Tag: چئیرمین پی سی بی

لاہور: چئیرمین پی سی بی شہریار خان کا کہنا ہے کہ بھارت سے سیریز کا آغاز نیوٹرل وینیو پر ہی ہوگا۔

 پاک بھارت سیریز کی بحالی اور نشریاتی حقوق کے معاملے کے حل کیلئے چئیرمین پی سی بی شہریار خان نے مودی حکومت کے اہم وزیر ارون جیٹلی سے ملاقات کی، ارون جیٹلی کے پاس وزیر خزانہ کے ساتھ ساتھ بھارت کے اطلاعات ونشریات کا بھی قلمندان ہے۔

 بھارتی چینل کو دیئے گئے انٹرویو میں چئیرمین پی سی بی شہریار خان کا کہنا تھا کہ سیریز کیلئے نشریاتی حقوق کا معاملہ جلد حل کرلیا جائے گا۔

بھارت سے سیریز کا آغاز نیوٹرل وینیو پر ہی ہوگا، امید ہے بھارتی حکومت سیریز کی کلئیرنس دے دی گی۔

کراچی: چیئرمین پی سی بی شہریار خان کا کہنا ہے کہ پاکستان کا دورہ کرنے والی غیر ملکی ٹیم اب کراچی میں کھیلیں گی،انکا کہنا تھا کہ دوعہدوں پر کام کرنے والوں کے حوالے سے فیصلہ سات جنوری سے پہلے ہوگا۔

چیئرمین پی سی بی شہریار خان کراچی کے مختلف کرکٹ اسٹیڈیمز کا دورہ کرتے اصغر علی شاہ اسٹیڈیم پہنچے تو انکا پرتپاک استقبال کیا گیا، انکا کہنا ہے کہ اگلی مرتبہ غیر ملکی ٹیم کراچی میں کھیلیں گے، دو عہدوں کے معاملے پر چیئرمین پی سی بی نے کہا کہ اس سلسلے میں حتمی فیصلہ سات جنوری سے پہلے کرلیا جائیگا۔

شہریار خان کا کہنا تھا کہ پی سی بی خواتین کرکٹ کے فروغ کیلئے کراچی سمیت ملک بھر کےدیگر شہروں میں گراؤنڈ قائم کرے گی جہاں ویمنز ٹیمیں بلا خوف و خطر کھیل سکیں گی۔

لاہور: چیئرمین پی سی بی شہریار خان نے کہا ہے کہ پاکستان ہاکی ٹیم کے بھارت میں ہونے والے تنازعہ کے بعد پاک بھارت کرکٹ سیریز میں مشکلات پیش آنے کا خدشہ ہے۔

قذافی اسٹیڈیم میں میڈیا سے گفتگو کرتے ہوئے شہریار خان نے کہا کہ پاکستان میں انٹرنیشنل کرکٹ کی بحالی کی ابتدا کینیا کرکٹ ٹیم کی آمد سے ہو چکی ہے۔ آئندہ دو سے تین سال میں مزید غیر ملکی ٹیمیں پاکستان کا دورہ کریں گی۔

لاہور: پاکستان کرکٹ بورڈ کے چیئرمین شہریار خان کا کہنا ہےکہ سری لنکا اور بنگلادیش کی ٹیموں نے پاکستان آنے پر غیر مشروط رضامندی ظاہر کردی ہے، دو ہزار پندرہ سے ٹیمیں پاکستان کا آنا شروع ہوجائیں گی۔

چیئرمین پی سی بی نے میڈیا سے بات کرتے ہوئے کہا کہ ایشیائی ممالک کا دورہ کامیاب رہا، سری لنکا اور بنگلادیش نے پاکستان آکر کھیلنے پر رضا مندی ظاہر کردی ہے، امید ہے دوہزار پندرہ سے ٹیمیں پاکستان آنا شروع ہوجائیں گی۔

شہریار خان نے کہا کہ بھارتی بورڈ کے صدر سری نیواسن نے بتایا کہ بار بار سیریز کھیلنے کے لئے حکومت کی اجازت کی ضرورت نہیں۔

چئیرمین پی سی بی نے کہا کہ اجمل کے ایکشن میں بہتری آرہی ہے، امید ہے وہ ورلڈ کپ میں ٹیم کا حصہ ہوں گے۔

محمد عامر کے مستقبل کے حوالے سے چئیرمین پی سی بی نے کہا کہ آئی سی سی کے چیئرمین نے یقین دہانی کرائی ہے کہ اگر قانون میں تبدیلی ہوئی تو عامر کے لئے ان سے جو کچھ ہوا وہ کریں گے۔