ شریف میں جلال الدین کے مزار پر حاضری دی، مزار کے سجادہ نشین نے انھیں امام ضامن پہنایا اور دعا کی۔

    پولیس کی جانب سے روکے جانے کے واقعے کے بعد الیکشن کمیشن نے فوری اس کا نوٹس لے لیا، سیکریٹری الیکشن کمیشن نے چیف سیکریٹری اور آئی جی پنجاب سے رابطہ کر کے کہا کہ سیاسی جماعتوں کو پُر امن انتخابی مہم چلانے کی اجازت ہے۔

    بلاول نے اس موقع پر کہا کہ درگاہ پر حاضری دینے آیا ہوں روکنے کی وجہ سمجھ نہیں آرہی ہے، میرے مزار پر حاضری دینے سے پنجاب پولیس پر کیا خوف طاری ہے۔

    شیری رحمان نے بھی واقعے پر رد عمل ظاہر کرے ہوئے کہا کہ انتخابی مہم سب کا حق ہے، پنجاب پولیس بدمعاشی بند کرے۔ اعتزاز احسن نے کہا ’انتظامیہ کو کہتا ہوں بلاول بھٹو کے راستے سے ہٹ جائے۔‘

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • الیکشن میں تاخیر ہوئی، توبہت نقصان ہوگا: خورشید شاہ

    الیکشن میں تاخیر ہوئی، توبہت نقصان ہوگا: خورشید شاہ

    سوات: پیپلزپارٹی کے سینئر رہنما خورشید شاہ نے کہا ہے کہ نگراں وزیر اعظم اور حکومت کے لئے بات چیت ہوئی ہے، لیکن ابھی کوئی حتمی نام سامنے نہیں آیا.

    ان خیالات کا اظہار انھوں نے جلسے سے خطاب کرتے ہوئے کیا. اپوزیشن لیڈر کا کہنا تھا کہ الیکشن میں تاخیر نہیں ہونی چاہیے، اگرہوئی، توبہت نقصان ہوگا.

    خورشیدشاہ کا کہنا تھا کہ پیپلزپارٹی انتخابات میں تاخیرکی حامی نہیں ہے، اس لیے ایسے ہر فیصلے کی مخالفت کریں گی.

    انھوں‌نے عمران خان کے بیانات پر تنقید کرتے ہوئے کہا کہ افسوس ہے، عمران خان ایک ادارے کو الیکشن میں مداخلت کا ذمے دار بتا رہے ہیں، دوسری طرف کوئی خلائی مخلوق کی بات کررہاہے، یہ کس طرح کی سیاست ہورہی ہے.

    خورشید شاہ کا کہنا تھا کہ سوات کے جلسےمیں کارکنان میں بہت جوش وخروش دیکھا، عوام کے چہروں پر خوشیاں اورنئی امیدکے آثارنظرآتے ہیں، ہم فاٹا کا پاکستان میں انضمام چاہتے ہیں، آئینی ترمیم کیلئےاپنےممبران کےووٹ کی یقین دہانی کراتا ہوں.

    یاد رہے دو روز قبل سکھر میں‌ میڈیا سے گفگتو کرتے ہوئے کہا کہ 15 مئی تک نگراں وزیراعظم کے نام آجائیں گے، سیا ست میں کوئی کسی کا آخری دشمن یا دوست نہیں ہوتا، حلقہ بندیاں ہوچکی ہیں اب آگے بڑھنا چاہیے۔

    15مئی تک نگراں وزیراعظم کے نام آجائیں گے‘ خورشید شاہ

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • پیپلزپارٹی کے جلسے نے ایم کیو ایم کے دھڑوں کو ایک کر دیا، بہادر آباد میں‌ اہم بیٹھک

    پیپلزپارٹی کے جلسے نے ایم کیو ایم کے دھڑوں کو ایک کر دیا، بہادر آباد میں‌ اہم بیٹھک

    کراچی: پاکستان پیپلزپارٹی کے جلسے نے ایم کیو ایم کے دونوں دھڑوں کو ایک کر دیا، بہادر آباد میں فاروق ستار اور خالد مقبول کی اراکین رابطہ کمیٹی کے ساتھ اہم بیٹھک ہوئی۔

    تفصیلات کے مطابق پیپلزپارٹی کی سیاسی حکومت عملی کا مقابلہ کرنے کے لیے فاروق ستار اور خالد مقبول نے ہاتھ ملا لیے۔ میٹنگ میں عامر خان، کنور نوید ، فیصل سبزواری ، امین الحق اور دیگر اراکین بھی موجود تھے۔ اس دوران 5 مئی کے جلسے کے انتظامات سمیت پارٹی امور پرتبادلہ خیال کیا گیا۔

    اس موقع پر فاروق ستار نے کہا کہ 5 مئی کا جلسہ پیپلزپارٹی کی نیندیں اڑا دے گا، اب مزید خوش خبریاں آئیں گی، بتا دیا ہے کہ مہاجر قوم اور اس کے مینڈیٹ کو تقسیم نہیں ہونےدیں گے۔

