Tag: پی ڈی ایم اے پنجاب

لاہور : عید کے دنوں میں موسم کے حوالے سے ہیٹ ویو الرٹ جاری کردیا گیا اور عوام کو غیر ضروری باہر نکلنے اور پانی کا استعمال بڑھانے کی ہدایت کی گئی ہے۔

تفصیلات کے مطابق پی ڈی ایم اے پنجاب نے عید کے ایام میں درجہ حرارت میں اضافے اور ہیٹ ویو سےمتعلق الرٹ جاری کردیا۔

ریلیف کمشنر پنجاب نبیل جاوید کی صوبہ بھر کے کمشنرز و ڈپٹی کمشنرز کو الرٹ رہنے کی ہدایات کرتے ہوئے کہا ضلعی انتظامیہ سمیت متعلقہ محکمے متوقع ہیٹ ویو کے پیش نظر الرٹ رہیں۔

پی ڈی ایم اے پنجاب نے ہیلتھ، ٹرانسپورٹ، لوکل گورنمنٹ، ریسکیو 1122 اور دیگر متعلقہ محکموں کو الرٹ جاری کیا ہے۔

موسم کی خبریں

ترجمان کا کہنا تھا کہ 7سے 12 جون تک پنجاب کےبڑے شہروں اور میدانی علاقوں میں درجہ حرارت بڑھنے اور ہیٹ ویو کے خدشات ہیں اور آئندہ چند روز میں درجہ حرارت میں غیر معمولی اضافے کا خدشہ ہے.

ترجمان نے خبردار کیا کہ 12 جون تک درجہ حرارت کے5سے 7ڈگری سینٹی گریڈ معمول سے زیادہ رہنے کا خدشہ ہے، اس دوران جنوبی ووسطی علاقوں میں گرمی کی شدت برقراررہے گی۔

مراسلے میں کہا گیا کہ شدید گرمی کے باعث گرد و غبار اور تیز ہواؤں کا بھی خدشہ، شہری احتیاطی تدابیر اختیار کریں،پی ڈی ایم اے

گرمی اور خشک موسمی حالات سے ہیٹ اسٹروک اورآبی ذخائر پر پانی کے دباؤ کا بھی امکان ہے اور گرمی کی شدت سے بالائی علاقوں میں برف پگھلنےکی رفتارمیں اضافہ ممکن ہے۔

مراسلے میں عوام کو غیر ضروری طور پر سورج کی روشنی سےبچنے اور پانی کا استعمال بڑھانے کی ہدایت کی گئی ہے۔

لاہور : پی ڈی ایم اے پنجاب نے آندھی ، طوفان سے ہونے والے 70 فیصد حادثات کی وجہ سولر پینلز کو قرار دے دیا۔

تفصیلات کے مطابق پی ڈی ایم اے پنجاب نے سولر پینلز کی تنصیب پرقواعد مرتب کرنے کیلئے مراسلہ جاری کردیا۔

پی ڈی ایم اے کی جانب سے محکمہ توانائی، بلدیاتی اداروں، کمشنرز اور ڈی سیز کو مراسلہ جاری کیا گیا۔

جس میں کہا گیا ہے کہ سولرپینلز کی تنصیب سے متعلق گائیڈلائنزجاری کی جائیں، گزشتہ دنوں آندھی ، طوفان سے 70 فیصد حادثات کی وجہ سولر پینلز یا ان سے وابستہ تنصیبات ہیں۔

مزید پڑھیں : پنجاب میں تیز آندھی سے مالی و جانی نقصانات میں اضافہ

غیرمعیاری طریقے سے نصب پینلز آندھی میں پولز سے گرے اور حادثات کی وجہ بنے۔

ڈی جی پی ڈی ایم اے کا کہنا تھا کہ پینلز کو حفاظتی تدابیرسےنصب کرایاجائے، مستقبل میں سولرپینلزکی تنصیب کومعیاری اورسرٹیفائیڈ بنایا جائے۔

مراسلے میں مزید کہا کہ پنجاب بھر میں نصب پینلز اور ڈھانچوں کا جائزہ لے کر ہدایات دی جائیں۔

اسلام آباد : پی ڈی ایم اے پنجاب نے آندھی اوربارشوں کا الرٹ جاری کردیا، جس میں ملک بیشتر علاقوں میں تیزہواؤں کے ساتھ بارش کی پیشگوئی کی گئی ہے۔

تفصیلات کے مطابق جڑواں شہروں راولپنڈی، اسلام آباد اور نواحی علاقوں میں کہیں ہلکی کہیں تیزبارش اور ٹھنڈی ہواوں سے موسم خوشگوار ہوگیا۔

لاہورمیں گلبرگ،مال روڈ، سمن آباد، اچھرہ اور دہگرعلاقوں میں ہلکی سے درمیانی بارش ہوئی، پسرور،ناروا ل اورگردونواح میں بارش سے گرمی کی شدت میں کمی آگئی۔

خیبرپختونخوا کے علاقوں ملاکنڈ اور لوئر دیر میں بھی بارش سے درجہ حرارت کم ہوگیا جبکہ ضلع مہمند کے مختلف علاقوں میں موسلا دھاربارش سے ندی نالوں میں طغیانی آگئی۔

موسم کی خبریں

محکمہ موسمیات نے آج سے بارہ مئی تک ملک بھرمیں گرج چمک کے ساتھ بارش کی پیش گوئی کردی، مغربی لہر بالائی اور وسطی علاقوں کو متاثر کرے گی۔

