Tag: پی ڈی ایم اے سندھ

کراچی: صوبائی ڈیزاسٹر مینجمنٹ اتھارٹی (پی ڈی ایم اے) نے ایک بار پھر بارشوں کا الرٹ جاری کر دیا۔

تفصیلات کے مطابق صوبائی ڈیزاسٹر مینجمنٹ اتھارٹی (پی ڈی ایم اے) نے بارشوں کا الرٹ جاری کرتے ہوئے آئندہ 48 گھنٹےمیں تیزبارش کا امکان ظاہر کیا ہے۔

پی ڈی ایم اے سندھ نے متعلقہ اداروں کو انتظامات کرنے کی ہدایت کر دی۔صوبائی ڈیزاسٹر مینجمنٹ اتھارٹی کا کہنا ہے کہ کراچی، حیدرآباد،ٹھٹھہ،بدین،شہید بینظیرآباد، دادو،تھرپارکر،ننگرپارکر،میرپورخاص،اسلام کوٹ، عمرکوٹ، سانگھڑ، سکھر اور لاڑکانہ ڈویژن میں بھی تیزبارش کا امکان ہے۔

کراچی،حیدرآباد، ٹھٹھہ ،میر پور خاص، بدین میں آج اور کل تیزبارش کا امکان ہے۔پی ڈی ایم اے سندھ کا کہنا ہے کہ ان شہروں میں تیز بارش کے باعث اربن فلڈنگ کا خدشہ ہے۔

سندھ میں آج سے پھر بارشوں کا امکان

واضح رہے کہ خلیج بنگال میں بننے والا بارشوں کا سسٹم بحیرہ عرب سے نمی لے کر زیریں سندھ پر اثر انداز ہوگیا ہے جس کے تحت آج شام کراچی میں بھی بارش ہوسکتی ہے۔

محکمہ موسمیات کے ترجمان نے کہا کہ زیریں سندھ میں یہ سسٹم بارشیں برسا رہا ہے اور مون سون کے ساتویں اسپیل کے آج شام کراچی میں داخل ہونے کا بھی امکان ہے۔

کراچی: پی ڈی ایم اے سندھ نے بارشوں سے صوبے میں ہونے والے نقصانات کی رپورٹ جاری کر دی۔

پی ڈی ایم اے سندھ کی جانب سے بارش سے ہونے والی نقصانات سے متعلق اعداد وشمار جاری کیے گئے ہیں جس کے مطابق بارشوں کے دوران جاں بحق افراد کی تعداد 28 ہوچکی ہے۔

رپورٹ میں بتایا گیا ہے کہ کراچی میں زخمیوں کی تعداد 2،جامشورو میں3،نوشہروفیروز میں ایک شخص زخمی ہوا، سکھر میں 11 جانور ہلاک، 132ایکڑ زمین پر فصلوں کو نقصان پہنچا۔

پی ڈی ایم اے سندھ کے مطابق کراچی میں11،نوشہروفیروز میں ایک،عمرکوٹ میں ایک گھرکو جزوی نقصان پہنچا،ضلع دادو تعلقہ جوہی کچے کے علاقےمیں پھنسے افراد کے لیے 6 موٹر بوٹس فراہم کی گئیں۔

رپورٹ میں بتایا گیا کہ 1000ٹینٹ،1000مچھر دانیاں،1000جیری کین انتظامیہ کو فراہم کیےگئے،1000واٹر کولر،1000کچن سیٹ انتظامیہ کو فراہم کیے جاچکے ہیں۔

پی ڈی ایم اے سندھ کی جانب سے جاری اعداد وشمار کے مطابق 1400 راشن بیگ انتظامیہ کو فراہم کیے جاچکے ہیں۔