Tag: پی پی پی

  • ووٹ کی عزت کی بات وہ کررہا ہے، جو خود ووٹ کی توہین کا مرتکب رہا: نفیسہ شاہ

    ووٹ کی عزت کی بات وہ کررہا ہے، جو خود ووٹ کی توہین کا مرتکب رہا: نفیسہ شاہ

    کراچی: پیپلزپارٹی کی سینئر رہنما نفیسہ شاہ نے کہا ہے کہ ووٹ کی عزت کی بات وہ کررہا ہے، جو خود ووٹ کی توہین کا مرتکب رہا.

    نفیسہ شاہ نے ان خیالات کا اظہار میڈیا سے گفتگو کرتے ہوئے کیا۔ ان کا کہنا تھا کہ ووٹ کی عزت دینے والوں نے خود ووٹ کی توہین کی، نوازشریف کل ٹی وی پر آئےاورتقریر کی، پھر بھلا کون سی پابندی ہے.

    [bs-quote quote=” پیپلزپارٹی نے جس نہج پرملک کوچھوڑا تھا، آج اس سے زیادہ کمزور اور دگرگوں حالت میں‌ ہے، جس کے ذمے داری موجودہ حکمران ہیں” style=”style-2″ align=”left” author_name=”نفیسہ شاہ”][/bs-quote]

    انھوں نے مزید کہا کہ سابق وزیر اعظم نوازشریف خود آمریت کی کی پیداوار ہیں اور اب وہ خود آمریت پر تنقید کے دعوے دار ہیں.

    نفیسہ شاہ نے کہا کہ پیپلزپارٹی نے جس نہج پرملک کوچھوڑا تھا، آج اس سے زیادہ کمزور اور دگرگوں حالت میں‌ ہے، جس کے ذمے داری موجودہ حکمران ہیں.

    نفیسہ شاہ کا کہنا تھا کہ میاں صاحب ووٹ کے تقدس کی بات کرتے رہے ہیں، لیکن پارلیمنٹ آج کمزورہے، آج جمہوریت کی کمزوری کی وجہ نوازشریف ہیں.

    نفیسہ شاہ کا کہنا تھا کہ آج ملک میں لوڈشیڈنگ میں مسلسل اضافہ ہورہا ہے، شہبازشریف کراچی گئے اورکہا کراچی کو لاہور بناؤں گا، شہبازشریف صاحب پہلے لاہورکو تو لاہور بنادیں، ان کھوکھلے دعووں‌ سے کچھ نہیں‌ ہوگا.

    یاد رہے کہ گذشتہ روز سابق وزیر اعظم میاں نواز شریف نے ووٹ کو عزت دو سیمینار سے خطاب کرتے ہوئے عدلیہ کو پھر تنقید کا نشانہ بنایا تھا. انھوں نے کہا تھا کہ ان کے ساتھ جو رویہ رکھا گیا، وہ ثبوت ہے کہ ووٹ کو عزت نہیں دی جارہی.


     نواز شریف کا مسئلہ ووٹ کی عزت نہیں، ذاتی اقتدار ہے: مولابخش چانڈیو


  • چیف جسٹس کے خلاف نوازشریف کا بیان قابل مذمت ہے، پہلے وہ اپنے گریبان میں‌ جھانکیں: قمر زمان کائرہ

    چیف جسٹس کے خلاف نوازشریف کا بیان قابل مذمت ہے، پہلے وہ اپنے گریبان میں‌ جھانکیں: قمر زمان کائرہ

    لاہور: پیپلزپارٹی کے سینئر رہنما قمر زمان کائرہ نے کہا ہے کہ چیف جسٹس کے خلاف نوازشریف کا بیان قابل مذمت ہے.

    تفصیلات کے مطابق پیپلز پارٹی پنجاب کے صدر نے نواز شریف کے بیان پر شدید ردعمل دیتے ہوئے کہا کہ یہ بیان قابل مذمت ہے، میاں صاحب کے نزدیک لیول پلے فیلڈ کا مطلب یہ ہے کہ ادارے ان کی تعریف کریں.

