Tag: چار افراد ہلاک

سینٹیاگو:جنوبی چلی میں طیارہ گرکر تباہ ہوگیا،حادثے میں خاتون سمیت چار افراد ہلاک ہوگئے۔

تفصیلات کےمطابق چلی ایوی ایشن حکام نےخدشہ ظاہرکیاہےکہ نجی ائیرلائن کایہ طیارہ خراب موسم کے باعث گرکرتبا ہوا۔

حادثےمیں خاتون سمیت چار افراد ہلاک ہوگئے،جبکہ حادثے میں پائلٹ کے بچ جانے کی متضاد اطلاعات سامنے آرہی ہیں۔

امدادی رضاکاروں نے جائے وقوع پر پہنچ کرامدادی سرگرمیاں شروع کردی اور پولیس نے شواہد اکٹھاکرکے تفتیش شروع کردی ہے۔

مزید پڑھیں:شام جانے والا روسی فوجی طیارہ گرکرتباہ،92افراد ہلاک

یاد رہےکہ گزشتہ ماہ روسی فوجی جہاز سمندر میں گر کر تباہ ہوگیاتھا،جس کے نتیجے میں اہلکاروں، آرمی میوزک بینڈ اور صحافیوں سمیت 92 افراد جاں بحق ہوگئےتھے۔

طیارے میں سوار تمام افراد سال نو کا جشن منانے شام کےشہرلتاکیہ میں روسی ائیر بیس جارہےتھے مگر بدقسمت طیارہ حادثے کا شکار ہوگیا اور اس میں سوار تمام ہی لوگ ہلاک ہوگئے۔

مزید پڑھیں:سائبیریامیں روسی ہیلی کاپٹرگرکر تباہ،19افراد ہلاک

واضح رہے کہ اس سے قبل گزشتہ سال اکتوبر میں سائبیریا کے شمال مغربی علاقے میں خراب موسم کی وجہ سے ہیلی کاپٹر گرکرتباہ ہونے سے 19افراد ہلاک ہو گئےتھے۔

شکاگو:امریکہ کے شہر شکاگو میں ایک مکان سے چار افراد کی لاشیں برآمد ہوئی ہیں جنہیں فائرنگ کرکے قتل کیا گیا۔

تفصیلات کےمطابق امریکی شہر شکاگو میں چار افراد کو فائرنگ کر کے ہلاک کیا گیا،مرنے والوں میں دو خواتین اور دو مرد شامل تھے۔

فائرنگ کے واقعے میں ایک خاتون شدید زخمی ہوئیں جنہیں انتہائی تشویش ناک حالت میں اسپتال منتقل کردیاگیا۔

جائے وقوعہ پرملنے والےایک دوسال کے لڑکےکوبھی طبی معائنے کےلیےاسپتال منتقل کردیاگیاہےتاہم خوش قسمتی سےلڑکے کوگولی نہیں لگی ہے۔

شکاگو پولیس حکام کاکہناہےکہ فائرنگ کرنے والے کاتاحال پتانہیں چل سکاہے،جبکہ اس واقعےکی ابھی مزید تفتیش جاری ہے۔

مزید پڑھیں:امریکی شہرلاس اینجلس میں فائرنگ،3افرادہلاک

خیال رہے کہ رواں سال اکتوبر میں امریکی ریاست لاس اینجلس کے ایک ریسٹورنٹ میں پارٹی جاری تھی،جس دوران فائرنگ کا واقعہ پیش آیاتھا،جس میں تین افراد ہلاک اور متعدد افراد زخمی ہوگئےتھے۔

مزید پڑھیں:کیلی فورنیا میں پولنگ بوتھ پر فائرنگ‘ دو ہلاک

یاد رہے کہ گزشتہ ماہ امریکی ریاست کیلی فورنیا کے شہر ازوسا میں پولنگ بوتھ کے باہر فائرنگ کا واقعہ پیش آیاتھا،جس میں حملہ آور اور ایک شخص ہلاک جبکہ تین زخمی ہوگئے تھے۔

واضح رہے کہ امریکہ میں گزشتہ چند ماہ کے دوران فائرنگ کے واقعات میں اضافہ ہوا ہے،جس میں اب تک درجنوں افراد جان کی بازی ہارچکے ہیں۔

حلب : شام کے شہر حلب میں طبی امداد فراہم کرنے والی فرانسیسی تنظیم کے طبی مرکز پر بمباری کے نتیجے میں چار افراد ہلاک ہو گئے۔