    اس ضمن میں خالد مقبول صدیقی کا کہنا تھا کہ 5 مئی کو پیپلز پارٹی، مہاجر دشمن قوتوں کو بھرپور جواب دیں گے، قوم، عوامی خدمت اور مسائل کے حل کےلیے سب ایک ہیں۔

    کیا فاروق ستار اور عامر خان کے اختلافات ختم ہوگئے؟

    پارٹی ذرایع نے دعوی کیا ہے کہ ایم کیو ایم پی آئی بی اور بہادرآباد میں اختلافات ختم ہوگئے ہیں، فاروق ستار اور عامرخان کے درمیان تمام گلے شکوے بھی دور ہوچکے ہیں۔

    فاروق ستاراور خالد مقبول کے درمیان 5 مئی کے جلسے سے قبل ریلی کی تجویز بھی زیر غور ہے۔ پارٹی رہنما آج شام ٹنکی گروانڈ کا دورہ کریں گے۔

    دورے میں جلسے کے انتظامات کا جائزہ لیا جائے گا اور لیاقت آباد کےعوام سے ملاقات کی جائے گی، ساتھ علاقے میں جلسے کے پمفلٹ تقسیم کیے جائیں گے۔

    یاد رہے کہ ایم کیو ایم پی آئی بی گروپ نے 4 مئی کو ٹنکی گراؤنڈ میں جلسے کا اعلان کیا تھا، مگر گذشتہ شام فاروق ستار اپنا جلسہ ملتوی کرکے بہادر آباد پہنچ گئے، جہاں مشترکہ پریس کانفرنس میں ایک جلسہ کرنے کا اعلان کیا گیا۔

    ایم کیو ایم کو پیپلزپارٹی سے نہیں ہم سے خطرہ ہے، مصطفیٰ کمال

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پنجاب پیپلزپارٹی کا قلعہ تھا، آج بھی ہے اور ہمیشہ رہے گا: آصف زرداری

    پنجاب پیپلزپارٹی کا قلعہ تھا، آج بھی ہے اور ہمیشہ رہے گا: آصف زرداری

    اسلام آباد: سابق صدر آصف زرداری نے کہا ہے کہ پنجاب پیپلزپارٹی کا قلعہ تھا، آج بھی ہے اور ہمیشہ رہے گا، پنجاب ہم سے کوئی نہیں چھین سکتا۔

    ان خیالات کا اظہار انھوں نے اسلام آباد میں پیپلزپارٹی کے سینئر رہنماؤں سے ملاقات میں کہی۔ پاکستان پیپلزپارٹی کے شریک چیئرمین نے قمرزمان کائرہ، شاہجہان کھرل، رائےعمر کھرل اور دیگر سے ملاقات کی۔

    [bs-quote quote=”ماضی کی طرح دھاندلی اور انتخابی نتائج چوری نہیں ہونے دیں گے” style=”style-2″ align=”left” author_name=”آصف زرداری” author_avatar=”https://arynewsudweb.wpengine.com/wp-content/uploads/2018/04/ZARDARI60.jpg”][/bs-quote]

    ملاقات میں انھوں نے کہا کہ پنجاب پیپلزپارٹی کا قلعہ تھا اور رہے گا، جیالے اور جانثار بھرپور قوت سے آئندہ انتخابات لڑیں گے۔

    آصف زرداری کا کہنا تھا کہ ماضی میں انتخابی نتائج چوری کئے جاتے رہے ہیں، اب وقت بدل چکا، مخالفین کو ماضی دہرانے نہیں دیں گے۔

    سابق صدر کا کہنا تھا کہ ہم ماضی کی طرح دھاندلی اور انتخابی نتائج چوری نہیں ہونے دیں گے، پیپلزپارٹی عوام کا مینڈیٹ لے کر اقتدار میں آتی ہے۔

    انھوں نے پارٹی عہدے داروں اور کارکنوں کو متحرک کرنے کی ہدایت کرتے ہوئے کہا کہ آپ گھر گھر جا کر پارٹی کے چیئرمین بلاول بھٹو زرداری کا پیغام پہنچائیں۔

    آصف زرداری نے کہا کہ پیپلزپارٹی اقتدارمیں آکر بے روزگاری کا خاتمہ کرے گی، پیپلزپارٹی نوجوانوں کے لئے ملازمتوں کے مواقع فراہم کرے گی۔

    ملاقات میں آصف زداری نے رائے شاہجہان کھرل کی کی لنڈیانوالہ آنےکی دعوت قبول کرلی اور سیاسی دورے کی یقین دہانی کروائی۔

    ہم نے نواز شریف کوبارباربچایااورانہوں نےہماری پیٹھ میں چھراگھونپا،آصف زرداری

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