Tag: پی پی کی خبریں

کراچی: پاکستان پیپلز پارٹی کی ایم پی اے کلثوم اختر چانڈیو نے محکمۂ صحت کے افسر کو دھمکیاں دے دیں، فون کال سوشل میڈیا پر وائرل ہو گئی۔

تفصیلات کے مطابق ایم پی اے کلثوم چانڈیو نے دادو کے سِول سرجن حمید میرانی کو فون پر دھمکیاں دے کر کسی کا تبادلہ کروانا چاہا لیکن ناکام رہیں۔

ایم پی اے کلثوم چانڈیو کی دھمکیوں کی فون کال سوشل میڈیا پر وائرل ہوگئی، محکمہ صحت نے کلثوم چانڈیو کی فون کال کا نوٹس لے کر سول سرجن سے تفصیل طلب کر لی۔

ادھر کلثوم چانڈیو نے مکرتے ہوئے کہا ہے کہ انھوں نے کسی کو دھمکی نہیں دی۔

یہ بھی پڑھیں:  سندھ کابینہ میں توسیع، چار وزرا نے حلف اٹھا لیا

فون کال میں ایم پی اے کلثوم کہتی سنائی دیتی ہیں کہ بار بار کہنے کے باوجود تم نے میرے حکم پر تبادلہ کیوں نہیں کیا؟ میں تمہیں اسمبلی میں طلب کرسکتی ہوں، تم سرکاری نوکر ہو ہماری بات ماننی پڑے گی۔

دوسری طرف سول سرجن حمید میرانی نے انھیں جواب دیا کہ تبادلہ میں نہیں کر سکتا، ڈی ایچ او کرتا ہے۔

محکمہ صحت نے فون کال سوشل میڈیا پر وائرل ہونے کے بعد معاملے کا فوری نوٹس لے لیا ہے اور اس سلسلے میں سول سرجن سے بھی معلومات لی جا رہی ہیں۔

پیپلز پارٹی کی رکن سندھ اسمبلی نے دھمکی دینے کے الزام سے انکار کیا، ان کا کہنا تھا کہ انھوں نے ایسی کوئی دھمکی نہیں دی۔

کراچی: وزیر بلدیات سندھ سعید غنی نے کہا ہے کہ پر امن احتجاج ہر کسی کا حق ہے لیکن فکس اِٹ کا احتجاج کا رویہ درست نہیں ہے۔

تفصیلات کے مطابق آج فکس اٹ کے بانی اور پی ٹی آئی رکن اسمبلی کی گرفتاری کے بعد میڈیا سے بات کرتے ہوئے صوبائی وزیر نے کہا کہ فکس اٹ والے جس طرح احتجاج کر رہے ہیں وہ کسی بھی طور درست نہیں ہے۔

سعید غنی کا کہنا تھا کہ فکس اٹ والوں نے وزیر اعلی ہاؤس کے اندر گٹر کا پانی پھینکا، آج عالمگیر خان نے میرے دفتر کے باہر بھی احتجاج کی کال دی۔

سعید غنی نے کہا کہ پی ٹی آئی قیادت واضح کرے کیا فکس اٹ ان کی ذیلی تنظیم ہے، احتجاج کرنے فکس اٹ آ رہی ہے تو رد عمل پی ٹی آئی کیوں دے رہی ہے، خرم شیر زمان کا فون آیا میں نے کہا کہ جو ہوا غلط ہوا، ہم شہر کے حالات خراب کرنا نہیں چاہتے۔

صوبائی وزیر نے مزید کہا کہ ہمارے 8 کارکن گرفتار ہیں، افسوس کہ کئی لوگ اس واقعے میں زخمی بھی ہوئے، احتجاج کا یہ رویہ ہرگز درست نہیں۔

یہ بھی پڑھیں:  کراچی، فکس اٹ کے بانی اور پی ٹی آئی کے ایم این اے عالمگیر خان گرفتار

واضح رہے کہ آج فکس اٹ کے کارکن تین تلوار پر وزیر بلدیات سعید غنی کے کیمپ آفس کے باہر پانی کی قلت اور صفائی نہ ہونے پر احتجاج کر رہے تھے، جن پر پی پی کارکنوں نے دھاوا بول دیا۔

دونوں جانب سے ہاتھا پائی ہوئی، جس میں 2 پولیس افسران سمیت متعدد افراد زخمی ہو گئے، پولیس نے 20 سے 25 کارکنوں کو حراست میں لے لیا، رکن قومی اسمبلی عالمگیر خان تین تلوار پر پریس کانفرنس کے لیے پہنچے تو پولیس نے انھیں بھی گرفتار کر لیا۔

کراچی: شہرِ قائد میں اپوزیشن جماعتوں کی جانب سے منعقد کیے جانے والے جلسے میں کون لوگ لائے گئے، حقیقت سامنے آ گئی ہے۔

