لاہور: صوبہ پنجاب کے دارالحکومت لاہور میں پولیس مقابلے کے دوران 4 ڈاکومارے گئے۔
تفصیلات کے مطابق پولیس کو اطلاع ملی ہے کہ تھانہ ہربنس پورہ کی حدود میں قبرستان کے قریب ڈاکو شہریوں سے لوٹ مار کررہے ہیں۔
پولیس جب جائے وقوعہ پر پہنچی تو ڈاکوؤں نے پولیس کو دیکھتے ہی فائرنگ شروع کردی،پولیس کی جوابی فائرنگ میں 4 ڈاکو ہلاک ہوگئے۔
پولیس حکام کے مطابق ڈاکوؤں کے قبضے سے 4 پستولیں برآمد ہوئی ہیں اور ان کی لاشوں کو اسپتال منتقل کردیا گیا ہے۔
شیخوپورہ میں پولیس مقابلہ‘3ملزمان ہلاک
یاد رہے کہ رواں سال مئی میں شیخوپورہ کےعلاقے صفدر آباد میں بچےکواغوااورزیادتی کے بعد قتل کرنے کےمقدمےمیں ملوث تین ملزمان پولیس مقابلے میں ہلاک ہوگئے تھے۔
پولیس حکام کےمطابق خفیہ اطلاع پر قتل کے الزام میں مطلوب ملزمان کی موجودگی پر چھاپا مارا تو پولیس کو دیکھتے ہی ملزمان نے فائرنگ کردی تھی،پولیس کی جوابی کارروائی میں تینوں ملزمان ہلاک ہوگئے تھے۔
لاہور میں مبینہ پولیس مقابلہ ‘4ملزمان ہلاک
واضح رہے کہ رواں سال فروری میں لاہورمیں پولیس کے مبینہ مقابلے میں چار ملزمان ہلاک ہوگئے تھے۔