    قمر زمان کائرہ کا کہنا تھا کہ نواز شریف کو افتخار چوہدری جیسا جج چاہیے، جو انھیں ہیرو قراردے، نواز شریف 2013 جیسا انتخابی ماحول چاہتے ہیں، جو اب دستیاب نہیں، دس سال سے پیپلز پارٹی کا احتساب ہورہا ہے، مگر ہم نے کبھی ایسی زبان استعمال نہیں کی.

    قمرزمان کائرہ نے کہا کہ نوازشریف نے صرف جمہوریت کے ثمرات سمیٹے، وہ ہر آزمائش میں بزدل ثابت ہوئے، دوسرے پر تنقید کرنے سے قبل نوازشریف پہلے اپنے گریبان میں جھانکیں.

    [bs-quote quote=”نواز شریف کو افتخار چوہدری جیسا جج چاہیے، جو انھیں ہیرو قراردے، نواز شریف 2013 جیسا انتخابی ماحول چاہتے ہیں، جو اب دستیاب نہیں” style=”style-2″ align=”left” author_name=”قمر زمان کائرہ” author_avatar=”https://arynewsudweb.wpengine.com/wp-content/uploads/2018/04/Kaira60x60.jpg”][/bs-quote]

    انھوں نے کہا کہ ہمیں افتخار چوہدری اور طالبان نے انتخابی مہم نہیں چلانے دی تھی، ہمارا وزیراعظم بھی نااہل ہوا، گورنر اور وزیر کواسلام آباد میں شہید کیا گیا.

    انھوں‌ نے کہا کہ ہمارے وزیراعظم، گورنرکا بیٹا اغوا کیا گیا، مگرہم نے بہادری سے مقابلہ کیا، جوڈیشل ایکٹوازم پری پول رگنگ ہے, توہم 10 سال سے سامنا کر رہے ہیں.

    انھوں نے کہا کہ جب عدلیہ نے سندھ حکومت کے خلاف ایکشن لیا، تب تو نوازشریف خوش تھے، جب سندھ کے سیاست دانوں کو نشانہ بنایا جارہا تھا، تب نواز شریف کی منطق کہاں تھی، کراچی میں پانی ،صفائی کے بارے میں عدالتی کارروائی پر ن لیگ بغلیں بجاتی تھی.

    یاد رہے کہ آج احتساب عدالت کے باہر نواز شریف نے اپنے بیان میں‌ چیف جسٹس پر تنقید کرتے ہوئے کہا تھا کہ چیف جسٹس عمران خان اور آصف زرداری کی زبان بول رہے ہیں.


    انتخابات میں سب کے لیے یکساں مواقع ہونے چاہئیں‘ نوازشریف


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • عمران خان نے کے پی کے کی صوبائی خود مختاری بنی گالہ میں قید کرلی ہے: بلاول بھٹو

    عمران خان نے کے پی کے کی صوبائی خود مختاری بنی گالہ میں قید کرلی ہے: بلاول بھٹو

    بنوں: پاکستان پیپلزپارٹی کے چیئرمین بلاول بھٹو زرداری نے کہا ہے کہ جو نیا کے پی کے نہیں‌بنا سکے، وہ نیا پاکستان کیا بنائیں‌گے.

    ان خیالات کا اظہار انھوں‌ نے بنوں میں‌ جلسہ عام سے خطاب کرتے ہوئے کیا. ان کا کہنا تھا کہ بنوں کےعوام نیازیوں کا جواب دیں گے اور کے پی کے کو بنی گالہ سے نجات دلائیں گے.

    بلاول بھٹو کا کہنا تھا کہ آج میاں صاحب خود اپنی کھوئی ہوئی چابی ڈھونڈ رہے ہیں، میاں صاحب کے پی کے کو انگریزوں کے صوبے کی طرز  پر قائم رکھنا چاہتے ہیں، پیپلزپارٹی اور دیگر سیاسی جماعتوں کے سخت ردعمل پر میاں صاحب کو گھٹنے ٹیکنے پڑے، ن لیگ 18ویں ترمیم اور این ایف سی ایوارڈ کی خودمختاری واپس لینا چاہتی ہے.

