اسلام آباد: وزیر انسانی حقوق شیریں مزاری کا کہنا ہے کہ چائلڈ لیبرکے خاتمے کے لئے وزارت میں ہیلپ لائن قائم کردی ہے.
ان خیالات کا اظہار شیریں مزاری نے چائلڈ لیبر پر قومی سروے کے اجرا کی تقریب سے خطاب کرتے ہوئے کیا.
ان کا کہنا تھا کہ پی ٹی آئی کا منشور بچوں کے حقوق کی ترجمانی کرنا ہے، چائلڈ لیبر کے خاتمے کے لئے ٹھوس اقدامات کر رہے ہیں.
شیریں مزاری نے مزید کہا کہ اس مسئلے کے سدباب کے لیے ہیلپ لائن قائم کی ہے، ہم ہربچے کی اسکول میں رسائی،تعلیم کا حصول یقینی بنائیں گے.
وزیر برائے انسانی حقوق کا کہنا تھا کہ عوام میں چائلڈ لیبر کے خاتمے کے لئے آگاہی پیدا کرنا ہوگی، مسئلہ قوانین کا نہیں بلکہ ان پر عمل درآمد کو یقینی بنانے کا ہے.
مزید پڑھیں: میں حیران ہوں بلاول بھٹو نے بھارتی مؤقف بیان کیا: شیریں مزاری
یاد رہے کہ چائلڈ لیبر ترقی پذیر ممالک کا ایک گمبھیر مسئلے ہے، جس کے سدباب کے ماہرین مربوط اقدامات کا مطالبہ کرتے ہیں.
خیال رہے کہ 22 مارچ 2019 نے شیریں مزاری نے چیئرمین پیپلزپارٹی بلاول بھٹؤ کو شدید تنقید کا نشانہ بناتے ہوئے کہا تھا کہ بلاول بھٹو عدالتوں میں پیشیوں پر غصے میں ہیں، وہ سمجھتے تھے کہ جعلی اکاؤنٹس غلط ہیں تو کیوں پیچھے نہیں ہٹے، جعلی اکاؤنٹس کا پیسا کیوں استعمال کرتے رہے انھوں نے کمپنی کے دستاویز پر دستخط کیے۔