موسم کا حال بتانے والوں ملک کے وسطی، جنوبی حصوں میں بارش برسانے والی ہوائیں چلنےکی توقع ہے، جس کے باعث اسلام آباد، پشاورسمیت بیشترعلاقوں میں تیزہواؤں کے ساتھ بارش متوقع ہے جبکہ کشمیر، گلگت بلتستان میں بھی گرج چمک کیساتھ بارش اور ژالہ باری کا امکان ہے۔

کراچی میں گرمی کی شدت برقرار ہے، محکمہ موسمیات کے مطابق شہر میں اج پارہ اڑتیس ڈگری سنٹی گریڈ تک جانے کا امکان ہے۔

اسلام آباد : ملک کے مختلف شہروں میں ایک بار بھر ہیٹ ویو کا الرٹ جاری کردیا گیا، جس میں درجہ حرارت 44 سے 45 ڈگری تک جانے کا امکان ہے۔

تفصیلات کے مطابق ملک میں ایک بار پھرپارہ چڑھنے لگا، جس سے مختلف شہروں میں دوبارہ شدید گرمی کی لہر کا خطرہ ہے۔

پی ڈی ایم اے پنجاب کی جانب سے ہیٹ ویو کا الرٹ جاری کردیا گیا، محکمہ موسمیات نے کہا کہ صوبائی دارا لحکومت لاہور سمیت کئی شہر شدید گرمی کے نرغے میں ہیں۔

صوبے بھرمیں عیدالاضحیٰ تک موسم گرم اور خشک رہنے کا امکان ہے، لاہور میں زیادہ سے زیادہ درجہ حرارت بیالیس ڈگری ، بہاول پورمیں 45، سرگودھا اور فیصل آباد میں 44 ڈگری تک جانے کا امکان ہے۔

جہلم، ساہیوال، ملتان، ڈیرہ غازی خان میں پارہ تینتالیس سینٹی گریڈ تک جاسکتا ہے، اس دوران شہریوں کو احتیاط برتنےاوربلاوجہ گھروں سےنہ نکلنےکی ہدایت کی گئی ہے۔

موسم کاحال بتانے والوں کاکہنا ہےکہ صوبہ سندھ کےبھی بعض علاقے شدید گرمی کی لپیٹ میں رہیں گے، دادو اور موہنجو داڑو میں درجہ حرارت سینتالیس ڈگری کو چھوسکتا ہے۔

لاہور : رواں ماہ ہیٹ ویو کا الرٹ جاری کرتے ہوئے درجہ حرارت 45 ڈگری تک جانے کا امکان ظاہر کردیا گیا ہے۔

تفصیلات کے مطابق پی ڈی ایم اے پنجاب نے رواں ماہ ہیٹ ویو کا الرٹ جاری کردیا، جس میں کہا ہے کہ مئی میں درجہ حرارت45 ڈگری تک جانے کاامکان ہے۔

ترجمان کا کہنا ہے کہ 21 سے 27 مئی تک بڑے شہروں اور میدانی علاقوں میں ہیٹ ویوکےخطرات ہیں۔

ڈی جی پی ڈی ایم اے نے کہا کہ وزیراعلیٰ پنجاب کی ہدایت کے مطابق ضلعی انتظامیہ کو الرٹ جاری کر دیا، پنجاب بھرمیں ضلعی انتظامیہ کو موسمی صورت حال سے آگاہ کر دیا ہے۔

گذشتہ روز بارشوں اور طوفان کاالرٹ جاری کیا گیا تھا، جس میں شہریوں کو احتیاط برتنے کا مشورہ دیا گیا۔

پی ڈی ایم اے پنجاب کے ترجمان کا کہنا تھا کہ 18مئی تک پنجاب کےبیشتر اضلاع میں گرج چمک کے ساتھ بارش ہو سکتی ہے، لاہور، راولپنڈی ، مری، گلیات،جہلم ودیگرشہروں میں تیزہواؤں کےساتھ بارش ہوسکتی ہے۔

لاہور : رواں ہفتے ہیٹ ویو، بارشوں اور طوفان کی پیش گوئی کے پیش نظر الرٹ جاری کردیا گیا، مختلف شہروں میں طوفانی بارش کا امکان ہے۔

تفصیلات کے مطابق پی ڈی ایم اے پنجاب نے رواں ہفتے ہیٹ ویو، بارشوں اور طوفان کا الرٹ جاری کردیا۔

ترجمان نے بتایا کہ 8 سے 10 مئی پنجاب میں درجہ حرارت میں 3 سے 5 ڈگری اضافے کا امکان ہے اور پنجاب کے بیشتر اضلاع میں گرد آلود ہوائیں، گرج چمک کے ساتھ بارش ہو سکتی ہے۔

10 اور 11 مئی سےجنوبی پنجاب کےاضلاع میں طوفانی بارش کا امکان ہے، ترجمان پی ڈی ایم افصلوں کو طوفان سے نقصان پہنچنے کا خدشہ ہے۔

پی ڈی ایم اے نے عوام سے اپیل کی ہے کہ دوپہر کے وقت کام کرنے والےلو سے بچنے کا اہتمام کریں۔

اس حوالے سے محکمہ صحت ، آبپاشی ،تعمیرومواصلات،لوکل گورنمنٹ ،لایئواسٹاک ودیگرکو الرٹ جاری کردیا ہے۔

دوسری جانب محکمہ موسمیات نے بتایا کہ کراچی میں آج بھی موسم گرم اورمرطوب رہےگا، دن میں درجہ حرارت36 سے38 ڈگری سینٹی گریڈ تک رہےگا۔