    [bs-quote quote=” آج میاں صاحب خود اپنی کھوئی ہوئی چابی ڈھونڈ رہے ہیں، میاں صاحب کے پی کے کو انگریزوں کے صوبے کی طرز پر قائم رکھنا چاہتے ہیں” style=”style-2″ align=”left” author_name=”بلاول بھٹو زرداری” author_job=”چیئرمین، پیپلزپارٹی” author_avatar=”https://arynewsudweb.wpengine.com/wp-content/uploads/2018/03/Bilawal60x60.jpg”][/bs-quote]

    انھوں نے عمران خان کو آڑے ہاتھوں لیتے ہوئے کہا کہ خان صاحب، جھوٹ کا عالمی میلہ لگے، تو سب سے بڑا تاج آپ ہی کو پہنایا جائے گا، آپ نے صرف گالیاں‌ دیں‌ اور صرف یوٹرن لیے. عمران خان نے کے پی کی صوبائی خودمختاری بنی گالہ میں قید کرلی، آپ نے جو کھیل کھیلا، وہ اب نہیں چلے گا. کے پی جاگ چکا ہے ، نوجوانوں کی آنکھوں سے دھوکےکی پٹی اتر چکی ہے.

    انھوں نے کہا کہ آج وزیراعلیٰ کے پی پر کرپشن کے سنگین الزامات ہیں، سپریم کورٹ نے خان صاحب کی اےٹی ایم مشین کو نااہل قرار دے دیا، پچھلے پانچ سال میں کے پی میں نہ تو کوئی نئی یونیورسٹی بنی، نہ ہی کوئی نیا سرکاری اسپتال بنایا گیا. ہم نے سندھ میں 8 ماہ میں عالمی معیار کے 5 بڑے اسپتالوں کا افتتاح کیا، جہاں‌ مریضوں‌کا مفت علاج ہوتا ہے.

    بلاول کا کہنا تھا کہ بنوں کے کارکنوں نے ہرمشکل وقت میں پارٹی کا پرچم تھامے رکھا، پیپلزپارٹی کا کے پی سے رشتہ 50سال پرانا ہے. پیپلزپارٹی کی پچھلی حکومت نے فاٹا اصلاحات کا آغاز کیا، پیپلزپارٹی واحد پارٹی ہے، جو فاٹا کو کے پی میں ضم کرے گی، مگر  مولانا فضل الرحمان فاٹا کےعوام کے بنیادی حقوق پامال کر رہے ہیں۔

    انھوں نے کہا کہ ہم چاہتے ہیں کہ دہشت گرد ہو یا مشرف ان پر مقدمہ چلے، دہشت گردوں کو شکست اس وقت دی جاسکتی ہےجب قانون کا بول بالا ہوگا، لوگ لاپتا ہوں‌ گے، ٹارگٹ کلنگز ہوں گی تو دہشت گردی ختم نہیں ہوسکتی.


    میاں صاحب سے بڑاچابی والا کھلونا کوئی نہیں: بلاول بھٹو


    حکومت نے ملک کو مسائل کے دلدل میں دھکیل دیا: بلاول بھٹو


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شیری رحمان، سینیٹ کی پہلی خاتون اپوزیشن لیڈر مقرر

    شیری رحمان، سینیٹ کی پہلی خاتون اپوزیشن لیڈر مقرر

    اسلام آباد: پہلی خاتون  وزیر اعظم  اور پہلی خاتون  اسپیکرکے بعد پیپلزپارٹی نے ایک اور  اعزاز  اپنے نام کر لیا. شیری رحمان سینیٹ کی پہلی خاتون اپوزیشن لیڈر مقرر ہوگئیں.

    تفصیلات کے مطابق پیپلزپارٹی کی رہنما شیری رحمان کو سینیٹ میں اپوزیشن لیڈرمقرر کرنے کا نوٹی فکیشن جاری ہوگیا. وہ سینیٹ کی پہلی خاتون اپوزیشن لیڈر ہیں. شیری رحمان نے ذمے داریاں سنبھال لی ہیں۔

    [bs-quote quote=”امید ہے کہ جمہوریت کے سفر میں سب ساتھ چلیں گے اور مشکلات کا مقابلہ کریں گے” style=”style-2″ align=”left” author_name=”شیری رحمان” author_job=”سینئر رہنما، پیپلزپارٹی” author_avatar=”https://arynewsudweb.wpengine.com/wp-content/uploads/2018/03/SherryRehamn60x60.jpg”][/bs-quote]

    اس موقع پر شیری رحمان نے اے آر وائی سے خصوصی گفتگو کرتے ہوئے کہا کہ وہ بلاول بھٹو  اور آصف علی زرداری کا ساتھ دینے اور ان پر بھروسا کرنے کے لیے شکریہ گزار ہیں.