تفصیلات کے مطابق کراچی میں متحدہ اپوزیشن کے جلسے میں مدرسوں کے معصوم بچوں کی شرکت نے اپوزیشن کے یوم سیاہ کے موقع پر جلسے کی حقیقت کا پول کھول دیا ہے۔

سوال اٹھ گیا ہے کہ جلسے میں معصوم بچوں کا کیا کام تھا، بچوں کو کیوں لایا گیا، جلسے میں مدرسے کے بچے بھوک کی وجہ سے کھانا کھاتے دکھائی دیے۔

جلسے میں لائے گئے مدرسے کے معصوم بچوں کے ہاتھوں میں جے یو آئی ف کے پرچم تھے، یہ بچے کراچی کے مختلف مدارس میں زیر تعلیم ہیں۔

یہ بھی پڑھیں:  کراچی: اپوزیشن جماعتوں کا جلسہ، مختلف علاقوں میں بد ترین ٹریفک جام

خیال رہے کہ گزشتہ روز شہرِ قائد میں اپوزیشن جماعتوں کی جانب سے یوم سیاہ کے موقع پر جلسے کے انعقاد کی وجہ سے مختلف علاقوں میں بد ترین ٹریفک جام ہو گیا تھا۔

جلسے کے باعث شارع فیصل، شاہراہ قائدین، کشمیر روڈ کے اطراف، گرومندر، گارڈن، سولجر بازار، لیاقت آباد، سوک سینٹر کے اطراف، ایم اے جناح روڈ، جیل چورنگی، صدر، پیپلز چورنگی، جمشید روڈ اور لکی اسٹار پر شدید ٹریفک جام رہا۔

ٹریفک جام کی وجہ سے گھنٹوں سے پھنسی سیکڑوں گاڑیوں کا ایندھن بھی ختم ہو گیا تھا، ایمبولینسز کو بھی راستہ نہیں مل سکا، کئی گھنٹوں سے سڑکوں پر پھنسے شہری بری طرح رُل گئے، جن میں خواتین اور بچے بھی شامل تھے۔

کراچی: پاکستان پیپلز پارٹی کے چیئرمین بلاول بھٹو زرداری نے کہا ہے کہ عوام کے حقوق کے تحفظ کے لیے آج ہم پھر سے ایک ہوگئے ہیں، جمہوریت خطرے میں ہے، کوئی ایک سیاسی جماعت پاکستان کے مسائل کا حل اکیلے نہیں نکال سکتی۔

ان خیالات کا اظہار بلاول بھٹو آج مزار قائد سے متصل باغ جناح کراچی میں یوم سیاہ کے موقع پر منعقد کیے گئے اپوزیشن کے جلسے سے خطاب میں کر رہے تھے۔

پی پی چیئرمین کا کہنا تھا کہ اس وقت صرف سیاست دان ہی نہیں بلکہ سیاست نشانے پر ہے، غربت نہیں غریب نشانے پر ہے، آج پارلیمان اور جمہوریت نشانے پر ہے، چند قوانین نہیں پورا آئین نشانے پر ہے۔

بلاول بھٹو نے کہا کہ گزشتہ سال 28 جولائی کو کراچی میں پارٹی میٹنگ بلائی تھی، اپوزیشن جماعتوں نے پارلیمنٹ کے بائیکاٹ کا فیصلہ کیا تھا، لیکن پیپلز پارٹی نے دھاندلی کے باوجود جمہوریت بچائی، ہم نے اپوزیشن کو کہا پارلیمنٹ میں آئیں، جمہوریت بچائیں۔

یہ بھی پڑھیں:  کراچی: اپوزیشن جماعتوں کا جلسہ، مختلف علاقوں میں بد ترین ٹریفک جام

انھوں نے مزید کہا کہ عمران خان نے کہا تھا صرف 6 ماہ دیں، پھر میں ہر چیز کا ذمہ دار ہوں گا، ہم نے ایک سال دیا ہے، ہر پاکستانی پریشان ہے، ملک تاریخی معاشی بحران سے گزر رہا ہے، سبسڈی چھین کر کسانوں کا معاشی قتل عام کیا جا رہا ہے۔

بلاول بھٹو نے 25 جولائی کو پاکستان کی تاریخ کا سیاہ ترین دن قرار دیتے ہوئے کہا کہ ہم حکومت کے خلاف علم بغاوت بلند کر رہے ہیں۔

انھوں نے کہا کہ ہم نے ن لیگ کے ساتھ میثاق جمہوریت پر دستخط کیے، پاکستان کا متفقہ آئین بھٹو شہید نے مفتی محمود دیگر کے ساتھ مل کر بنایا، لیکن آج جمہوریت خطرے میں ہے۔