تفصیلات کے مطابق انٹرنیشنل یونین آف میڈیکل کیئر اور ریلیف آرگنائزیشن نے کہا ہے کہ منگل کی شب شمالی شام کے شہر حلب کے جنوبی قصبے خان طومان میں باغیوں کے علاقے میں ایک طبی مرکز پر حملہ ہوا ہے جس میں مرکز کی عمارت تباہ ہوگئی۔

علاقے میں گروپ کے اسپتالوں کے ڈائریکٹر احمد دباس نے ایک بیان میں کہا’عمارت تین منزلہ تھی جس میں بیسمنٹ بھی تھی لیکن بمباری کے سبب عمارت پوری طرح زمیں بوس اور مکمل طور پر تباہ ہو گئی ہے۔‘

برطانیہ میں قائم سیریئن آبزرویٹری فار ہیومن رائٹس نے کہا ہے کہ حملے میں 13 افراد ہلاک ہوئے ہیں جن میں چار نرسیں اور طبی عملے اور نو باغی شامل ہیں۔ان کے مطابق یہ باغی القاعدہ سے منسلک گروپ ’فتح الشام فرنٹ‘ سے تعلق رکھتے تھے۔

یاد رہے کہ اس سے قبل پیر کو شام کے شہر حلب کے قریب اقوامِ متحدہ کے امدادی قافلے کو نشانہ بنایا گیا تھا جس میں 20 افراد ہلاک ہوئے جبکہ سامان سے بھرے 31 میں سے 18 ٹرک تباہ ہو گئے تھے۔

امریکہ نے شام میں اقوامِ متحدہ کے امدادی قافلے پر حملے کی ذمہ داری روس پر عائد کی تھی۔

جبکہ اقوامِ متحدہ کے سیکریٹری جنرل بان کی مون نے شامی حکومت پر تنقید کرتے ہوئے کہا تھا کہ پانچ سالہ خانہ جنگی میں اس نے زیادہ تر اپنے شہریوں کو ہلاک کیا ہے۔

واضح رہے کہ اقوامِ متحدہ کی جنرل اسمبلی سے اپنے آخری خطاب میں بان کی مون کا کہنا تھا کہ جو بھی شام میں ایک دوسرے سے جنگ لڑنے والوں کی حمایت کرتا ہے ان کے ہاتھوں پر بھی خون لگا ہوا ہے۔

بارسلونا : اسپین کے جنوب مغربی علاقےمیں او پورینو کے قریب ٹرین پٹری سے اتر جانے سے کم از کم چارافرادجان کی بازی ہارگئے۔

تفصیلات کےمطابق پرتگالی ٹرین میں 60 مسافر سوار تھے جب وہ جمعے کو مقامی وقت کے مطابق صبح ساڑھے نو بجےمقامی ریلوے اسٹیشن کے قریب پٹری سے اتر گئی۔

حادثے میں ایک بوگی پٹری سے مکمل طور پر اتر گئی جبکہ دو جزوی طور پر اتریں۔حادثے کی بعد علاقے میں امدادی کارروائیوں کا آغازکردیا گیا۔

خیال رہے کہ جولائی 2013 میں سپین کے اسی علاقے میں ٹرین کا بدترین حادثہ پیش آیا تھا جب تیز رفتار ٹرین سان تیاگو ڈی کومپوستیلا کے قریب پٹری سے اتر گئی تھی۔

اس حادثے میں 79 افراد ہلاک اور 170 کے قریب زخمی ہوئے تھے اور حادثے کی وجہ ایک موڑ سے قبل ڈرائیور کی جانب سے بریک لگانے میں ناکامی بتائی گئی تھی۔

جمعے کو ہونے والے حادثہ بظاہر ایک موڑ کے دوران ٹرین کے ایک پل کے حصے سے ٹکرانے کے دوران پیش آیا۔ہلاک ہونے والوں میں ٹرین کا پرتگالی ڈرائیور بھی شامل ہے۔

مزید پڑھیں: اٹلی میں دو مسافر ٹرینیں ٹکرانے سے 23افراد ہلاک

یاد رہے کہ رواں سال جولائی میں اٹلی کے جنوبی علاقے میں دو مسافر ٹرینوں میں ٹکر کے نتیجے میں کم از کم 23 افراد جاں بحق اور درجنوں زخمی ہو گئے،حادثہ کوراٹو اور اینڈریا کے علاقوں کے درمیان پیش آیا تھا۔

واضح رہے کہ حادثے میں زخمی ہونے والوں کی صحیح تعداد تاحال واضح نہیں ہے تاہم بہت سارے افراد حادثے کا شکار ہونے والی ٹرین سے باہر نکلنے میں کامیاب رہے۔