    انھوں نے کہا کہ ہم تمام چیلنجز سے مل کرنمٹیں گے، مجھے سب ہی نے سپورٹ کیا، فاٹا، بلوچستان اور  خیرپختون خواہ میں‌ جس جس پارٹی نے ساتھ دیا، ان کا کادل سےشکریہ اداکرتی ہوں.

    سینیٹ کی نو منتخب اپوزیشن لیڈر کا کہنا تھا کہ امید ہے کہ جمہوریت کے سفر میں سب ساتھ چلیں گے اور مشکلات کا مقابلہ کریں گے. انھوں‌ نے امید ظاہر کی کہ انھیں‌ جمہوریت کے اس سفر میں سب کا تعاون حاصل رہے گا.

    تجزیہ کاروں کے مطابق سینیٹ انتخابات میں‌ پیپلزپارٹی رہنما کا اپوزیشن لیڈر بنانا حکومتی اتحاد کے لیے ایک اور دھچکا ہے.

    یاد رہے کہ 12 مارچ کو معنقد سینیٹ الیکشن میں‌ حکومت اتحاد کو  چیئرمین اور ڈپٹی دونوں‌ نشستوں‌ پر  اپوزیشن اتحاد سے شکست کا سامنا کرنا پڑا تھا.

    صادق سنجرانی راجا ظفر الحق کے 46 ووٹوں‌ کے مقابلے میں‌ 57 ووٹ لے کر چیئرمین سینیٹ، جب کہ سلیم مانڈوی والا عثمان کاکٹر 44 ووٹوں کے مقابلے میں‌ 54 ووٹ لے کر ڈپٹی چیئرمین منتخب ہوئے تھے.


    سینیٹ انتخابات کالعدم قرار دینے کی درخواست مسترد


    میرصادق سنجرانی : شکایات سیل کے سربراہ سے چیئرمین سینیٹ تک


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • جوتے اور سیاہی کی سیاست قبول نہیں، پی ٹی آئی کو ساتھ لے کر چلنا چاہتے ہیں: خورشید شاہ

    جوتے اور سیاہی کی سیاست قبول نہیں، پی ٹی آئی کو ساتھ لے کر چلنا چاہتے ہیں: خورشید شاہ

    اسلام آباد: اپوزیشن لیڈر خورشید شاہ نے کہا ہے کہ جوتے اور سیاہی کی سیاست ہمارا معاشرہ قبول نہیں کرتا.

    ان خیالات کا اظہار انھوں نے اسلام آباد میں‌ میڈیا سے بات چیت کرتے ہوئے کیا. انھوں نے کہا کہ ہم گولیاں کھا کر سیاست کرتے رہے ہیں، کبھی نہیں ڈرے اور مستقبل میں بھی نہیں ڈریں گے۔

    پیپلزپارٹی کے سینئر رہنما کا کہنا تھا کہ سینیٹ میں اپوزیشن لیڈر کے لئے ہمارے پاس اکثریت ہے، تحریک انصاف سے ہمارا کوئی جھگڑا نہیں، پیپلز پارٹی تحریک انصاف کوبھی ساتھ لےکر چلنا چاہتی ہے.

    خورشید شاہ کا کہنا تھا کہ پیپلزپارٹی کے اتحادی بھی ہمارا ساتھ  دیں گے، نگراں وزیراعظم کے لیے مشاورت جاری ہے. ابھی تک حکومت نے نام نہیں دیے. امید ہے، افہام و تفہیم سے مسئلہ حل ہوجائے گا۔


    الزام تراشیاں نواز شریف کا وطیرہ ہے، خورشید شاہ


    انھوں‌ نے مزید کہا کہ مجوزہ ایمنسٹی اسکیم کی حمایت کریں گے، پارلیمنٹ موجود ہے، اسکیم پارلیمنٹ میں آنی چاہیے، ایمنسٹی اسکیم بجٹ میں آنی چاہیے.

    واضح رہے کہ سینیٹ انتخابات میں‌ پی ٹی آئی اور پیپلزپارٹی نے چیئرمین سینیٹ کے لیے صادق سنجرانی کو مشترکہ امیدوار نامزد کیا تھا. اسی اتحاد کے باعث حکومتی اپنے چیئرمین اور ڈپٹی چیئرمین منتخب کروانے میں‌ناکام رہی. البتہ سینیٹ میں اپوزیشن لیڈر کے معاملے میں‌ دونوں‌ پارٹیوں میں‌اتفاق نہیں‌ہوسکا اور دونوں‌ نے اپنے الگ الگ امیدوار نامزد کرنے کا اعلان کیا ہے.

    پی پی پی کی جانب سینیٹ‌ میں‌ اپوزیشن لیڈر کی شیریں رحمان امیدوار ہیں. پی ٹی آئی رہنما اس ضمن میں مختلف پارٹیوں سے رابطے میں‌ مصروف ہیں.


    قانون سازی پارلیمنٹ کا حق ہے، کسی اور کا نہیں، خورشید شاہ


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ن لیگ نے سی پیک پر قبضہ کر لیا ہے: بلاول بھٹو

    ن لیگ نے سی پیک پر قبضہ کر لیا ہے: بلاول بھٹو

    حب: پاکستان پیپلزپارٹی کے شریک چیئرمین بلاول بھٹو زرداری نے کہا ہے کہ لیگ کی حکومت نے سی پیک پرقبضہ کرلیاہے، عوام جانتے ہیں سی پیک کااصل خالق کون ہے.

    ان کا کہنا تھا کہ ویسٹرن روٹ نظرانداز کر کے سی پیک کو متنازع بنایا گیا، ن لیگ سی پیک پر جھوٹا کریڈٹ لینے کی کوشش کررہی ہے. سب جاتے ہیں کہ آصف زرداری نے سی پیک کو متعارف کرایا تھا.

    بلاول بھٹو کا کہنا تھا کہ بلوچستان کے مسائل بہت پرانے ہیں، بلوچ عوام کے ساتھ ناانصافیاں اور انہیں محروم رکھا گیا، آمریت نے بلوچوں کو بہت دکھ دیے.

    ملک کو نواز، عمران کے رحم و کرم پر نہیں چھوڑ سکتے: بلاول بھٹو

    ان کا کہنا تھا کہ میرا بلوچستان کے عوام سے زبان، تہذیب اور ثقافت کا رشتہ ہے. میرے اور آپ کے دکھ سکھ ایک جیسے ہیں، میں نے اپنی ماں کی لاش اٹھائی ہے، اپنے دکھوں کو اپنی طاقت میں بدلا،جمہوریت کو بہترین انتقام سمجھا، غم کوعزم میں بدلا اورپاکستان کھپےکانعرہ بلند کیا۔

    نقیب اللہ محسود کی ہلاکت، بلاول بھٹو نے تحقیقات کا حکم دیدیا

    بلاول بھٹو نے مزید کہا کہ پیپلز پارٹی اب بلوچستان کےساتھ ظلم نہیں ہونے دے گی، بلوچستان کو ترقی، تعلیم اور وسائل سے محروم رکھا گیا، بی بی شہید نے اپنے آخری منشور میں بلوچستان کا واضح پروگرام دیا تھا۔

    ان کا کہنا تھا کہ آصف زرداری بلوچ قوم کے زخموں سےواقف تھے، آصف زرداری پہلےصدر تھے، جنہوں نے بلوچ عوام سے معافی مانگی، اقتدارمیں آتے ہی آمر کو ایوان صدر سے باہر نکال دیا، پیپلزپارٹی کی حکومت نے این ایف سی ایوارڈ دیا، 18 ویں ترمیم کی،متفقہ آئین دیا۔ آپ کی طاقت سے ہم 2018کاالیکشن جیت کرترقی لائیں گے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سیاسی مصروفیات مختصر، آصف زرداری کراچی پہنچ گئے

    سیاسی مصروفیات مختصر، آصف زرداری کراچی پہنچ گئے

    کراچی: پیپلز پارٹی کے شریک چیئرمین اور سابق صدر آصف علی زرداری سیاسی مصروفیات مختصر کر کے کراچی پہنچ گئے۔

    تفصیلات کے مطابق سابق صدر آصف زرداری لاہور سے اپنی سیاسی مصروفیات مختصر کر کے کراچی پہنچ گئے جہاں وہ سندھ کی سیاست کا جائزہ لیں گے۔

    پیپلز پارٹی کے ترجمان کا کہنا ہے کہ سابق صدر پیر کے روز واپس لاہور جائیں گے اور یوم تاسیس کی تقریب میں شرکت کریں گے۔

    واضح رہے کہ پیپلز پارٹی کے شریک چیئرمین سیاسی طور پر بہت متحرک نظر  آرہے ہیں اور انہوں نے گزشتہ روز ہی پاناما لیکس میں نامزد شریف خاندان کے افراد کو گرفتار کرنے کا مطالبہ بھی کیا تھا۔

    سابق صدر کا کہنا تھا کہ نوازشریف نے مفاہمت کے لیے کئی بار پیغام بھیجا مگر ملک کو نقصان پہنچانے والے حکمرانوں سے اب کوئی مفاہمت نہیں ہوگی، اپنے وعدے کے مطابق مسلم لیگ کو سیاست کے لیے چار سال دیے اس لیے آخری سال خود سیاست کررہا ہوں۔

    پیپلز پارٹی کے شریک چیئرمین آصف علی زرداری نے کا کہنا تھا کہ نیب کو بتانا چاہتے ہیں کہ جس طرح ہمارا احتساب ہوا اسی طرح شریف خاندان کا بھی احتساب کیا جائے اور انہیں بدعنوانی کے مقدمات میں گرفتار کیا جائے۔

    آصف زرداری کا مزید کہنا تھا کہ ہم نے سیف الرحمان کے احتساب بیورو کا بھی احتساب برداشت کیا، جب تک برابری کی بنیاد پراحتساب نہیں ہوگا ہم نہیں مانیں گے۔

  • عمران خان کی پارٹی میں دوبارہ شمولیت پر ناز بلوچ کا جواب

    عمران خان کی پارٹی میں دوبارہ شمولیت پر ناز بلوچ کا جواب

    کراچی: تحریک انصاف کو خیرباد کہہ کر پیپلزپارٹی میں شمولیت کرنے والی رہنماء ناز بلوچ نے کہا ہے کہ عمران خان نے پی ٹی آئی میں دوبارہ شمولیت کی دعوت دی اور اچھے الفاظ میں تذکرہ کیا جس پر میں اُن کا شکریہ ادا کرتی ہوں۔

    تفصیلات کے مطابق اے آر وائی نیوز کے پروگرام دی رپورٹرز میں گفتگو کرتے ہوئے عمران خان نے سابق خاتون رہنماء کو پارٹی میں دوبارہ شمولیت کی دعوت دیتے ہوئے کہا کہ تحریک انصاف چھوڑنے کے بعد بھی ناز بلوچ نے جھوٹ نہیں بولا۔

    عمران خان نے کہا کہ مجھے ناز بلوچ کا انداز بہت پسند آیا کہ انہوں نے پارٹی چھوڑنے کے بعد کسی پر بھی کوئی جھوٹا الزام نہیں لگایا، یہ کردار ایک اچھی شخصیت کی غمازی کرتا ہے اس لیے میں ناز بلوچ کو دوبارہ پارٹی میں شمولیت کی دعوت دیتا ہوں۔

    چیئرمین کی جانب سے دوبارہ شمولیت کی دعوت دینے پر ناز بلوچ نے عمران خان کا شکریہ ادا کیا اور کہا کہ تحریک انصاف میں بھی حق اور سچ کی بات کی، سیاست میں احترام کا رشتہ ہمیشہ برقرار رہنا چاہیے۔

    مکمل انٹرویو پڑھیں: عائشہ گلا لئی کے الزامات کے بعد عمران خان کا پہلا انٹرویو

    قبل ازیں عمران خان نے اے آر وائی نیوز کو دیے جانے والے انٹرویو میں نازبلوچ کے کردار کی تعریف کرتے ہوئے کہا کہ ہماری پارٹی میں خواتین کو یکساں مواقع فراہم کیے جاتے ہیں تاہم یہ حقیقت ہے کہ پی ٹی آئی پارٹی انتخابات تاخیر کا شکار ہوئے جس کے باعث کئی مسائل پیدا ہوئے۔

    چیئرمین تحریک انصاف نے کہا تھا کہ ناز بلوچ پارٹی چھوڑ گئیں مگر انہوں نے میرے کردار کی تعریف کی کیونکہ سب جانتے ہیں کہ خواتین سے بدسلوکی کے پارٹی معاملات میں ہی دیکھتا ہوں اور پوری قیادت کو واضح احکامات دیے ہیں کہ اگر کوئی ایسے معاملے میں ملوث پایا گیا اُس کے خلاف سخت ایکشن لیا جائے گا۔

    پڑھیں: تحریک انصاف کی رہنما نازبلوچ پیپلزپارٹی میں شامل

    یاد رہے گزشتہ ماہ تحریک انصاف کی سابق خاتون رہنماء نے پیپلزپارٹی میں شمولیت اختیار کرتے ہوئے شکوہ کیا تھاکہ پی ٹی آئی کی قیادت کراچی کو مسلسل نظر انداز کررہی ہے جس کی وجہ سے کارکنان نالاں ہیں اور پارٹی ختم ہوگئی ہے۔

  • تحریک انصاف کی رہنما نازبلوچ پیپلزپارٹی میں شامل

    تحریک انصاف کی رہنما نازبلوچ پیپلزپارٹی میں شامل

    کراچی: پاکستان تحریک انصاف کی رہنما ناز بلوچ نےپی پی پی میں شمولیت اختیارکرنے کا اعلان کردیا۔

    کراچی میں پریس کانفرنس کرتے ہوئےتحریک انصاف کی رہنما نازبلوچ نے پیپلز پارٹی میں شامل ہونے کا اعلان کرتے ہوئے کہا کہ وہ اپنے گھر لوٹ آئی ہیں۔

    ناز بلوچ کا کہنا تھا کہ پی ٹی آئی نے تبدیلی کا نعرہ لگایا تاہم یہ نعرہ لگاتے ہوئے پارٹی خود تبدیل ہوگئی اور یہ اب وہ پارٹی نہیں رہی جس کے لیے ہم نے کام کا آغاز کیا تھا۔

    ناز بلوچ کا کہنا تھا کہ کراچی کی بیٹی ہونے کے ناطے عمران خان کا ساتھ دیا تھا، تحریک انصاف کے لیے میری قربانیاں سب کے سامنے ہے، پی ٹی آئی کے ساتھ اچھا وقت گزرا،اس لیے کیچڑ اچھالنا نہیں چاہتی۔

    انہوں نے کہا کہ تحریک انصاف کی توجہ صرف پنجاب اورمرکز پرمرکوز ہے، عمران خان چند ہی گھنٹوں کے لیے کراچی آتے ہیں اور انہیں کارکنوں سے دور رکھا جاتا ہے۔

    واضح رہےکہ نازبلوچ نے کہا کہ پی ٹی آئی نے تبدیلی اور نوجوانوں کو آگئے لانے کا نعرہ لگایا لیکن آج عمران خان کے دائیں بائیں کھڑے ہونے والے نوجوان نہیں ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • تصویر لیک ہونے پر اتنا ہنگامہ، وزیراعظم سے تفتیش کیسے ہوگی؟ بلاول

    تصویر لیک ہونے پر اتنا ہنگامہ، وزیراعظم سے تفتیش کیسے ہوگی؟ بلاول

    لاہور: پاکستان پیپلز پارٹی کے چیئرمین بلاول بھٹو نے کہا ہے کہ پیپلز پارٹی کے ساتھ اتنا کچھ ہوا، ایک تصویر لیک ہونے پر ن لیگ نے ہنگامہ کردیا، ہمیں پھانسیوں پر چڑھا دیا گیا میاں صاحب آپ کی تو انگلی بھی نہیں کٹی۔

    یہ بات انہوں نے لاہور میں پیپلز پارٹی پنجاب کے کارکنوں کی جانب سے اپنے دیے گئے افطار ڈنر سے خطاب کرتے ہوئے کہی۔ ان کے ساتھ اعتزاز احسن،قمر زمان کائرہ،منظور وٹو اور دیگر رہنما موجود تھے۔

    تقریب سے خطاب کرتے ہوئے بلاول نے کہا کہ پیپلز پارٹی کو عدالتوں سے کبھی ریلیف نہیں ملا، میاں صاحب کو 40 سوٹ کیسوں کے ساتھ بھیجا گیا، آپ کے بھائی نے 5 سال تک اسٹے آرڈر پر پنجاب پر حکومت کی،ایک تصویر کیا لیک ہو گئی آسمان سر پر اٹھا لیا گیا، گریڈ 18 کے افسر ایک وزیر اعظم سے کیا اور کیسے سوال کریں گے؟

    انہوں نے کہا کہ میاں صاحب نے جھوٹے مقدمات پر بے نظیر کو عدالتوں میں گھسیٹا تھا، 2 بار وزیر اعظم رہنے والی خاتون اپنے شوہر سے ملاقات کے لیے جیل میں کئی گھنٹے انتظار کرتی تھی، سی آئی اے صدر کراچی میں آصف زرداری کی زبان کاٹی گئی، ہمیں پھانسیوں پر چڑھایا گیا آپ کی تو ایک انگلی بھی نہیں کٹی۔

    بلاول نے کہا کہ پہلی بار احتساب مانگا جا رہا ہے تو دھمکیاں اور گالیاں دے رہے ہیں، ہم ملکی اداروں کے ساتھ کھڑے ہیں،آپ وزیر اعظم رہتے ہو یا نہیں ہمیں اس کی کوئی پروا نہیں لیکن سسٹم کو ڈی ریل اور اداروں کی تذلیل نہیں ہونے دیں گے۔

    انہوں نے کہا کہ دیہات میں لوگ بجلی کو ترس گئے، ملک میں بجلی، پانی اور گیس نہیں، غربت، مہنگائی، بےروزگاری اور بیرونی قرضوں میں اضافہ ہوا ہے ،میاں صاحب آپ کی پالیسیوں نے عوام کا جینا حرام کر دیا ہے اور لوڈ شیڈنگ سے متعلق تمام دعوے جھوٹے ثابت ہوئے۔

    انہوں نے مزید تنقید کی کہ ہماری کوئی خارجہ پالیسی نہیں ہے، عالم اسلام میں ہماری کوئی حیثیت نہیں رہی،ہم نے اداروں کی آزادی کے لیے قربانیاں دی ہیں لیکن میاں صاحب کی حکومت ہر شعبے میں ناکام ہو چکی ہے۔

    تقریب میں بدنظمی، کارکنوں میں تصادم، ایک زخمی

    دریں اثنا افطار کی تقریب میں اسٹیج کے اوپر چڑھنے کی کوششوں میں کارکنوں‌کے درمیان تصادم ہوگیا۔

    اے آر وائی نیوز کے نمائندے نذیر بھٹی کے مطابق ایک کارکن نعمان کو دیگر کارکنوں نے تشدد کا نشانہ بنایا جو اسٹیج پر چڑھ رہا تھا، اس کے کپڑے پھٹ گئے، ناک سے خون بہہ نکا، قمر زماں کائرہ نے اس کی آکر جان چھڑائی۔

    کارکن نعمان نے الزم عائد کیا کہ اسے پیپلز پارٹی پنجاب کے عہدے داروں نے اسے پٹوایا ہے، معلوم ہوا ہے کہ وہ پہلے سے گالی گلوچ کررہا تھا کہ مجھے آگے جانے نہیں دیا جارہا۔

    اس بدنظمی کے بعد  قمر زمان کائرہ کی ہدایت پر تحقیقاتی کمیٹی تشکیل دی گئی، نوید چوہدری اور اسرار الحق بٹ اس کمیٹی کے ممبرزہوں گے جو بدنظمی کی وجوہات اور اس کے ذمہ داروں کا تعین کرکے پارٹی رہنماؤں کو رپورٹ پیش کریں گے۔